تاماشا ورتا جاراتىپ، دامۋ سەنىمىن كۇشەيتىپ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتۋ كەرەك

ما شيڭرۇي اۆتونوميالى رايوننىڭ حالىقتىق كاسىپورىندار اڭگىمە ماجىلىسىندە بىلاي دەپ باسا دارىپتەدى

تاماشا ورتا جاراتىپ، دامۋ سەنىمىن كۇشەيتىپ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتۋ كەرەك

ەركىن تۇنياز باسقاردى، شاۋكەت يمىن، لي يفي، حى جۇڭيوۋ قاتىناستى

　　5 - ايدىڭ 25 - كۇنى اۆتونوميالى رايوننىڭ حالىقتىق كاسىپورىندار اڭگىمە ءماجىلىسى ءۇرىمجى قالاسىندا وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي اڭگىمە ماجىلىسىنە قاتىناستى ءارى ءسوز سويلەدى.

　　□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن

　　انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 25 - كۇنى ۇرىمجىدەن حابارلايدى. اۆتونوميالى رايوننىڭ حالىقتىق كاسىپورىندار اڭگىمە ءماجىلىسى 5 - ايدىڭ 25 - كۇنى تۇستەن كەيىن وتكىزىلىپ، حالىقتىق كاسىپكەرلەردىڭ شينجياڭ ەكونوميكاسىنىڭ دامۋ جاعدايى مەن حالىقتىق كاسىپورىنداردىڭ دامۋى جونىندەگى ۇسىنىس، پىكىرلەرىن تىڭداپ، قوعام قارجى قوسقان ءبىر توپ كەلەلى نىسانداردىڭ تياناقتانۋىن ىلگەرىلەتتى.

　　اۆتونوميالى رايوندىق پارتكومنىڭ شۋجيى ما شيڭرۇي اڭگىمە ماجىلىسىنە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايون باسشىلارىنان شاۋكەت يمىن، لي يفي، حى جۇڭيوۋ قاتارلىلار قاتىناستى.

　　اڭگىمە ماجىلىسىندە ەرەكشە ترانسفورماتور، لۇڭبو قارجى قوسۋ، جينفىڭ عىلىم - تەحنيكاسى، داداۋ شارۋاشىلىعى، شينجياڭ جىجياڭ ساۋدا قوعامى، اۆتونوميالى رايوندىق ەمدەۋ، ءدارى - دارمەك كاسىبى ساۋدا قوعامى، لي - اڭ تەحنيكاسى، جىسۇن ليتي كاسىبى، حۇڭجيڭ قارجى قوسۋ، بيڭشانجىفۋ بيو عىلىم - تەحنيكاسى، يۋەشيڭ جاڭا ەنەرگياسى، ىرداۋچياۋ مادەنيەت - ساياحاتى سياقتى ورىنداردىڭ ۋاكىلدەرى ىلگەرىندى - كەيىندى لەبىز ءبىلدىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتە وتىرىپ، زاڭمەن باسقارىلاتىن ۇكىمەت قۇرۋ، عىلىم - تەحنيكادا جاڭالىق اشۋعا شابىتتاندىرۋ، كەن بايلىعى كاسىپ سالاسى تىزبەگىنىڭ كومەسكى كۇشىن تەرەڭ اشۋ، شارۋاشىلىق - ساۋدا ورتاسىن ۇزدىكسىز ساپالىلاندىرۋ، ورتا، شاعىن، ۇساق كاسىپورىنداردىڭ قارجى قۇراۋى قيىن بولۋ ماسەلەسىن شەشۋ، جۇڭي، ۇلتتىق ەمدەۋ، ءدارى - دارمەك كاسىپ سالاسىن زورايتۋ، سىرتقى ساۋدا كاسىپورىندارىنىڭ دامۋىن سۇيەمەلدەۋ، حالىقتىق كاسىپورىنداردىڭ قارىز اقشاسىن اداقتاۋ سياقتى جاقتاردا تانىمدارىن، اسەرلەرىن اڭگىمەلەپ، ۇسىنىس - پىكىر بەردى. ما شيڭرۇي مۇقيات تىڭداپ، ءالسىن - ءالى سۇراستىرىپ، حالىقتىق كاسىپورىنداردىڭ قارجى قوسۋ، دامۋ ماسەلەلەرى جونىندە كاسىپكەرلەرمەن اڭگىمەلەسىپ، تالقى جۇرگىزدى.

　　كوپشىلىكتىڭ لەبىزىن مۇقيات تىڭداعان سوڭ، ما شيڭرۇي بىلاي دەدى: حالىقتىق شارۋاشىلىق− ەكونوميكانى ورنىقتىرۋدىڭ ماڭىزدى نەگىزى، ەكونوميكانىڭ جوعارى ساپالى دامۋىن ىلگەرىلەتەتىن ماڭىزدى كۇش. باس شۋجي شي جينپيڭنىڭ حالىقتىق كاسىپورىندار اڭگىمە ماجىلىسىندەگى ماڭىزدى ءسوزىنىڭ رۋحى ءبىزدىڭ حالىقتىق شارۋاشىلىق قىزمەتىن ويداعىداي ىستەۋىمىزگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى، ونان دا ماڭىزدىسى، حالىقتىق كاسىپكەرلەردىڭ كوڭىلىن ورنىقتىردى. شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭعا ماڭىزدى ستراتەگيالىق ورىن جۇكتەپ، شينجياڭنىڭ ەكونوميكالىق، قوعامدىق دامۋى بۇرىن بولماعان ماڭىزدى ورايعا ءدوپ كەلدى، اناعۇرلىم كوركەم بولاشاق اشۋعا تولىق شارت - جاعدايى بار، سونداي - اق حالىقتىق كاسىپورىنداردىڭ دامىپ، زورايىپ، ماڭداي الدى كاسىپورىنعا اينالۋىنا ءتىپتى دە كەڭ ءورىس ازىرلەدى.

　　ما شيڭرۇي بىلاي دەپ باسا دارىپتەدى: اۆتونوميالى رايوندىق پارتكوم، ۇكىمەت حالىقتىق شارۋاشىلىقتى دامىتۋدى ماڭداي الدى ورىنعا قويۋعا تاباندى بولىپ، حالىقتىق شارۋاشىلىقتى دامىتۋ بارىسىنداعى كەلەلى ماسەلەلەردى دەر كەزىندە اقىلداسىپ، شەشىپ، حالىقتىق كاسىپكەرلەردىڭ ۇسىنىسىن جانە پىكىرىن تىڭداۋعا باسا ءمان بەرىپ، تاماشا دامۋ ورتاسىن ازىرلەپ، حالىقتىق كاسىپورىنداردىڭ شينجياڭعا تامىر تارتىپ، دامىپ، زورايۋ سەنىمىن ۇزدىكسىز كۇشەيتىپ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الادى. بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا قالىپتاستىرۋ كەرەك. مەملەكەت پەن اۆتونوميالى رايوننىڭ قولداۋ كورسەتۋ ساياساتىن ۇگىتتەۋدى، ءتۇسىندىرۋدى جانە دايەكتىلەندىرىپ اتقارۋدى كۇشەيتىپ، ءارءتۇرلى مەنشىك تۇزىمىندەگى كاسىپورىنداردىڭ مال - مۇلىك ۇقىعى مەن دەربەس تيجارات جۇرگىزۋ ۇقىعىن زاڭ بويىنشا تەڭ دارەجەدە قورعاپ، ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، ءتۇرلى ”شيىرشىقتامالى ەسىكتەردى“، ”اينەك ەسىكتەردى“، ”اينالما ەسىكتەردى“ تالقانداپ، كاسىپورىنداردىڭ قالىپتى ءوندىرىس، تيجاراتىنا كەدەرگىلىك جاسايتىن ارەكەتتەردى باتىل جويىپ، حالىقتىق كاسىپورىندارعا ءادىل باسەكەلەسۋ ورتاسىن جاراتۋ كەرەك. حالىقتىق كاسىپورىنداردىڭ ءدوپ كەلىپ وتىرعان قيىنشىلىعى مەن قىسىمىن قۇلشىنا جەڭىلدەتۋ كەرەك. كاسىپورىنداردىڭ سالىق اقى اۋىرتپالىعىن جەڭىلدەتىپ، كەيبىر ۇكىمەت تاراۋلارىنىڭ، ءىرى كاسىپورىنداردىڭ باسىم ورنىنان پايدالانىپ ۇلكەندىك كورسەتىپ كىشىنى باسىناتىن، حالىقتىق كاسىپورىنداردىڭ اقشاسىن بەرمەي كەشىكتىرەتىن ءىس - ارەكەتتەرىن تۇزەتىپ، حالىقتىق كاسىپورىنداردىڭ قارجى قۇراۋ سۇرانىسىمەن دالمە - ءدال ۇشتاسىپ، سەنىمدى امانات قارىزىمەن قولداۋ تەبىنىن كۇشەيتىپ، قارجى قۇراۋ ارناسىن كەڭەيتىپ، حالىقتىق كاسىپورىنداردىڭ جارناسىن بازارعا شىعارىپ قارجى قۇراۋىنا قولداۋ كورسەتۋ كەرەك. ەتەنە، كىرشىكسىز، جاڭاشا ۇكىمەت - ساۋدا قاتىناسىن ورناتۋ تالابىن ناقتى تياناقتاندىرۋ كەرەك. ءار دارەجەلى پارتكوم جانە ۇكىمەت حالىقتىق كاسىپورىنداردىڭ دامۋىنا قولداۋ كورسەتۋدى ماڭىزدى مىندەت ەتىپ، اناعۇرلىم كوپ ۋاقىت جانە كۇش - قايرات جۇمساپ حالىقتىق كاسىپورىنداردىڭ دامۋىنا، حالىقتىق كاسىپكەرلەردىڭ ءوسىپ - جەتىلۋىنە كوڭىل ءبولىپ، حالىقتىق كاسىپورىنداردىڭ اڭىسى مەن تالاپ - تىلەگىنە ۇنەمى قۇلاق ءتۇرىپ، اسىرەسە، بەلسەندى ءىس تىندىرىپ، الدىعا شىعىپ قىزمەت وتەپ، حالىقتىق كاسىپورىنداردىڭ ناقتى قيىنشىلىقتارىن شەشۋىنە كومەكتەسىپ، ”ەتەنەلىكتىڭ“ ۇيلەسىمدى بولۋىن، ”كىرشىكسىزدىكپەن“ ءىس تىندىرۋدى ىسكە اسىرۋ كەرەك.

　　ما شيڭرۇي قالىڭ حالىقتىق كاسىپكەرلەردىڭ وتباسى - وتان سۇيىسپەنشىلىگىن كۇشەيتىپ، قوعامدىق جاۋاپكەرشىلىكتى ارقالاپ، كاسىپكەرلەر رۋحى مەن ۇستا رۋحىن بار كۇشپەن اسقاقتاتىپ، تارتىپكە باعىنىپ، زاڭعا بويسۇنىپ ءوندىرىس جۇرگىزىپ، عىلىم - تەحنيكادا جاڭالىق اشۋ ۇسىنىلىمىن ارتتىرىپ، قاي - قاشان دا جاسىل دامۋعا تالپىنىپ، بار ىنتا - پەيىلىمەن قوعامنىڭ ءۇمىتىن اقتاپ، كاسىپورىندى كۇشەيتۋگە، ساپالىلاندىرۋعا قۇلشىنىپ، ءتىپتى دە كوپ الەمدىك باسەكەلىك قۋاتقا يە دۇنيە جۇزىندەگى ماڭداي الدى كاسىپورىن قالىپتاستىرۋىن ءۇمىت ەتتى.

　　اۆتونوميالى رايون باسشىلارىنان چىن ۋيجۇن، ءزۇمىرات وبۇل، ءيۇسۇپجان مامەت، ەلزات احمەتجان، قادەن كابەن، سۇن حۇڭمەي قاتارلىلار اڭگىمە ماجىلىسىنە قاتىناستى. اۆتونوميالى رايونعا (ورتالىققا) توتە قاراستى ورىندارداعى، قاتىستى ايماق، وبلىس، قالاداعى جانە اۋدان، قالا، رايونداعى نەگىزگى جاۋاپتى جولداستار، اۆتونوميالى رايوننىڭ ءتۇيىندى حالىقتىق كاسىپورىندارىنىڭ، شينجياڭدا تۇراتىن ساۋدا قوعامدارىنىڭ، كاسىپ سالاسى ساۋدا قوعامىنىڭ نەگىزگى جاۋاپتى جولداستارى، ت. ب اڭگىمە ماجىلىسكە قاتىناستى.

　　ماجىلىستەن كەيىن اۆتونوميالى رايوننىڭ حالىقتىق كاسىپورىنداردىڭ قارجى قوسۋ نىساندارىنا قول قويۋ سالتى وتكىزىلدى، جالپى 17 نىسانعا قول قويىلدى، جالپى قوسىلاتىن قارجىنىڭ 100 ميلليارد يۋاننان اساتىنى جوسپارلاندى.