− شي جينپيڭنىڭ ەكولوگيالىق وركەنيەت يدەياسىنىڭ جاندى امالياتى
□ شينحۋا اگەنتتىگىنىڭ تىلشىلەرى
”ەكولوگيالىق وركەنيەت قۇرۋ حالىقتىڭ قۇت - ىرىسىنا، ۇلتتىڭ بولاشاعىنا سايادى“.
پارتيا 18 - قۇرىلتايىنان بەرى باس شۋجي شي جينپيڭ ەكولوگيالىق وركەنيەت قۇرىلىسى توڭىرەگىندە ءبىر قىدىرۋ ماڭىزدى بايىمداۋلار جاساپ، شي جينپيڭنىڭ ەكولوگيالىق وركەنيەت يدەياسىن قالىپتاستىرىپ، پارتيامىزدىڭ ەكولوگيالىق وركەنيەت قۇرىلىسىنىڭ زاڭدىلىعى تۋرالى تانىمىن تاعى ءبىر تىڭ دەڭگەيگە كوتەردى.
شي جينپيڭنىڭ ەكولوگيالىق وركەنيەت يدەياسىن جەتەكشى ەتكەن ميلليارد حالىق تالىقپاي ۇدەرە العا تارتىپ، قاجىماي - تالماي ەڭبەك ەتىپ، ”جاسىل تاۋ، تۇنىق سۋ − باعالى بايلىق“ ۇستانىمىن ۇستانىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇلشىنا قۇرىپ، تازا، كورىكتى الەمدى بىرگە قۇرۋعا جۇڭگو پاراساتىن ارناپ، جۇڭگو كۇشىن قوستى.
ەكولوگيا كوركەيسە وركەنيەت كوركەيەدى −
”ەكولوگيالىق وركەنيەت قۇرىلىسى جۇڭحۋا ۇلتىنىڭ ماڭگى باياندى دامۋىنا ساياتىن ءتۇبىرلى ۇلاعاتتى ءىس“
4 - ايداعى حاينان ىستىق بەلدەۋلىك جاڭبىرلى ورمان مەملەكەتتىك باقشاسىندا تاۋ ورمانى نۋ بولىپ جايقالىپ، تازا اۋا سارايىڭدى اشادى.
باس شۋجي شي جينپيڭ اۆتوكولىككە وتىرىپ يرەلەڭدەگەن تاۋ جولىن بويلاپ، ۋجىشان اۋماعىنا كىردى.
باس شۋجي شي جينپيڭنىڭ كوڭىلىندە حايناننىڭ ىستىق بەلدەۋلىك جاڭبىرلى ورمانى ”مەملەكەت اسىلى“ سانالادى.
مەملەكەتتىك باقشا قۇرۋ سياقتى ەكولوگيانى قورعاۋعا قاتىستى قىزمەتتەرگە ايالداعاندا باس شۋجي بىلاي دەدى: ”تابيعاتتىڭ تاعدىرى ادامزاتپەن تىعىز قاتىستى. ءبىز تاريح ءۇشىن، ۇلت ءۇشىن جۇمىس ىستەپ وتىرمىز“.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن جۇڭگوشا سوتسياليزم ىستەرىندەگى ”بەستى ءبىر تۇلعالاندىرۋ“ جالپى تۇلعالىق ورنالاستىرۋىنا ەنگىزىپ، ”كورىكتى جۇڭگونى“ ەكولوگيالىق وركەنيەت قۇرىلىسىنىڭ ۇلى نىساناسى ەتىپ، ميلليارد جۇڭگو حالقىن ەكولوگيالىق وركەنيەت جولىمەن جۇرۋگە باستادى.
ەكولوگيالىق وركەنيەت جولىمەن بۇلجىماي ءجۇرۋ ادامزات وركەنيەتىنىڭ دامۋ زاڭدىلىعى تۋرالى تەرەڭ تولعانىستان باستاۋ الدى.
مىنا ءبىر ماعىنالى اڭگىمە كىسىگە وي سالادى.
فۋجياندا قىزمەت ىستەگەن كەزدە شي جينپيڭ ۇجىم باستاپ تەكسەرۋ - زەرتتەۋ جۇرگىزۋگە پيڭتانعا باراتىن بولىپ، جولدا ءبىر قىستاقتان وتەردە ول بىرگە جۇرگەن جولداستارىنا تاريحتان ءبىر ۇزىك سىر شەرتەدى: چيانلۇڭنىڭ 14 - جىلى وسى جەردە ”ءبىر تۇندە 18 قىستاق قۇمنىڭ استىندا قالعان“ ايانىشتى تراگەديا تۋىلىپ، بىردە - ءبىر ادام امان قالماي، تەك جالعىز توراي قاشىپ قۇتىلىپتى.
شي جينپيڭ اشىنا بىلاي دەپ اتاپ كورسەتتى: ”ءبىز وسى جەردەن ءبىر ەكولوگيالىق ورتانى قورعاۋدىڭ ۇنامسىز مىسالدار تاربيەسى بازاسىن قۇرىپ، ۇرپاقتارىمىزعا ەكولوگيانى قورعاۋ ءبىزدىڭ جان تامىرىمىز ەكەندىگىن ۇعىندىرۋعا ءتيىسپىز“.
دۇنيە جۇزىنە نازار سالساق، ادامزات ونەركاسىپ وركەنيەتى داۋىرىنە وتكەننەن بەرى وراسان زور ماتەريالدىق بايلىق جاراتۋمەن قاتار، جاراتىلىستىق بايلىقتاردى تالان - تاراجىعا سالۋدى تەزدەتىپ، جەر شارى ەكولوگيالىق جۇيەسىنىڭ تەپە - تەڭدىگىن بۇزىپ، ادام مەن تابيعاتتىڭ تەرەڭ قاتپارلى قايشىلىعى كۇن سايىن كورنەكتىلەنە ءتۇستى.
باس شۋجي شي جينپيڭ بىلاي دەپ تەرەڭىنەن اتاپ كورسەتتى: ”ەكولوگيا كوركەيسە وركەنيەت كوركەيەدى، ەكولوگيا ناشارلاسا وركەنيەت قۇلدىرايدى“، ”ەكولوگيالىق ورتانى قورعاۋ قازىر ەڭبەك ەتىپ، پايداسىن بولاشاقتا كورەتىن ءىس“.
باس شۋجي شي جينپيڭنىڭ ماڭىزدى تۇجىرىمدامالارى جاراتىلىستىق ەكولوگيا مەن ادامزات وركەنيەتى اراسىنداعى قاتىناسقا عىلمي جاۋاپ بەرىپ، ەكەۋىنىڭ تاعدىرلاس بولاتىن، كوركەيۋ مەن قۇلدىراۋدا ءبىر - بىرىنە سۇيەنەتىن زاڭدىلىعىن تەرەڭىنەن اشىپ كورسەتتى.
2016 - جىلى جاڭا جىل كىرىسىمەن چاڭجياڭ ەكونوميكالىق بەلدەۋىن دامىتۋدى ىلگەرىلەتۋ جونىندەگى اڭگىمە ءماجىلىس چۇڭچيڭدە اشىلدى.
”بۇگىن ءماجىلىس سىزدەردىڭ كوڭىلدەرىڭىزدەن شىقپاۋى مۇمكىن، بۇل جولى ءبىز دامۋ ماسەلەسىن ەمەس، قورعاۋ ماسەلەسىن تالقىلايمىز“. باس شۋجي شي جينپيڭنىڭ توتەسىنەن توق ەتەرىن ايتقانى ماجىلىسكە قاتىناسقان كوپتەگەن ادامعا ”توبەدەن ءبىر شەلەك سۋىق سۋ قۇيىپ جىبەرگەندەي“ سەزىلدى.
2016 - جىلدان بەرى باس شۋجي شي جينپيڭ ۇزدىكسىز تۇردە چاڭجياڭنىڭ جوعارعى، ورتاڭعى، تومەنگى اعارىنا بارىپ تەكسەرۋ - زەرتتەۋ جۇرگىزىپ، 3 رەت ارناۋلى تاقىرىپتا اڭگىمە ءماجىلىستى باسقارىپ اشىپ، چاڭجياڭ ەكونوميكالىق بەلدەۋىندە ”زور قورعاۋدى بىرگە يگەرۋدىڭ، قاۋىرت اشپاۋدىڭ“ ديالەكتيكالىق قاتىناسى مەن ستراتەگيالىق ويىن تەرەڭ ءتۇسىندىردى.
6 جىلدان استام ۋاقىتتان بەرى چاڭجياڭ ەكونوميكالىق بەلدەۋىنىڭ ەكولوگيالىق ورتاسىندا بەت بۇرىستىق وزگەرىس تۋىلدى. زور قورعاۋدى بىرگە يگەرۋ دامۋ جىلدامدىعىنا اسەر ەتپەگەنمەن قويماي، چاڭجياڭ ەكونوميكالىق بەلدەۋىنىڭ بۇكىل ەلدەگى جوعارى ساپالى دامۋعا دەگەن تىرەكتىك، جەتەكتىك رولىن جوعارىلاتتى.
وڭتۇستىكتە چاڭجياڭ دارياسى جاتسا، سولتۇستىكتە حۋاڭحى وزەنى بار.
ءۇش وزەن قاينارى الابىندا ”جۇڭحۋانىڭ سۋ مۇناراسىن“ ويداعىداي قورعاۋدى قايتا - قايتا تاپسىردى؛ گانسۋدا ”حۋاڭحى وزەنىن حالىقتى باقىتقا كەنەلتەتىن باقىت وزەنىنە اينالدىرۋدى“ العا قويدى؛ نيڭشيادا ”حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋدى الدىمەن اتقاراتىن رايونداردى قۇرۋ“ سىندى ماڭىزدى مىندەت جۇكتەدى...
باس شۋجي شي جينپيڭ بىلاي دەپ اتاپ كورسەتتى: ”چاڭجياڭ ەكونوميكالىق بەلدەۋىن دامىتۋ ستراتەگياسىنان كەيىن، ءبىز حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋ ستراتەگياسىن ورتاعا قويدىق، مەملەكەتتىڭ ’داريا - وزەن ستراتەگياسى‘ ايقىندالدى“.
وركەنيەت ەجەلدەن سۋ ساعالاپ وركەندەگەن. باس شۋجي شي جينپيڭنىڭ ”داريا - وزەن ستراتەگياسى“ مەملەكەت دامۋىنىڭ كەلەلى جاعدايىن كوزدەگەن، جۇڭحۋا ۇلتىنىڭ ماڭگى باياندى دامۋى جونىندەگى ستراتەگيالىق جوسپار سانالادى.
وتانىمىزدىڭ تاۋ - وزەنى باس شۋجي شي جينپيڭنىڭ ەكولوگيالىق وركەنيەت قۇرىلىسىنا ءمان بەرۋىنە جانە ونى كوكەيدە تۇيۋىنە كۋا بولىپ جاتتى.
چينليڭ، 2020 - جىلى باس شۋجي شي جينپيڭ شانشيدە قىزمەت تەكسەرگەندەگى العاشقى بەكەت.
كەزىندە چينليڭنىڭ سولتۇستىك باۋرايىنداعى زاڭعا قايشى سالىنعان ساياجايلار ويدىم - ويدىم جاراداي ادامنىڭ كوڭىلىن اۋىرتقان - دى. چينليڭنىڭ ەكولوگيالىق ورتاسىن ويداعىداي قورعاۋ ءۇشىن، باس شۋجي شي جينپيڭ ىلگەرىندى - كەيىندى 6 رەت ماڭىزدى نۇسقاۋ بەرىپ، بەكىتۋ جازىپ، ماسەلەنى رەتتەۋ - تۇزەتۋدى، شەشۋدى ىلگەرىلەتتى.
تاۋدىڭ سۋىق جەلىنە بەت توسەپ تۇرىپ، باس شۋجي شي جينپيڭ تەرەڭ تولعانىسپەن بىلاي دەپ اتاپ كورسەتتى: ەكولوگيالىق وركەنيەت قۇرىلىسى قالىڭ اقشانى قولدا الىپ قالۋ ەمەس، قايتا تاريح، ۇرپاق ءۇشىن جۇمىس ىستەۋ. بۇلاردىڭ بارلىعى نەشە ون جىلدىق، نەشە ءجۇز جىلدىق تاريحقا جازىلۋى كەرەك. ەڭبەك ماعان جازىلماسا دا بولادى دەيتىن دارقاندىقپەن تاريحقا، ۇلتقا شىنايى جاۋاپتى بولىپ، تاريحتا جامان ات قالدىرماۋ كەرەك“.
شانشيدىڭ يان - انىنداعى تاۋدى جونىپ قالا سالۋ، جىجياڭ حاڭجوۋداعى چيانداۋحۋ كولىنە تاياۋ وڭىردە ەرەجەگە قايشى قۇرىلىس جۇرگىزۋ، تەڭگىر قۇمدى ءشولىن لاستاۋ، چيليانشان ەكولوگيالىق قورىعىندا ەكولوگيالىق ورتانىڭ ءبۇلىنۋى، دۇڭتيڭحۋ كولى اۋماعىنداعى تومەنگى بوگەت كولدى زاڭسىز تۇردە الاسا قورشاۋمەن قورشاۋ سياقتى ماسەلەلەر الدىندا، باس شۋجي شي جينپيڭ كوپ رەت ماڭىزدى نۇسقاۋ بەرىپ، ەشقانداي راقىمشىلىق ەتپەۋ پوزيتسياسىمەن، بوساڭسىتپاي مىقتى ۇستاۋدى، سوڭىنا دەيىن يگەرۋدى باسا دارىپتەدى.
”ەكولوگيانى قورعاۋ جاعىندا مەنىڭ ىنتالاندىرىپ، ىلگەرىلەتۋىمنىڭ، الدە سىنداپ، توقتاۋ سالۋىمنىڭ بارلىعى ءبىر مەزەت، بىرەر شارۋا ءۇشىن ەمەس، قايتا ۇلكەن ەكولوگيانى، ۇلكەن قورشاعان ورتانى كوزدەۋ، جۇڭگونىڭ باياندى دامۋىن، جۇڭحۋا ۇلتىنىڭ بولاشاعىن كوزدەۋ سانالادى“. باس شۋجي شي جينپيڭنىڭ سوزدەرى ساناعا ساۋلە توگىپ، كوكىرەك كوزىن اشتى.
پارتيا 18 - قۇرىلتايىنان بەرى شي جينپيڭنىڭ ەكولوگيالىق وركەنيەت يدەياسى ۇزدىكسىز بايىدى جانە دامىدى. 2019 - جىلعى مەملەكەتتىك ەكى ءماجىلىس كەزىندە باس شۋجي شي جينپيڭ ”ءتورت ءبىر“ ارقىلى وسى يدەيانىڭ وزەكتى ءمانىن جۇيەلى ءتۇسىندىردى −
”بەستى ءبىر تۇلعالاندىرۋ“ جالپى تۇلعالىق ورنالاستىرۋىندا ەكولوگيالىق وركەنيەت قۇرىلىسى بەستىڭ ءبىرى، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىنىڭ ىشىندە ادام مەن تابيعاتتىڭ جاراسىمدى قاتار ءومىر ءسۇرۋى ءبىر نەگىزگى جالپى جوبا، جاڭا دامۋ ۇستانىمىندا جاسىل ءتۇس ءبىر ۇلكەن ۇستانىم، ءۇش ۇلكەن قامال الۋ شايقاسىندا لاستانۋدان ساقتانۋ جانە ونى جونگە سالۋ ءبىر ۇلكەن قامال الۋ شايقاسى بولىپ تابىلادى.
وسى ”ءتورت ءبىر“ پارتيامىزدىڭ ەكولوگيالىق وركەنيەت قۇرىلىسىنىڭ زاڭدىلىعىن يگەرۋىنىڭ اناعۇرلىم دالدىگىن كورسەتتى، ەكولوگيالىق وركەنيەت قۇرىلىسىنىڭ جاڭا داۋىردەگى پارتيا مەن مەملەكەت ىستەرىنىڭ دامۋىنداعى ورنىنىڭ اناعۇرلىم كورنەكتىلەنگەندىگىن كورسەتتى، پارتيانىڭ ەكولوگيالىق وركەنيەت قۇرۋ جونىندەگى ورنالاستىرۋى مەن تالابىنىڭ اناعۇرلىم جۇيەلىلىگىن كورسەتتى.
«ەكولوگيالىق وركەنيەت قۇرىلىسىن جەدەل ىلگەرىلەتۋ جونىندەگى پىكىر»، «ەكولوگيالىق وركەنيەت ءتۇزىلىسى رەفورماسىنىڭ جالپىلىق جوباسى» ىركەس - تىركەس جاريالانىپ، ەكولوگيالىق وركەنيەت قۇرىلىسىنا ساياتىن نەشە ونداعان رەفورما جوباسى جۇيەلى ورنالاستىرىلدى؛ زاڭ شىعارىلىپ، 6 - ايدىڭ 5 - كۇنى قورشاعان ورتا كۇنى بولىپ بەلگىلەندى، ”تاريحتاعى ەڭ قاتاڭ“ جاڭا قورشاعان ورتانى قورعاۋ زاڭى اتقارىلدى، ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋ ءتۇزىمى ورناتىلدى، وزەن باستىعى ءتۇزىمى، كول باستىعى ءتۇزىمى، ورمان باستىعى ءتۇزىمى جاپپاي اتقارىلدى...
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن كورنەكتى ورىنعا قويىپ، ءبىر قىدىرۋ ءتۇبىرلى سيپاتقا، ءىز اشار سيپاتقا، ۇزاق بولاشاقتىق سيپاتقا يە قىزمەت ورىستەتىپ، ەكولوگيالىق وركەنيەت ۇستانىمى جۇرت جۇرەگىنە تەرەڭ ۇيالاپ، ەلىمىزدىڭ ەكولوگيالىق ورتانى قورعاۋىندا تاريحي، بەتبۇرىستىق، جالپى جاعدايلىق وزگەرىس تۋىلۋدى ىلگەرىلەتتى.
”تۇنىق سۋ، جاسىل تاۋ − باعالى بايلىق“ −
”ەكولوگيالىق ورتانى قورعاۋ − وندىرگىش كۇشتى قورعاعاندىق، ەكولوگيالىق ورتانى جاقسارتۋ − وندىرگىش كۇشتى دامىتقاندىق“
50 نەشە جىلدىڭ الدىندا، نە بارى 13 جاستاعى شي جينپيڭ ليجياڭعا كەلدى. ”سول كەزدە وزەن بەتى كوكپەڭبەك بولىپ، سۋ بەتىندە ساعىم ويناپ، ءتۇبى كورىنىپ جاتاتىن. وزەن جاعاسىنداعى بالىقشىلاردىڭ بالىق سەبەتى التىن سازان بالىققا تولعان، بەينە ەرتەگىلەردەگىدەي ەدى“. شي جينپيڭ كەيىن وسىلاي دەپ ەسكە الدى.
2021 - جىلى 4 - ايدا گۋاڭشيعا بارىپ قىزمەت تەكسەرگەندە، ليجياڭنىڭ جاعاسىندا باس شۋجي شي جينپيڭ جەرگىلىكتى ورىنداعى جاۋاپتى جولداسقا بىلاي دەدى: ”بۇل جولعى كەلىسىمدە مەنىڭ نازارىم ەڭ اۋعانى سىزدەردىڭ الەمدەگى ەڭ كورىكتى تاۋ - وزەندەرىڭىز بولدى. بۇل جەردىڭ ەكولوگياسىنا تەڭ كەلەر نە بار؟ گۇيليننىڭ تاۋ - وزەندەرىن جاقسى قورعاۋ سىزدەردىڭ ماڭداي الدى جاۋاپكەرشىلىكتەرىڭىز“.
گۇيليننىڭ تاۋ - وزەندەرى دە زاڭسىز تاس قازۋ، قۇم الۋ سياقتىلار اكەلگەن ەكولوگيالىق داعدارىسقا ءدوپ كەلگەن ەدى. سوڭعى جىلدارى گۇيلين قالاسى ليجياڭدى زور كۇشپەن جونگە سالىپ، ەكولوگيالىق ورتاسىن جاقسارتتى.
ەكونوميكانىڭ دامۋى مەن ەكولوگيالىق ورتانى قورعاۋدىڭ بايلانىسىن ءبىر تۇتاس جوسپارلاۋ تۋرالى شي جينپيڭ ەرتەدە - اق جاۋاپ بەردى.
2005 - جىلى 8 - ايدىڭ 15 - كۇنى سول كەزدە جىجياڭ ولكەلىك پارتكومنىڭ شۋجيى بولىپ تۇرعان شي جينپيڭ انجي اۋدانىنىڭ يۇيسۇن قىستاعىندا قىزمەت تەكسەرگەندە ”تۇنىق سۋ، جاسىل تاۋ − باعالى بايلىق“ دەگەندى ايقىن العا قويدى.
ول سودان كەيىن جاريالاعان ”جىجياڭ جاڭا سوزدەرى“ ارناۋلى ستونىنداعى ماقالاسىندا بىلاي دەپ ءتۇسىندىردى: ”ءبىز ادام مەن تابيعاتتىڭ جاراسىمدىلىعىنا، ەكونوميكا مەن قوعامنىڭ جاراسىمدىلىعىنا تالپىنامىز، قاراپايىم سوزبەن ايتقاندا، تۇنىق سۋ، جاسىل تاۋ دا كەرەك، باعالى بايلىق تا كەرەك“.
پارتيا 18 - قۇرىلتايىنان بەرى ”تۇنىق سۋ، جاسىل تاۋ − باعالى بايلىق“ بۇكىل پارتيانىڭ، بۇكىل قوعامنىڭ ورتاق تانىمى مەن ارەكەتىنە اينالدى.
2020 - جىلى 3 - ايدىڭ 30 - كۇنى باس شۋجي شي جينپيڭ يۇيسۇنگە تاعى باردى.
الىستاعى تاۋلار جاسىل جەلەك جامىلىپ، بامبۋك ورمانى كەڭ كوسىلىپ جاتىر؛ جاقىن ماڭداعى ءشوپ - اعاشتار ءبىرىن - ءبىرى ايشىقتاپ، بۇلاق سۋى سىلدىراپ اعادى. قىستاق تۇرعىندارى قۋانىشپەن باس شۋجيگە شارۋالار شاتتىعى ساياجايىنىڭ تيجاراتى مەن اق شۋلان شاي سياقتى ەرەكشە اۋىل شارۋاشىلىعى ونىمدەرىنىڭ ساتىلۋ احۋالىن قۋانا تانىستىردى.
باس شۋجي شي جينپيڭ بىلاي دەدى: ”اماليات ەكونوميكانى دامىتۋدىڭ بوداۋىنا ەكولوگيانى بۇلدىرۋگە بولمايتىندىعىن، ەكولوگيانىڭ ءوزى ەكونوميكا ەكەندىگىن، ەكولوگيانى قورعاۋدىڭ ءوزى وندىرگىش كۇشتى دامىتۋ ەكەندىگىن دالەلدەدى“.
”تۇنىق سۋ، جاسىل تاۋ − باعالى بايلىق“ ەكونوميكانىڭ دامۋى مەن ەكولوگيانى قورعاۋدىڭ ديالەكتيكالىق قاتىناسىن ايگىلەپ، دامۋ مەن قورعاۋدىڭ سايكەستى قاتار ءومىر ءسۇرۋ جولىن ايقىنداپ كورسەتتى.
ەكولوگيالىق ورتانى ويداعىداي قورعاۋ − جوعارى ساپالى دامۋدى ىلگەرىلەتۋدىڭ تابيعي تالابى.
2012 - جىلى جۇڭگو ەكونوميكاسىنىڭ ارتۋ جىلدامدىعى %8تەن تومەن دەڭگەيگە ءتۇسىپ، ەكونوميكاسىنىڭ جالپى مولشەرى شامامەن بۇكىل الەمنىڭ ％5. 11ىن يەلەگەنىمەن، بىرلىك GDPدىڭ ەنەرگيا شىعىنى دۇنيە ءجۇزىنىڭ ورتاشا ورەسىنىڭ 5. 2 ەسەسىندەي بولدى.
باس شۋجي شي جينپيڭ بىلاي دەپ اتاپ كورسەتتى: ”ەكولوگيالىق ورتانى بوداۋ ەتىپ، ەكونوميكانىڭ مەزەتتىك دامۋىنا ۇمتىلۋعا استە بولمايدى“، ”جىلدامدىقتى تەزدەتۋگە بولادى، ءبىراق تەزدەتۋ ءۇشىن ولاي ىستەۋگە بولمايدى“.
2013 - جىلى 9 - ايدا باس شۋجي شي جينپيڭ حىبەي ولكەلىك پارتكوم تۇراقتى كوميتەتى القاسىنىڭ ارناۋلى تاقىرىپتاعى دەموكراتيالىق تۇرمىس جيىنىنا قاتىناسقاندا، ءداپ باسىپ بىلاي دەپ اتاپ كورسەتتى: ”بۇكىل ەلدەگى لاستانۋى ەڭ اۋىر 10 قالانىڭ جەتەۋى حىبەيدە. ەندى بەل بۋىپ، قۇرىلىمدى رەتتەمەسەك، تاريح پەن حالىققا جاۋاپ بەرە الماي قالامىز“.
ءبىر رەتكى ”بەتكەيگە ورمەلەپ، وردان وتكەن“ قاتاڭ شايقاس يان - جاۋ دالاسىندا شىمىلدىعىن اشتى. تاۋەكەلگە بەل بۋعان شارالار كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتىپ، ەكولوگيالىق ورتانىڭ ساپاسى بىرتىندەپ جاقسارا ءتۇستى.
تالايلاعان تەكسەرۋ - زەرتتەۋ، تالايلاعان تولعانىستار ارقىلى، باس شۋجي شي جينپيڭنىڭ دامۋ مەن قورعاۋدىڭ قاتىناسى جونىندەگى ماڭىزدى بايىمداۋلارى جۇرتتىڭ تانىمىن ۇزدىكسىز تەرەڭدەتتى:
”تۇنىق سۋ، جاسىل تاۋ مەن باعالى بايلىق استە قاراما - قارسى ەمەس، تەتىك ادامدا، تەتىك وي جەلىسىندە. ەكولوگيالىق ورتانى قورعاۋ − وندىرگىش كۇشتى قورعاعاندىق، ەكولوگيالىق ورتانى جاقسارتۋ − وندىرگىش كۇشتى دامىتقاندىق“.
”ەكولوگيالىق ورتانى قورعاۋ مەن ەكونوميكانى دامىتۋ قايشىلىقتى قاراما - قارسى بايلانىستا ەمەس، قايتا ديالەكتيكالىق بىرلىك بايلانىسىندا. تەك جاسىل دامۋدىڭ ارقاۋى ويداعىداي توسەلگەندە عانا، بۇدان كەيىنگى دامۋ ارىنداي العا تارتادى“.
ەكولوگيالىق ورتانى ويداعىداي قورعاۋ ءۇشىن، عىلمي دا جۇيەلى جوسپار كەرەك.
باس شۋجي شي جينپيڭنىڭ كوڭىلىندە: ”ادامنىڭ جان تامىرى اتىزدا، اتىزدىڭ جان تامىرى سۋدا، سۋدىڭ جان تامىرى تاۋدا، تاۋدىڭ جان تامىرى توپىراقتا، توپىراقتىڭ جان تامىرى ورمان مەن شوپتە، وسى تىرشىلىك ورتاق تۇلعاسى ادامزاتتىڭ ءومىر ءسۇرۋىنىڭ، دامۋىنىڭ ماتەريالدىق نەگىزى“.
ەكولوگيانىڭ جۇيەلىلىگى مەن تۇتاستىعىنا تاباندى بولۋ تۋرالى باس شۋجي شي جينپيڭنىڭ ”تىرشىلىك ورتاق تۇلعاسى“ جونىندەگى ماڭىزدى بايىمداۋلارى جۇيەلى ويلاۋدىڭ عىلمي ءادىسىن بەينەلەدى.
2013 - جىلى 11 - ايدا باس شۋجي شي جينپيڭ «<جۇڭگو كوممۋنيستىك پارتياسى ورتالىق كوميتەتىنىڭ رەفورمانى جاپپاي تەرەڭدەتۋدەگى ءبىرقانشا كەلەلى ماسەلەلەر تۋرالى قارارى> جونىندەگى تۇسىنىكتە» بىلاي دەپ اتاپ كورسەتتى: ”تاۋ، سۋ، ورمان، اتىز، كول − تىرشىلىك ورتاق تۇلعاسى“، ”تاۋ، سۋ، ورمان، اتىز، كولدى ءبىر تۇتاس قورعاۋ، ءبىر تۇتاس قالپىنا كەلتىرۋ ايرىقشا قاجەت“.
سودان كەيىن باس شۋجي بۇعان تاعى ”جايلىم“ مەن ”قۇمدى“ قوستى: تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرا قورعاۋ مەن قالپىنا كەلتىرۋ ەكولوگيالىق جۇيەنىڭ تۇراقتىلىعى مەن باياندىلىعىن ارتتىرادى.
تاماشا ەكولوگيالىق ورتا − ەڭ جالپىعا ءتيىمدى حالىق تۇرمىسى قۇت - ىرىسى بولىپ تابىلادى.
جاز ورتاسى، حاڭجوۋدىڭ شيشي سازدىعى. وزەن، كول، وزەنشەلەردە قۇستار سايراپ، تابيعاتتىڭ لەبى ەسەدى.
20 نەشە جىلدىڭ الدىندا بۇل اراداعى وزەن ارنالارى قوقىر - قوقسىققا تولىپ، قىرۋار تۇرعىندار قورشاعان ورتانىڭ سۇركەيلىلىگىنەن امالسىز كوشىپ كەتكەن بولاتىن. 2003 - جىلى سول كەزدە جىجياڭ ولكەلىك پارتكومنىڭ شۋجيى بولىپ تۇرعان شي جينپيڭ شيشي سازدىعىن كەشەندى قورعاۋ ينجەنەرياسىن ىسكە قوسۋدى قولداپ، شيشي سازدىعى تۇبەگەيلى وزگەردى.
2020 - جىلى 3 - ايدا باس شۋجي شي جينپيڭ شيشيعا بارىپ، جاسىل بوگەۋدى، قۇت بوگەۋىن بويلاپ، سازدىقتىڭ قورعالۋ، پايدالانىلۋ احۋالىن كورىپ: ”قورعاۋدى بۇلجىماستان ءبىرىنشى ورىنعا قويىپ، سازدىقتىڭ ەكولوگياسى مەن سۋ ورتاسىن ساقتاۋعا بارىنشا قۇلشىنۋ كەرەك“، - دەپ قايتا - قايتا تاپسىردى.
حالىق بۇقاراسىنىڭ اناعۇرلىم كوركەم ورتاعا بولعان جاڭا تىلەگىنە جاۋاپ قايتارعان باس شۋجي شي جينپيڭ مىنالاردى كەسىپ ايتتى:
”ەكونوميكانى تىڭ ساتىعا كوتەرۋ ءۇشىن، ەكولوگيالىق وركەنيەتتى دە تىڭ ساتىعا كوتەرۋ كەرەك. ءبىز بەلدى بەكەم بۋىپ، حالىققا بەرگەن سەرتىمىزدى جۇزەگە اسىرۋىمىز كەرەك“؛
”جوعارى ساپالى دامۋدى حالىقتىڭ تاماشا تۇرمىس قاجەتىن قاناعاتتاندىرۋمەن تىعىز ۇشتاستىرىپ، ەكولوگيانى الدىمەن ويلاستىرۋعا تاباندى بولۋدى ىلگەرىلەتۋدى، جوعارى ساپالى دامۋدى ىلگەرىلەتۋدى، جوعارى ساپالى تۇرمىستى جارىققا شىعارۋدى ورگانيكالى ۇشتاستىرۋ، ءبىر - بىرىنە سايكەستىرۋ كەرەك“.
2015 - جىلى مەملەكەتتىك ەكى ءماجىلىس كەزىندە، باس شۋجي شي جينپيڭ شاڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: ”اۋا ساپاسىنىڭ تاماشا بولۋى قانشا ۇلەستى يەلەي الادى“؟ - دەپ سۇرادى.
”％70“.
بىرەۋ ءسوز قىستىرىپ: ”كەيدە تابيعاتقا سۇيەنىپ كۇن كورەمىز“، - دەدى.
باس شۋجي شي جينپيڭ ءسوزدى جالعاستىرىپ: ”وراي كۇتىپ وتىرا بەرۋگە دە بولمايدى! ءىس ادامنىڭ ىرقىندا“، - دەدى.
اشىق اسپاندى قورعاۋ شايقاسىنىڭ جەڭىسىنە باتىلدىقپەن قول جەتكىزىپ، ”بۇقاراعا اشىق اسپان، اقشا بۇلت، جۇلدىزى جىمىڭداعان اسپان سيلاۋ“؛ كۇش سالا سۋ ورتاسىنىڭ لاستانۋىن جونگە سالىپ، ”بۇقاراعا تۇنىق سۋ، جاسىل جاعالاۋ، تۇنىق سۋدا بالىقتار اسىر سالعان تاماشا كورىنىستى سيلاۋ“؛ كوپ ءتۇرلى شارانى قاتار جۇرگىزىپ، اۋىل - قىستاق ورتاسىن رەتتەۋ - جونگە سالۋدى ىلگەرىلەتىپ، ”بۇقارا ءۇشىن قۇستار سايراپ، گۇلدىڭ حوش ءيىسى اڭقىعان ساحارا كورىنىسىن ساقتاپ قالۋ“...
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، وڭىرلەر، تاراۋلار لاستانۋعا باتىلدىقپەن سايىس جاريالاپ، ”تۇنىق سۋ، جاسىل تاۋ − باعالى بايلىق“ ۇستانىمىن ۇستانىپ، جوعارى دەڭگەيدەگى قورعاۋ ارقىلى جوعارى ساپالى دامۋدى ىلگەرىلەتىپ، جوعارى ساپالى تۇرمىس كەشىرۋگە مۇمكىندىك جاساپ، كەلەشەك ۇرپاققا اسپانى اشىق، جەرى جاسىل، سۋى تۇنىق كورىكتى مەكەن قالدىرۋعا قۇلشىندى.
كۇللى تىرشىلىك جاراسىم تاپقان كورىكتى مەكەندى بىرگە قۇردى −
”بۇكىل ادامزاتقا پايدالى ءىس بولسا بولعانى، جۇڭگو مىندەتتى تۇردە، ءسوزسىز، ىستەيدى، سونداي - اق ونى جاقسى ىستەيدى“
بيىل 4 - ايدىڭ 21 - كۇنى انگليانىڭ فرانسيس حوللاند مەكتەبىندەگى باستاۋىش مەكتەپ وقۋشىلارى باعالى سيلىق تاپسىرىپ الدى − جۇڭگونىڭ مەملەكەت ءتوراعاسى شي جينپيڭ ولارعا جاۋاپ حات قايتاردى.
ءتوراعا شي جينپيڭ حاتىندا بىلاي دەدى:” جەر شارى − ۇلكەن شاڭىراق، ادامزات − ورتاق تۇلعا، كليمات وزگەرىسى − بۇكىل ادامزات ءدوپ كەلگەن ورتاق سىن - سايىس، بۇعان ادامزات سەلبەسە توتەپ بەرۋى كەرەك“.
ءتوراعا شي جينپيڭ تاعى بالاقايلاردى شىن ىقىلاسپەن ۇسىنىس ەتتى: ”سىزدەردىڭ جۇڭگونىڭ باستاۋىش مەكتەپ وقۋشىلارىمەن اۋىس - كۇيىس جاساپ، جاسىل دامۋ ۇستانىمىن جۇرەككە ۇيالاتىپ، ەسەيگەننەن كەيىن ادامزاتتىڭ كورىكتى مەكەنىنىڭ بەلسەندى قۇرۋشىلارى بولۋلارىڭىزدى قارسى الامىز“.
جاۋاپ قاتتى تاپسىرىپ العان سوڭ، مەكتەپتەگى وقىتۋشى - وقۋشىلار قاتتى قۋاندى. 8 جاسار وقۋشى مانون شي جينپيڭ اتاسىنا مىنالاردى ايتپاقشى بولدى: ”ساباقتاستارىمنىڭ بارلىعى كليمات وزگەرىسىنە قاتتى كوڭىل بولەدى، كوپشىلىك دۇنيەنىڭ ءتىپتى دە جاقسى بولۋىنا كومەكتەسۋ وتە ماڭىزدى دەپ قارايدى. مەكتەپ باستىعى لۋسەي ەلپينستون بىلاي دەدى: جاۋاپ حات ءتوراعا شي جينپيڭنىڭ جاستار مەن ورەندەر دۇنيە ءجۇزى ماسەلەسىنە بىرگە توتەپ بەرۋگە ات سالىسسا دەگەن شىنايى ءۇمىتىن ارقالاعان.
جەر شارى مەكەندى بىرگە قۇرۋدا، بەلسەندى ىسكەرلىك كورسەتەتىن جۇڭگو جاۋاپكەرشىلىك ارقالايدى.
باس شۋجي شي جينپيڭ كليمات وزگەرىسىنە توتەپ بەرۋگە ايرىقشا ءمان بەرىپ، ”باسقالار ءبىزدىڭ ىستەۋىمىزگە نۇسقاۋ بەرىپ وتىرعان جوق، ءبىز ءوزىمىز ىستەيمىز“، - دەپ ايقىن اتاپ كورسەتتى.
2015 - جىلى 11 - ايدىڭ 29 - كۇنى ءتوراعا شي جينپيڭ پاريجگە بارىپ، كليمات وزگەرىسى جونىندەگى پاريج جينالىسىنىڭ باستالۋ قيمىلىنا قاتىناستى.
جينالىستا، ءتوراعا شي جينپيڭ جۇڭگونىڭ الەمدىك كليمات وزگەرىسىنە توتەپ بەرۋ، پاريج كەلىسىمىن جاساۋدى ىلگەرىلەتۋ جاقتارىنداعى تۇرعىسىن، قۋاتتاماسىن تاپتەشتەي ءتۇسىندىردى؛ جينالىستان كەيىن قيمىل ارەدىگىندە كوپتەگەن ەكى جاقتى كەزدەسۋلەر وتكىزىپ، ءار جاقپەن ىشكەرىلەي پىكىر الماستىردى.
2016 - جىلى 9 - ايدىڭ 3 - كۇنى حاڭجوۋ شيحۋ مەملەكەتتىك قوناق ءۇيىنىڭ رۋ - ي زالىندا ەرەكشە سالت جۇرت نازارىن اۋداردى −
ءتوراعا شي جينپيڭ سالتاناتتى تۇردە كيلمات وزگەرىسى جونىندەگى «پاريج كەلىسىمىن» بەكىتۋ حۇجاتىن بىرلەسكەن مەملەكەتتەر ۇيىمىنىڭ سول كەزدەگى باس حاتشىسى پان جيۋىنگە تاپسىردى.
”جۇڭگو 20 ەل توبىنىڭ تۇڭعىش كليمات وزگەرىسى ماسەلەسىنە ارنالعان ءتوراعا مالىمدەمەسىن جاريالاۋدى ۇسىنىس ەتىپ، «پاريج كەلىسىمىنە» الدىمەن قول قويدى. جۇڭگونىڭ بىرلەسكەن مەملەكەتتەر ۇيىمىنىڭ ساقتاۋىنا تاپسىرعان بەكىتۋ حۇجاتى − جۇڭگو ۇكىمەتى بەرگەن جاڭا ايبىندى ۋادە“، - دەدى ءتوراعا شي جينپيڭ.
كليمات وزگەرىسىنىڭ قاتاڭ سىن - سايىسى الدىندا، جۇڭگو بەلسەندى تۇردە حالىقارالىق جاۋاپكەرشىلىكتى ارقالاپ، ادامزاتتىڭ ورتاق جەر شارى مەكەنىن قۇلشىنا قورعادى.
2020 - جىلى 9 - ايدىڭ 22 - كۇنى ءتوراعا شي جينپيڭ 75 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا بۇكىل دۇنيە جۇزىنە مىنانى جاريالادى: ”جۇڭگو مەملەكەتتىڭ ءوز كۇشىنە سۇيەنىپ ۇلەس قوسۋ سەرپىنىن ارتتىرىپ، اناعۇرلىم پارمەندى ساياسات جانە شارا قولدانىپ، 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋعا ۇمتىلادى، 2060 - جىلدان بۇرىن كومىر قىشقىل گازىن بەيتاراپتاندىرۋدى جۇزەگە اسىرۋعا قۇلشىنادى“.
ءتوراعا شي جينپيڭ: ”بۇكىل ادامزاتقا پايدالى ءىس بولسا بولعانى، جۇڭگو مىندەتتى تۇردە، ءسوزسىز، ىستەيدى، سونداي - اق ونى جاقسى ىستەيدى“، - دەدى سالماقتى تۇردە.
2021 - جىلى 9 - ايدىڭ 21 - كۇنى ءتوراعا شي جينپيڭ بەينە ەكران تاسىلىمەن 76 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىنا قاتىناسقان كەزدە تاعى ”ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولۋ“ دەگەندى قامتىعان 6 الەمدىك دامۋ دارىپتەمەسىن العا قويدى ءارى جۇڭگونىڭ وركەندەپ كەلە جاتقان ەلدەردىڭ ەنەرگياسىنىڭ جاسىل، تومەن كومىر قىشقىل گازدى دامۋىنا زور كۇشپەن قولداۋ كورسەتىپ، شەكارا سىرتىندا كومىر ەلەكتر نىساندارىن ەندىگارى جاڭادان سالمايتىندىعىن جاريالادى.
ءتوراعا شي جينپيڭ بىلاي دەپ اتاپ كورسەتتى: ”جۇڭگونىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ مەن كومىر قىشقىل گازىن بەيتاراپتاندىرۋدى جۇزەگە اسىرۋعا ۋادە ەتكەن ۋاقىتى دامىعان ەلدەردىڭ جۇمساعان ۋاقىتىنان الدەقايدا قىسقا، بۇل جۇڭگو جاقتىڭ قاجىرلىلىقپەن قۇلشىنىس جاساۋىن قاجەت ەتەدى“.
قيىنشىلىقتان تايساقتاماي، قيىنشىلىققا قاسقايا قارسى اتتاندى. جۇڭگونىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسى نەگىزىندەگى ”N＋1“ ساياساتى ىركەس - تىركەس جاريالانىپ، جەل ەلەكتر، فوتوۆولت سياقتى جاڭا ەنەرگيالار جەدەل دامىتىلىپ، جاسىل، تومەن كومىر قىشقىل گازدى ءوندىرىس، تۇرمىس ءتاسىلى ادامداردىڭ سانالى تالپىنىسىنا اينالۋدا.
«جۇڭگونىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋ جونىندەگى مەملەكەت جوباسىن» الدىمەن جاريالاپ، «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىن» جاپپاي اتقارىپ، تازا دا كورىكتى دۇنيە ءجۇزىن بىرگە قۇرۋدىڭ حالىقارالىق قۋاتتاماسىن تالاي رەت العا قويدى، ورمان بايلىعىنىڭ ارتۋ كولەمى دۇنيە ءجۇزى بويىنشا ءبىرىنشى ورىندا بولىپ، الەمدەگى وزون قاباتىن قورعاۋعا ەڭ زور ۇلەس قوسقان مەملەكەتكە اينالدى...
بۇگىنگى تاڭداعى جۇڭگو توڭىرەكتەگى ەلدەرمەن، ”ءبىر بەلدەۋ، ءبىر جول“ بويىنداعى مەملەكەتتەرمەن ەكولوگيالىق ورتانى قورعاۋ جاعىنداعى سەلبەستىكتى ۇزدىكسىز كۇشەيتىپ، تابيعاتقا قۇرمەت ەتەتىن، جاسىل داميتىن ەكولوگيالىق جۇيەنى جەدەل قۇرىپ، دۇنيە جۇزىندەگى ەلدەرمەن تازا دا كورىكتى دۇنيە ءجۇزىن بىرگە قۇرىپ، بۇكىل الەمنىڭ ەكولوگيالىق وركەنيەت قۇرىلىسىنىڭ ماڭىزدى قاتىسۋشىسىنا، ۇلەس قوسۋشىسىنا، جەتەكشىسىنە اينالدى.
2021 - جىلى 10 - ايدىڭ 12 - كۇنى «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ باسشىلار باس قوسۋىندا ءتوراعا شي جينپيڭ تازا دا كورىكتى دۇنيە ءجۇزىن بىرگە قۇرۋدىڭ ”جۇڭگو ءۇنىن“ جاريالاپ، حالىقارالىق قوعامدى سەلبەستىكتى كۇشەيتىپ، ءبىر نيەتتە ويلاپ، كۇشتى ءبىر اراعا جۇمساپ، جەر شارى تىرشىلىك ورتاق تۇلعاسىن بىرگە قۇرۋعا ۇندەدى.
2022 - جىلى 1 - ايدىڭ 17 - كۇنى 2022 - جىلعى دۇنيە جۇزىلىك ەكونوميكا تالقى مىنبەرى بەينە ەكران ماجىلىسىندە ءتوراعا شي جينپيڭ جۇڭگو ەكولوگيالىق وركەنيەت قۇرىلىسىن مىزعىماس تاباندىلىقپەن ىلگەرىلەتۋ، باياندى دامۋدى جۇزەگە اسىرۋدىڭ بەكىمى مەن ارەكەتىن 3 ”بار كۇشپەن“ تاعى دا ءتۇسىندىردى:
جۇڭگو تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، تاۋ، سۋ، ورمان، اتىز، كول، جايلىم، قۇمدى ءشولدى ءبىر تۇلعالاندىرىپ قورعاۋدى جانە جۇيەلى جونگە سالۋدى ىلگەرىلەتىپ، ەكولوگيالىق وركەنيەت قۇرىلىسىن بار كۇشپەن ىلگەرىلەتىپ، لاستانۋدىڭ الدىن الۋدى جانە ونى جونگە سالۋدى بار كۇشپەن كۇشەيتىپ، حالىقتىڭ ءوندىرىس، تۇرمىس ورتاسىن بار كۇشپەن جاقسارتادى.
ادام جاسىل تاۋدى ارداقتاسا، جاسىل تاۋ دا، ءسوز جوق، ادامنىڭ ءۇمىتىن اقتايدى.
جاڭا ءداۋىر، جاڭا جورىقتا شي جينپيڭنىڭ ەكولوگيالىق وركەنيەت يدەياسىنىڭ جەتەكشىلىگىندە ءبىز ءبىر نيەتپەن قول ۇستاسىپ، قاجىماي - تالماي كۇرەس جۇرگىزسەك بولعانى، ءسوز جوق، اناعۇرلىم تەلەگەي ۇلى كۇش ۇيىستىرىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇرىپ، اناعۇرلىم كوركەم، تاماشا مەكەندى بىرگە قۇرا الامىز.
(تىلشىلەر گاۋ جيڭ، حۋ لۋ، حوۋ شۋەجيڭ، ۋ يۋە)
(شينحۋا اگەنتتىگىنىڭ 6 - ايدىڭ 4 - كۇنى بەيجيڭنەن بەرگەن حابارى)
