انار بۇلت \ شينجياڭ گازەتىنىڭ ءتىلشىسى رىن جياڭ 5 - ايدىڭ 26 - كۇنى ۇرىمجىدەن حابارلايدى. ”قازىرگە دەيىن 2022 - جىلعى ’شينجياڭ جاقسى جەر. تولعامدىلاردىڭ باتىسقا ساياحاتى − كوركەمدىك ءورىس‘ اتىنداعى ينتەرنەت نەگىزگى تاقىرىپتىق تاراتۋ قيمىلىندا ’شينجياڭ جاقسى جەر‘ جاڭا مەديا تۇعىرى، شينجياڭنىڭ مادەنيەتىن، ساياحاتىن ۇگىتتەۋشىلەر، تانىستىرۋشىلار سياقتى ءتول جاسامپازدىق ساپالى جازبادان (بەينەبايان) جالپى 150 نەشە (ءبولىم) شىعارىلىپ، ينتەرنەتتەگى جالپى كورىلىمى 72 ميلليون ادام - رەتتەن استى“، - دەپ تانىستىردى 5 - ايدىڭ 26 - كۇنى اۆتونوميالى رايوندىق مادەنيەت جانە ساياحات مەڭگەرمەسىنىڭ قاتىستى جاۋاپتىسى.
5 - ايدىڭ 19 - كۇنىنەن 26 - كۇنىنە دەيىن، ”شينجياڭ جاقسى جەر. تولعامدىلاردىڭ باتىسقا ساياحاتى“ قيمىلى بۇراتالا موڭعۇل اۆتونوميالى وبلىسى، تارباعاتاي ايماعى، قارامايلى قالاسى سياقتى جەرلەردى ارالاپ، كوپ ءتۇرلى جاڭا مەديا فورماسىمەن شينجياڭدى ۇگىتتەپ، تانىستىرىپ، جەر - جەردىڭ وزگەشە تابيعي كورىنىسىن، ادامدى ءتانتى ەتەتىن ۇلتتىق سالت - سانا، عۇرىپ - ادەتىن جانە قاتپارلى تاريحي مادەنيەتىن شىنايى كورسەتتى، شينجياڭنىڭ ساياحاتىنىڭ جاڭا كاسىپ كۇيى، جاڭا جول لەنيالارى، جاڭاشا ساياحاتتاۋ ءادىسى سياقتىلاردى كوپ تۇرعىدا، جان - جاقتى كورسەتتى. بۇرىنعىمەن ۇقسامايتىنى بۇل رەتكى قيمىل شينجياڭنىڭ مادەنيەتىن، ساياحاتىن ۇگىتتەۋشى، تانىستىرۋشى بولىپ ەندى عانا سارالانعان 10 ادامدى قاتىناسۋعا تۇڭعىش رەت شاقىردى.
بيىلعى ”جۇڭگو ساياحات كۇنىندە“، اۆتونوميالى رايوندىق مادەنيەت جانە ساياحات مەڭگەرمەسى العاشقى توپتاعى شينجياڭنىڭ مادەنيەتىن، ساياحاتىن ۇگىتتەۋشى، تانىستىرۋشى 60 ادامنىڭ ءتىزىمىن جاريالادى − ولار بۇكىل ەلدە ىقپالدى شينجياڭنىڭ جەر - جەرىندەگى مادەنيەت جانە ساياحات مەكەمەلەرىنىڭ 15 باستىعى جانە ينتەرنەتتەگى 45 تولعامدى ادام. ءتىزىم جاريالانعان كۇنى ولاردىڭ اراسىنداعى 10 ادام وسى رەتكى قيمىلعا قاتىناستى، بۇل دا شينجياڭنىڭ مادەنيەتىن، ساياحاتىن ۇگىتتەۋشىلەردىڭ، تانىستىرۋشىلاردىڭ ”ينتەرنەت جەلىسىندە + ينتەرنەت جەلىسىنەن تىسقارى“ ساياحاتتى ۇگىتتەۋ، تانىستىرۋ قيمىلىنا تۇڭعىش رەت قاتىناسۋى بولىپ تابىلادى.
قيمىلعا ۇسىنىس بويىنشا 3 مادەنيەت جانە ساياحات مەكەمەسىنىڭ باستىعى قاتىناستى، ولار مىنالار: حى جياۋلۇڭ (ىلە قازاق اۆتونوميالى وبلىستىق مادەنيەت جانە ساياحات مەكەمەسىنىڭ ورىنباسار باستىعى)، راناگۇل راحىمان (شايار اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى)، ءالىپ اكىمقان (تاشقورعان تاجىك اۆتونوميالى اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى)، ولار ينتەرنەتتەگى تولعامدى 7 اداممەن بىرگە اراسان اۋدانى، شاعانتوعاي اۋدانى، شاۋەشەك قالاسى، قارامايلى قالاسى سياقتى 20 نەشە كورىنىس رايونى، كورىنىس تۇيىندەرىنە بارىپ، ءارقايسى كورىنىس رايوندارىن، كورىنىس تۇيىندەرىن ىشكەرىلەي ارالاپ، تاماشا كورىنىستەن ءلاززات الىپ، ءدامدى تاعامداردان اۋىز ءتيىپ، جەر جايى مەن ەل عۇرپىن سەزىنىپ، تەكىستى سۋرەت، كەلتە بەينەبايان، ينتەرنەتتە تىكە تاراتۋ سياقتى فورمالارمەن، شينجياڭنىڭ باي، ءار الۋان مادەنيەت جانە ساياحات بايلىعىن، حالىقتىڭ الاڭسىز تىرشىلىك كەشىرگەن باقىتتى تۇرمىسىن جاق - جاقتى ايگىلەدى. توراپتاستار تۇس - تۇستان: ”ىندەت جاعدايى اياقتاسا الدىمەن شينجياڭعا بارامىز“، ”شينجياڭدى ۇگىتتەگەنگە ولار بارىن سالىپتى“ دەپ لەبىز قالدىردى...
”مەن ءوز ارتىقشىلىعىمدى ساۋلەلەندىرىپ، تاشقورعاننىڭ ساياحات بايلىعى ابزالدىلىعىمەن ۇشتاستىرىپ، بەينە بايان ارقىلى جەتكىزىپ، تانىستىرىپ، اناعۇرلىم كوپ ادامنىڭ پامير ءۇستىرتىن تۇسىنۋىنە، ونى ۇناتىپ قالۋىنا مۇمكىندىك جاسايمىن“، - دەدى ءالىپ اكىمقان.
اۆتونوميالى رايوندىق مادەنيەت جانە ساياحات مەڭگەرمەسى شينجياڭ مادەنيەتىن، ساياحاتىن ۇگىتتەيتىندەرمەن، تانىستىراتىندارمەن ولشەمدى سەلبەستىك جانە بايلانىس جاساۋ مەحانيزمىن ورناتتى. مۇنان بىلاي تانىستىرۋشىلار وزدەرىنىڭ وزگەشە تورعىسىمەن، ساياحات، گۋمانيتار، ءدامدى تاعام سياقتى جاقتاردان دۇنيە جۇزىنە شينجياڭ حيكاياسىن تارتىمدى بايانداپ، شينجياڭ مادەنيەتىن، ساياحاتىن جۇيەلى، ناقتى، ءار قىرىنان ۇگىتتەۋ دەڭگەيىن ۇزدىكسىز جوعارىلاتادى.
