شينحۋا اگەنتتىگىنىڭ 5 - ايدىڭ 24 - كۇنى بەيجيڭنەن بەرگەن حابارى. پارتيا ورتالىق كوميتەتىنىڭ بەكىتۋىمەن، ورتالىق كوميتەت پارتيا تاريحىن جانە حۇجات زەرتتەۋ ورنى قۇراستىرىپ جازعان «ماركسيزمدى جۇڭگوشالاندىرۋدىڭ 100 جىلدىق ءىرى ىستەر ەستەلىگى (1921 − 2021 - جىل)» جاقىندا ورتالىق حۇجات باسپاسىنان باسپادان شىعىپ تاراتىلدى.
«ءىرى ىستەر ەستەلىگىندە» جىلنامالىق ۇلگى قولدانىلىپ، ەگجەي - تەگجەيلى حۇجاتتىق ماتەريالدار ارقىلى ماۋ زىدۇڭ جولداس باستى ۋاكىل بولعان جۇڭگو كوممۋنيستەرىنىڭ ماركسيزم - لەنينيزمدى جاسامپازدىقپەن قولدانىپ جانە دامىتىپ، ماۋ زىدۇڭ يدەياسىن ورناتىپ، ماركسيزمدى جۇڭگوشالاندىرۋدىڭ العاشقى تاريحي شارىقتاۋىن جۇزەگە اسىرعان تاريحي ءۇردىسى مەن نازاريالىق ۇلەسى جالپى بەتتىك باياندالدى؛ دىڭ شياۋپيڭ جولداس باستى ۋاكىل بولعان جۇڭگو كوممۋنيستەرىنىڭ، جياڭ زىمين جولداس باستى ۋاكىل بولعان جۇڭگو كوممۋنيستەرىنىڭ، حۋ جينتاۋ جولداس باستى ۋاكىل بولعان جۇڭگو كوممۋنيستەرىنىڭ جاڭا اماليات پەن داۋىرلىك ەرەكشەلىكتى شىعار ءتۇيىن ەتىپ، ماركسيزمگە تاباندى بولىپ جانە ونى دامىتىپ، جۇڭگوشا سوتسياليزم نازاريا جۇيەسىن قالىپتاستىرىپ، ماركسيزمدى جۇڭگوشالاندىرۋدىڭ تىڭ شارىقتاۋىن جۇزەگە اسىرعان تاريحي ءۇردىسى مەن نازاريالىق ۇلەستەرى جالپى بەتتىك باياندالدى؛ پارتيا 18 - قۇرىلتايىنان بەرى شي جينپيڭ جولداس باستى ۋاكىل بولعان جۇڭگو كوممۋنيستەرىنىڭ پارتيا قۇرىلعاننان بەرگى تاريحي تاجىريبەلەردى تەرەڭ قورىتىندىلاپ جانە تولىق قولدانىپ، جاڭا ءىس جۇزىندىكتى شىعار ءتۇيىن ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ورناتىپ، ماركسيزمدى جۇڭگوشالاندىرۋدىڭ تىڭ شارىقتاۋىن جۇزەگە اسىرعان تاريحي ءۇردىسى مەن نازاريالىق ۇلەستەرى ءتۇيىندى بەينەلەندى. بۇل كىتاپ ماركسيزمدى جۇڭگوشالاندىرۋدىڭ تامىرلاس بولۋمەن بىرگە، داۋىرمەن بىرگە ىلگەرىلەگەن نازاريالىق قاسيەتى مەن قۇندى تاجىريبەسىن جالپى بەتتىك بەينەلەدى.
«ءىرى ىستەر ەستەلىگىنىڭ» رەداكسيالانىپ باسپادان شىعارىلۋى قالىڭ پارتيا مۇشەلەرىنىڭ، كادرلاردىڭ، بۇقارانىڭ شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتى ىلگەرىلەتۋ يدەيالىق سانالىلىعىن، ساياسي سانالىلىعىن، ارەكەت سانالىلىعىن كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، قاجىرلىلىقپەن ىستەپ، قايسارلىقپەن العا ىلگەرىلەپ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جاساۋىنا سەپتىگىن تيگىزەدى!
