شي جينپيڭ حات جولداپ، جۇڭگو بالالار ورتالىعى قۇرىلعاندىعىنىڭ 40 جىلدىعىن قۇتتىقتاعاندا بىلاي دەپ باسا دارىپتەدى
داڭقتى ءداستۇردى ساۋلەلەندىرىپ، بالالاردىڭ اقاۋسىز ەسەيىپ - ەرجەتۋىن، جان - جاقتى دامۋىن دەن قويا، سۇيىسپەنشىلىكپەن جەبەۋ كەرەك
”1 - ماۋسىم“ حالىقارالىق بالالار مەرەكەسى كەلۋ بايلانىسىمەن بۇكىل ەلدەگى قالىڭ وسپىرىمدەر مەن بالالاردىڭ مەرەكەسىن قۇتتىقتادى
قۇتتىقتاۋ حات
جۇڭگو بالالار ورتالىعى قۇرىلعاندىعىنىڭ 40 جىلدىعى ساتىندە، مەن قىزۋ قۇتتىقتاۋ بىلدىرەمىن!
40 جىلدان بەرى جۇڭگو بالالار ورتالىعى پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ اۋەلگى ماقساتى مەن بورىشىنان جازباي، ونەگە ورناتىپ ادام تاربيەلەۋ ءتۇبىرلى مىندەتىن تياناقتاندىرىپ، قالىڭ بالالارعا قىزمەت وتەپ، سوتسياليزم ىستەرىنىڭ قۇرىلىسشىلارى مەن ءىزباسارلارىن باۋلۋعا بەلسەندى ۇلەس قوستى. داڭقتى ءداستۇردى ساۋلەلەندىرىپ، قالىڭ بالالار قىزمەتكەرلەرىن ىنتىماقتاستىرىپ، بالالاردىڭ ەسەيىپ - ەرجەتۋىنىڭ جەتەكشىسى، بالالاردىڭ ۇقىق - مۇددەسىن قورعاۋشى، بالالاردىڭ بولاشاق ارمانىن سومداۋشى بولىپ، بالالاردىڭ اقاۋسىز ەسەيىپ - ەرجەتۋىن، جان - جاقتى دامۋىن دەن قويا، سۇيىسپەنشىلىكپەن جەبەۋلەرىڭىزدى ءۇمىت ەتەمىن.
”1 - ماۋسىم“ حالىقارالىق بالالار مەرەكەسى قارساڭىندا مەن پارتيا ورتالىق كوميتەتى اتىنان بۇكىل ەلدەگى قالىڭ وسپىرىمدەر مەن بالالاردىڭ مەرەكەلەرىن قۇتتىقتايمىن، بالدىرعان دوستاردىڭ ۇيرەنۋلەرىنىڭ ىلگەرى، تۇرمىستارىنىڭ كوڭىلدى بولۋىن، تولىسا ەسەيىپ - ەرجەتۋىن تىلەيمىن!
شي جينپيڭ
2022 - جىلى 5 - ايدىڭ 31 - كۇنى
(شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى. جۇڭگو بالالار ورتالىعى قۇرىلعاندىعىنىڭ 40 جىلدىعى بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حات جولداپ، قىزۋ قۇتتىقتاۋ ءبىلدىردى، سونداي - اق ”1 - ماۋسىم“ حالىقارالىق بالالار مەرەكەسى قارساڭىندا پارتيا ورتالىق كوميتەتى اتىنان بۇكىل ەلدەگى قالىڭ وسپىرىمدەر مەن بالالاردىڭ مەرەكەسىن قۇتتىقتاپ، بالدىرعان دوستاردىڭ ۇيرەنۋلەرىنىڭ ىلگەرى، تۇرمىستارىنىڭ كوڭىلدى بولۋىن، تولىسا ەسەيىپ - ەرجەتۋىن تىلەدى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 40 جىلدان بەرى جۇڭگو بالالار ورتالىعى پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ اۋەلگى ماقساتى مەن بورىشىنان جازباي، ونەگە ورناتىپ ادام تاربيەلەۋ ءتۇبىرلى مىندەتىن تياناقتاندىرىپ، قالىڭ بالالارعا قىزمەت وتەپ، سوتسياليزم ىستەرىنىڭ قۇرىلىسشىلارى مەن ءىزباسارلارىن باۋلۋعا بەلسەندى ۇلەس قوستى.
شي جينپيڭ بىلاي دەپ باسا دارىپتەدى: داڭقتى ءداستۇردى ساۋلەلەندىرىپ، قالىڭ بالالار قىزمەتكەرلەرىن ىنتىماقتاستىرىپ، بالالاردىڭ ەسەيىپ - ەرجەتۋىنىڭ جەتەكشىسى، بالالاردىڭ ۇقىق - مۇددەسىن قورعاۋشى، بالالاردىڭ بولاشاق ارمانىن سومداۋشى بولىپ، بالالاردىڭ اقاۋسىز ەسەيىپ - ەرجەتۋىن، جان - جاقتى دامۋىن دەن قويا، سۇيىسپەنشىلىكپەن جەبەۋلەرىڭىزدى ءۇمىت ەتەمىن.
جۇڭگو بالالار ورتالىعى 1982 - جىلى قۇرىلعان، رەفورما جاساعاننان، ەسىك اشقاننان كەيىنگى ەلىمىزدەگى تۇڭعىش مەملەكەت دارەجەلى مەكتەپتەن سىرت ءبىلىم بەرەتىن جانە بالالاردىڭ دامۋىن زەرتتەيتىن قۇرىلىم. 40 جىلدان بەرى جۇڭگو بالالار ورتالىعىنىڭ سان سالالى ىستەرى قارىشتاپ دامىپ، ميلليونداعان ورەندەر مەن بالالار ورتالىقتىڭ ۇيىمداستىرىپ ورىستەتكەن ءتۇرلى قيمىلدارىنا قاتىناستى.
