− شينجياڭدا بالالاردىڭ ۇقىق - مۇددەسى تولىق قامتاماسىز ەتىلدى
□ انار بۇلت \ شينجياڭ گازەتىنىڭ ءتىلشىسى فان چيۇڭيان
5 - ايدىڭ 22 - كۇنى، تاڭەرتەڭگى استان كەيىن اتۇش قالاسى ءۇستىن اتۇش قالاشىعى وتياق قىستاعىنىڭ تۇرعىنى گۇزەلنۇر ىدىرىس بالالار كەنەۋلى قوراپتى تاعامىن الىپ شىعىپ، جىلى سۋعا ارالاستىرىپ كىشى قىزى اي ايعا (جاناما اتى) ىشكىزدى.
”بالامدا العاشىندا ازىراق قان ازدىق بار بولاتىن، 6 ايلىق كەزىنەن باستاپ كەنەۋلى قوراپتى تاعام ءىشىپ، ءبىر ايدان كەيىن نەداۋىر جاقسى بولىپ قالدى“. گۇزەلنۇر: ءبىرءتاۋىرى ۇكىمەت اۋىل - قىستاق بالالارىنا كەنەۋلى قوراپتى تاعامداردى تەگىن تاراتىپ، بالالاردى قاجەتتى كالتسي، تەمىر، مىرىش سياقتى ەلەمەنتتەرمەن تولىقتاپ، بالالاردىڭ اقاۋسىز ەرجەتۋىنە كومەكتەستى، - دەدى.
پارتيا 18 - قۇرىلتايىنان بەرى شينجياڭ بالالاردى الدىمەن ويلاسۋ پرينسيبىنە تاباندى بولىپ، اۋدان، اۋىل، قىستاق ءۇش دارەجەلى بالالارعا قىزمەت وتەۋ جۇيەسىن كەمەلدەندىرىپ، بالالاردىڭ تىرشىلىك ۇقىعى مەن دامۋ ۇقىعىن جاپپاي قامتاماسىز ەتىپ، بالالار ىستەرى باياندى دامۋعا قول جەتكىزدى.
2020 - جىلعا دەيىن بۇكىل رايوندا بالالارعا ۆاكسينا ەگىپ يممۋنيتتەندىرۋ جوباسى بويىنشا ۆاكسينا ەگۋ سالىستىرماسى ％90تەن استى؛ مەكتەپكە دەيىنگى بالاباقشاعا كىرۋ جالپى سالىستىرماسى ％19. 98كە، 9 جىلدىق مىندەتتى وقۋ - اعارتۋدى بەكەمدەۋ سالىستىرماسى ％69. 95كە جەتتى؛ اۋىل - قىستاقتارداعى ۇيدە قالعان بالالار، قيىنشىلىعى بار بالالار سياقتى قاۋقارسىز بالالار اناعۇرلىم كوپ قامقورلىققا جانە قورعاۋعا يە بولدى.
سالاماتتىقتىڭ ”باس كومبەسىن“ بەكەمدەدى
بالالاردىڭ سالاماتتىعى وتباسىنىڭ باقىتىنا جانە قوعامنىڭ جاراسىمدىلىعىنا سايادى، ەكونوميكانىڭ، قوعامنىڭ باياندى دامۋىنا جانە ۇلتتىڭ بولاشاعىنا سايادى.
”كىشى قىزىم تەگىن بالالار كەنەۋلى تاعامىنان يگىلىكتەنۋدە، ۇلكەن قىزىم تەگىن قورەكتىك سۇتتەن يگىلىكتەنەدى، بالالار تاماشا داۋىردە تۋدى عوي“! - دەدى گۇزالنۇر تەبىرەنە.
اۆتونوميالى رايوننىڭ بالالاردىڭ ازىقتانۋىن جاقسارتۋ نىسانى 2012 - جىلى اتقارىلدى، 2020 - جىلدىڭ سوڭىنا دەيىن بالالار كەنەۋلى قوراپتى تاعامنان 7 ميلليون قوراپتان استامىن تاراتىپ، 8 ايماق، وبلىس، قالاداعى 32 اۋدان، قالا، رايوندى قامتىپ، بالالاردىڭ دەنساۋلىق، قورەكتىك جاعدايى جاپپاي جاقسارىپ، نارەستەلەردىڭ دەنە سالماعىنىڭ تومەن بولۋ سالىستىرماسى، قان ازدىق سالىستىرماسى، ءوسۋى باياۋ بولۋ سالىستىرماسى سياقتى كورسەتكىشتەر كورنەكتى تومەندەدى.
كۇتۋ، تىزىمگە الدىرۋ، ۆاكسينا ەكتىرۋ، الىپ قالىپ باقىلاۋ... 5 - ايدىڭ 10 - كۇنى شينجياڭ ءوندىرىس - قۇرىلىس بيڭتۋانى 1 - شىسى ارال قالاسىنداعى ءبىر ۆاكسينا ەگۋ ورنىندا قىزمەتكەردىڭ جەتەكشىلىگىندە قالا تۇرعىنى ۋاڭ يان بالاسىنا جۇلىن سۇرى زاتى قابىنۋىنان ساقتانۋ ۆاكسيناسىن ەكتىردى.
ۆاكسينا ەگۋ بالالاردىڭ سالاماتتىعىن قورعايتىن ءبىرىنشى قورعانىس شەبى. شينجياڭدا بالالاردىڭ مەملەكەتتىڭ يممۋنيتەتتەندىرۋ جوباسىنا ەنگىزىلگەن ۆاكسينا ەكتىرۋ سالىستىرماسى ％90تەن استامعا جەتتى. 2021 - جىلدىڭ سوڭىنا دەيىن شينجياڭدا ءۇرتىس 20 جىل ديفتەرياعا قاتىستى مالىمەت بولمادى، تارالعىش مەنينگيت، قىزىلشا، كوكجوتەل سياقتى ۆاكسيناعا قاتىستى جۇقپالى اۋرۋلاردىڭ تۋىلۋ سالىستىرماسى تاريحتان بەرگى ەڭ تومەن دەڭگەيگە ءتۇستى. ۆاكسينا ەگۋ ءبىرشاما ءونىمدى بالالار يممۋنيتەت قالتقىسىن ورناتتى.
شينجياڭ بالالاردىڭ سالاماتتىعىنا باسا ءمان بەرىپ، بالالار سالاماتتىعى ىستەرىن بار كۇشپەن ىلگەرىلەتتى. جاڭا تۋعان نارەستە تۋعان كۇننەن باستاپ - اق قالا، اۋىل تۇرعىندارىنىڭ نەگىزگى ەمدەۋ قامسىزداندىرۋى مامىلەسىنەن يگىلىكتەنەدى، بالالاردىڭ نەگىزگى ەمدەۋ قامسىزداندىرۋىنا قاتىناسۋى تولىق قامتۋدى جۇزەگە اسىردى.
اۋىل - قىستاقتارداعى ۇيدە قالعان بالالار مەن قيىنشىلىقتا قالعان بالالار اراسىندا شارتقا تولاتىن بالالار جانە وتباسىلارى قوعامدىق قۇتقارۋ - كومەك، قوعامدىق يگىلىك ساياساتىنا ەنگىزىلىپ، تۇرمىسى قامتاماسىز ەتىلدى.
بىلتىر 5 - ايدا بىلەگى ۇزىلگەن حوتاندىق بالانى ءساتتى قۇتقارىپ ەمدەگەن حيكايا بۇكىل ەلگە تارالدى، 1400 كيلومەتر قۇرلىق جانە اۋە جولىن باسقان تىرشىلىك ۇتىلاماسىندا كوپتەگەن مۇلدە بەيتانىس ادامدار شىن نيەتىمەن كومەكتەسىپ، بالانىڭ سالاماتتىعىن ءبىر نيەتپەن قورعادى.
الۋان رەڭدى كارتون قابىرعا سۋرەتتەر، تاپ - تازا اۋرۋلار بولمەسى، ەمدەۋ بولمەسىندەگى ءتۇرلى ەمدەۋ جابدىقتارى، قاربالاس جۇرگەن شيپاگەر - سەسترالار... شينجياڭ بالالار شيپاحاناسى مەملەكەت بويىنشا تۇڭعىش توپتاعى مەملەكەتتىڭ وڭىرلىك ەمدەۋ ورتالىعى سىناق ءتۇيىنى ورنى رەتىندە جوعارىدا بەيجيڭ بالالار شيپاحاناسىمەن بىرلەسىپ، تومەندە 40 ەمدەۋ بىرىككەن تۇلعاسىمەن، 43 ارناۋلى بولىمدەر وداعىمەن ەمدەۋ ورتاق تۇلعاسىن قۇرىپ، 13 ايماق، وبلىس، قالانى، 29 اۋدان، قالانى قامتىپ، ”ۇلكەن قولمەن“ ”كىشكەنە قولدى“ جەتەكتەۋ، تەحنيكالىق كومەك سياقتى تاسىلدەر ارقىلى بۇكىل شينجياڭنىڭ جالپى تۇلعالىق بالالار ءبولىمى كاسىپتىك تەحنيكالىق دەڭگەيىنىڭ ۇزدىكسىز جوعارىلاۋىنا جەتەكشىلىك ەتتى.
ارينە، وسى قامتاماسىزداندىرۋدىڭ بارلىعىن جوعارى دەڭگەيدە جوبالاۋدان جانە تۇزىمدىك تىرەكتەن بولە قاراۋعا بولمايدى. «شينجياڭ ۇيعۇر اۆتونوميالى رايونىنىڭ بالالاردى دامىتۋ جوباسىندا − (2021 − 2025 - جىلعا دەيىنگى)» بالالاردىڭ سالاماتتىعىن الدىمەن قامتاماسىز ەتۋ العا قويىلدى. بالالار سالاماتتىعى ۇستانىمىن ەكونوميكانى، قوعامدى دامىتۋ ساياساتىمەن توعىستىرىپ، بالالار سالاماتتىعى نەگىزگى كورسەتكىشى ۇكىمەت نىساناسىنا جانە جاۋاپكەرشىلىك باعالاۋىنا ەنگىزىلدى.
تاماشا ورتا كوڭىلدى بالالىق شاعىمىزدى نۇرلاندىردى
قىزدارى التىباقان ويناماقشى بولسا، اكەسى اۋلانىڭ ىشىنە التىباقان جاساپ بەردى؛ قىزدارى سپورتقا قىزىقسا، اكەسى اۋلانى ”ساۋىق - سايران الاڭىنا“ وزگەرتتى. 3 قىزىنىڭ اۋلادا كوڭىلدى ويناپ جۇرگەنىن كورگەن سايىن، حوتان قالاسىنىڭ تۇرعىنى ايتىللا وبۇلقاسىم مەن كۇيەۋىنىڭ جۇزىنە كۇلكى ءۇيىرىلدى.
ايتىللا ءبىر لاعىمانحانا اشقان ەدى، ساۋداسى كۇسەت بولدى. ول بىلاي دەدى: قاتتى قاربالاس بولسام دا، ۋاقىتىم شىعا قالسا بولدى، قىزدارىممەن بىرگە بولىپ، ولارمەن ويىن ويناپ، ءدامدى تاعام جاساپ بەرەمىن.
بۇگىنگى تاڭدا تيانشان الابىنداعى ءار ۇلت بالالارى تاماشا وتباسى ورتاسىندا جانە قوعامدىق ورتادا كوڭىلدى ەسەيىپ - ەرجەتۋدە.
تاڭعى اس شيىرشىقتاما موما، جۇمىرتقا قۋىرماشى، كوكونىس بوتقاسى... 5 - ايدىڭ 24 - كۇنى اتۇش قالاسىنىڭ تۇرعىنى يليار اكبار قىزمەتتەن سىرتقى ۋاقىتىندا ۋيچات توبىنان ۇلىنىڭ باعىمحانا ورتالىعىنداعى جاعدايىن كوردى.
3 ايدىڭ الدىندا بالانىڭ شەشەسى اۋرۋحاناعا جاتىپ قالعاندىقتان، يلياردىڭ 2 جاستان اسقان ۇلىنا قارايلاساتىن ادام شىقپاي قالادى، سونىمەن يليار اماناتتاپ تاربيەلەۋ قۇرىلىمىنا بارادى، باستابىندا ول بالانىڭ ۇيلەسە الماي قالۋىنان الاڭداعان ەدى، ويلاماعان جەردەن ءبىر مەزگىل ۋاقىتتان كەيىن ۇلىنىڭ مىنەزى بارعان سايىن اشىلىپ، كوپتەگەن بالالارمەن دوستاسىپ كەتەدى.
يلياردىڭ ۇلى تۇرعان جين - يتۇڭ باعىمحانا ورتالىعى قىزىلسۋ قىرعىز اۆتونوميالى وبلىسىنىڭ جالپىعا تيىمدىلىك جەتكىزۋ سيپاتىنداعى اماناتتاپ تاربيەلەۋ، قىزمەت وتەۋ، تيجارات جۇرگىزۋ سىناق ءتۇيىنى ورنى، كۇندەلىكتى قىزمەتتەن سىرت، بۇل ورتالىق الەۋمەتتىك اۋماقتىڭ اتا - انا مەن بالالار قيمىلىن ورىستەتۋىنە جانە وتباسىندا بالالاردى اماناتتاپ باعۋعا جەتەكشىلىك ەتۋ قىزمەت وتەۋىنە بەلسەنە سايكەسەدى.
جۋىق جىلداردان بەرى رايونىمىز نارەستەلەرگە ەرتە باستان قىزمەت وتەۋدى بىرتىندەپ كۇشەيتىپ، وتباسىلارىنىڭ بالالاردى عىلمي تاربيەلەۋ قابىلەتىن كۇشەيتىپ، 3 جاستان تومەنگى نارەستەلەردى كۇتىمدەۋ قىزمەت وتەۋىن بەلسەنە ىلگەرىلەتتى، بۇكىل رايونداعى نارەستەلەردى كۇتىمدەۋ قىزمەت وتەۋ قۇرىلىمى 380گە جەتتى.
رايونىمىز قالا، اۋىل مىندەتتى وقۋ - اعارتۋىن ءبىر تۇلعالاندىرۋ رەفورماسىن ىشكەرىلەي ىلگەرىلەتىپ، مىندەتتى وقۋ - اعارتۋدا ەمتيحانسىز، جاقىن ماڭدا وقۋعا ءتۇسۋدىڭ جاپپاي قامتۋىن جۇزەگە اسىرىپ، اۋىل - قىستاقتاعى بالالاردى، ىلەسىپ كەلگەن پەرزەنتتەردى، مۇگەدەك بالالاردى قامتىعان وقۋ جاسىنداعى بالالاردىڭ وقۋعا ءتۇسۋىن شىنايى قامتاماسىز ەتىپ، 9 جىلدىق مىندەتتى وقۋ - اعارتۋدىڭ بەكەمدەلۋ مولشەرىن جىل سايىن جوعارىلاتتى.
ءار كۇنى جارتى ساعات ۋاقىت شىعارىپ، قىزى شياۋلاجياۋمەن بىرگە كىتاپ وقىپ، ءار ۋاقىت وتباسىلىق مانەرلەپ وقۋ جارىسىن وتكىزىپ تۇرادى، بۇل اقسۋ قالاسىنىڭ تۇرعىنى ءمارھابا سىمايىل وتباسىنىڭ باقىتتى تۇرمىسىنىڭ داعدىلى قيمىلى.
تاياۋدا ءمارھابا مەن شياۋلاجياۋ اقسۋ قالاسىنىڭ تۇڭعىش كەزەكتى اتا - انالار مەن بالالاردىڭ مانەرلەپ وقۋ جارىسىنا قاتىناستى ءارى 1 - دارەجەلى سيلىققا يە بولدى. ”قيمىلعا قاتىناسۋ ارقىلى ءبىر ءۇيلى جان ءتىپتى دە سىرلاس بولىپ كەتتىك“، - دەدى ءمارھابا.
مۇنداي اتا - انا مەن بالالاردىڭ بىرگە كىتاپ وقۋ قيمىلى اقسۋ قالاسىندا ەرەكشە قارسى الۋعا يە بولدى. اقسۋ قالالىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى ساي تيانچين بىلاي دەدى: تۇتاس وتباسىلار ءبىر نيەتپەن سەلبەسە وتىرىپ قيمىلعا ات سالىسىپ، اتا - انا مەن بالالار اراسىنداعى قارىم - قاتىناستىڭ اناعۇرلىم جاقىن بولۋىنا، وتباسىلىق رايدىڭ اناعۇرلىم تاتۋ - ءتاتتى بولۋىنا مۇمكىندىك جاساپ، بالالارعا اناعۇرلىم مول باقىت سەزىمىن سيلادى.
شينجياڭداعى ايماقتار، وبلىستار، قالالار بالالار قيمىل ءۇيىن سالۋ، ءتۇرلى اتا - انالار مەكتەبىن اشۋ ارقىلى ازامات جاسىنا تولماعانداردىڭ يدەيا - ءمورال قۇرىلىسى قىزمەت شەبىن بەكەمدەدى؛ قوعامعا مادەنيەت سارايى، كىتاپحانا، مۇراجاي سياقتى الەۋمەتتىك مادەنيەت قۇرىلعىلارىن تەگىن اشىپ، بالالاردىڭ رۋحاني مادەنيەت تۇرمىسىن بايىتىپ، بالالاردىڭ اقاۋسىز ەسەيىپ - ەرجەتۋىنە تاماشا ورتا ازىرلەدى.
زاڭمەن باسقارۋ كۇشى بالالاردىڭ ەسەيىپ - ەرجەتۋىنە قورعان بولدى
”قاتەلىكتى وزگەرتكەننەن ارتىق جاقسى ءىس جوق“. 5 - ايدىڭ 17 - كۇنى شونجى اۋداندىق حالىق پروكۋراتۋراسىنىڭ باس پروكۋرورى ياڭ جۇيمەي زاڭمەن باسقارۋ بويىنشا ورىنباسار مەكتەپ باستىعى سالاۋاتىمەن بەلگىلى ءبىر مەكتەپكە بارىپ، سونداعى وقىتۋشى - وقۋشىلارعا ”مەكتەپ اۋلاسىندا جابىرلەۋدەن اۋلاق بولىپ، جاراسىمدى مەكتەپ اۋلاسىن بىرگە قۇرايىق“ نەگىزگى تاقىرىبىنداعى زاڭمەن باسقارۋ ساباعىن سويلەدى. ىجداعاتتى تۇردە ساباق سويلەۋ بارىسىندا زاڭمەن باسقارۋدىڭ تۇقىمى وقۋشىلاردىڭ جۇرەك تۇكپىرىنە سەبىلىپ، تامىر تارتتى.
زاڭمەن باسقارۋ بويىنشا ورىنباسار مەكتەپ باستىعى بولۋدى تياناق ەتكەن شينجياڭنىڭ پروكۋراتۋرا ورگاندارى زاڭمەن باسقارۋدى مەكتەپ اۋلاسىنا ەنگىزۋ قيمىلىن ۇدايىلاندىرۋدى جۇزەگە اسىردى. 2021 - جىلدىڭ سوڭىنا دەيىن بۇكىل شينجياڭداعى پروكۋراتۋرا ورگاندارىنان جيىنى 950 پروكۋرور جەر - جەردەگى ورتا، باستاۋىش مەكتەپتەردە زاڭمەن باسقارۋ بويىنشا ورىنباسار مەكتەپ باستىعى مىندەتىن ۇستىنە الدى.
شينجياڭ بالالاردى زاڭدىق جاقتان قورعاۋ قىزمەتىن ۇزدىكسىز تەرەڭدەتىپ، ازامات جاسىنا تولماعاندارعا زاڭدىق كومەك بەرۋ قىزمەت پۋنكتىنەن 73ىن قۇرىپ، ازامات جاسىنا تولماعانداردى تاستاندى ەتۋ، جىنىستىق سۇعاناقتىق جاساۋ، مەكتەپ اۋلاسىنداعى زورلىقتى كۇش سياقتىلار ازامات جاسىنا تولماعانداردىڭ زاڭدىق كومەك بەرۋ دەلوسى كولەمىنە ەنگىزىلدى، سونداي - اق قالا مەن اۋىلداعى قيىنشىلىق قىسپاعىندا قالعان بالالارعا باعىتتالعان ءماجبۇري مالىمەت بەرۋ، شۇعىل ءبىر جاقتى ەتۋ، باعالاۋ، كومەكتەسۋ - سۇيەمەلدەۋ، قامقورلىق جاساۋعا ارالاسۋدى قامتىعان قۇتقارۋ - كومەكتەسۋ، قورعاۋ مەحانيزمىن ورناتتى.
5 - ايدىڭ 20 - كۇنىنەن باستاپ، شينجياڭداعى تۇڭعىش ”وتباسى تاربيەسىنە جەتەكشىلىك ەتۋ قىزمەت پۋنكتىنىڭ“ جاۋاپتىسى جاڭ حۇڭجۋان سەلبەسكەن ورىندارمەن بايلانىس جاساپ، اتقارىلۋ الدىندا تۇرعان ”’ەكى زاڭدى‘ قول ۇستاسا تياناقتاندىرىپ، وتاننىڭ بولاشاعىن بىرگە قورعاۋ“ قيمىل جوباسىن ناقتىلاندىردى.
بۇل قىزمەت پۋنكتىن بيىل جىل باسىندا ساۋان قالالىق حالىق پروكۋراتۋراسى قالالىق ايەلدەر بىرلەستىگى مەن ۇرپاقتارعا كوڭىل ءبولۋ قىزمەتى كوميتەتى، قوعام حاۋىپسىزدىگى، سوت مەكەمەسى، وقۋ - اعارتۋ، عىلىم - تەحنيكا مەكەمەسى قاتارلى ورىندار بىرلەسىپ قۇرعان بولىپ، ازامات جاسىنا تولماعانداردى زاڭمەن باسقارۋ، تاربيەلەۋ ورتالىعى، ەلىكتەمە سوت قاتارلى 9 فۋنكتسيالىق وڭىردەن قۇرالىپ، ازامات جاسىنا تولماعانداردىڭ دەلولارىن ءبىتىرۋ، وتباسى تاربيەسى، زاڭدىق سۇيەمەلدەۋ - كومەكتەسۋ قاتارلى كوپ فۋنكتسيا ءبىر تۇلعالاندىرىلىپ، اتا - انالار مەن ورتا، باستاۋىش مەكتەپ وقۋشىلارىن زاڭدىق جاقتان تاربيەلەۋ، امالياتتىق كەشىرمە، پسيحولوگيالىق سالون سياقتى جالپىلىق مەكتەپ سىرتى قىزمەت وتەۋىمەن قامداپ، ازامات جاسىنا تولماعانداردىڭ اقاۋسىز ەسەيىپ - ەرجەتۋىن جەبەدى.
رايونىمىزدىڭ جەر - جەرىندەگى، ورىندارىنداعى، ءار جاقتاعى كۇشتەر بالالارعا قامقورلىق جاساپ، ولارعا بىرگە باسقالقا بولدى.
5 - ايدىڭ 23 - كۇنى اقسۋ ايماقتىق ءورت ءوشىرۋ، ورتتەن ساقتانۋ قۇتقارۋ - كومەكتەسۋ تارماق اترەتى ”عىلىم - تەحنيكا قيمىلى اپتالىعىن“ وراي ەتىپ، 50دەن استام وقۋشىنى اقسۋ ايماقتىق عىلىم - تەحنيكا سارايىنا ۇسىنىس ەتىپ، ەلىكتەمەلى ءورت اپاتىن سەزىندىرىپ، ءورت ءسوندىرۋ، ورتتەن ساقتانۋ بىلىمدەرىن جالپىلاستىرىپ، وقۋشىلاردىڭ ءورت ءسوندىرۋ، ورتتەن ساقتانۋ حاۋىپسىزدىگى تانىمىن جوعارىلاتتى. جۋىق جىلداردان بەرى، شينجياڭنىڭ جەر - جەرىندەگى ءورت ءسوندىرۋ، ورتتەن ساقتانۋ تاراۋلارى فورماسى الۋان ءتۇرلى، مازمۇنى باي ءورت ءسوندىرۋ، ورتتەن ساقتانۋ ۇگىتىن مەكتەپ اۋلاسىنا ەنگىزۋ قيمىلىن ورىستەتتى، مەكتەپتەردەگى ءبىر ميلليوننان استام وقىتۋشى - وقۋشى ءورت ءسوندىرۋ، ورتتەن ساقتانۋ حاۋىپسىزدىگى تاربيەسىن قابىلدادى.
كوز الدا «1 - ماۋسىم» حالىقارالىق بالالار مەرەكەسى تاياپ قالدى، رايونىمىزدىڭ جەر - جەرى، تاراۋلارى دەن قويا ۇيىمداستىرىپ، الۋان فورمالى قۇتتىقتاۋ قيمىلدارىن ورىستەتىپ، بالالارعا اقاۋسىز، كوڭىلدى، مەيىرگە تولى مەرەكەلىك راي قالىپتاستىردى.
ورەندەر مەن بالالار − وتاننىڭ بولاشاعى، ۇلتتىڭ ءۇمىتى. قوعامنىڭ ءار سالاسىنداعىلاردىڭ، ءار جاقتاعى كۇشتەردىڭ بىرگە قورعاۋىندا، تيانشان الابىنداعى ءار ۇلت بالالار وتاننىڭ مەيىرگە تولى ۇلى شاڭىراعىندا ەسەيىپ − ەرجەتۋدە.
