شينجياڭدىقتاردىڭ شينجياڭدى ساياحاتتاۋىن دارىپتەدى
رايونىمىز ولكە اتتاپ ۇيىرمەمەن ساياحاتتاۋدى قالپىنا كەلتىرەدى
انار بۇلت \ شينجياڭ گازەتىنىڭ ءتىلشىسى ياۋ گاڭ 6 - ايدىڭ 3 - كۇنى ۇرىمجىدەن حابارلايدى. 6 - ايدىڭ 2 - كۇنى كەشتە وتكىزىلگەن اۆتونوميالى رايوننىڭ ىندەتتەن ساقتانۋ - تىزگىندەۋدى جانە ساياحات كاسىبىنىڭ دامۋىن جەبەۋدى ءبىر تۇتاس جوسپارلاۋ جونىندەگى بەينە ەكران ماجىلىسىنەن ۇعىسۋىمىزشا، ىندەتتەن ساقتانۋ - تىزگىندەۋدى ۇدايىلاندىرۋدى زاڭ بويىنشا، عىلمي، دالمە - ءدال ويداعىداي ورىنداۋ العى شارتى استىندا، رايونىمىز شينجياڭدىقتاردىڭ شينجياڭدى ساياحاتتاۋىن دارىپتەپ، ولكە اتتاپ ۇيىرمەمەن ساياحاتتاۋدى قالپىنا كەلتىرىپ، ساياحاتتىق تۇتىنۋ بازارىن جەدەل جانداندىرادى ەكەن.
رايونىمىز ىندەتتەن ساقتانۋ - تىزگىندەۋدى ۇدايىلاندىرۋدى جانە ساياحات كاسىبىن دامىتۋدى جوعارى ونىمدىلىكپەن ءبىر تۇتاس جوسپارلاپ، ەڭ از بوداۋ ارقىلى ەڭ زور ىندەتتەن ساقتانۋ ونىمدىلىگىن جۇزەگە اسىرۋعا قۇلشىنىپ، ىندەتتىڭ ەكونوميكانىڭ، قوعامنىڭ دامۋىنا كورسەتەتىن ىقپالىن ەڭ جوعارى شەكتە ازايتىپ، اشىق ۇستاۋدى، باسقارۋدى، تەز قالپىنا كەلتىرۋدى شىن مانىندە ورىندايدى. ىندەتتەن ساقتانۋدىڭ شەگى مەن ولشەمىن بىرلىككە كەلتىرىپ، ”ءۇش بولۋ، ءۇش بولماۋدى“ ورىندايدى: ساياساتتىق ولشەمدەردى بىرلىككە كەلتىرۋ كەرەك، ءارقانداي سەبەپپەن جەرگىلىكتى ورىننىڭ باسقارۋ - تىزگىندەۋ شارالارىن مەملەكەتتىڭ، اۆتونوميالى رايوننىڭ ساياسات - بەلگىلەمەلەرىنەن اسىرىپ بەلگىلەۋىنە بولمايدى؛ ىندەتتەن ساقتانۋ - تىزگىندەۋ ساياساتىن اۆتونوميالى رايوندىق ىندەتتەن ساقتانۋ - تىزگىندەۋ قولباسشىلىق شتابىنىڭ بەكىتۋىنەن وتكەن سوڭ عانا رەتتەۋگە بولادى، بەكىتۋدەن وتپەي تۇرىپ ءوز الدىنا رەتتەۋ جۇرگىزۋىنە بولمايدى؛ باسقارۋ - تىزگىندەۋ شارالارىن زاڭ بويىنشا، بەلگىلەمە بويىنشا يكەمدى وزگەرتۋ، رەتتەۋ كەرەك، باسقارۋ - تىزگىندەۋ كولەمىن ءوز بىلگەنىنشە كەڭەيتۋگە، باسقارۋ - تىزگىندەۋ كۇشەمەلىلىگىن ارتتىرۋعا جانە تەك عانا ”باسقارۋدى“ ءبىلىپ، ”شىعارماي قويۋعا“، ”باسى ارتىق مىندەت - تالاپ قويۋعا“ بولمايدى.
جەر - جەر توڭىرەكتىك ساياحاتتى، جاقىن ماڭدا ساياحاتتاۋدى، اۋىل - قىستاق ساياحاتىن، قالادا تىنىعىپ ساياحاتتاۋدى بەلسەنە دامىتىپ، شينجياڭدىقتاردى شينجياڭدى ساياحاتتاۋعا، سول جەردەگىلەردى ءوز جەرىندە ساياحاتتاۋعا، وڭتۇستىك - سولتۇستىك شينجياڭداعىلاردى ءوزارا ساياحاتتاۋعا ىنتالاندىرادى، شينجياڭنىڭ ىشىندە قوعامدىق جەرگىلىكتى ىندەت جاعدايى بولماعان ايماق، وبلىس، قالالار اراسىندا ادامداردى بارىس - كەلىسكە جەبەيدى، مەكتەپتەردىڭ وقۋشىلاردى نەمەسە وتباسىلارداعى اتا - انا مەن بالالاردى ۇيىمداستىرىپ زەرتتەۋ، ۇيرەنۋ ساياحاتىن ورىستەتۋىنە دەم بەرەدى.
ولكە اتتاپ ۇيىرمەمەن ساياحاتتاۋدى قالپىنا كەلتىرەدى. ولكە اتتاپ ساياحاتتاۋدىڭ ”ءۇزىلىس جاساۋ“ مەحانيزمىن عىلمي، دالمە - ءدال اتقارىپ، ”ءۇزىلىس جاساۋ“ كولەمىن ولكەدەن (رايون، قالا) اۋدان (قالا، رايون، حوشۇن) جانە توتە قاراستى قالا وڭىرلەرىنە (اۋدان) رەتتەيدى. ورتا، جوعارى دارەجەلى حاۋىپ - قاتەرلى وڭىرلەردە بولماعانى انىقتالعاننان كەيىن، ساياحات سەرىكتەستىكتەرىنىڭ، سونداي - اق ينتەرنەت جەلىسىندەگى ساياحات كاسىپورىندارىنىڭ سول جەرگە كىرىپ - شىعاتىن ولكە اتتاپ ۇيىرمەمەن ساياحاتتاۋدى جانە ”ۇشاق بەلەتى + قوناقجاي“ كاسىبىن قالپىنا كەلتىرەدى. جەر - جەردى ساياحات ۇشاعىن مايلاۋ، ارناۋلى پويەز جۇرگىزۋ، ءوز اۆتوكولىگىمەن ساياحاتتاۋ بويىنشا ارناۋلى سيلاۋ ساياساتىن شىعارۋعا شابىتتاندىرىپ، شينجياڭنىڭ سىرتىنداعى ساياحاتشىلاردى شينجياڭعا كەلىپ تۇتىنۋعا جەتەكتەيدى.
قاتىناۋعا قىزمەت وتەۋ ونىمدىلىگىن جوعارىلاتۋ كەرەك. جەر - جەر ىندەتتەن ساقتانۋ - تىزگىندەۋدىڭ دالمە - دالدىگى مەن ىڭعايلىلىعىن جەدەل تۇردە ءبىر تۇتاس جوسپارلاپ، ساياحاتشىلاردىڭ وتكەلدەن وتۋدە، بەكەتتەن وتەردە قولايلى سەزىنۋىن جانە رازىلىق مولشەرىن ارتتىرىپ، جۇمىس بارىسىن ساپالىلاندىرۋ كەرەك، ءوز بەتىمەن باسقارۋ - تىزگىندەۋ وتكەلدەرىن كوبەيتۋىن، قايتالاپ تەكسەرۋدى، ساياحاتشىلاردى قىساۋ، بوگەۋ ارەكەتتەرىن ءبىر جولا تيۋ كەرەك. تىركەۋگە تۇرىپ بولعان ساياحاتشىلارعا الدىڭعى تەكسەرۋ جۇرگىزىپ، ”جەدەل ارنا“ اشۋ كەرەك.
