انار بۇلت \ شينجياڭ گازەتىنىڭ ءتىلشىسى شى شين 6 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، 2022 - جىلى رايونىمىزدىڭ كومىر كاسىپورىندارىنىڭ ورتا، ۇزاق مەزگىلدىك توقتامعا قول قويۋ مولشەرى وزىندە بار بايلىق مولشەرىنىڭ ％85ىنە جەتىپ، ەلەكتر شىعارۋ، جىلۋمەن قامداۋ كاسىپورىندارى قول قويعان كومىردىڭ ورتا، ۇزاق مەزگىلدىك توقتامى جاپپاي قامتۋدى جۇزەگە اسىرعان.
پارتيا ورتالىق كوميتەتىنىڭ، مەملەكەتتىك كەڭەستىڭ كومىرمەن قامداۋدى قامتاماسىز ەتۋ، باعانى ورنىقتىرۋ جونىندەگى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ، ەكونوميكانىڭ جالپى جاعدايىن ورنىقتىرۋ جونىندەگى مەملەكەتتىك تەلەۆيزور - تەلەفون ءماجىلىسىنىڭ رۋحى مەن مەملەكەتتىك دامۋ جانە رەفورما كوميتەتى اشقان كومىردىڭ ورتا، ۇزاق مەزگىلدىك توقتامى جونىندەگى تەلەۆيزور - تەلەفون ءماجىلىسىنىڭ رۋحىن تياناقتاندىرۋ ءۇشىن، اۆتونوميالى رايوندىق دامۋ جانە رەفورما كوميتەتى دەرەۋ ورنالاستىرۋ جاساپ، كومىردىڭ ورتا، ۇزاق مەزگىلدىك توقتامىنا قول قويۋىن اتقارۋ قىزمەتىنە وسكەلەڭ ءمان بەرىپ، كومىردىڭ ورتا، ۇزاق مەزگىلدىك توقتامىنىڭ ”تۇراقتاندىرعىشتىق“، ”ورنىقتىرعىشتىق“ رولىن ۇزدىكسىز ساۋلەلەندىرۋدى؛ كومىردىڭ ورتا، ۇزاق مەزگىلدىك توقتامىنىڭ اتقارىلۋىن باقىلاۋ - باسقارۋدى كۇشەيتىپ، ءوندىرۋشى، تاسىمالداۋشى، قاجەت ەتۋشى 3 جاقتىڭ مولشەرى، باعاسى تولىق، شىنايى ونىمگە يە ورتا، ۇزاق مەزگىلدىك توقتامعا قول قويىسۋ نەگىزىندە ۋادەنى ادال اتقارىپ، ءتۇيىندى باقىلاپ - باسقارىلاتىن توقتامنىڭ ايلىق ورىنداۋ سالىستىرماسىن ％80تەن اسىرۋعا، جىلدىق ورىنداۋ سالىستىرماسىن ％90تەن اسىرۋعا شىنايى كەپىلدىك ەتۋدى؛ ايلىق توقتامنىڭ ورىندالۋ جاعدايىنا دەر كەزىندە سالالاپ، تالداۋ جاساپ، ورىنداۋ سالىستىرماسى ناشار كاسىپورىندارعا قاراتا، جاۋاپكەرشىلىكتى ناقتىلاندىرىپ، ارناۋلى ادام جىبەرىپ ءبىتىرۋدى قاداعالاپ، قاتاڭ قۋزاپ، دەر كەزىندە رەتتەپ، تۇزەتىپ، كومىردىڭ ورتا، ۇزاق مەزگىلدىك توقتامىنىڭ ورىندالۋ بارىسىندا ساقتالعان ماسەلەلەردى سايكەستى ءبىر جايلى ەتىپ، وندىرىسكە، تۇرمىسقا قاجەتتى كومىر پايدالانۋدى قامتاماسىز ەتىپ، تۇتاس رايونىمىزداعى كومىردىڭ ورتا، ۇزاق مەزگىلدىك توقتامىن ورىنداۋ قىزمەتىنىڭ تاعى دا تىڭ بەلەسكە كوتەرىلۋىن بار كۇشپەن ىلگەرىلەتۋدى تالاپ ەتتى.
بيىل جىل باسىنان بەرى اۆتونوميالى رايوندىق دامۋ جانە رەفورما كوميتەتى كومىردىڭ ورتا، ۇزاق مەزگىلدىك توقتامىن ورىنداۋ قىزمەتىنە وسكەلەڭ ءمان بەرىپ، ءبىر - بىردەن قۋزاپ، قاداعالاپ ءبىتىرىپ، كوپ شارانى قاتار اتقارۋ ارقىلى قىزمەتتى ىلگەرىلەتتى. 4 - ايدىڭ سوڭىنا دەيىن تۇتاس رايونىمىزداعى مەملەكەتتىڭ باقىلاۋىنداعى كومىردىڭ ورتا، ۇزاق مەزگىلدىك ءتۇيىندى توقتامىنىڭ ورىندالۋ سالىستىرماسى ％4. 102كە جەتتى.
