اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 21 - رەتكى تۇراقتى كوميتەت ءماجىلىسى اشىلدى
جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋدى ارقاۋ ەتە وتىرىپ ارناۋلى تاقىرىپتا ۇكىمەت ءىسىن كەڭەستى
انار بۇلت \ شينجياڭ گازەتىنىڭ ءتىلشىسى جاڭ يۇنمەي 5 - ايدىڭ 24 - كۇنى ۇرىمجىدەن حابارلايدى. 5 - ايدىڭ 24 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 21 - رەتكى تۇراقتى كوميتەت ءماجىلىسى ۇرىمجىدە اشىلىپ، ”جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە دەم بەرۋدى“ ارقاۋ ەتە وتىرىپ ارناۋلى تاقىرىپتا ۇكىمەت ءىسىن كەڭەستى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ماجىلىسكە قاتىناستى.
ماجىلىستە 12 جولداس جينالىس سوزىنە شىقتى.
تۇراقتى مۇشە لاي جيڭگاڭ بىلاي دەپ ۇسىنىس بەردى: وزەكتى رايوننىڭ جوبا جۇيەسىن اناعۇرلىم كەمەلەندىرىپ، ”بەس ۇلكەن ورتالىقتىڭ“ ءتۇيىندى نىسان قۇرىلىسىن عىلمي جوسپارىلاپ، ءبىر تۇتاس ىلگەرىلەتۋ كەرەك؛ تۇراقتى مۇشە جياڭ پيڭان بىلاي دەپ ۇسىنىس بەردى: كاسىپ سالاسىن شوعىرلاندىرۋدى جەدەلدەتىپ، توراپتىڭ قابىلەت دارەجەسىن جوعارىلاتىپ، حالىقارالىق سەلبەستىكتى تەرەڭدەتىپ، باتىستى بەتكە العان ارنالاردىڭ جاڭا دامۋ ارناسىن جەدەل قۇرۋ كەرەك؛ تۇراقتى مۇشە چي شياۋبيڭ بىلاي دەپ ۇسىنىس بەردى: زات اينالىمىن شوعىرلاندىرۋ ارقىلى كاسىپ سالاسىنىڭ دامۋىنا قىزمەت وتەپ، جۇڭگو − ەۆروپا كەزەكشى پويەزى بايلىعىن بىرىكتىرىپ، ساپالىلاندىرىپ، جۇڭگو − ەۆروپا كەزەكشى پويەزىنا قولداۋ كورسەتۋ ساياساتىن كەمەلدەندىرۋ كەرەك؛ مۇشە لي شۋەدۇڭ بىلاي دەپ ۇسىنىس بەردى: وسىزاماندانعان قاتىناس جۇيەسىن جەدەل قۇرىپ، جىبەك جولى ەكونوميكالىق بەلدەۋى وزەكتى رايونىن قۇرۋدىڭ جول اشۋ اتويشىسى بولۋ كەرەك؛ تۇراقتى مۇشە شيە شۋان بىلاي دەپ ۇسىنىس بەردى: باسىمدىققا يە كاسىپ سالاسىن كۇشەيتىپ، كەلەلى نىسان قۇرىلىسىن جەدەلدەتىپ، دارىندىلارمەن قامتاماسىز ەتۋ تەبىنىن كۇشەيتىپ، شارۋاشىلىق - ساۋدا ورتاسىن ۇزدىكسىز ساپالىلاندىرۋ كەرەك؛ تۇراقتى مۇشە ۋاڭ حۇڭشين بىلاي دەپ ۇسىنىس بەردى: كوپ شارالاردى قاتار اتقارىپ، سىرتقا قارجى قوسۋ سەلبەستىگىنىڭ ءتاسىلى مەن قۇرىلىمىن كەمەلدەندىرىپ، ساپالىلاندىرىپ، سىرتقا كومەكتەسۋ نىسانىنىڭ اتقارىلۋىنا كوبىرەك ات سالىسۋعا قول جەتكىزۋ كەرەك؛ مۇشە شۇي رىشين بىلاي دەپ ۇسىنىس بەردى: كەشەندى باجىسىز اۋماق تۇعىرىنان ويداعىداي پايدالانىپ، جوبالاۋ مەن اتقارۋعا قاتار ءمان بەرۋگە تاباندى بولىپ، باسىمدىقتى تياناق ەتىپ، وڭىرلەردىڭ پارىقتى دامۋىن جۇزەگە اسىرۋ كەرەك؛ تۇراقتى مۇشە ءامينا ورازعالي بىلاي دەپ ۇسىنىس بەردى: ۇلاستىرۋ دەڭگەيىن جوعارىلاتىپ، كاسىپ سالاسى تىرەگىن ناقتى ىستەپ، شينجياڭ تارباعاتاي ءتۇيىندى وركەندەتۋ، ەسىك اشۋ سىناق رايون قۇرىلىسىن ىلگەرىلەتۋ كەرەك؛ تۇراقتى مۇشە ما حۋادۇڭ بىلاي دەپ ۇسىنىس بەردى: قاشقاردىڭ شەكارا وتكەلى نەگىزدىك قۇرىلعىسىن كەمەلدەندىرىپ، سىرتقا قاراتىلعان كاسىپ سالاسى شوعىرى جانە شەكارا وتكەلىن ينفورماتسيالاندىرۋ، زەردەلىلەندىرۋ قۇرىلىسىن تۇلعالاۋ كەرەك؛ تۇراقتى مۇشە بۇحالچام يمىنالي بىلاي دەپ ۇسىنىس بەردى: اۋىس - كۇيىس ارناسىن كەڭەيتىپ، ەمدەۋ قىزمەت وتەۋى دەڭگەيىن جوعارىلاتىپ، عىلمي زەرتتەۋ تۇعىرى قۇرىلىسىن جەدەلدەتىپ، جۇڭگوشا ەمدەۋ، ءدارى - دارمەكتى سىرتقا شىعارۋدى ىلگەرىلەتۋ كەرەك؛ تۇراقتى مۇشە بۇھاجار ابىلا بىلاي دەپ ۇسىنىس بەردى: سىرتقا باعىتتالعان اۋىل شارۋاشىلىعىن دامىتۋ قازىنا، فينانس ساياساتىن كەمەلدەندىرىپ، اۋىل شارۋاشىلىعى ونىمدەرىنىڭ سىرتقى ساۋداسىن ىلگەرىلەتىپ، حاۋىپ - قاتەردەن ساقتانۋدى، مەڭگەرۋدى كۇشەيتۋ كەرەك؛ اۆتونوميالى رايوننىڭ مامان - اقىلشىلار ۇيىرمەسىنىڭ مۇشەسى يىڭ شۇيدۇڭ بىلاي دەپ ۇسىنىس بەردى: وزگە ەركىن ساۋدا رايوندارىنىڭ تاجىريبەسىنەن ۇلگى الىپ، تۇزىمدىك رەفورمانى ىلگەرىلەتىپ، ەسىك اشۋدى كۇش سالا كەڭەيتىپ، ناقتى ەكونوميكانى كۇش سالا دامىتۋ كەرەك.
ءماجىلىس كەزىندە، تۇراقتى كوميتەت قۇرامىنداعى مۇشەلەر ”جۇڭگو − ەۆروپا كەزەكشى پويەزىنىڭ جوعارى ساپالى دامۋىن بار كۇشپەن ىلگەرىلەتىپ، باتىستى بەتكە العان ارنالاردىڭ جاڭا دامۋ ارناسىن جەدەل قۇرۋ“، ”زات اينالىمىن شوعىرلاندىرۋ ارقىلى كاسىپ سالاسىنىڭ دامۋىنا قىزمەت وتەپ، ءۇرىمجى حالىقارالىق قۇرلىقتىق پورت رايونى قۇرىلىسىن ىلگەرىلەتۋ“، ”قاتىناستى ۇلاستىرۋ، تۇتاستىرۋ ۇلكەن ارنا قۇرىلىسىن بار كۇشپەن ىلگەرىلەتىپ، جىبەك جولى ەكونوميكالىق بەلدەۋى وزەكتى رايونىن قۇرۋدىڭ جول اشۋ اتويشىسى بولۋ“، ”باسىمدىققا يە كاسىپ سالاسىن كۇشەيتىپ، وزەكتى رايون قۇرىلىسىن ىلگەرىلەتۋ“ سياقتى ارناۋلى تاقىرىپتاردى ارقاۋ ەتە وتىرىپ، تالقى ورىستەتتى.
ءماجىلىس تاعى كادرلار ىستەرىنە قاتىستى تۇسىندىرمەلەردى تىڭدادى.
اۆتونوميالى رايوننىڭ ورىنباسار ءتوراعاسى سۇن حۇڭمەي ماجىلىسكە قاتىناسىپ سوزدەردى تىڭدادى.
اۆتونوميالى رايوندىق ساياسي كەڭەستىڭ ورىنباسار ءتوراعاسى پىڭ جيارۇي ءماجىلىستى باسقاردى. اۆتونوميالى رايوندىق ساياسي كەڭەستىڭ ورىنباسار ءتوراعالارى جاروللا يسامدىن، كۇڭ شيڭلۇڭ، دوۋ ۋانگۇي، چيۋ شۋحۋا، ياڭ يۇڭ، يىلحام سابىر، ابدۇرىقىپ ءتۇمۇرنياز، نۇرىم سىمايىلقان، ءدىلشات قىدىرقان، ازەز مۇسا، ليۋ حۇيجۇن، باس حاتشى گاۋ جياڭحۋاي ماجىلىسكە قاتىناستى.
