شي جينپيڭ حات جولداپ، جۇڭگو سۇڭ چيڭليڭ قور قوعامى قۇرىلعاندىعىنىڭ 40 جىلدىعىن قۇتتىقتاعاندا بىلاي دەپ باسا دارىپتەدى
سۇڭ چيڭليڭ مىرزانىڭ ”ماڭگى پارتيامەن بىرگە بولۋ“ سەنىمىن جالعاستىرىپ، ەل ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن جەبەۋگە تىڭ دا اناعۇرلىم كەسەك ۇلەس قوسۋ كەرەك
ۋاڭ ياڭ ەسكە ءتۇسىرۋ جينالىسىنا قاتىناستى ءارى ءسوز سويلەدى
قۇتتىقتاۋ حات
جۇڭگو سۇڭ چيڭليڭ قور قوعامى قۇرىلعاندىعىنىڭ 40 جىلدىعى ساتىندە، مەن قور قوعامىنداعى بارلىق جولداستاردى قىزۋ قۇتتىقتايمىن! قور قوعامعا ۇلەس قوسقان ەل ءىشى - سىرتىنداعى ءار سالا قايراتكەرلەرىنە ىقىلاستى سالەم جولدايمىن!
40 جىلدان بەرى، پارتيانىڭ پارمەندى باسشىلىعىندا، جۇڭگو سۇڭ چيڭليڭ قور قوعامى سۇڭ چيڭليڭ مىرزانىڭ وسكەلەڭ رۋحىنا مۇراگەرلىك ەتىپ، ونى اسقاقتاتىپ، حالىقارالىق دوستىقتى نىعايتۋ، بۇعازدىڭ ەكى جاعالاۋىنىڭ اۋىس - كۇيىسىن جانە شياڭگاڭمەن، اۋمىنمەن اۋىس - كۇيىستى كەڭەيتۋ، جاستار مەن ورەندەر ىستەرىن دامىتۋ سياقتى جاقتاردا ماڭىزدى رول اتقاردى. جۇڭگو سۇڭ چيڭليڭ قور قوعامىنىڭ سۇڭ چيڭليڭ مىرزانىڭ ”ماڭگى پارتيامەن بىرگە بولۋ“ سەنىمىن جالعاستىرىپ، ”بەيبىتشىلىك بىرلىككە كەلۋ بولاشاق“ نەگىزگى ماقساتىن امالياتتا ايگىلەپ، ءداۋىر نەگىزگى تاقىرىبىن يگەرىپ، ەرەكشە باسىمدىعىن ساۋلەلەندىرىپ، سىرتپەن حالىقتىق دوستىق سەلبەستىگىن تەرەڭدەتىپ، وتاننىڭ بەيبىت بىرلىككە كەلۋىن ىلگەرىلەتۋگە كۇش سالىپ، جاستار مەن ورەندەردىڭ ەسەيىپ - ەرجەتۋىن، دارىندى بولۋىن دەمەپ، الەۋمەتتىك يگىلىك قايىرىمدىلىق ىستەرىن دامىتىپ، ەل ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن جەبەۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ دا اناعۇرلىم كەسەك ۇلەس قوسۋىن ءۇمىت ەتەمىن.
شي جينپيڭ
2022 - جىلى 5 - ايدىڭ 31 - كۇنى
(شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى. جۇڭگو سۇڭ چيڭليڭ قور قوعامى قۇرىلعاندىعىنىڭ 40 جىلدىعى بايلانىسىمەن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حات جولداپ، قور قوعامىنداعى بارلىق جولداستاردى قىزۋ قۇتتىقتادى، قور قوعامىنا ۇلەس قوسقان ەل ءىشى - سىرتىنداعى ءار سالا قايراتكەرلەرىنە ىقىلاستى سالەم جولدادى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 40 جىلدان بەرى، پارتيانىڭ پارمەندى باسشىلىعىندا، جۇڭگو سۇڭ چيڭليڭ قور قوعامى سۇڭ چيڭليڭ مىرزانىڭ وسكەلەڭ رۋحىنا مۇراگەرلىك ەتىپ، ونى اسقاقتاتىپ، حالىقارالىق دوستىقتى نىعايتۋ، بۇعازدىڭ ەكى جاعالاۋىنىڭ اۋىس - كۇيىسىن جانە شياڭگاڭمەن، اۋمىنمەن اۋىس - كۇيىستى كەڭەيتۋ، جاستار مەن ورەندەر ىستەرىن دامىتۋ سياقتى جاقتاردا ماڭىزدى رول اتقاردى.
شي جينپيڭ جۇڭگو سۇڭ چيڭليڭ قور قوعامىنىڭ سۇڭ چيڭليڭ مىرزانىڭ ”ماڭگى پارتيامەن بىرگە بولۋ“ سەنىمىن جالعاستىرىپ، ”بەيبىتشىلىك بىرلىككە كەلۋ بولاشاق“ نەگىزگى ماقساتىن امالياتتا ايگىلەپ، ءداۋىر نەگىزگى تاقىرىبىن يگەرىپ، ەرەكشە باسىمدىعىن ساۋلەلەندىرىپ، سىرتپەن حالىقتىق دوستىق سەلبەستىگىن تەرەڭدەتىپ، وتاننىڭ بەيبىت بىرلىككە كەلۋىن ىلگەرىلەتۋگە كۇش سالىپ، جاستار مەن ورەندەردىڭ ەسەيىپ - ەرجەتۋىن، جارامدى ادام بولۋىن دەمەپ، الەۋمەتتىك يگىلىك قايىرىمدىلىق ىستەرىن دامىتىپ، ەل ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن جەبەۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ دا اناعۇرلىم كەسەك ۇلەس قوسۋىن ءۇمىت ەتتى.
جۇڭگو سۇڭ چيڭليڭ قور قوعامى قۇرىلعاندىعىنىڭ 40 جىلدىعىن ەسكە ءتۇسىرۋ جينالىسى 5 - ايدىڭ 31 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ قاتىناستى ءارى ءسوز سويلەدى. ول مىنالاردى ءبىلدىردى: باس شۋجي شي جينپيڭنىڭ قۇتتىقتاۋ حاتى جۇڭگو سۇڭ چيڭليڭ قور قوعامى قۇرىلعان 40 جىلدان بەرى قول جەتكىزگەن ناتيجەلەردى تولىق تۇراقتاندىردى، قور قوعامىنىڭ جاڭا داۋىردە ارقالايتىن بورىشى، مىندەتى جونىندە ايقىن تالاپ قويدى، پارتيا ورتالىق كوميتەتىنىڭ قور قوعامنىڭ قىزمەتىنە ايرىقشا ءمان بەرەتىندىگىن جانە ىقىلاستى ءۇمىتىن بەينەلەدى، جاڭا داۋىردەگى قور قوعام ىستەرىنىڭ دامۋىنا ايقىن العا باسۋ بەتالىسىن كورسەتتى. جۇڭگو سۇڭ چيڭليڭ قور قوعامى باس شۋجي شي جينپيڭنىڭ قۇتتىقتاۋ حاتىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق ساياسي قاسيەتكە تاباندى بولىپ، ءداۋىر ەرەكشەلىگىن بەينەلەپ، الەۋمەتتىك يگىلىك سيپاتىن ايگىلەپ، جاڭا داۋىردەگى قور قوعام ىستەرىنىڭ تىڭ ساتىعا كوتەرىلۋىن ىلگەرىلەتۋ كەرەك. جۇڭگو سۇڭ چيڭليڭ قور قوعامى پارتيانىڭ باسشىلىعىنداعى حالىقتىق توپ رەتىندە، ءسوز جوق، سۇڭ چيڭليڭ مىرزانىڭ ”ماڭگى پارتيامەن بىرگە بولۋ“ بەرىك سەنىمىن قوعام قۇرۋدىڭ نەگىزى ەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن جۇرەكتەردى توعىستىرىپ، كۇش ۇيىستىرۋدى قىزمەتتىڭ ءتۇبىرلى تياناعى ەتىپ، ەل ءىشى - سىرتىنداعى جۇڭحۋا پەرزەنتتەرىنىڭ جۇڭگو ارمانىن بىرگە ورىنداپ، تەڭ يگىلىكتەنۋىنىڭ تەلەگەي كۇشىن ۇيىستىرۋ كەرەك. وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، ءتۇرلى قىزمەتتەردى ءبىر تۇتاس جوسپارلاپ ىلگەرىلەتىپ، اناعۇرلىم جاقسى تۇردە حالىقتىق ديپلوماتيانى كەڭەيتۋدىڭ ماڭىزدى تۇعىرى، وتاننىڭ بەيبىت بىرلىككە كەلۋىن ىلگەرىلەتۋدىڭ ماڭىزدى دانەكەرى، جاستار مەن ورەندەر ىستەرىنىڭ دامۋىن ىلگەرىلەتۋدىڭ ماڭىزدى كۇشى، الەۋمەتتىك يگىلىك قايىرىمدىلىق ىستەرىن جەبەۋدىڭ ماڭىزدى توبى بولۋ كەرەك. قور قوعامىنىڭ ءوز قۇرىلىسىن ۇزدىكسىز كۇشەيتىپ، زاڭ بويىنشا، قاعيدا بويىنشا قىزمەت ورىستەتۋگە تاباندى بولىپ، ەسىكتى اشىپ قوعام قۇرۋعا تاباندى بولىپ، القالار كەڭەسىنىڭ تۇزىمدەنۋ، ولشەمدەنۋ ورەسىن جوعارىلاتىپ، القا، ەرىكتى، ورگان كادرى سىندى ءۇش قوسىن قۇرىلىسىن مىقتاپ يگەرىپ، قىزمەتتى بارعان سايىن قۇلشىنا جاقسى ىستەۋ كەرەك.
جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان جينالىستا شي جينپيڭنىڭ قۇتتىقتاۋ حاتىن وقىدى. مەملەكەتتىك ساياسي كەڭەستىڭ ورىنباسار ءتوراعاسى، جۇڭگو سۇڭ چيڭليڭ قور قوعامىنىڭ ءتوراعاسى لي بين ءسوز سويلەدى. مەملەكەتتىك ساياسي كەڭەستىڭ ورىنباسار ءتوراعاسى جىڭ جيانباڭ جينالىسقا قاتىناستى.
جينالىستا قاتىستى تاراپتاردىڭ ۋاكىلدەرى قۇتتىقتاۋ ءسوزىن سويلەدى، بىرلەسكەن مەملەكەتتەر ۇيىمى بالالار قور قوعامى قۇتتىقتاۋ حاتىن جولدادى، ورتالىق پەن مەملەكەت ورگاندارىنىڭ قاتىستى تاراۋلارى، قاتىستى حالىقتىق توپتاردىڭ جاۋاپتى جولداستارى، سۇن جۇڭشانعا، سۇڭ چيڭليڭگە قاتىستى ەسكە ءتۇسىرۋ قۇرىلىمدارىنىڭ ۋاكىلدەرى، جۇڭگو سۇڭ چيڭليڭ قور قوعامىنىڭ القاسى، قۇرمەتتى القاسى قاتارلىلار جينالىسقا قاتىناستى.
جۇڭگو سۇڭ چيڭليڭ قور قوعامى 1982 - جىلى قۇرىلعان پارتيانىڭ باسشىلىعىنداعى حالىقتىق توپ. 40 جىلدان بەرى قور قوعام ”بەيبىتشىلىك · بىرلىككە كەلۋ· بولاشاق“ نەگىزگى ماقساتىن امالياتتا ايگىلەپ، جۇڭگو مەن شەتەل حالىق دوستىعىن جەبەۋ، بۇعازدىڭ ەكى جاعالاۋىنىڭ اۋىس - كۇيىسىن جانە شياڭگاڭمەن، اۋمىنمەن اۋىس - كۇيىستى ىلگەرىلەتۋ، جاستار مەن ورەندەر ىستەرىن دامىتۋ سياقتىلارعا بەلسەندى تۇردە كۇش - قۋات ارنادى.
