ما شيڭرۇي شينجياڭ قوعامدىق عىلىمدار اكادەمياسىندا، اۆتونوميالى رايوندىق ادەبيەت - كوركەمونەرشىلەر بىرلەستىگىندە، قوعامدىق عىلمدار بىرلەستىگىندە احۋال ۇعىسىپ، تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
تۋراشىلدىقتى ساقتاپ جاڭالىق اشۋعا، نەگىز قالاپ رۋحتى سومداۋعا تاباندى بولىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۋاتتى كۇش ۇيىستىرۋ كەرەك
حى جۇڭيوۋ تەكسەرۋ - زەرتتەۋدە بىرگە بولدى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 5 - ايدىڭ 26 - كۇنى تۇستەن كەيىن شينجياڭ قوعامدىق عىلىمدار اكادەمياسىندا، اۆتونوميالى رايوندىق ادەبيەت - كوركەمونەرشىلەر بىرلەستىگىندە جانە قوعامدىق عىلىمدار بىرلەستىگىندە احۋال ۇعىسىپ، تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ادەبيەت - كوركەمونەرشىلەر قىزمەتى اڭگىمە ماجىلىسىندە، فيلوسوفيا - قوعامدىق عىلىمدار قىزمەتى اڭگىمە ماجىلسىندە سويلەگەن ماڭىزدى ءسوزىنىڭ رۋحىن جانە شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ ورنالاستىرۋلارى بويىنشا، جاڭا داۋىردەگى ادەبيەت - كوركەمونەر جانە قوعامدىق عىلىمدار قىزمەتتەرىن تىڭعىلىقتى ويداعىداي ىستەپ، ءار ۇلت حالقىنىڭ بىرگە ىنتىماقتاسا كۇرەس جاسايتىن، بىرگە گۇلدەنەتىن، داميتىن يدەيالىق نەگىزىن ۇزدىكسىز بەكەمدەپ، جۇرت تىلەگىن اناعۇرلىم ويداعىداي ۇيىستىرىپ، كۇش - قۋات توپتاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ تەكسەرۋ - زەرتتەۋدە بىرگە بولدى.
ما شيڭرۇي شينجياڭ قوعامدىق عىلىمدار اكادەمياسى مەن اۆتونوميالى رايوندىق قوعامدىق عىلىمدار بىرلەستىگىنە كەلىپ، قىزمەت تانىستىرۋىن تىڭداپ، بولىمدەردىڭ ورنالاسۋى، قىزمەتتەردىڭ ورىستەتىلۋى، ءىلمي جەتىستىكتەر كورمەسى سياقتىلاردى قاداعالاي كورىپ، عىلمي زەرتتەۋ قىزمەتكەرلەرىمەن پىكىر اۋىستىرىپ، ءىلمي زەرتتەۋگە، جەتىستىكتى كادەگە جاراتۋعا، شينجياڭنىڭ دامۋىنا قىزمەت وتەۋگە قاتىستى جاعدايلاردى ۇعىستى. اۆتونوميالى رايوندىق ادەبيەت - كوركەمونەرشىلەر بىرلەستىگىندە، ما شيڭرۇي كوركەمونەر تۋىندىلارى كورمەسىن كورىپ، جازۋشىلار قوعامى، فولكلورشىلار قوعامى سياقتى قۇرىلىمدارعا بارىپ، ءار ۇلت ادەبيەت - كوركەمونەر قىزمەتكەرلەرىمەن شينجياڭدى مادەنيەتپەن نارلەندىرۋدى ىلگەرىلەتۋ، ادەبيەت - كوركەمونەر جاسامپازدىعىن ورىستەتۋ، مادەنيەت اۋىس - كۇيىسىن كۇشەيتۋ سياقتىلار جونىندە ىشكەرىلەي پىكىر اۋىستىردى.
ما شيڭرۇي بىلاي دەپ باسا دارىپتەدى: ادەبيەت - كوركەمونەر قىزمەتى، فيلوسوفيا - قوعامدىق عىلىمدار قىزمەتى نەگىز قالاپ، رۋحتى سومدايتىن قىزمەت. شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋگە، جەتە تۇسىنۋگە، شىنايى تياناقتاندىرۋعا تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اناعۇرلىم ويداعىداي تۋ ۇستاپ، جۇرت تىلەگىن توعىستىرىپ، جاڭا ادام تاربيەلەپ، مادەنيەتتى گۇلدەندىرىپ، وبرازدى ايگىلەپ، شينجياڭنىڭ ادەبيەت - كوركەمونەر جانە قوعامدىق عىلىمدار قىزمەتىنىڭ تىڭ ساتىعا كوتەرىلۋىن ىلگەرىلەتۋ كەرەك. قوعامدىق عىلىمدار زەرتتەۋ دەڭگەيىن جوعارىلاتىپ، ءداۋىر ءۇنىن تىڭداپ، ءداۋىر ۇندەۋىنە جاۋاپ بەرىپ، كەلەلى دە كوكەي تەستى ماسەلەلەردى مۇقيات زەرتتەپ، شەشىپ، شينجياڭنىڭ باياندى تىنىشتىعىنا قاتىستى تەرەڭ قاتپارلى ماسەلەلەردى ارقاۋ ەتىپ، نازاردى جۇڭحۋا ۇلتى ورتاق تۇلعا تانىمىن بەرىك ورناتۋ سياقتى كەلەلى تاقىرىپتارعا شوعىرلاندىرىپ، ءىلمي زەرتتەۋدى جانە ۇگىتتەۋدى، ءتۇسىندىرۋدى ىشكەرىلەي ورىستەتىپ، زەرتتەۋ دەڭگەيى مەن جاڭالىق اشۋ قابىلەتىن ۇزدىكسىز جوعارىلاتىپ، ىقپالدى، قۇندى اناعۇرلىم كوپ زەرتتەۋ جەتىستىكتەرىن جارىققا شىعارۋعا قۇلشىنۋ كەرەك. ادەبيەت - كوركەمونەردىڭ گۇلدەنۋىن، دامۋىن ىلگەرىلەتىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، قالىڭ ادەبيەت - كوركەمونەر قىزمەتكەرلەرىن ۇلتتى گۇلدەندىرۋدى كوكەيگە ءتۇيىپ، شينجياڭنىڭ بايتاق دالاسىندا تامىر تارتىپ، حالىقتى وزەك ەتكەن جاسامپازدىق باعدارىنان جازباي، زەيىندى شوعىرلاندىرىپ، جاسامپازىققا ىشكەرىلەي توسەلىپ، تاسقىنداعان اسقاق سەزىممەن، جاندى قالام قۋاتىمەن، اسەم اۋەنمەن، اسەرلى وبرازبەن حالىق قۋانا تىڭداپ، شاتتانا كورەتىن تاڭداۋلى تۋىندىلاردى شىعارىپ، جۇڭگو حيكاياسىن، شينجياڭ حيكاياسىن جاندى تۇردە تارتىمدى بايانداپ، شينجياڭنىڭ مادەنيەت قۇرىلىسى مەن ادەبيەت - كوركەمونەرىنىڭ گۇلدەنۋىن، دامۋىن ىلگەرىلەتۋگە باستاۋ كەرەك. ۇيىمدىق ابزالدىلىقتى اناعۇرلىم ويداعىداي ساۋلەلەندىرىپ، ادەبيەت - كوركەمونەرشىلەر بىرلەستىگى، قوعامدىق عىلىمدار بىرلەستىگى سياقتى ۇيىمداردىڭ ساياسي سيپاتىن، العاباسارلىق سيپاتىن، بۇقارالىق سيپاتىن كۇشەيتىپ، قىزمەتتىڭ ۇشتاسۋ ءتۇيىنىن، كۇش سالۋ ءتۇيىنىن اناعۇرلىم ءدال باسىپ تاۋىپ، قىزمەت جۇيەسىندە جاڭالىق اشىپ، ءتاسىل، دانەكەرلەردى مولايتىپ، قىزمەت ساپا ونىمدىلىگىن جوعارىلاتىپ، كوپىرلىك، دانەكەرلىك رولىن اناعۇرلىم ويداعىداي ساۋلەلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ قۋاتتى كۇشىن ۇيىستىرۋ كەرەك.
اۆتونوميالى رايون باسشىلارىنان قادەن كابەن، تيان ۋىن، ليۋ سۋشى قاتارلىلار احۋال ۇعىسىپ، تەكسەرىپ - زەرتتەۋگە قاتىناستى.
