− باس شۋجي شي جينپيڭنىڭ 9 - رەتكى مەملەكەتتىك ارىز - ارمان قىزمەتى ءماجىلىسىنىڭ ۋاكىلدەرىمەن كەزدەسۋى رايونىمىزداعى ارىز - ارمان قىزمەتكەرلەرى اراسىندا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
5 - ايدىڭ 25 - كۇنىنەن 26 - كۇنىنە دەيىن 9 - رەتكى مەملەكەتتىك ارىز - ارمان قىزمەتى ءماجىلىسى بەيجيڭدە اشىلدى. باس شۋجي شي جينپيڭ ءماجىلىس ۋاكىلدەرمەن ىستىق ىقىلاسپەن كەزدەسىپ، ماداقتالىپ - سيلانعان وزات كوللەكتيۆتەر مەن وزات جەكەلەردى قىزۋ قۇتتىقتايتىندىعىن ءبىلدىردى، بۇكىل ەلدىڭ ارىز - ارمان جۇيەسىندەگى قالىڭ كادر، جۇمىسشى - قىزمەتكەرلەردەن شىنايى حال سۇرادى.
باس شۋجي شي جينپيڭنىڭ ىستىق ىقىلاسپەن كەزدەسۋى جانە شىنايى حال سۇراۋى رايونىمىزداعى ءار دارەجەلى ارىز - ارمان تاراۋلارى مەن ارىز - ارمان قىزمەتكەرلەرى اراسىندا قىزۋ اڭىس قوزعادى. كوپشىلىك مىنالاردى ءبىلدىردى: باس شۋجي شي جينپيڭنىڭ حالىقتىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىقتىڭ قيىنشىلىعىن شەشۋ، پارتيانىڭ قامىن جەۋ ساياسي جاۋاپكەرشىلىگىن ەستە بەرىك ساقتاپ، «ارىز - ارمان قىزمەتى ەرەجەسىن» ىشكەرىلەي اتقارىپ، ارىز - ارمان سىندى ”الدىعا كەلگەن بۇقارالىق قىزمەتتى“ ءۇمىتتى اقتاي وتىرىپ ويداعىداي ىستەپ، ناقتى ىستەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الامىز.
”باس شۋجيدىڭ كەزدەسۋىنە بولەنۋ مەن ءۇشىن شەكسىز داڭق جانە ماقتانىش“! بۇكىل ەلدىڭ ارىز - ارمان جۇيەسىندەگى وزات كوللەكتيۆتەر ۋاكىلى رەتىندە، ماجىلىسكە قاتىناسۋ قۇلجا اۋداندىق ارىز - ارمان مەكەمەسى پارتيا باسشىلىق گرۋپپاسىنىڭ شۋجيى دىڭ شيانليڭنىڭ كوڭىلىن كولدەي تولقىتتى. ول مىنالاردى ءبىلدىردى: وسى سالماقتى داڭق پارتيا مەن حالىقتىڭ ءبىزدىڭ ارىز - ارمان قىزمەتىمىزدى تولىق تۇراقتاندىرعاندىعى سانالادى. ”مەن، ءسوز جوق، باس شۋجيدىڭ قامقورلىعىن، كوڭىل ءبولۋىن جانە ءماجىلىستىڭ رۋحىن جەتكىزىپ، مۇرات - سەنىمدى اناعۇرلىم بەكەمدەپ، زاڭمەن باسقارۋ وي جەلىسىن كۇشەيتىپ، ارىز - ارمان قىزمەتىن ويداعىداي ىستەپ، قايشىلىقتى، داۋ - شاردى نەگىزگى ساتىدا شەشۋگە، وركەن كەزىندە شەشۋگە قۇلشىنىس جاساپ، باس شۋجيدىڭ تاپسىرماسىن ورىندايمىن“.
”تەرەڭ تاربيە الىپ، ايرىقشا جىگەرلەندىم“! اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ارىز - ارمان كەڭسەسىنىڭ ءبىرىنشى دارەجەلى مەڭگەرۋشى قىزمەتكەرى اباباكىرى ەركىن ماجىلىسكە قاتىناسقان سوڭ مىنالاردى ءبىلدىردى: قىزمەتتى دەن قويا، سۇيىسپەنشىلىكپەن ويداعىداي ىستەپ، ءار ۇلت بۇقاراسىن مازالاعان، قيىن، ۋايىمداتقان، الاڭداتقان ماسەلەلەردى ويداعىداي شەشۋگە قۇلشىنىپ، پارتيا مەن حالىق بۇقاراسى اراسىنداعى ”جۇرەكتەس كوپىردى“ جاقسى سالامىز. ەرەجە تانىمىن، ءتارتىپ تانىمىن، زاڭمەن باسقارۋ تانىمىن بەرىك ورناتىپ، ەرەجە بويىنشا، ءتارتىپ بويىنشا، زاڭ بويىنشا ىستەۋ تالابىن ارىز - ارمان، اشكەرەلەۋ قىزمەتىنىڭ تۇتاس بارىسىنا ساباقتاستىرىپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ، ارىز - ارمان اشكەرەلەۋ قىزمەتىنىڭ جوعارى ساپالى دامۋىنا جاستىق كۇش - قۋاتىمىزدى ارنايمىز.
”ماداقتاۋ - سيلاۋعا يە بولۋ تۇراقتاندىرۋعا، ونان دا ماڭىزدىسى، جەبەۋگە يە بولعاندىق“. وسى رەتكى ماجىلىستە موري قازاق اۆتونوميالى اۋداندىق ارىز - ارمان شاعىم قابىلداۋ ورتالىعىنىڭ مەڭگەرۋشىسى پان شياۋشيا بۇكىل ەلدىڭ ارىز - ارمان جۇيەسىندەگى وزات جەكە اتاعىنا يە بولدى. 15 جىلدان بەرى، ول ارىز - ارمان ىستەرىنىڭ ءبىرىنشى شەبىندە كۇرەس جاساپ، اۋدان باسشىلارىنىڭ ۋادەلەسىپ ارىز - ارمان قابىلداۋ ءتۇزىمىن جولعا قويۋ جونىندە ىزدەنىس جاسادى، اسىرەسە، قايتالاي ارىزدانۋدى جونگە سالۋ، باسىلىپ قالعان ارىز - ارمان دەلولارىن شەشۋ ارناۋلى قىزمەت بارىسىندا بەينەسى ايرىقشا بولدى. ول مىنالاردى ءبىلدىردى: ارىز - ارمان قىزمەتى − قوعام جاعدايىن، حالىق رايىن ءبىلۋدىڭ ماڭىزدى تەرەزەسى، بۇدان كەيىن ساياسي جاۋاپكەرشىلىكتى ەستە بەرىك ساقتاپ، زاڭ بويىنشا، ەرەجە بويىنشا بۇقارانىڭ تالاپ - تىلەگىن شەشىپ، بۇقارانىڭ مۇددەسىن دەن قويا، سۇيىسپەنشىلىكپەن قورعاپ، شينجياڭنىڭ قوعام جاراسىمدىلىعىن، ورنىقتىلىعىن جەبەۋگە تىڭ ۇلەس قوسامىن.
بۇكىل ەلدىڭ ارىز - ارمان جۇيەسىندەگى وزات جەكە بي حۇڭلي بۋرىلتوعاي اۋداندىق حالىق ۇكىمەتى كەڭسەسىنىڭ ورىنباسار مەڭگەرۋشىسى، ارىز - ارمان مەكەمەسىنىڭ باستىعى. ارىز - ارمان قىزمەتىمەن اينالىسقان 21 جىلدان بەرى، ارىز ايتا كەلگەن ءاربىر بۇقارانى دەن قويا، سۇيىسپەنشىلىكپەن قابىلداپ، قىزمەت مەحانيزمىندە جاڭالىق اشىپ، تۇتاس اۋداننىڭ ارىز - ارمانىن، قايشىلىعىن شەشۋدى پارمەندى ىلگەرىلەتتى. ”مەن وسى اتاق - ابىرويدىڭ سالماعى مەن جاۋاپكەرشىلىگىن تەرەڭ بىلەمىن“. بي حۇڭلي بىلاي دەدى: بۇدان كەيىن اۋەلگى ماقساتتى، بورىشتى ەستە بەرىك ساقتاپ، جاڭا داۋىردەگى ”فىڭچياۋ تاجىريبەسىن“ اسقاقتاتىپ، ارىز - ارمان ارناسىن ۇزدىكسىز ىركىلىسسىزدەندىرىپ جانە كەڭەيتىپ، ارىز - ارمان ىستەرىندەگى كورنەكتى ماسەلەلەردى قۇلشىنا شەشىپ، ارىز - ارمان قىزمەتىنىڭ قوعامدىق باسقارۋ مەن قوعامدىق دامۋدىڭ كەلەلى جاعدايىنا تەرەڭ توعىسۋىن ءارى قىزمەت وتەۋىن ىلگەرىلەتەمىن.
”بۇقارانىڭ ارىز - ارمانىندا كىشكەنە ءىس بولمايدى، قاي - قاشان دا ءوزىڭدى حالىقتىڭ ءبىر مۇشەسى ساناپ، حالىقپەن ەتەنە جاقىن بولۋىڭ كەرەك“. شەريا اۋداندىق حالىق ۇكىمەتى كەڭسەسى پارتيا باسشىلىق گرۋپپاسىنىڭ شۋجيى، ارىز - ارمان مەكەمەسىنىڭ باستىعى ايگۇل تۇرسىننياز مىنالاردى ءبىلدىردى: جاڭا داۋىردەگى ارىز - ارمان قىزمەتىن ويداعىداي ىستەۋدىڭ جاۋاپكەرشىلىگى سالماقتى، ءبىز، ءسوز جوق، حالىقتىڭ قيىنشىلىعىن شەشۋ، پارتيانىڭ قامىن جەۋ ساياسي جاۋاپكەرشىلىگىمىزدى ەسىمىزدە بەرىك ساقتاپ، «ارىز - ارمان قىزمەتى ەرەجەسىن» ىشكەرىلەي ۇيرەنىپ، دايەكتىلەندىرىپ، حالىقتىق سۇيىسپەنشىلىكتەن اينىماي، امالدىڭ بارىنشا ءار ۇلت بۇقاراسىن ۋايىم - قايعىدان ارىلتىپ، ءىس جۇزىندىك ارەكەتىمىزبەن بۇقارانىڭ ”جان اشىرى“ بولامىز، زاڭمەن باسقارۋ ويىن ۇزدىكسىز كۇشەيتىپ، زاڭ بويىنشا، ەرەجە بويىنشا ءىس ىستەپ، ارىز - ارمان ىستەرىن شەشۋ بارىسىن شىن مانىندە پارتيانىڭ بۇقارالىق لۋشيانىن امالياتتا ايگىلەۋ، بۇقارالىق قىزمەتتى ويداعىداي ىستەۋ بارىسى ەتىپ، پارتيا الاڭسىز بولاتىن، حالىق رازى بولاتىن ارىز - ارمان كادرى بولۋعا قۇلشىنامىز.
(ءتىلشى جاڭ يانفاڭ، قاتىناسقان تىلشىلەر ميھىرگۇل عوپۇر، جاڭ يۇنمەي، جاڭ تيڭ، لياڭ ليحۋا، ءپاريزات ابدۇل)
