جۇڭحۋانىڭ ءداستۇرلى مادەنيەتىن اسقاقتاتىپ، ءداستۇرلى مەرەكەنىڭ عالاماتىن ايگىلەۋ ءۇشىن، دۋان - ۋ مەرەكەسى كەلۋ قارساڭىندا، بايىنعولين موڭعۇل اۆتونوميالى وبلىسى كورلا قالاسىنىڭ ءارقايسى تاراۋى، مەكەمە ورىندارى الۋان فورماداعى دۋان - ۋ مەرەكەسى قيمىلىن ورىستەتىپ، ءار ۇلت بۇقاراسىنا حالىقتىق سالت - سانانى سەزىندىرۋمەن بىرگە ءداستۇرلى مەرەكەنىڭ عالاماتىن سەزىندىردى.
”دۋان - ۋ مەرەكەسىندە كىشكەنتاي بالاقايلار ءيىستى دوربا تاعادى، ول جونىندە جاماندىق پەن الاپاتتان ساقتايدى دەگەن ايتىلىم بار، ءارى ونى اشەكەي بۇيىمدارى رەتىندە پايدالانۋعا دا بولادى. ءيىستى دوربانىڭ ىشىنە الدىمەن ەرمەن سالايىق...“ 5 - ايدىڭ 29 - كۇنى، كورلا قالاسى جيانشى ءمالىسى ءۇستىن شاشى الەۋمەتتىك اۋماعى جاڭا ءداۋىر وركەنيەت امالياتى پۋنكتىندە ”مەرەكەمىز · دۋان - ۋ − اماندىق، باقىت جايلى تىلەك ءبىلدىرۋ سالتى“ قيمىلى ورىستەتىلدى، الەۋمەتتىك اۋماقتىڭ كادرلارى كوپشىلىككە دۋان - ۋدىڭ جول - جورالعىسى مەن دۋان - ۋ مەرەكەسىندە ءيىستى دوربا جاساۋدىڭ كەلۋ تەگىن تانىستىردى، سودان كەيىن، الەۋمەتتىك اۋماق كادرلارى قاراستى رايونداعى تۇرعىندارمەن بىرگە قياق كۇرىش ءتۇيىپ، ءيىستى دوربا جاساپ، كوپشىلىك بىرگە اڭگىمە دۇكەنىن قۇرىپ، دۋماندى شاتتىققا بولەنىپ، ءماز - مەيرام بولدى، كوپ وتپەي - اق، كوپشىلىكتىڭ تۇيگەن الۋان ءتۇرلى قياق كۇرىشى مەن جاساعان ءيىستى دورباسى دايىن بولدى.
ءۇستىن شاشى الەۋمەتتىك اۋماعى تۇرعىندار كوميتەتىنىڭ مەڭگەرۋشىسى شاڭ ميڭجيە: ”ءبىر قىدىرۋ مادەنيەت قيمىلىن ورىستەتۋ ارقىلى الەۋمەتتىك اۋماقتىڭ تۇرعىندارىن بەلسەندى قاتىناسۋعا باۋرادىق، بۇل كورشىلەر ارا سۇيىسپەنشىلىك ورناتۋعا، الەۋمەتتىك اۋماقتىڭ ۇيىسقان كۇشىن كۇشەيتۋگە ءتيىمدى بولىپ قانا قالماستان، شاتتىق اراسىندا تاربيەلىك ءمانىسىن دە اڭعارتا الادى، كوپشىلىكتىڭ دۋان - ۋ مەرەكەسىندەگى ءداستۇرلى مادەنيەتكە دەگەن تۇسىنىگىن ارتتىرۋمەن بىرگە ءداستۇرلى مەرەكەنىڭ استارىنداعى تاريحي مادەنيەتتى تەرەڭىنەن سەزىندىرە الادى“،- دەدى
