تيانشان تورى
تيانشان تورى   ›   جاڭالىقتار   ›   عىلىم-تەحنيكا

جوعارى ورەلى عىلىم - تەحنيكادا ءوز كۇشىنە سۇيەنۋدىڭ، ءوزىن الۋەتتەندىرۋدىڭ اتويشىسى بولۋعا ۇمتىلامىز

2022 - جىلعى ”مەملەكەتتىك عىلىم - تەحنيكا قىزمەتكەرلەرى كۇنى“ شينجياڭ نەگىزگى الاڭى قيمىلى باستالدى

جوعارى ورەلى عىلىم - تەحنيكادا ءوز كۇشىنە سۇيەنۋدىڭ، ءوزىن الۋەتتەندىرۋدىڭ اتويشىسى بولۋعا ۇمتىلامىز

  انار بۇلت \ شينجياڭ گازەتىنىڭ ءتىلشىسى ليۋ شياڭ 5 - ايدىڭ 30 - كۇنى ۇرىمجىدەن حابارلايدى. 5 - ايدىڭ 30 - كۇنى ”جاڭالىق اشىپ العا ۇمتىلايىق، ءوز كۇشىمىزگە سۇيەنىپ ءوزىمىزدى الۋەتتەندىرەيىك“ نەگىزگى تاقىرىبىنداعى 2022 - جىلعى ”مەملەكەتتىك عىلىم - تەحنيكا قىزمەتكەرلەرى كۇنى“ شينجياڭ نەگىزگى الاڭى قيمىلى شينجياڭ عىلىم - تەحنيكا سارايىندا باستالدى، 2022 - جىلعى شينجياڭداعى 20 ”ەڭ ارداقتى عىلىم - تەحنيكا قىزمەتكەرى“ ماداقتالىپ - سيلاندى. اۆتونوميالى رايوندىق پارتكومنىڭ ورىنباسار شۋجي حى جۇڭيوۋ قاتىناستى ءارى ءسوز سويلەدى.

  حى جۇڭيوۋ بىلاي دەپ اتاپ كورسەتتى: عىلىم - تەحنيكا مەملەكەتتىڭ قارپىمدى قارۋى، جاڭالىق اشۋ ءبىرىنشى قوزعاۋشى كۇش. بۇكىل رايونداعى قالىڭ عىلىم - تەحنيكا قىزمەتكەرلەرى باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ جانە اۆتونوميالى رايوندىق عىلىم - تەحنيكادا جاڭالىق اشۋ جينالىسىنىڭ ورنالاستىرۋلارى بويىنشا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، دامۋعا جاڭالىق اشۋ ارقىلى دەم بەرۋ ستراتەگياسىن، عىلىم - تەحنيكا ارقىلى شينجياڭدى گۇلدەندىرۋ ستراتەگياسىن جانە دارىندىلاردا قۋاتتى رايون ستراتەگياسىن ىشكەرىلەي اتقارىپ، عىلىم - تەحنيكادا جاڭالىق اشۋدىڭ كومەسكى كۇشىن شىن مانىندە تولىق شىعارىپ، وڭىرلىك جاڭالىق اشۋ جالپىلىق قابىلەتىن ۇزدىكسىز جوعارىلاتىپ، جوعارى ساپالى دامۋعا عىلىم - تەحنيكالىق تىرەك ازىرلەۋ كەرەك.

  حى جۇڭيوۋ بىلاي دەپ باسا دارىپتەدى: بۇكىل رايونداعى قالىڭ عىلىم - تەحنيكا قىزمەتكەرلەرى ”ەڭ ارداقتى عىلىم - تەحنيكا قىزمەتكەرى“ بولۋعا ۇمتىلىپ، عىلمي زەرتتەۋ ىسىندە جاڭالىق اشىپ ەلدەن وزۋعا تالپىنىپ، ءوز كۇشىنە سۇيەنىپ، ءوزىن الۋەتتەندىرىپ، جاڭالىق اشا دامۋ ستراتەگياسىنا بەلسەندىلىكپەن كىرىسىپ، باعداردى ءدال كوزدەپ، زەيىن قويا زەرتتەۋ جۇرگىزىپ، شەشۋشى، وزەكتى تەحنيكادان قامال الۋ شايقاسىنىڭ جەڭىسىنە باتىلدىقپەن قول جەتكىزىپ، عىلىم - تەحنيكادا جاڭالىق اشۋدىڭ جاقسى اتويشىسى بولۋ؛ عىلمي مادەنيەتتىڭ تاراتۋشىسى بولۋعا ۇمتىلىپ، ىرىقتى تۇردە عىلمي زەرتتەۋ مەن عىلىمدى جالپىلاستىرۋدى ۇشتاستىرىپ، كوپ ارنا، كوپ ءتۇرلى ءتاسىل ارقىلى ءار ۇلت بۇقاراسىنا عىلمي زەرتتەۋدەگى ەڭ جاڭا بايقاۋلاردى تانىستىرىپ، عىلىم - تەحنيكادا جاڭالىق اشۋ جەتىستىكتەرىن كورسەتىپ، عىلمي بىلىمدەردى تاراتىپ، عىلىم - تەحنيكا حيكايالارىن ويداعىداي بايانداپ، ءار ۇلت بۇقاراسىنىڭ رۋحاني دۇنيەسىن ۇزدىكسىز بايىتىپ جانە تولىقتاپ، جالپى حالىقتىڭ عىلمي ساپاسىن جوعارىلاتىپ، جۇڭحۋا ۇلتى ورتاق تۇلعا تانىمىن بەرىك ورناتۋ؛ عالىمدار رۋحىن زور كۇشپەن اسقاقتاتىپ، اعا بۋىن عالىمداردىڭ وتاندى كوكەيدە تۇيگەن، حالىققا قىزمەت ەتكەن تاماشا قاسيەتىن جالعاستىرىپ جانە ساۋلەلەندىرىپ، عىلىم - تەحنيكا ىستەرىنە دەگەن قىزۋ سۇيىسپەنشىلىك پەن عىلىمنىڭ اقيقاتىنا دەگەن تالپىنىستى ساقتاپ، ءىلمي ءمورال مەن ءىلمي ولشەمگە بويسۇنىپ، جاڭالىق اشۋعا، جاسامپازدىق جاراتۋعا ءتيىمدى تاماشا سالت قالىپتاستىرۋدى ىلگەرىلەتۋ كەرەك.

  حى جۇڭيوۋ بىلاي دەپ باسا دارىپتەدى: بۇكىل رايونىمىزدىڭ ءار دارەجەلى عىلىم - تەحنيكا قوعامدارى، ۇيىمدارى كوپىرلىك، دانەكەرلىك رولدارىن ويداعىداي ساۋلەلەندىرىپ، ساياسيلىقتى، العاباسارلىقتى، بۇقارالىقتى شىن مانىندە ساقتاپ جانە كۇشەيتىپ، عىلىم - تەحنيكا قىزمەتكەرلەرىمەن بايلانىس ورناتۋدى جانە ولارعا قىزمەت وتەۋدى عىلىم - تەحنيكا قوعامى قىزمەتىنىڭ جان تامىرى ەتىپ، عىلىم - تەحنيكا دارىندىلارىنىڭ جاڭالىق اشۋ، جاسامپازدىق جاراتۋ ومىرشەڭدىك كۇشىن ۇزدىكسىز قاۋلاتىپ، قالىڭ عىلىم - تەحنيكا قىزمەتكەرلەرىن پارتيانىڭ توڭىرەگىنە ەڭ كەڭ كولەمدە ىنتىماقتاستىرىپ، ۇيىستىرىپ، جاڭاشىل شينجياڭ قۇرىلىسىن ىلگەرىلەتۋگە تەلەگەي عىلىم - تەحنيكا كۇشىن ۇيىستىرۋ كەرەك.

  ”جالپى جۇرت پارتيامەن نيەتتەس بولىپ، ءوز كۇشىمىزگە سۇيەنىپ، ءوزىمىزدى الۋەتتەندىرەيىك − پارتيا باسشىلىعىنداعى عالىمدار“ اتتى سيفرلى كورمە سياقتى قاتىستى قيمىلدار ءبىر ۋاقىتتا باستالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.