شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى. جاقىندا مەملەكەتتىك كەڭەس «ەكونوميكانى تىڭعىلىقتى ورنىقتىرۋدىڭ ءبىر قىدىرۋ ساياسات شارالارىن» (تومەندە قىسقارتىلىپ «ءبىر قىدىرۋ ساياسات شارالارى» دەلىنەدى) باسىپ تاراتتى ءارى حابارلاندىرۋ شىعارىپ، جەر - جەردىڭ، تاراۋلاردىڭ مۇقيات دايەكتىلەندىرىپ اتقارۋىن تالاپ ەتتى.
حابارلاندىرۋدا مىنالار اتاپ كورسەتىلدى: ىندەتتى توسۋ، ەكونوميكانى ورنىقتىرۋ، دامۋ حاۋىپسىز بولۋ − پارتيا ورتالىق كوميتەتىنىڭ ايقىن تالابى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، حالىقتىڭ ءومىرىنىڭ حاۋىپسىزدىگى مەن دەنساۋلىق اقاۋسىزدىعىن ەڭ جوعارى شەكتە قورعاپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن ەڭ جوعارى شەكتە ازايتىپ، دامۋ مەن حاۋىپسىزدىكتى ءبىر تۇتاس جوسپارلاپ، تۇتاس جىلدىق ەكونوميكالىق، قوعامدىق دامۋ مەجەلى نىساناسىن قۇلشىنا جۇزەگە اسىرۋ كەرەك.
«ءبىر قىدىرۋ ساياسات شارالارى» 6 جاقتاعى 33 شارانى قامتيدى. ءبىرىنشى، قازىنا ساياساتى. ارتقان قۇن سالىعىن ىركىپ دولايلاستىرۋعا قالدىرۋ ساياساتىنىڭ تەبىنى ىشكەرىلەي ارتتىرىلىپ، مەجەمەن ىركىپ دولايلاستىرۋعا قالدىرىلعان سالىق جاڭادان 142 ميلليارد يۋان ارتادى، قازىنالىق كىرىس - شىعىس اياق الىسىن جەدەلدەتىپ، جەرگىلىكتى ۇكىمەتتەردىڭ ارناۋلى زايومىن تاراتۋدى، قولدانۋدى جەدەلدەتىپ ءارى قولداۋ كولەمىن كەڭەيتىپ، بيىل مەملەكەتتىڭ قارجى قۇراۋعا كەپىل بولۋ قورىمەن سەلبەستىك جۇمىستارىنا قايتالاي كەپىل بولۋ كولەمىن جاڭادان ءبىر تريلليون يۋاننان استامعا ارتتىرىپ، جۇمىس ورىندارىن ورنىقتىرۋدى قولداۋ جانە ۇكىمەتتىك ساتىپ الۋداعى ورتا، شاعىن كاسىپورىنداردى قولداۋ تەبىنىن ارتتىرىپ، قوعامدىق قامسىزداندىرۋ اقىسىن كەشىكتىرىپ تاپسىرۋ ساياساتىن اتقارۋدى كەڭەيتۋ. ەكىنشى، اقشا فينانس ساياساتى. ورتا، شاعىن، ۇساق كاسىپورىنداردىڭ جانە جەكە ساۋدا - ونەركاسىپشىلەرىنىڭ، جۇك اۆتوموبيلى شوفەرلەرىنىڭ نەسيەسى، سونداي - اق ىندەتتىڭ ىقپالىنا ۇشىراعان جەكەلەردىڭ تۇرعىن ءۇي جانە تۇتىنۋ نەسيەسى سياقتىلارعا قاراتا نەگىزگى اقشانى قايتارۋىن، ءوسىمىن تولەۋىن كەشەۋىلدەتۋگە شابىتتاندىرىپ، جالپىعا ءتيىمدى، از، ۇساق نەسيەمەن قولداۋ تەبىنىن ارتتىرىپ، ءىس جۇزىندىك نەسيەنىڭ ءوسىم مولشەرىن ورنىقتىلىق بارىسىندا تومەندەتۋدى ۇزدىكسىز ىلگەرىلەتىپ، كاپيتال بازارىنىڭ قارجى قۇراۋ ونىمدىلىگىن جوعارىلاتىپ، فينانس قۇرىلىمدارىنىڭ نەگىزدىك قۇرىلعى قۇرىلىسى مەن ەلەۋلى نىسانداردى قولداۋ تەبىنىن ارتتىرۋ. ءۇشىنشى، قارجى قوسۋدى ورنىقتىرۋ، تۇتىنۋدى جەبەۋ قاتارلى ساياساتتار. ءبىر توپ دايەكتەۋى كەمەلدى سۋ يگىلىگى ينجەنەريا نىسانىن جەدەل ىلگەرىلەتىپ، قاتىناس نەگىزدىك قۇرىلعىسىنا قارجى قوسۋدى جەدەل ىلگەرىلەتىپ، قالا جەر استى كەشەندى قۇبىر، ءدالىز قۇرىلىسىن ۇزدىكسىز ىلگەرىلەتىپ، حالىقتىق قارجى قوسۋدى ورنىقتىرىپ جانە كەڭەيتىپ، تۇعىرلىق ەكونوميكانىڭ ولشەمدى، اقاۋسىز دامۋىن جەبەپ، اۆتوكولىك، وتباسى ەلەكتر بۇيىمدارى سياقتى كولەمدى تۇتىنۋلاردى ورنىقتى ارتتىرۋ. ءتورتىنشى، استىق، ەنەرگيا حاۋىپسىزدىگىن قامتاماسىز ەتۋ ساياساتى. استىق پايداسىن قامتاماسىز ەتۋ سياقتى ساياساتتاردى اقاۋسىزداندىرىپ، كەمەلدەندىرىپ، حاۋىپسىز، تازا، جوعارى ءونىمدى پايدالانۋعا كەپىلدىك ەتۋ العى شارتىندا، كومىردىڭ ساپالى ءوندىرىس قۋاتىن تارتىپپەن شىعارىپ، ءبىر توپ ەنەرگيا نىساندارىن جەدەل ىلگەرىلەتىپ، اتقارىپ، كومىر، شيكى مۇناي سياقتى ەنەرگيا بايلىقتارىن زاپاس ساقتاۋ قابىلەتىن جوعارىلاتۋ. بەسىنشى، كاسىپ تىزبەگىن، قامداۋ تىزبەگىن ورنىقتىرۋدى قامتاماسىز ەتۋ ساياساتى. بازار تۇلعالارىنىڭ سۋدان پايدالانۋ، ەلەكتردەن پايدالانۋ، ينتەرنەتتەن پايدالانۋ سياقتىلارداعى وزىندىك قۇنىن تومەندەتىپ، بازار تۇلعالارىنىڭ ءۇي جالاقىسىن كەزەڭدىك ازايتۋدى، كەشىرىم ەتۋدى ىلگەرىلەتىپ، حالىقتىق اۆياتسيا سياقتى ىندەتتىڭ ىقپالىنا ءبىرشاما زور ۇشىراعان سالالاردىڭ، كاسىپورىنداردىڭ قيىنشىلىعىن شەشۋىنە قولداۋ كورسەتۋ تەبىنىن ارتتىرىپ، كاسىپورىنداردىڭ جۇمىستى قالپىنا كەلتىرۋ، ءونىم مولشەرىن جوسپارعا جەتكىزۋ ساياساتىن جاقسارتىپ، قاتىناستا، زات اينالىمىندا جولدىڭ اشىق بولۋىن قامتاماسىز ەتۋ، ىركىلىسسىز بولۋىن قامتاماسىز ەتۋ ساياساتىن كەمەلدەندىرىپ، زات اينالىمى تورابى مەن زات اينالىمى كاسىپورىندارىن قولداۋ تەبىنىن ءبىر تۇتاس جوسپارلاپ ارتتىرىپ، ەلەۋلى شەتەل قارجىسى نىساندارىمەن شەتەلدىك ساۋداگەرلەردى قارجى قوسۋعا باۋراۋدى جەدەل ىلگەرىلەتۋ. التىنشى، نەگىزگى حالىق تۇرمىسىن قامتاماسىز ەتۋ ساياساتى. تۇرعىن ءۇي جيناق قورىن كەزەڭدىك قولداۋ ساياساتىن اتقارىپ، اۋىل شارۋاشىلىعىنان ويىسقان جان سانى مەن اۋىل - قىستاقتاعى ەڭبەككۇشتەردىڭ جۇمىستانۋىنا، شارۋاشىلىق قۇرۋىنا قولداۋ كورسەتەتىن ساياساتتاردى كەمەلدەندىرىپ، قوعامدىق حالىق تۇرمىسىن ەڭ تومەنگى شەكتەن تۇسىرمەي قامتاماسىز ەتۋ شارالارىن كەمەلدەندىرۋ.
حابارلاندىرۋدا مىنالار تالاپ ەتىلدى: ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرى ۇيىمداستىرۋدى، باسشىلىقتى كۇشەيتىپ، ءوز ءوڭىرىنىڭ ءىس جۇزىندىگىمەن ۇشتاستىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن جانە «ۇكىمەت قىزمەتىنەن باياندامانىڭ» ورنالاستىرۋلارىن دايەكتىلەندىرۋدى، تياناقتاندىرۋدى اناعۇرلىم زور كۇش سالىپ ويداعىداي يگەرۋ، سونىمەن بىرگە «ءبىر قىدىرۋ ساياسات شارالارىنىڭ» تەزىرەك تياناقتانىپ، ونىمدىلىك كورسەتۋىن ىلگەرىلەتىپ، دەر كەزىندە تىڭعىلىقتى تياناقتاندىرۋعا شىنايى كەپىلدىك ەتىپ، ەكونوميكانى ورنىقتىرۋ جانە كاسىپورىنداردىڭ قيىنشىلىعىن شەشۋىنە دەم بەرۋ سياقتىلارعا قاراتا اناعۇرلىم زور ساياسات اسەرىن ەرتەرەك تۋدىرۋ كەرەك. وڭىرلەر، تاراۋلار ساياسي دەڭگەيدى ونان ارى جوعارىلاتىپ، ماكرولىق ەكونوميكانى ورنىقتىرۋ جاۋاپكەرشىلىگىن شىن مانىندە ارقالاپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى شەگە قاعۋ رۋحىمەن ويداعىداي يگەرىپ، شىن مانىندە ەكىنشى ماۋسىمدىق ەكونوميكانى ورنىقتىرىپ، كەلەسى جارتى جىلدىق دامۋدى جاقسى نەگىزگە يە ەتۋگە قۇلشىنىپ، ەكونوميكالىق اينالىمدى ۇيلەسىمدى ارالىقتا ساقتاپ، ءىس جۇزىندىك ارەكەتتەرى ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋلارى كەرەك.
