□ انار بۇلت \ شينجياڭ گازەتىنىڭ ءتىلشىسى شىن زۋشياۋ، ەرىكتى ءتىلشى يە سۇي
”1 - ماۋسىم“ حالىقارالىق بالالار مەرەكەسى كەلۋ قارساڭىندا رايونىمىزدىڭ جەر - جەرى، تاراۋلار ”وسپىرىمدەر مەن بالالاردىڭ جۇرەگى پارتيا دەپ سوعادى“ نەگىزگى تاقىرىبىن ارقاۋ ەتە وتىرىپ، بالالار قۋانا قابىلدايتىن فورمالارمەن باي مازمۇندى قيمىلدار ورىستەتىپ، اقاۋسىز، شات - شادىمان، مەيىرگە تولى مەرەكە رايىن قالىپتاستىردى.
5 - ايدىڭ 31 - كۇنى ءۇرىمجى قالالىق 79 - باستاۋىش مەكتەپتەگى ءبىر توپ جاڭا وترياد مۇشەلەرى داڭقپەن جۇڭگو وسپىرىمدەر پيونەرلەر وتريادىنا قابىلداندى. ”قىزىل گالستۋك توڭكەرىستىك قۇربانداردىڭ ىستىق قانىمەن بويالعان، مەن دە توڭكەرىستىك قۇرباندار سياقتى پارتيانى قىزۋ ءسۇيىپ، وتاندى قىزۋ ءسۇيىپ، حالىقتى قىزۋ ءسۇيىپ، جاڭا داۋىردەگى جاقسى وترياد مۇشەسى بولامىن“. نارت قىزىل گالستۋك تاققان، 1 - جىلدىق 4 - كلاس وقۋشىسى گو شۇيياۋ پارتيانىڭ سوزىنە قۇلاق اسۋدى، پارتياعا العىس ايتۋدى، پارتياعا ىلەسۋدى مۇرات ەتتى. سول كۇنى وسى مەكتەپتەگى وقۋشىلار ءار كلاستىڭ الدىن الا تۇسىرگەن ”اناردىڭ كىشكەنتاي داندەرى 20 - قۇرىلتايدى شات مەرەيمەن قارسى الادى“ ادەبيەت - كوركەمونەر كونسەرتىن كوردى، كونسەرتتى كورىپ بولعاننان كەيىن، ساباقتاستار جاپا - تارماعاي قۇلشىنا ۇيرەنىپ، ونەرلەرىن ۇشتاپ، وتان مەن حالىق قاجەت ەتەتىن جاقسى بالا بولاتىندىقتارىن ءبىلدىردى.
5 - ايدىڭ 29 - كۇنى كۇنەس اۋداندىق دەنساۋلىق ساقتاۋ - سالاماتتىق كوميتەتىنىڭ بەستوبە اۋىلى قاراقاشتى قىستاعىندا تۇراتىن قىزمەت اترەتى، قىستاق ”ەكى كوميتەتى“ قىستاقتاعى بالالاردى قىستاق تاريحى سارايىن ەكسكۋرسيالاۋعا ۇيىمداستىرىپ، كونە بۇيىمدار، كونە سۋرەتتەر ارقىلى بالالارعا كوزبەن كورىپ، قولمەن ۇستاۋعا بولاتىن وزگەرىستەردەن اتا مەكەننىڭ دامۋ وزگەرىسىن سەزىندىرىپ، باقىتتى تۇرمىسقا العىس ايتتى.
باستاۋىش مەكتەپ وقۋشىسى دانيار ەرلان تەبىرەنە بىلاي دەدى: ”ەكسكۋرسيالاۋ ارقىلى اۋىلىمنىڭ وراسان زور وزگەرىسىن سەزىندىم، مەنىڭ وتانعا، اتا مەكەنگە دەگەن سۇيىسپەنشىلىگىمدى ونان ارى كۇشەيتتى. مەن دەن قويا ءبىلىم ۇيرەنىپ، قۇلشىنا ونەر ۇيرەنىپ، ەرجەتكەن سوڭ اۋىلىمدى ءتىپتى دە كوركەم ەتىپ قۇرىپ شىعامىن“.
5 - ايدىڭ 31 - كۇنى قۇمىل قالاسى يجوۋ رايونى چىڭبەي ءمالىسى چيچىن الەۋمەتتىك اۋماعى ”بالالار جۇرەگىن توعىستىرىپ، جۇڭگو ارمانىن بىرگە جۇزەگە اسىرايىق سىندى باي مازمۇندى ’1 - ماۋسىم‘ قياق كۇرىش جاپىراعى سۇيىسپەنشىلىگىن“ نەگىزگى تاقىرىپ ەتكەن ”1 - ماۋسىمدى“ قۇتتىقتاۋ، دۋان - ۋدى قارسى الۋ قيمىلىن وتكىزىپ، قاراستى اۋماقتاعى بالالارعا قياق كۇرىش ءتۇيۋ بارىسىندا مەرەكەنىڭ شاتتىعىن سەزىندىرىپ، تۇرمىستىڭ ءلاززاتىن ۇعىندىردى.
بالالار، ءبىر جاعىنان، قياق كۇرىش ءتۇيۋدى ۇيرەنسە، ەندى ءبىر جاعىنان، الەۋمەتتىك اۋماق قىزمەتكەرلەرىنىڭ دۋان - ۋ مەرەكەسى جونىندەگى ادەت - عۇرىپتاردى تانىستىرۋىنا دەن قويا قۇلاق استى، بارلىق بالانىڭ جۇزىنەن قۋانىش پەن باقىت كۇلكىسى ەستى. وقۋشى ميرانجان احات: ”قياق كۇرىش ءتۇيۋ قيمىلى ارقىلى جۇڭگونىڭ ءداستۇرلى مەرەكەسى جونىندەگى تۇسىنىگىم ارتىپ، ەستەن كەتپەس ءارى ەسكە الۋ مانىنە يە مەرەكە وتكىزدىم“، - دەدى.
قىزىل گەندى جەتىلدىرىپ، قۋاتتى مايسا باپتادى. ”1 - ماۋسىم“ قارساڭىندا سانجى قالالىق 2 - بالاباقشا ”قاز - قاز باسقان جۇڭگو ءسابيى · 20 - قۇرىلتايدى شات مەرەيمەن قارسى الايىق“ اتىنداعى ”1 - ماۋسىمدى“ قارسى الۋ جەلىلەس قيمىلداردى ورىستەتىپ، ”چاڭجين كولى“، ”مەنىڭ اكەم لي داجاۋ“، ”جارقىراعان قىزىل جۇلدىز“ سياقتى قىزىل فيلمدەردى كورۋ ارقىلى بالالاردىڭ ەسەيىپ - ەرجەتۋىنە كۇش - قۋات سيلادى.
وسى بالاباقشا تاعى ”اسقىن تەزدىكپەن كوكتەي ءوتۋ“، ”قىزىل ارميانىڭ استىق تاسۋى“، ”تاۋ اسىپ، تاس باسىپ مەملەكەت تۋىن جەتكىزۋ“، ”قىزىل ارميانىڭ قاتەرلى كەشىرمەلەرى“ سياقتى نەگىزگى تاقىرىپتىق ويىنداردى ۇيىمداستىرىپ، بالالاردى پارتيانى قىزۋ سۇيەتىن، وتاندى قىزۋ سۇيەتىن، سوتسياليزمدى قىزۋ سۇيەتىن سۇيىسپەنشىلىك ورناتۋعا جەتەكتەدى.
