تيانشان تورى
تيانشان تورى   ›   جاڭالىقتار   ›   ماڭىزدى حابارلار

«جۇڭگو كوممۋنيستىك پارتياسى ساياسي كەڭەسۋ قىزمەتى ەرەجەسىن» قارادى

جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى

«جۇڭگو كوممۋنيستىك پارتياسى ساياسي كەڭەسۋ قىزمەتى ەرەجەسىن» قارادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 5 - ايدىڭ 27 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 5 - ايدىڭ 27 - كۇنى ءماجىلىس اشىپ، «جۇڭگو كوممۋنيستىك پارتياسى ساياسي كەڭەسۋ قىزمەتى ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس مىنالاردى اتاپ كورسەتتى: ساياسي كەڭەسۋ − جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمىنىڭ ماڭىزدى قۇرامداس بولىگى، سوتسياليستىك كەڭەستىك دەموكراتيانىڭ ماڭىزدى فورماسى، اقىل - پاراسات ۇيىستىرىپ، ورتاق تانىمدى ارتتىرىپ، عىلمي، دەموكراتيالى شەشىم جاساۋدى جەبەۋدىڭ ماڭىزدى جولى. «جۇڭگو كوممۋنيستىك پارتياسى ساياسي كەڭەسۋ قىزمەتى ەرەجەسىن» جاساۋ پارتيانىڭ ساياسي كەڭەسۋ قىزمەتىنە باسشىلىعىن كۇشەيتىپ، ساياسي كەڭەسۋ قىزمەتىن عىلميلاندىرۋ، تۇزىمدەندىرۋ، جۇيەلىلەندىرۋ دەڭگەيىن جوعارىلاتۋ، ەلىمىزدىڭ جاڭاشا ساياسي پارتيا تۇزىمىنە تاباندى بولۋ جانە ونى كەمەلدەندىرۋ، وتانشىلدىق بىرلىكساپتى بەكەمدەۋ جانە دامىتۋ جونىنەن ماڭىزدى مانگە يە.

  ءماجىلىس مىنالاردى باسا دارىپتەدى: ساياسي كەڭەسۋ قىزمەتىن ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ بىرلىكساپ قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن، حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك. پارتيانىڭ جاپپاي باسشىلىعىنا تاباندى بولىپ جانە كۇشەيتىپ، پارتيا باسشىلىعىنداعى ساياسي كەڭەسۋ قىزمەتىنىڭ ءتۇزىم جۇيەسى مەن قىزمەت مەحانيزمى ارقىلى ساياسي كەڭەسۋدىڭ دۇرىس ساياسي بەتالىسىنا شىنايى كەپىلدىك ەتىپ، ساياسي كەڭەسۋدىڭ ونىمدىلىگىن جوعارىلاتۋ كەرەك. وزەكتى ارقاۋ ەتۋگە، كەلەلى جاعدايعا قىزمەت ەتۋگە تاباندى بولىپ، نازاردى ورتاق تانىم ۇيىستىرۋعا شوعىرلاندىرىپ، ساياسي كەڭەسۋ ارقىلى ورتاقتىققا ۇمتىلىپ، پارىقتاردى ساقتاپ، ۇقساستىقتاردى ۇيىستىرىپ، بوگدەلىكتى جويىپ، ءتۇبىرلى ماسەلەدە، كەلەلى ماسەلەدە تانىمدى بىرلىككە كەلتىرىپ، ءار جاقتاعى كۇشتەردى پارتيانىڭ توڭىرەگىنە تىعىز ىنتىماقتاستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ قۋاتتى بىرىككەن كۇشىن قالىپتاستىرۋدى ىلگەرىلەتۋ كەرەك. پارتكوم (پارتيا باسشىلىق گرۋپپاسى) «ەرەجەنى» اتقارۋدىڭ ۇيىمدىق باسشىلىعىن كۇشەيتىپ، دايەكتىلەندىرۋدى، تياناقتاندىرۋدى ويداعىداي يگەرىپ، پارتيا ورتالىق كوميتەتىنىڭ ساياسي كەڭەسۋ قىزمەتى جونىندەگى باعىت - ساياساتىن جانە شەشىمىن، ورنالاستىرۋىن ناقتاپ تياناقتاندىرۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.