انار بۇلت \ شينجياڭ گازەتىنىڭ ءتىلشىسى لياڭ ليحۋا 5 - ايدىڭ 24 - كۇنى ۇرىمجىدەن حابارلايدى. 5 - ايدىڭ 24 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 33 - رەتكى ءماجىلىسى ءبىرىنشى جالپى جيىنىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جيىندى باسقاردى.
تۇراقتى كوميتەت قۇرامىنداعىلاردان 54 ادام جيىنعا قاتىناستى، بۇل زاڭدا بەلگىلەنگەن ادام سانىنا ۇيلەسەدى.
جيىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 33 - رەتكى ءماجىلىسىنىڭ كەڭەستىك ءتارتىبىن داۋىسقا سالىپ ماقۇلدادى، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن جەتكىزدى، اۆتونوميالى رايوننىڭ حالىققا قولايلى ساقشى ىستەر پۋنكتى ەرەجەسى (جوبانىڭ وزگەرىس ەنگىزىلگەن نۇسقاسى)، اۆتونوميالى رايوننىڭ «جۇڭحۋا حالىق رەسپۋبليكاسىنىڭ مەملەكەت حاۋىپسىزدىگى زاڭىن» اتقارۋ ءادىسى (جوبانىڭ وزگەرىس ەنگىزىلگەن نۇسقاسى)، اۆتونوميالى رايوننىڭ ازامات جاسىنا تولماعانداردى قورعاۋ ەرەجەسى (وزگەرىس ەنگىزىلگەن جوبانىڭ وزگەرىس ەنگىزىلگەن نۇسقاسى)، اۆتونوميالى رايوننىڭ «جۇڭحۋا حالىق رەسپۋبليكاسىنىڭ عىلىم - تەحنيكا جەتىستىكتەرىن كادەگە جاراتۋدى جەبەۋ زاڭىن» اتقارۋ ءادىسى (وزگەرىس ەنگىزىلگەن جوبانىڭ وزگەرىس ەنگىزىلگەن نۇسقاسى)، اۆتونوميالى رايوننىڭ حالىق سانى جانە جوسپارلى تۋىت ەرەجەسى (وزگەرىس ەنگىزىلگەن جوبانىڭ وزگەرىس ەنگىزىلگەن نۇسقاسى) جونىندەگى باياندامانى تىڭدادى؛ اۆتونوميالى رايوندىق حالىق قۇرىلتايى تۇراقتى كوميتەتى مەڭگەرۋشىلەر ءماجىلىسى قاراۋعا ۇسىنعان اۆتونوميالى رايوننىڭ ءمالى حالىق قۇرىلتايى قىزمەتى ەرەجەسى (جوبا)، اۆتونوميالى رايوندىق حالىق قۇرىلتايى تۇراقتى كوميتەتىنىڭ اۆتونوميالى وبلىس، رايون قۇرعان قالالىق حالىق قۇرىلتايى تۇراقتى كوميتەتىنىڭ قۇرامىنداعىلاردىڭ سانىن قايتادان تۇراقتاندىرۋ جونىندەگى قاۋلى (جوبا)، اۆتونوميالى رايوندىق حالىق قۇرىلتايى تۇراقتى كوميتەتىنىڭ اۆتونوميالى رايوننىڭ دارەجەلەس مەجە ەسەبىن تەكسەرۋدى، باقىلاۋدى كۇشەيتۋ جونىندەگى قاۋلى (جوبا)، اۆتونوميالى رايوندىق حالىق قۇرىلتايى تۇراقتى كوميتەتىنىڭ جاڭا داۋىردەگى پروكۋراتۋرا ورگاندارىنىڭ زاڭدى باقىلاۋ قىزمەتىن كۇشەيتۋ جونىندەگى قاۋلى (جوبا)، اۆتونوميالى رايوندىق حالىق ۇكىمەتى قاراۋعا ۇسىنعان اۆتونوميالى رايوننىڭ حۋياڭحى قالاسىنىڭ، شينشيڭ قالاسىنىڭ ەگىستىك جەردى يەمدەنۋ سالىعى، پايدالانۋ سالىعى نورماسى (جوبا)، اۆتونوميالى رايوننىڭ «جۇڭحۋا حالىق رەسپۋبليكاسىنىڭ حايۋاناتتار ىندەتىنەن ساقتانۋ زاڭىن» اتقارۋ ءادىسى (وزگەرىس ەنگىزىلگەن جوبا)، اۆتونوميالى رايوننىڭ «جۇڭحۋا حالىق رەسپۋبليكاسىنىڭ جەر باسقارۋ زاڭىن» اتقارۋ ءادىسى (وزگەرىس ەنگىزىلگەن جوبا)، اۆتونوميالى رايوننىڭ قارتتاردىڭ ۇقىق - مۇددەسىن قامتاماسىز ەتۋ ەرەجەسى (جوبا)، اۆتونوميالى رايوننىڭ ءورت ءوشىرۋ، ورتتەن ساقتانۋ ەرەجەسى (تۇزەتۋ ەنگىزىلگەن جوبا) سياقتىلار جونىندەگى تۇسىنىكتى تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى سارقىت اقان، دۇڭ شينگۋاڭ، جاۋ چيڭ، سو يۋە، توحتى ياقۇپ، مۇقيات جارمۇقامەت، باس حاتشى ءمۇتالىپ روزى جيىنعا قاتىناستى.
اۆتونوميالى رايوننىڭ ورىنباسار ءتوراعاسى ليۋ سۋشى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق باقىلاۋ - تەكسەرۋ كوميتەتىندەگى قاتىستى جاۋاپتى جولداستار، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ارناۋلى كوميتەتتەردىڭ، تۇراقتى كوميتەت قىزمەت تاراۋلارىنىڭ جاۋاپتىلارى، ءارقايسى وبلىستىق، قالالىق حالىق قۇرىلتايى تۇراقتى كوميتەتتەرىنىڭ، ايماقتىق حالىق قۇرىلتايى قىزمەت كوميتەتتەرىنىڭ، بيڭتۋان حالىق قۇرىلتايى قىزمەت كوميتەتتەرىنىڭ، اۆتونوميالى رايونعا توتە قاراستى اۋداندىق، قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى، مەملەكەتتىك جانە اۆتونوميالى رايوندىق حالىق قۇرىلتايىنىڭ ءىشىنارا ۋاكىلدەرى، سونداي - اق قاتىستى تاراۋلاردىڭ جاۋاپتىلارى، ت. ب جيىنعا سىرتتاي قاتىناستى.
