انار بۇلت \ شينجياڭ گازەتىنىڭ حابارى (ءتىلشى ياۋ گاڭ حابارلايدى). 4 - ايدا ”قول تەلەفوندا شينجياڭدى ساياحاتتاۋ“ (تومەندە قىسقارتىلىپ ”شينجياڭدى ساياحاتتاۋ“ دەپ الىنادى) تەكشەسىنە قۋات ۇستەپ، دارەجەسىن ءوسىرۋ ىسكە قوسىلعاننان باستاپ، جەر - جەر 3A دارەجەلىدەن جوعارى كورىنىس ءوڭىرىنىڭ بەلەت ءىسى، الدىن الا كەلىسۋ سياقتى ساندى مالىمەتتەردى كىرىستىرۋ قىزمەتتەرىن بەلسەنە ىلگەرىلەتىپ، 5 - ايدىڭ سوڭىنا دەيىن، تۇتاس شينجياڭداعى 3A دارەجەلىدەن جوعارى 468 كورىنىس ءوڭىرىنىڭ 405ىمەن توقتام جاساستى.
اۆتونوميالى رايوندىق مادەنيەت جانە ساياحات مەڭگەرمەسى ساياحاتتى ۇگىتتەۋ، جالپىلاستىرۋ ورتالىعى قىزمەتكەرىنىڭ تانىستىرۋىنا قاراعاندا، كەزەكتە، جەر - جەر 3A دارەجەلىدەن جوعارى كورىنىس ءوڭىرى، مادەنيەت سارايى، تاڭداۋلى قوناقجاي، حالىقتىق تۇسەلحانا، اس - سۋ، ساياحات سەرىكتەستىكتەرى سياقتى ساياحاتقا قاتىستى كاسپورىندارمەن توقتام جاساسۋ جانە ساندى مالىمەتتەردى كىرىستىرۋ قىزمەتتەرىن ىلگەرىلەتۋ اياق الىسىن تەزدەتىپ، بەلەت ءىسى جۇيەسىن ىسكە قوسىپ، قوناقتار شوعىرىنىڭ ساندى مالىمەتتەرىن ءبىر تۇتاس تەكشەگە تۇسىرگەن. مادەنيەت، ساياحات تاراۋلارى اتالعان تەكشە ارقىلى، ءارقايسى كورىنىس ءوڭىرىنىڭ جۇمىس جۇرگىزۋ جاعدايىن دەر كەزىندە يەلەپ، قاتىستى ساياساتتار بەلگىلەۋگە ءىرى ساندى مالىمەتتەر ازىرلەيدى.
”شينجياڭدى ساياحاتتاۋ“ تەكشەسىنە قۋات ۇستەۋ، دارەجەسىن ءوسىرۋ − شينجياڭنىڭ زەردەلى ساياحاتىن ىلگەرىلەتۋدەگى كۇش سالۋ ءتۇيىنى. يقۋاتى كەمەلدەنىپ، دارەجەسى وسىرىلگەننەن كەيىن ”شينجياڭدى ساياحاتتاۋ“ − ”ءبىر كودپەن ساياحاتتاۋ“ ۇلگىسىن جولعا قويىپ، جەرگىلىكتى ورىننىڭ ساپالى بايلىقتارىن بىرىكتىرىپ، بەلەت ينفورماتسياسى، كورىنىس ءوڭىرىن الدىن الا كەلىسۋ، ساياحاتتى باسقارۋ، ۇگىت قىزمەت وتەۋى جانە بازار ساۋداسى سياقتى ساندى مالىمەتتەردى كىرىستىرۋ تۇعىرى ارقىلى، ساياحاتشىلارعا، كورىنىس وڭىرىنە، ساياحاتقا قاتىستى كاسپورىندارعا سيفىرلانعان قىزمەت وتەۋىن ازىرلەيدى.
