تيانشان تورى
تيانشان تورى   ›   جاڭالىقتار   ›   عىلىم-تەحنيكا

شىنجوۋ 14 - ءنومىرلى عارىشكەرلى الەم كەمەسى 6 - ايدىڭ 5 - كۇنى ۇشىرىلادى

  شينحۋا اگەنتتىگىنىڭ 6 - ايدىڭ 4 - كۇنى جيۋچۋاننان بەرگەن حابارى (تىلشىلەر لي ليحان، جاڭ رۇيجيە). كەڭىستىك بەكەتىنىڭ كەزەڭدىك ۇشۋ مىندەتى باس قولباسشىلىق شتابىنىڭ اقىلداسۋىمەن بەيجيڭ ۋاقىتى 6 - ايدىڭ 5 - كۇنى ساعات 10نان 44 مينۋت وتكەندە شىنجوۋ 14 - ءنومىرلى عارىشكەرلى الەم كەمەسىن ۇشىرۋ ۇيعارىلدى. وسى رەتكى ۇشىرۋ مىندەتىن اتقاراتىن ۇزاق جورىق 2 - ءنومىرلى F ياۋ 14 - ءنومىرلى تاسىمال راكەتاسىنا ۇشىرۋ جانار زاتى قۇيىلا باستايدى.

  مۇنى جۇڭگو عارىشقا ادام الىپ ۇشۋ ينجەنەرياسىنىڭ اقپارات مالىمدەمەشىسى، جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ ورىنباسار مەڭگەرۋشىسى لين شيچياڭ 6 - ايدىڭ 4 - كۇنى تۇستەن بۇرىن جيۋچۋان جاساندى سەرىك ۇشىرۋ ورتالىعىندا وتكىزىلگەن اقپار جاريالاۋ ماجىلىسىندە جاريالادى.

  لين شيچياڭ بىلاي دەپ تانىستىردى: شىنجوۋ 14 - ءنومىرلى عارىشقا ادام الىپ ۇشۋ مىندەتى كەڭىستىك بەكەتىن قۇرۋ ساتىسىنداعى 2 - رەتكى ۇشۋ مىندەتى، سونداي - اق وسى كەزەڭدەگى تۇڭعىش رەتكى عارىشقا ادام الىپ ۇشۋ مىندەتى، عارىشكەرلەر گرۋپپاسى وربيتادا 6 اي قىزمەت ىستەيدى، تۇرمىس كەشىرەدى، مىندەتىنىڭ باستى ماقساتى: ۋىنتيان تاجىريبە بولمەسىنىڭ، مىڭتيان تاجىريبە بولمەسىنىڭ وزەكتى بولمەمەن ءتۇيىلىسىپ توعىسۋىنا جانە ورىن اۋىسۋىنا سايكەسىپ، جۇڭگو كەڭىستىك بەكەتىن وربيتادا قۇراستىرىپ قۇرۋ؛ كەڭىستىك بەكەتى بولمەسىنىڭ ءىشى - سىرتىنداعى جابدىقتار مەن كەڭىستىكتەن پايدالانۋ مىندەتىنە قاتىستى قۇرىلعى، جابدىقتاردى ورناتۋ جانە سىناقتان وتكىزۋ؛ كەڭىستىك عىلمى تاجىريبەسى مەن تەحنيكا سىناعىن ورىستەتۋ؛ كۇندەلىكتى كۇتىمدەۋ، جوندەۋ سياقتى قاتىستى قىزمەتتەردى ىستەۋ.

  جوسپار بويىنشا شىنجوۋ 14 - ءنومىرلى الەم كەمەسى وربيتاعا كىرگەننەن كەيىن، دەربەس تەز قارقىنمەن ءتۇيىلىسىپ توعىسۋ ۇلگىسىن قولدانىپ، تيانحى وزەكتى بولمەنىڭ راديال اۋزىمەن توعىسىپ، تيانحى وزەكتى بولمەسىمەن جانە تيانجوۋ 3 - ءنومىرلى، تيانجوۋ 4 - ءنومىرلى جۇك تاسىمالى الەم كەمەسىمەن قۇراما تۇلعا قالىپتاستىرادى.

  قازىر تيانحى وزەكتى بولمەسىمەن تيانجوۋ 3 - ءنومىرلى، تيانجوۋ 4 - ءنومىرلىنىڭ قۇراما تۇلعاسىنىڭ كۇيى جانە ءارقايسى جابدىقتاردىڭ قىزمەتى قالىپتى بولىپ، ءتۇيىلىسىپ توعىسۋ جانە عارىشكەرلەردىڭ كىرىپ تۇرۋ شارت - جاعدايىن ازىرلەدى. شىنجوۋ 14 - ءنومىرلى عارىشكەرلى الەم كەمەسى مەن ۇزاق جورىق 2 - ءنومىرلى F ياۋ 14 - ءنومىرلى تاسىمال راكەتاسى ونىمدەرىنىڭ ساپاسى مەڭگەرىلگەن، عارىشكەرلەر ۇشۋ گرۋپپاسىنىڭ جاعدايى جاقسى، جەر بەتى جۇيەسىنىڭ قۇرىلعى، جابدىقتارىنىڭ اينالىمى ورنىقتى، ۇشىرۋدان بۇرىنعى ءتۇرلى دايىندىق جۇمىستارى نەگىزىنەن ورىندالىپ بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.