اۆتونوميالى رايوننىڭ جىبەك جولى ەكونوميكالىق بەلدەۋى وزەكتى رايونىنىڭ جوعارى ساپالى دامۋىن ىلگەرىلەتۋ قىزمەتى ءماجىلىسى اشىلدى
تۇيىندەردەن قامال الۋ ارقىلى وزەكتى رايون قۇرىلىسىنىڭ تۇتاس تۇلعالىق ىلگەرىلەۋىنە جەتەكشىلىك ەتىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن كۇش سالا تۇلعالاۋ كەرەك
ما شيڭرۇي ءسوز سويلەدى، ەركىن تۇنياز باسقاردى، نۇرلان ءابىلماجىن، لي يفي، حى جۇڭيوۋ قاتىناستى
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 24 - كۇنى ۇرىمجىدەن حابارلايدى. اۆتونوميالى رايوننىڭ جىبەك جولى ەكونوميكالىق بەلدەۋى وزەكتى رايونىنىڭ جوعارى ساپالى دامۋىن ىلگەرىلەتۋ قىزمەتى ءماجىلىسى 5 - ايدىڭ 24 - كۇنى تۇستەن كەيىن ۇرىمجىدە اشىلدى.
اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايون باسشىلارىنان نۇرلان ءابىلماجىن، لي يفي، حى جۇڭيوۋ قاتارلىلار ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن وزەكتى رايون قۇرىلىسىن ويداعىداي ىستەۋ قىزمەتى جونىندە ناقتى ورنالاستىرۋ جاسادى.
ما شيڭرۇي بىلاي دەپ اتاپ كورسەتتى: باس شۋجي شي جينپيڭنىڭ ”ءبىر بەلدەۋ، ءبىر جولدى“ بىرگە قۇرۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، شينجياڭنىڭ وڭىرلىك ورىن ابزالدىلىعىن ساۋلەلەندىرىپ، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن تۇتقا ەتىپ، وزەكتى رايوننىڭ جوعارى ساپالى دامۋىن كۇش سالا ىلگەرىلەتىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن تۇلعالاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
ما شيڭرۇي ناتيجەنى قورىتىندىلاپ، جاعدايعا تالداۋ جاساپ، سەگىز جاقتان ءۇرتىس كۇش سالىپ، تۇيىندەردەن قامال الۋ ارقىلى وزەكتى رايون قۇرىلىسىنىڭ تۇتاس تۇلعالىق ىلگەرىلەۋىنە جەتەكشىلىك ەتۋدى العا قويدى: ءبىرىنشى، ءۇرىمجى حالىقارالىق قۇرلىقتىق پورت رايونى قۇرىلىسىن كۇش سالا ىلگەرىلەتىپ، ءۇرىمجىنىڭ وزەكتى رايون قۇرىلىسىنداعى جەتەكشىلىك رولىن جوعارىلاتۋ. ”ءبىردى ورتالىق توراپ، ءۇشتى تىرەك تياناعى ەتكەن“ جۇڭگو − ەۆروپا كەزەكشى پويەزى توراپتىق جۇيەسىن قۇرىپ، بىرلەسىپ ارەكەتتەنەتىن شوعىرلى دامۋدى ىلگەرىلەتىپ، توراپتىق ەكونوميكانى ساپالىلاندىرىپ، كۇشەيتىپ، باتىستى بەتكە العان حالىقارالىق زات اينالىمى ۇلكەن ارناسىنىڭ ىركىلىسسىز بولۋىن قامتاماسىز ەتۋ كەرەك. ەكىنشى، قاشقار، قورعاس ەكونوميكالىق اشۋ رايونىنىڭ جوعارى ساپالى دامۋىن كۇش سالا ىلگەرىلەتىپ، وزەكتى رايوننىڭ ەكى ماڭىزدى تىرەك تياناعىن قالىپتاستىرۋ. مەملەكەت بەرگەن ەرەكشە ساياساتتى ناقتى، ەگجەي - تەگجەيلى تياناقتاندىرىپ، قورعاس ەكونوميكالىق اشۋ رايونىنىڭ ساپاسىن ءوسىرىپ، ونىمدىلىگىن ارتتىرۋدى، قاشقار ەكونوميكالىق اشۋ رايونىنىڭ جەدەل دامۋىن ىلگەرىلەتىپ، ورتا ازيانى، باتىس ازيانى، وڭتۇستىك ازيانى جانە ەۆروپانى بەتكە العان ەرەكشە كاسىپ سالاسى شوعىرىن جەدەل قۇرۋ كەرەك. ۇشىنشى، شەكارا وتكەلى ەكونوميكالىق بەلدەۋى قۇرىلىسىن كۇش سالا ىلگەرىلەتىپ، كوپ تەرەزەلىك بىرلەسىپ ارەكەتتەنە دامۋدى ىلگەرىلەتۋ. شەكارا وتكەلىنىڭ نەگىزدىك قۇرىلعىلارىن كەمەلدەندىرىپ، ەرەكشە شەكارا وتكەلى يقۋاتىن جوعارىلاتىپ، يمپورت - ەكسپورت كاسىپ سالاسىن جەتىلدىرىپ، شوعىرلاندىرىپ، شەكارا وتكەلىنىڭ وزىندە ءوندىرىپ، مانەرلەپ ەكسپورت ەتۋدى جۇزەگە اسىرۋدى ىلگەرىلەتىپ، تارباعاتاي ءتۇيىندى وركەندەتۋ، ەسىك اشۋ سىناق رايونىن جەدەل قۇرىپ، ”ارنا ەكونوميكاسىنان“ ”كاسىپ سالاسى ەكونوميكاسىنا“، ”شەكارا وتكەلى ەكونوميكاسىنا“ قاراي بۇرىلىس جاساۋدى ىلگەرىلەتۋ كەرەك. ءتورتىنشى، قۇرىلعىلاردى بايلانىستىرۋدى كۇش سالا ىلگەرىلەتىپ، نەگىزدىك قۇرىلعىلاردى ۇلاستىرۋ - تۇتاستىرۋ تورابى جۇيەسىن ورناتۋ. نەگىزدىك قۇرىلعى قۇرىلىسىن ۇيلەسىمدى الدىعا ءوتىپ ورىستەتىپ، قۇرلىقتىق قاتىناس تورىن كەمەلدەندىرىپ، كەڭىستىك جىبەك جولى قۇرىلىسىنا تەرەڭدەي ات سالىسىپ، ەنەرگيا قۇبىر تورى ارناسى قۇرىلىسىن ىلگەرىلەتىپ، ”سيفرلى جىبەك جولى“ وزەكتى توراپتىق قۇرىلىسىن ويداعىداي يگەرۋ كەرەك. بەسىنشى، ءىش پەن سىرت بىرلەسىپ ارەكەتتەنەتىن، جوعارى ءونىمدى، حاۋىپسىز، ىركىلىسسىز ساۋدا، زات اينالىمى جۇيەسىن كۇش سالا اقاۋسىزداندىرىپ، بۇكىل ەل بويىنشا ىقپال قۋاتقا يە ساۋدا - زات اينالىمى ورتالىعىن بەلسەنە قۇرۋ كەرەك. حالىقارالىق زات اينالىمى تورابىن جەدەل قۇرىپ، ”جىبەك جولى ەلەكتروندى ساۋدا“ قۇرىلىسىن تەزدەتىپ، سىرتقى ساۋدانىڭ تيبىن جاڭالاپ، دارەجەسىن ءوسىرۋدى بەلسەنە ىلگەرىلەتىپ، جينالىس - كورمە ەكونوميكاسىن ينتەرنەت جەلىسىندە، ينتەرنەت جەلىسىنەن تىسقارى دامىتىپ، جۇڭگو − ازيا − ەۆروپا كورمەسى سياقتى ءتۇيىندى كورمە - جينالىستاردى ۇزدىكسىز ويداعىداي وتكىزۋ كەرەك. التىنشى، كاسىپ سالاسى تىزبەگى، قامداۋ تىزبەگى، عىلىم - تەحنيكا، وقۋ - اعارتۋ، مادەنيەت، ەمدەۋ، فينانس سياقتى سالالارداعى حالىقارالىق اۋىس - كۇيىستى، سەلبەستىكتى كۇش سالا تەرەڭدەتىپ، باتىسقا ەسىك اشۋدىڭ كەڭدىگى مەن تەرەڭدىگىن ۇزدىكسىز كەڭەيتۋ كەرەك. شەشۋشى، ۇلگىلى، نىشاندىق ءبىر توپ ءتۇيىندى نىسانداردىڭ تياناقتانۋىن ىلگەرىلەتىپ، وڭىردە الدىڭعى ورىندا تۇراتىن مادەنيەت، عىلىم - تەحنيكا، وقۋ - اعارتۋ ورتالىعىن، توڭىرەگىن شارپىعان ەمدەۋ قىزمەت وتەۋى ورتالىعىن كۇش سالا قالىپتاستىرىپ، وڭىرلىك فينانس ورتالىعىن قۇرۋ جونىندە بەلسەنە ىزدەنىس جاساپ، حالىقارالىق كاسىپ سالاسىنىڭ ءوندىرىس قۋاتى سەلبەستىگى دەڭگەيىن جوعارىلاتىپ، ورتا ازيا ەلدەرىنە بولعان شارپۋ قۋاتىن، ىقپال قۋاتىن، جەتەكتەۋ قۋاتىن كۇشەيتۋ كەرەك. جەتىنشى، ىشكە ەسىك اشۋدى كۇش سالا كەڭەيتىپ، بۇكىل ەلدە ءبىر تۇتاس ەسىك اشقان ۇلكەن بازارعا بەلسەنە توعىسۋ. شينجياڭعا باعىتتامالى كومەكتەسەتىن ولكە، قالالارمەن ءار سالاداعى سەلبەستىكتى جاپپاي كۇشەيتىپ، ساۋداگەر شاقىرۋ، قارجى ەنگىزۋ تەبىنىن ارتتىرىپ، شىعىس پەن باتىس قوس باعىتتا ءوزارا كومەك كورسەتەتىن، قۇرلىق پەن تەڭىز، ءىش پەن سىرت بىرلەسىپ ارەكەتتەنەتىن ەسىك اشۋ جاڭا ارناسىن جەدەل قالىپتاستىرۋ كەرەك. سەگىزىنشى، رەفورما جاساپ، جاڭالىق اشۋ تەبىنىن كۇش سالا ارتتىرىپ، وزەكتى رايوننىڭ جوعارى ساپالى دامۋ قوزعاۋشى كۇشىن مازداتۋ. ءتۇزىلىس - مەحانيزمدە جاڭالىق اشۋدى كۇشەيتىپ، ەركىن ساۋدا سىناق رايونىن بەلسەنە ءوتىنىش ەتىپ، قۇرىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاپ، ”سيفرلى ۇكىمەتتى“ جەدەل قۇرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر جۇيە كوزقاراسىنا تاباندى بولىپ، پارتكوم ءبىر تۇتاس باسشىلىق ەتەتىن، پارتيا، ۇكىمەت قاتار يگەرىپ، بىرگە باسقاراتىن، تاراۋلار ءوز جاۋاپكەرشىلىگىن ارقالايتىن، قوعام كەڭ كولەمدە ات سالىساتىن باسشىلىق مەحانيزمىن ورناتىپ، ۇيىمدىق باسشىلىقتى كۇشەيتىپ، قىزمەتتەردىڭ تياناقتانۋىن مىقتاپ يگەرىپ، بيڭتۋان مەن جەرگىلىكتى ورىن بىرلەسىپ ارەكەتتەنۋگە، ايماق، وبلىس، قالالار بىرلەسىپ ارەكەتتەنۋگە، تاراۋلار بىرلەسىپ ارەكەتتەنۋگە تاباندى بولىپ، تىرەكتىك قامتاماسىزدىقتى كۇشەيتىپ، دامۋ مەن حاۋىپسىزدىكتى ويداعىداي ءبىر تۇتاس جوسپارلاپ، وزەكتى رايوننىڭ جوعارى ساپالى دامۋىن كۇش سالا ىلگەرىلەتۋ كەرەك.
ەركىن تۇنياز بىلاي دەپ اتاپ كورسەتتى: جەر - جەر، تاراۋلار باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، ەرەكشە، ءتيىمدى ساياساتتان ويداعىداي پايدالانىپ، نازاردى ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋىنە“ شوعىرلاندىرىپ، نىسان جەتەكشىلىگىن كورنەكتىلەندىرىپ، ءتىزىم باسقارۋىن اتقارىپ، قىزمەت شاراسىن اشالاپ، ىلگەرىلەتۋ مەحانيزمىن كەمەلدەندىرىپ، وزەكتى رايون قۇرىلىسى ءتۇيىندى مىندەتتەرىنىڭ تياناقتانۋىنا، ناقتىلانۋىنا شىنايى كەپىلدىك ەتۋ كەرەك.
اۆتونوميالى رايون باسشىلارىنان جاڭ جۋ، تيان شياڭلي، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ءارقايسى ايماق، وبلىس، قالالاردا، اۋدان، قالا، رايونداردا جانە بيڭتۋاننىڭ ءارقايسى شى - قالالارىندا، تۋان - الاڭدارىندا بولىمشە ءماجىلىس الاڭى اشىلدى.
