□ شينحۋا اگەنتتىگىنىڭ ءتىلشىسى ۋاڭ جى
باس شۋجي شي جينپيڭ 2013 - جىلى 11 - ايدىڭ 27 - كۇنى شاندۇڭدا قىزمەت تەكسەرگەن كەزىندە، جينان قالالىق سىرتتان كەلىپ جۇمىس ىستەۋشىلەرگە جالپىلىق قىزمەت وتەۋ ورتالىعىنا بارىپ، تەرەزەلىك ورىندارداعى قىزمەتكەرلەرمەن جانە جۇمىس بىتىرۋگە كەلگەن شارۋا جۇمىسشىلارمەن ىقىلاستى اڭگىمەلەستى. سول كەزدە ءۇي جۇمىستارىنان قىزمەت وتەيتىن ءبىر توپ ”مەيىربان اپايلار“ باس شۋجيدىڭ جانىنا كەلىپ امانداسقاندا، جو چاڭلي سولاردىڭ اراسىندا بولاتىن. تومەندەگى ونىڭ ءوز بايانداۋى مەن جۇرەك ءسوزى −
مەن بۇرىن جۇمىستان بوساعان ايەل جۇمىسشى بولاتىنمىن، كەيىن اپەكە - سىڭلىلەرىممەن بىرگە ءۇي جۇمىستارىنان قىزمەت وتەۋ ارقىلى قايتالاي جۇمىستاندىم. باس شۋجي شي جينپيڭنىڭ تاپسىرماسىن بەتپە - بەت تىڭداۋ مەنىڭ ويىم تۇگىل، تۇسىمە دە كىرمەگەن بولاتىن.
باس شۋجي بىزگە ”ءۇي جۇمىستارىنان قىزمەت وتەۋدىڭ بولاشاعى نۇرلى، ادالدىقتى نەگىز ەتۋگە تاباندى بولىپ، ماماندانۋ ورەسىن جوعارىلاتىپ، باسقالارعا دا، وزىمىزگە دە قولايلىلىق جاراتۋىمىز كەرەك“، - دەدى، بۇل سوزدەردى ەستىپ جۇرەگىم بىردەن مەيىرگە بولەندى.
”ءۇي جۇمىستارىنان قىزمەت وتەۋدىڭ بولاشاعى نۇرلى“ − بۇل تۇراقتاندىرۋ، ونان دا ماڭىزدىسى، تاپسىرما بولدى.
كەزىندە قوعامدا ءۇي جۇمىستارىنان قىزمەت وتەۋشى دەگەن ”كۇتۋشى“، ءتىپتى، ەلدەن كەم سانالاتىن ادامدار دەگەن كوزقاراس جالپى بەتتىك ءومىر ءسۇرىپ كەلگەن بولاتىن. باس شۋجيدىڭ ءبىر اۋىز ءسوزى ءبىزدىڭ كاسىپپەن شۇعىلدانۋ كوزقاراسىمىزدى وزگەرتتى.
اسىرەسە، جاقىنعى جىلداردان بەرى ”ماماندانۋ ورەمىزدى جوعارىلاتۋ“ ءۇشىن، ءبىز كاسىپتىك باۋلۋ مەكتەبىن، كاسىپتىك ورتا تەحنيكۋم قۇردىق، سونداي - اق بۇكىل ەلدەگى 800 نەشە مەكتەپپەن سەلبەستىك ورناتىپ، وقىپ جاتقان جوعارى مەكتەپ وقۋشىلارىن ماماندىق شەبەرلىك ۇيرەنۋگە ۇيىمداستىردىق. جوعارى، ورتا تەحنيكۋمداردان وقۋ تاۋىسقان وقۋشىلار ءۇي جۇمىستارىنان قىزمەت وتەۋ كاسىبىمەن شۇعىلدانىپ، ولاردىڭ جۇمىستانۋ ماسەلەسى شەشىلىپ قالماستان، بىزگە جاڭا ”قان“ قوسىلىپ، كاسىپتىڭ تيبىن وزگەرتىپ، دارەجەسىن جوعارىلاۋىن جەبەدى.
قازىر ”مەيىربان اپايلار“ جيناننان بۇكىل ەلگە بەت الىپ، ءۇي جۇمىستارىنان قىزمەت وتەۋشىلەر قوسىنى 70 نەشە مىڭ ادامعا مولايىپ، كولەمى 2013 - جىلداعىدان 3 ەسەدەن استام كەڭەيدى. كوپتەگەن جوعارى دارەجەلى ءۇي جۇمىستارىنان قىزمەت وتەۋشىلەر بوبەك باعۋشى، قورەكتىك مامانى سياقتى تولىمدىلىق كۋالىكتەرى ەمتيحاندارىنان ءوتىپ، شىن مانىندە ”تەحنيكالىق جۇمىس“ ىستەيتىن بولدى. اسىرەسە، مەنى ماقتانىش سەزىمىنە بولەيتىنى، كەزىندە جۇمىستان بوساعان كوپتەگەن ايەل جۇمىسشىلار مەملەكەتتىك جەلەكتىلەر ءۇي جۇمىستارىنان قىزمەت وتەۋ كاسىپ كەلبەتى جارىسىنىڭ اعا جۇلدەگەرلىگىن الىپ، مەملەكەتتىك جەلەكتىلەر ەسە قوسۋ ۇلگىسى داڭق اتاعىنا يە بولدى.
مەن باس شۋجيدى كورگەن سول كۇنى كيگەن قىزىل سارى رەڭدى جۇمىس كيىمىمدى الىگە دەيىن قاستەرلەپ ساقتاپ كەلەمىن. مەنىڭ كوڭىلىمدە ول بۇرىن كيىپ شىعۋ ”ەلدەن ۇيات“ جۇمىس كيىمى ەدى، قازىر مەن بۇل كاسىپتىڭ قۇنى مەن داڭق سەزىمىن سەزىندىم.
2018 - جىلى مەملەكەتتىك ەكى ءماجىلىس كەزىندە، باس شۋجي شي جينپيڭ شاندۇڭ ۋاكىلدەر ۇيىرمەسىنىڭ باياندامانى قاراۋىنا قاتىناستى. مەن مەملەكەتتىك حالىق قۇرىلتايىنىڭ ۋاكىلى رەتىندە، باس شۋجيگە بەتپە - بەت ”مەيىربان اپايلاردىڭ“ جاقىنداعى جىلداردان بەرگى دامۋ جاعدايىن مالىمدەۋ ورايىنا يە بولدىم. سول كۇنى مەن قىزىل سارى رەڭدى جۇمىس كيىمىمدى تاعى كيىپ الدىم.
باس شۋجي تىڭداعاننان كەيىن قۋانىشپەن: ”ءۇي جۇمىستارىنان قىزمەت وتەۋ ’مەيىربان اپايلار‘ دەگەن ات سياقتى گۇلدەنۋگە بەتتەگەن كاسىپ، ول اۋىل - قىستاقتان قالاعا كىرىپ جۇمىس ىستەۋشىلەردىڭ جۇمىستانۋ قاجەتىن قاناعاتتاندىرۋمەن بىرگە، قالالارداعى وتباسىلارىنىڭ بالا باعۋ، قارتتاردى كۇتۋ سىندى رەال قاجەتتەرىن دە قاناعاتتاندىردى، ءوزارا تيىمدىلىك جەتكىزىپ، تەڭ يگىلىككە كەنەلەتىن بۇل قىزمەتتى ناقتى، جاقسى ىستەپ، مەيىر ينجەنەرياسى ەتۋ كەرەك“، - دەدى.
باس شۋجيمەن ەكى رەت اڭگىمەلەسكەنىمدى ماڭگى ۇمىتپايمىن. مەنىڭ ول كىسىگە: ”باس شۋجي، ءسىز بىزگە ءۇي جۇمىستارىنان قىزمەت وتەۋدى ءبىر كاسىپ رەتىندە ىستەۋدى تاپسىردىڭىز، ءبىز، ءسوز جوق، ەستە بەرىك ساقتاپ، ىستەگەن سايىن تەبىندەي تۇسەمىز“، - دەگىم كەلەدى.
(شينحۋا اگەنتتىگىنىڭ 5 - ايدىڭ 23 - كۇنى جيناننان بەرگەن حابارى)
