انار بۇلت \ شينجياڭ گازەتىنىڭ حابارى (ءتىلشى لۋ فىڭباۋ حابارلايدى). اۆتونوميالى رايوندىق قاتىناس - تاسىمال مەڭگەرمەسىنىڭ جول تورابىن باقىلاۋ - تەكسەرۋ جانە شۇعىل جاعدايعا توتەپ بەرۋ، ءبىر جاقتى ەتۋ ورتالىعى 6 - ايدىڭ 3 - كۇنىنەن 6 - ايدىڭ 5 - كۇنىنە دەيىنگى دۋان - ۋ مەرەكە دەمالىسىندا، تۇتاس رايونداعى اقى الىناتىن تاس جولداردا قاتىناۋ اقىسى كەشىرىم ەتىلمەيدى دەگەن حاباردى جاريالادى.
دۋان - ۋ مەرەكەسى كەزىندە، تۇتاس رايونداعى اقى الىناتىن تاس جولداردا قاتىناۋ جالپى مولشەرى مەجەدە 1 ميلليون 700 مىڭ كولىك - رەت، تۇتاس رايونداعى تاس جول جولاۋشى تاسىمال مولشەرى مەجەدە 690 مىڭ ادام - رەت، تاس جول قاتىناس - تاسىمالىنداعى جولاۋشىلار تاسىمالىنىڭ جيىلىگى ءبىرشاما جوعارى بولادى، ءۇرىمجى قالاسى، قاشقار ايماعى، ىلە قازاق اۆتونوميالى وبلىسى، اقسۋ ايماعى، حوتان ايماعى سىندى جەرلەردەگى جولاۋشىلاردىڭ ساپارلاۋ مولشەرى ءبىرشاما جيىلەپ، تۇتاس رايوننىڭ %68تەن استامىن يەلەيدى، تاس جول جولاۋشىلار تاسىمالىنىڭ اعىنى، باستىسى، ورتا، قىسقا ارالىقتى جەرلەرگە ساياحاتتاۋ، تۋىسشىلاۋ، جولاۋشىلاۋ سىندىلاردى نەگىز ەتەدى.
مەرەكە دەمالىسىندا، تۇتاس رايونداعى ادەتتەگى مەملەكەت، ولكە تاس جولى نەگىزگى جەلىسى مەن جوعارى قارقىندى تاس جولىنداعى قاتىناس اعىنىنىڭ ءجيى كەزى تومەندەگى ەرەكشەلىكتەرگە يە: 6 - ايدىڭ 2 - كۇنىنەن 6 - ايدىڭ 3 - كۇنىنە دەيىن نەگىزىنەن شاعىن تۇرپاتتى جولاۋشى اۆتوكولىكتەرىنىڭ جولعا شىعۋى جيىلەيدى، كولىك اعىنىنىڭ ءبىرشاما جيى كەزى مەجەدە ساعات 10نان ساعات 12گە دەيىنگى ارالىققا، ساعات 15تەن ساعات 17گە دەيىنگى ارالىققا شوعىرلانادى؛ 6 - ايدىڭ 4 - كۇنىنەن 6 - ايدىڭ 5 - كۇنىنە دەيىن، اسىرەسە، 6 - ايدىڭ 5 - كۇنى ساعات 15تەن ساعات 20عا دەيىنگى ارالىقتا كەرى قايتاتىن كولىك اعىنى ۇزدىكسىز كوبەيەدى، ءارى جوعارى ورلەيدى، مەجەدە مەرەكە كەزىندەگى ەڭ جوعارى دەڭگەيگە جەتىپ، جول تورابى اينالىمىنداعى كۇندىك ورتاشا اعىن مولشەرىنىڭ ەڭ ءجيى كەزەڭىنە اينالادى.
مەرەكە كەزىندە قاتىنايتىن كولىكتەر كوبەيەدى، قاتىناستىڭ قاۋىرت كەزىندە، مەجە بويىنشا ءىشىنارا جول بولىكتەرىندە كولىكتەردىڭ جىلجۋى باياۋلايتىن، كەپتەلەتىن جاعدايلار بولادى: G314 جەلىسىنىڭ تيانشان جابايى حايۋاناتتار باقشاسىنا باراتىن بولىگى، S116 جەلىسىنىڭ ءۇرىمجى - ءۇرىمجى اۋدانى نانشان تاۋى ەكولوگيالىق ساياحات بازاسىنا دەيىنگى بولىگى مەرەكە دەمالىسىندا سىرتقا شىعاتىن كولىكتەردىڭ كوبەيۋىنەن كەپتەلىس وڭاي تۋىلادى؛ G216 جەلىسىنىڭ گانچۋانپۋ ونەركاسىپ باقشا رايونى بولىگىندە ءىرى تۇرپاتتى تاسىمال كولىكتەرى ءبىرشاما كوپ بولادى، دى -يىڭ زات اينالىمى باقشاسىنان ليۋحۋاڭگوۋ جول تۇيىلىسىنە دەيىن، زات اينالىمى باقشاسىنا باراتىن جانە S101 جەلىسىندەگى كولىكتەردىڭ ءبىرشاما كوپ بولۋ سەبەبىنەن، تۇستىكتەن تەرىستىككە قاراي جۇرەتىن باعىتتا كەپتەلىس وڭاي تۋىلادى؛ S101 جەلىسىنىڭ K254 ۇلۋجان كورىنىس ءوڭىرى سىندى جول بولىگىندە، مەجە بويىنشا ساياحاتشىلار كوبەيىپ، كەپتەلىس وڭاي تۋىلادى.
قاتىناس - تاسىمال تاراۋى مەرەكە كەزىندە جول جۇرەتىندەردىڭ جول جاعدايىنا، تاس جول اۋا رايى ينفورماتسياسىنا دەر كەزىندە نازار اۋدارىپ، جول جۇرەتىن ۋاقىتىن جانە بەتالىسىن جولعا شىعۋدان بۇرىن جوسپارلاپ، ساپاردىڭ حاۋىپسىز، ىركىلىسسىز بولۋىنا كەپىلدىك ەتۋدى ەسكەرتەدى.
