تيانشان تورى   ›   جاڭالىقتار   ›   عىلىم-تەحنيكا

رايونىمىز عىلىم - تەحنيكادا جاڭالىق اشۋدىڭ 26 ءتۇرلى شاراسىن العا قويدى

  انار بۇلت \ شينجياڭ گازەتىنىڭ ءتىلشىسى شيە حۇيبيان 6 - ايدىڭ 6 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى «عىلىم - تەحنيكادا جاڭالىق اشۋدىڭ تىرەكتىك، جەتەكشىلىك رولىن كۇشەيتىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ جونىندەگى پىكىردى» (تومەندە قىسقارتىلىپ ”عىلىم - تەحنيكادا جاڭالىق اشۋدىڭ 26 ءتۇرلى شاراسى“ دەلىنەدى) باسىپ تاراتىپ، اتقاردى. العا قويىلعان 26 ءتۇرلى شارادا شەشۋشى، وزەكتى تەحنيكالاردا قامال الۋدى كۇشەيتۋ، عىلىم - تەحنيكادا جاڭالىق اشۋ نەگىزىن بەكەمدەۋ، عىلىم - تەحنيكا ءتۇزىلىسى رەفورماسىن تەرەڭدەتۋ، جاڭالىق اشۋ جۇيەسىنىڭ تۇلعالىق ونىمدىلىگىن جوعارىلاتۋ ايقىندالىپ، جوعارى ساپالى دامۋدى جۇزەگە اسىرۋعا پارمەندى عىلىم - تەحنيكالىق تىرەك ازىرلەدى.

     ”بۇل جوعارى ساپالى دامۋ ۇستانىمى العا قويىلعاننان كەيىن رايونىمىزدىڭ عىلىم - تەحنيكادا جاڭالىق اشۋ ارقىلى جوعارى ساپالى دامۋعا تىرەك بولۋ، جەتەكشىلىك ەتۋ جونىنەن شىعارعان تۇڭعىش حۇجاتى“، - دەدى اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمەنىڭ ورىنباسار باستىعى سۇن يۇڭجيان.

  ”عىلىم - تەحنيكادا جاڭالىق اشۋعا قاتىستى 26 شارادا“ مىنالار العا قويىلدى: ”14 - بەسجىلدىقتىڭ“ سوڭىنا دەيىن قازىنانىڭ عىلىم - تەحنيكالىق شىعىسىنىڭ ادەتتەگى الەۋمەتتىك مەجە ەسەپ شىعىسىندا يەلەيتىن سالىستىرماسى مەملەكەتتىڭ جوعارى ساپالى دامۋ جالپىلىق ناتيجەسىن باعالاۋىنداعى 3 - تۇردەگى وڭىرلەرىنىڭ الدىڭعى لەگىنە جەتۋ، تۇتاس قوعامدا زەرتتەۋ مەن سىناق رەتىندە دامۋعا بەرىلەتىن قاراجات شىعىسىنىڭ وڭىرلىك ءوندىرىس جالپى قۇنىندا يەلەيتىن سالىستىرماسى كورنەكتى جوعارى بولۋ كەرەك.

  ”عىلىم - تەحنيكادا جاڭالىق اشۋعا قاتىستى 26 شارادا“ مىناداي التى جاقتاعى ءتۇيىندى مىندەتتەر ايقىندالدى: ءبىرىنشى، جوعارى ساپالى دامۋدى عىلىم - تەحنيكامەن قامداۋدى كۇشەيتۋ؛ ءتۇيىندى كاسىپ سالالارىندا شەشۋشى تەحنيكادان قامال الۋدى كۇشەيتىپ، ءتۇيىندى كاسىپ سالالارىندا تەحنيكادا جاڭالىق اشۋ تىزىمدىگىن ورناتىپ، جاڭالىق اشۋ تىزبەگى مەن كاسىپ سالاسى تىزبەگىنىڭ تەرەڭدەي توعىسۋىن ىلگەرىلەتۋ؛ حاۋىپسىز عىلىم - تەحنيكالىق تىرەك پەن عىلىم - تەحنيكا ارقىلى حالىققا تيىمدىلىك جاساۋدى كۇشەيتىپ، بايىرعى جاڭالىق اشۋ قابىلەتى قۇرىلىسىن كۇشەيتۋ.

  ەكىنشى، عىلىم - تەحنيكانىڭ ستراتەگيالىق تىرەكتىلىك كۇشىن نىعايتۋ. جاڭالىق اشۋعا جەتەكشىلىك ەتۋدىڭ بيىگىن قالىپتاستىرىپ، جىبەك جولى ەكونوميكالىق بەلدەۋىندەگى جاڭالىق اشۋ ارقىلى دامۋعا دەم بەرۋ سىناق رايونى مەن ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونىن جاڭالىق اشۋ ارقىلى دامۋعا دەم بەرۋدەن ۇلگى كورسەتۋ رايونى جانە جوعارى ساپالى دامۋدى الدىمەن اتقارعان رايون ەتىپ قۇرىپ شىعۋ؛ مەملەكەت دارەجەلى جاڭالىق اشۋ تۇعىرىن جەتىلدىرىپ، قۇرىپ، مەملەكەتتىك تاجىريبەحانالاردىڭ شينجياڭنان جاڭالىق اشۋ بازاسىن قۇرۋىنا، بۇكىل ەلىمىزدەگى ءتۇيىندى تاجىريبەحانالاردىڭ شينجياڭعا ورنالاسۋىنا بەلسەنە قول جەتكىزۋ؛ اۆتونوميالى رايوننىڭ جاڭالىق اشۋ تۇعىرىنىڭ تىرەكتىك قابىلەتىن كۇشەيتىپ، شينجياڭ تاجىريبەحاناسى مەن اۆتونوميالى رايوننىڭ تەحنيكادا جاڭالىق اشۋ ورتالىعى سىناق ءتۇيىنى قۇرىلىسىن باستاۋ.

  ءۇشىنشى، كاسىپورىننىڭ جاڭالىق اشۋ تۇلعالىق ورنىن كۇشەيتىپ، كاسىپورىنداردىڭ عىلىم - تەحنيكادا جاڭالىق اشۋ كەلەلى مىندەتتەرىن باستاماشى بولىپ ارقالاۋ سالىستىرماسىن جوعارىلاتىپ، كاسىپ سالاسى تىزبەگىنىڭ شەشۋشى تەحنيكا جاعىنداعى سۇرانىسىن ارقاۋ ەتىپ، كاسىپورىنداردىڭ باس بولىپ جاڭالىق اشۋ بىرىككەن تۇلعاسىنىڭ ۇيىمداسىپ قۇرىلۋىن قولداپ، عىلىم - تەحنيكا ۇلگىسىندەگى كاسىپورىنداردى ساتىلى جەتىلدىرۋ جۇيەسىن ورناتۋ.

  ءتورتىنشى، عىلىم - تەحنيكا دارىندىلارىن باۋلىپ، ۇيىستىرىپ، جاڭالىق اشۋعا قۇلىقتى دارىندىلاردى باۋلىپ، عىلىم - تەحنيكا دارىندىلارىن ەنگىزۋ مەحانيزمىندە جاڭالىق اشىپ، عىلىم - تەحنيكا دارىندىلارىن شابىتتاندىرۋدى كۇشەيتۋ.

  بەسىنشى، عىلىم - تەحنيكا ۇسىنىلىمى تەبىنىن ارتتىرۋ. قازىنالىق عىلىم - تەحنيكا ۇسىنىلىمىن ارتتىرىپ، كاسىپورىنداردىڭ زەرتتەۋ، اشۋ ۇسىنىلىمىن ارتتىرۋىنا جەتەكشىلىك ەتىپ، عىلىم - تەحنيكا مەن فينانستىڭ تەرەڭدەي توعىسۋىن ىلگەرىلەتىپ، كوپ نەگىزدى زەرتتەۋ، اشۋ، ۇسىنىلىم ارناسىن قالىپتاستىرۋ.

  التىنشى، تاماشا جاڭالىق اشۋ ەكولوگياسىن قالىپتاستىرىپ، عىلىم - تەحنيكادا جاڭالىق اشۋ ءتۇزىلىسى، مەحانيزمى رەفورماسىن تەرەڭدەتىپ، عىلىم - تەحنيكا جەتىستىكتەرىن كادەگە جاراتۋعا تىرەك بولۋدى، قىزمەت وتەۋدى كۇشەيتىپ، عىلىم - تەحنيكا سالاسىندا زاڭمەن باسقارۋ قۇرىلىسىن ىلگەرىلەتىپ، عىلىم - تەحنيكادا اشىق سەلبەسۋ ارناسىن قالىپتاستىرىپ، عىلىم جالپىلاستىرۋ، جاڭالىق اشۋ مادەنيەتى قۇرىلىسى سياقتىلاردى نىعايتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.