تيانشان تورى
تيانشان تورى   ›   جاڭالىقتار   ›   شينجياڭ حابارلارى

جىبەك جولىنداعى بايىرعى قالاشىق كوز تارتارلىق جاڭا قالا بولىپ جاينادى

كۇشار قالاسى:

جىبەك جولىنداعى بايىرعى قالاشىق كوز تارتارلىق جاڭا قالا بولىپ جاينادى

  6 - ايدىڭ 4 - كۇنى كەشتە قالا تۇرعىندارى كۇشار قالاسىنىڭ دۇڭحۋ باقشاسىندا سەيىلدەپ، اپتا سوڭىنداعى دەمالىستان ءلاززاتتانۋدا.

  □ سۋرەتتى انار بۇلت \ شينجياڭ گازەتىنىڭ ءتىلشىسى زوۋ ي تۇسىرگەن

  ”اۋدان قالاشىعىنان دامۋعا نازار“

  بەتاشار

  اۋدان قالاشىعى ەلىمىزدىڭ قالا - قالاشىق جۇيەسىنىڭ ماڭىزدى قۇرامداس بولىگى، قالا مەن اۋىلدىڭ توعىسا دامۋىنىڭ شەشۋشى تىرەگى، جاڭاشا قالا - قالاشىقتاندىرۋ قۇرىلىسىن جەبەۋدە، جاڭاشا ونەركاسىپ، اۋىل شارۋاشىلىعى، قالا - اۋىل قاتىناسىن تۇلعالاۋدا ماڭىزدى مانگە يە. پارتيا 18 - قۇرىلتايىنان بەرى، رايونىمىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، حالىقتى وزەك ەتۋگە تاباندى بولىپ، جاڭاشا قالا - قالاشىقتاندىرۋدى ىلگەرىلەتىپ، اۋدان قالاشىعى قۇرىلىسىنىڭ دامۋى تىڭ كەزەڭگە قادام تاستادى. انار بۇلت \ شينجياڭ گازەتى بۇگىننەن باستاپ ”اۋدان قالاشىعىنان دامۋعا نازار“ ايدارىن شىعارىپ، جەرگىلىكتى ورىن باسشىلارى جوبانى تىلگە تيەك ەتۋ، اۋدان قالاشىعىنىڭ جەر بەلگىلەرىنەن دامۋعا نازار سالۋ، سان - سيفرلاردى شەبەرلىكپەن قاراستىرىپ سىرىنا ءۇڭىلۋ، قالانىڭ تۇتاس كەلبەتىن اۋەدەن سۋرەتكە ءتۇسىرۋ سياقتى تاسىلدەر ارقىلى رايونىمىزدىڭ جاڭاشا قالا - قالاشىقتاندىرۋىنىڭ جاڭا ونىمدىلىگىن جانە حالىقتى وزەك ەتىپ قارىشتاپ دامىعان جاڭا داۋىردەگى اۋدان قالاشىعىنىڭ كەلبەتىن ايگىلەپ، قالىڭ كادرلار مەن بۇقارانى كوكىرەك كەرنەگەن سەنىممەن جاڭا جورىقتا ەكپىندەي ىلگەرىلەپ، جاڭا داۋىردە ەسە قوسىپ، ءىس جۇزىندىك ارەكەتتەرىمەن پارتيا 20 - قۇرىلتايىنىڭ جەڭىسپەن اشىلۋىن قارسى الۋعا جىگەرلەندىرەمىز.

  انار بۇلت \ شينجياڭ گازەتىنىڭ ءتىلشىسى جاڭ جىلي

  لوشى مۇناراسىنىڭ ساعىمى كۇمىس تولقىندا ويناپ، كۇسان مادەنيەتى ساعاسايالىعى دالىزىنەن كورىنىس بەرسە، ايداعار ءپىشىندى كەمەلەر شامگۇل مەن قامىس اراسىنان كوزگە تۇسەدى، سارقىراما كەڭ كول ايدىنىنا كۇركىرەي قۇلاۋدا... 6 - ايدىڭ 3 - كۇنى كۇشار قالاسى شينتياندي شاعىن اۋماعىنىڭ تۇرعىنى ءمامتىمىن ابىلا 2 نەمەرەسىن ەرتىپ ءۇيىنىڭ الدىنداعى دۇڭحۋ باقشاسىنا كەلىپ، ارالاي ءجۇرىپ سۋرەتكە ءتۇسىردى.

  اۋدانى شامامەن 750 مىڭ شارشى مەتر كەلەتىن دۇڭحۋ باقشاسىنىڭ توڭىرەگىندە كۇشار قالاسى جاڭا قالا رايونىنىڭ ءزاۋلىم عيماراتتارى كوككە بوي سوزىپ تۇر. قيىرعا كوز جبەرسەڭىز، باتىستا كۇشار قالاسى كونە قالا رايونى، شىعىستا كۇشار ەكونوميكالىق، تەحنيكالىق اشۋ رايونى. كوز الداعى وسى تانىس ءارى بەيتانىس قالانىڭ باۋرامدىلىعى بارعان سايىن ارتا ءتۇستى، زەينەتكە شىعۋدان بۇرىن تالاي جىل جۇك اۆتوموبيلىن جۇرگىزگەن ءمامتىمىن ابىلا نەمەرەلەرىنە ۇنەمى جىبەك جولىنداعى بايىرعى قالاشىق كۇشاردىڭ وراسان زور وزگەرىستەرىن اڭگىمەلەپ بەرەدى.

   ەرتەدە ”كۇسان“ دەپ اتالعان مەملەكەتتىك تاريحي، مادەنيەت ايگىلى قالا كۇشار ءار ادامدى ماقتانىش سەزىمىنە بولەيدى: تاريحقا كوز جىبەرسەك، 4 ۇلكەن وركەنيەت كەزىندە وسى ارادا توعىسىپ، دۇنيە جۇزىنە ايگىلى كۇسان مادەنيەتىن قالىپتاستىرعان؛ باسىمدىقتى تىلگە الساق، شىعىستان كىرگىزىپ، باتىسقا شىعارۋدىڭ، وڭتۇستىككە ۇلاسىپ، سولتۇستىككە كەڭەيۋدىڭ ءتورت كوشەسىندە تۇر، ەنەرگيا، اۋىل شارۋاشىلىعى، ساياحات بايلىعى ءبىرشاما مول؛ وزگەرىستى ايتساق، جاڭا بەت - بەينە، جاڭا تىنىس، جاڭا سالتتى بار الاپتان كورۋگە، سەزىنۋگە بولادى؛ بۇگىنگە كوز سالساق، كورىنىس پەن قالا توعىسىپ، كاسىپ سالاسى مەن قالا توعىسىپ، قالا مەن اۋىل توعىسىپ، جوعارى ساپالى دامۋعا قۋاتتى قوزعاۋشى كۇش ۇستەدى.

  كونە ىرعاق، جاڭا اۋەن

   تاريحي بايىرعى قالا ءداۋىردىڭ اسقاق ءۇنىن شىعانداتتى

  ”وڭتۇستىك شينجياڭداعى وسى شاعىن قالانىڭ ۇزاق تاريحقا، شۇعىلالى مادەنيەتكە يە بولۋمەن بىرگە، وسى زامانعى كوشە اۋماقتارىنا، زاماناۋي فاكتورلارعا يە ەكەندىگىن؛ باتىس بولىك شەكارا ءوڭىردىڭ ايبىندى تىنىسىنا يە بولۋمەن بىرگە، جياڭنان سۋلى مەكەننىڭ مەيىرلى دە جايدارى كەلبەتى بار ەكەندىگىن ويلاماعان ەكەنمىن“. جاقىندا كۇشار قالاسىندا تۇرعان بەيجيڭ − تيانجين − حىبەي، چاڭجياڭ اتىراۋى ساۋداگەر شاقىرۋ گرۋپپاسىنىڭ زور كۇشپەن تانىستىرۋىندا پۋياڭ قالاسى ليانجۇڭ شيڭيە حيميا ونەركاسىپ شەكتى سەرىكتەستىگىنىڭ باس ديرەكتورى لياڭ جۇڭساي قاتارلى كاسىپكەرلەر كۇشارعا العاش رەت كەلىپ تەكسەرۋ جۇرگىزگەندە تەرەڭ اسەرگە يە بولدى.

  كۇشار قالاسىنىڭ كوشە - كوشەلەرىن ارالاپ جۇرسەڭىز، كۇشار جونىندەگى اندەردى اۋىق - اۋىق ەستيسىز، اندەردە ەر - ايەل، كارى - جاس ماداقتالىپ، گۋمانيتار، جاعراپيا باياندالىپ، قالانىڭ كوشە حيكايالارى ايتىلىپ، ءدامدى تاعام، كوركەم كورىنىس ماداقتالادى. اۆتوكولىكتەردىڭ ۇنىنەن ءان اۋەنى، ءبي ىرعاعىنا دەيىن، كورىنىس اۋماقتارىنىڭ سىرتىنان كورىنىس اۋماقتارىنىڭ ىشىنە دەيىن، جاڭا قالا رايونىنان كونە قالا اۋماعىنا دەيىن تەك قانا ءبىر كوشە، ءبىر ەسىك، ءبىر كىشكەنە كوپىر ءبولىپ تۇرعانىمەن، ادامعا ۋاقىت پەن كەڭىستىكتەن اتتاپ ءوتىپ، تاريحي بايىرعى قالاشىقتىڭ تۇلەپ باۋرامى كۇشتى جاڭا قالاعا وزگەرىپ، دارەجەسى جوعارىلاعان بارىسىن كورگەندەي سەزىم بەرەدى.

  بۇرىنعى زاماندا كۇشار ءتورت توڭىرەكتى تۇتاستىرعان توعىز جولدىڭ تورابى بولىپ كەلەدى؛ قازىر مەملەكەت تاس جولى 314 - جەلىسى، 217 - جەلىسى وسى ارادا توعىسىپ، وڭتۇستىك شينجياڭ تەمىر جولى قالا اۋماعىن ەندەي وتەدى، حالىقتىق اۆياتسيا كەزەكشى ۇشاقتارى بەيجيڭ، چىڭدۋ، شي - ان قاتارلى 6 قالاعا توتە ۇشادى، ول − وڭتۇستىك شينجياڭنىڭ اۆياتسيا، تەمىر جول، تاس جولى ايقاسقان جولاۋشى، جۇك تاسىمالىنىڭ جيناۋ، جونەلتۋ جەرى.

  مۇنان سىرت، كۇشار قالاسى اۋماعىندا تاس ۇڭگىر، كونە قامال، ورتەڭ سياقتى 195 مادەني ەسكەرتكىش، دۇنيە جۇزىلىك مادەنيەت مۇرالارى تىزىمىنە ەنگەن 2 جەر، 11 مەملەكەت دارەجەلى ءتۇيىندى مادەني ەسكەرتكىشتى قورعاۋ ورنى، 40 اۆتونوميالى رايون دارەجەلى ءتۇيىندى مادەني ەسكەرتكىشتى قورعاۋ ورنى، 22 ۇلى قورعان بايلىعى بار... بۇل قۇندى مادەني ەسكەرتكىش بايلىقتارى كۇشاردى وڭتۇستىك شينجياڭداعى ايگىلى مادەنيەتتىك ساياحات قالاسىنا اينالدىردى.

  قازىر ”ءبىر بەلدەۋ، ءبىر جول“ قۇرىلىسى استارىندا، كۇشارعا مەملەكەتتىك كەڭەس جاعىنان ”مەملەكەت دارەجەلى تاريحي مادەنيەت ايگىلى قالاسى“ دەگەن ات بەرىلدى، سونىمەن بىرگە بايلىق باسىمدىعىنا سۇيەنىپ تارىم مۇنايىن، تابيعي گازىن اشۋدىڭ نەگىزگى شايقاس مايدانىنا، مەملەكەتتىڭ ”باتىستىڭ گازىن شىعىسقا جەتكىزۋىنىڭ“ باستى گاز قاينار جەرىنە اينالدى، ول اۆتونوميالى رايون تۇراقتاندىرعان 5 ءىرى كومىر ەلەكترى، كومىر كوكس حيميا، كومىر حيميا ونەركاسىبى بازالارىنىڭ ءبىرى، اسىرەسە، ايگىلى ”جۇڭگونىڭ اق ورىك مەكەنى“.

  اۋداننان قالاعا دەيىن

  ساپالى تۇرمىس قالاسىن قالىپتاستىردى

  دۋان - ۋ مەرەكەسى دەمالىسىندا كۇشار قالالىق تۇرعىن ءۇي جانە قالا، اۋىل قۇرىلىسى مەكەمەسى پارتيا باسشىلىق گرۋپپاسىنىڭ شۋجيى ۋاڭ ياۋ مەن قىزمەتتەستەرى دەمالعان جوق، ولاردىڭ قول تەلەفوندارىنداعى ۋيشين قادام سانى ءار كۇنى 20 مىڭنان اسىپ تۇردى. ”بۇقارا رازى بولاتىن ساپالى تۇرمىس قالاسىن قالىپتاستىرۋ ءبىزدىڭ ءوز اياعىمىزبەن ارالاۋىمىزدى، كوزىمىزبەن بايقاۋىمىزدى، قولىمىزبەن قۇرۋىمىزدى قاجەت ەتەدى“، - دەدى ۋاڭ ياۋ.

  2019 - جىلى 12 - ايدا مەملەكەتتىك كەڭەستىڭ بەكىتۋىمەن كۇشاردىڭ اۋدان لاۋازىمى كۇشىنەن قالدىرىلىپ، قالا بولىپ قۇرىلىپ، دامۋدىڭ جاڭا ءداۋىرىن باستادى. بۇل قالانى ويداعىداي قۇرۋ ءۇشىن، كۇشار قالاسىنىڭ باسشىلىق القاسى ءبىر كەزەكتى ءبىر كەزەككە جالعاستىرىپ ىستەپ، جوبانى اياعىنا دەيىن ورىنداپ، شەبەرلىكتەرىمەن قالانى سومدادى.

  كۇشار كۇسان اۋەجايىنان شىعىپ، يىڭبين داڭعىلىمەن قالا اۋماعىنا قاراي جۇرگەندە جولدىڭ ەكى جاعىندا قۇرىلىستان باسقا جەردىڭ ءبارى جاسىل جەلەكپەن كومكەرىلىپ، اعاش، گۇل، شوپتەر جۇرگەن سايىن رەت - رەتىمەن كوزگە تۇسەدى. سۋ باقشاسى، ءداۋىر باقشاسى، كوشە سەيىلدەۋ باقشاسى، شاعىن باقشا جانە قۇرىلعىسى كەمەلدى جول، كىرىگە قاتارلاسقان عيماراتتار قوسىلا كەلىپ ”قالا ورماننىڭ ىشىندە، جول كوگالدىڭ اراسىندا، ءۇي باقشادا، ادام كورىنىس ىشىندە“ تۇرعانداي باۋ - باقشالى، ورماندى قالا كارتيناسىن قالىپتاستىرعان. كارتيناداعى ادامدار ەسىكتەن شىعا جاسىل رەڭگە كىرەدى، جولعا شىعا ورمانعا، جۇرە كەلە باقشاعا، ودان ارى سۋعا كەزدەسەسىز.

  لاشىقتى اۋماقتاردى جاڭالاۋدان كونە، ەسكى شاعىن اۋماقتاردى جاڭالاۋعا دەيىن، جاسىلداندىرۋ، كورىكتەندىرۋ، جارىقتاندىرۋ، تازارتۋ، تارتىپكە ءتۇسىرۋ ينجەنەرياسىنان بوس جەردى جاسىلداندىرۋ، جاسىلداندىرىپ جاسىل جامىلعى تولىقتاۋ، قاتتىلاندىرىلعان جەرلەردى جاسىلداندىرۋ، داۋالداردى شاعىپ جاسىلداندىرۋ، كوگالداردى ستەرەولدى جالعاستىرۋ ينجەنەرياسىنا دەيىن، كۇشار وزەنىنىڭ قالا بولەگىندەگى سۋ جۇيەسىن قالپىنا كەلتىرۋ، ەكولوگيالىق كورىنىس كەلبەتىن جوعارىلاتۋ ينجەنەرياسىنان كونە قالا رايونىنداعى تاريحي مادەني ايگىلى قالانى قورعاۋدى ىشكەرىلەي ىلگەرىلەتۋگە دەيىن، زەردەلى قالا باسقارۋ بويىنشا قىزمەت وتەۋدەن ينتەرنەت تولعامدىلارىنىڭ مادەنيەتسىز جاعدايلاردى باقىلاۋىنا دەيىن... اۋداننان قالا بولۋعا دەيىنگى دامۋ بارىسىندا كۇشار قالاسى قالا قۇرىلىسى مەن باسقارۋ، قىزمەت وتەۋدە جوعارى باستامانى، جوعارى ساپالى اينالىمدى ساقتادى.

  كۇشار قالاسىنداعى ءار ۇلت كادر - بۇقارا وسى قالانىڭ ”كورىكتەنۋىن، جاقسارۋىن، قۋاتتانۋىن“ قاتتى كوكسەدى.

  دامۋ حالىق ءۇشىن، دامۋدىڭ جەتىستىكتەرىنەن حالىق بىرگە يگىلىكتەندى. كۇشار قالاسى حالىققا تيىمدىلىك جاساۋ ينجەنەريالارىن ىشكەرىلەي اتقاردى. جۇمىس ىزدەۋشى تالاپكەرلەردىڭ جوعارى ساپالى جۇمىستانۋىن جەبەۋ بارىسىندا كۇشار قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جەرگىلىكتى كاسىپورىندارداعى، ءىسورىندارداعى جۇمىسشى ىستەتۋشى ورىندارىن الدىمەن تاڭداپ، الەۋمەتتىك اۋماقتا كوكتەم سامالى ارەكەتى قىزمەتكەر قابىلداۋ جينالىسىن وتكىزىپ، ءارقايسى اۋىل - قالاشىقتاعى جۇمىس كۇتىپ جۇرگەندەردى جۇمىسقا تۇرۋعا باۋرادى؛ كۇشار قالاسىنىڭ دەنساۋلىق ساقتاۋ، سالاماتتىق جۇيەسى ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن ۇزدىكسىز تەرەڭدەتىپ، ەمدەۋ توبىن قۇرىپ، ”7 ۇلكەن باسقارۋ ورتالىعىن“ قۇرىپ، تۇتاس قالاداعى ەمدەۋ قۇرىلىمدارىن ءبىر تۇتاس باسقارۋدى اتقارىپ، ساپالى ەمدەۋ بايلىعىن بىرگە قۇرۋدى، بىرگە يگىلىكتەنۋدى، ۇيلەسىمدى اينالىمعا سالۋدى جۇزەگە اسىرىپ، نەگىزگى ساتىنىڭ ەمدەۋ - دەنساۋلىق ساقتاۋعا قىزمەت وتەۋ قابىلەتىن جوعارىلاتتى...

  كاسىپ سالاسى مەن قالانى توعىستىرىپ

  وسى زامانعى كاسىپ سالاسى جۇيەسىن قۇردى

  تاياۋدا كۇسان باي ازىق - تۇلىك شەكتى سەرىكتەستىگىنە كەلگەن تاپسىرىستار تولاستامادى، وسى سەرىكتەستىكتىڭ باس ديرەكتورى مايرا ابلەت سەرىكتەستىك وندىرگەن سارى مۇزقانتتىڭ بازارلى بولۋىنىڭ سەبەبى ءونىم ساپاسى جاقسى بولۋدان تىس، ونان دا ماڭىزدىسى، كۇشار قالاسىنىڭ كاسىپ سالاسى مەن قالانى توعىستىرىپ دامىتۋدىڭ ورايىندا وسىزاماندانعان دامۋدىڭ جۇردەك پويەزىنا ۇلگىرگەندىگىن انىق بىلەدى.

  مايرا كۇشار كونە قالا رايونىندا ەسەيگەن، بۇرىن ۇلكەندەرگە ىلەسىپ شاعىن شەبەرحانادا سارى مۇزقانت جاسايتىن، جىلدىق ءونىم مولشەرى 300 توننادان اسپايتىن. 2018 - جىلى ساياساتتىڭ سۇيەمەلدەۋىنىڭ ارقاسىندا، ونىڭ سەرىكتەستىگى كۇشار ەكونوميكالىق، تەحنيكالىق اشۋ رايونىنا ىرگە تەۋىپ، وسىزاماندانعان ءوندىرىس زاۆود ءۇيى مەن ءوندىرىس جەلىسى بار اۋىل شارۋاشىلىعىن كاسىپ سالالاندىرۋداعى جەتەكشى كاسىپورىنعا اينالىپ، ايلىق ءونىم مولشەرىنىڭ ءوزى 300 تونناعا جەتتى.

  كۇشار ەكونوميكالىق، تەحنيكالىق اشۋ رايونىندا مايرا سياقتى ورتا، شاعىن كاسىپورىن تيجاراتشىلارى كوپ. اۋدان لاۋازىمى كۇشىنەن قالىپ، قالا بولىپ قۇرىلعان سوڭ، كۇشار ”ءبىر قالانى“ ويداعىداي قۇرۋ مەن ”ءبىر اشۋ رايونىن“ كۇشتى ەتىپ قۇرۋ جاعىنا كۇش سالدى.

  اقسۋ ايماقتىق پارتكومنىڭ مۇشەسى، كۇشار قالالىق پارتكومنىڭ شۋجيى شياۋ لين بىلاي دەپ تانىستىردى: بيىل كۇشار قالاسى قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، كاسىپ سالاسىن شوعىرلاندىرۋ، نىسان قۇرىلىسى، ساۋداگەر شاقىرىپ قارجى ەنگىزۋ، شارۋاشىلىق - ساۋدا ورتاسى، عىلىم - تەحنيكادا جاڭالىق اشۋ، قالا قۇرىلىسى، ەكولوگيانى قورعاۋ سىندى ”7 ۇلكەن قامال الۋ ارەكەتىن“ زور كۇشپەن ورىستەتىپ، جەتەكشى كاسىپ سالالارىنىڭ بويلىق باعىتتا تۇتاسۋىن، ەندىك باعىتتا سايكەسۋىن، جوعارى، تومەن اعارىنىڭ بىرلەسىپ ارەكەتتەنۋىن جەبەپ، 1 -، 2 -، 3 - كاسىپ سالاسىنىڭ توعىسا دامۋىن جۇزەگە اسىرادى.

  1 - كاسىپ سالاسى جاعىندا، كۇشار قالاسى قازىر اۋىل - قىستاقتى گۇلدەندىرۋدىڭ ”10 + “ ارەكەتىن ورىستەتىپ، استىق، ماقتا، جەمىس، مال شارۋاشىلىعى، قۇرىلعىلى اۋىل شارۋاشىلىعى سىندى ”5 ءىرى ينجەنەريانى“ اتقارۋدى زور كۇشپەن ورىستەتىپ، وسى زامانعى اۋىل شارۋاشىلىعى كاسىپ سالاسى باقشاسىن جوعارى ولشەمدە جوبالاپ، قۇرىپ، اۋىل شارۋاشىلىعىن كاسىپ سالالاندىرۋداعى جەتەكشى كاسىپورىنداردى ەنگىزىپ، جەتىلدىرىپ، اۋىل شارۋاشىلىعىن كاسىپ سالالاندىرۋ ارقىلى ءتىپتى كوپ بۇقارانى كىرىسىن ارتتىرىپ، بايۋعا جەتەكتەدى.

  2 - كاسىپ سالاسى جاعىندا، كۇشار قالاسى كۇشار ەكونوميكالىق، تەحنيكالىق اشۋ رايونى سىندى وسى ”نەگىزگى شايقاس مايدانىنا“ سۇيەنىپ، ”3 + كاسىپ سالاسىن“ (جاسىل ەلەكتر + كاسىپ سالاسى، زەردەلى + كاسىپ سالاسى، شىعىندى ازايتۋ، ەنەرگيا ۇنەمدەۋ + كاسىپ سالاسى) ءتۇيىندى يگەرىپ، فوتوۆولتتىق جاسىل سۋتەگى، تيانحۋان جاڭا ماتەريال، شينچياۋ زەردەلى تور، جۇڭنىڭ قۇبىر كاسىبى، حۇڭفا تەمىر قورتپاسى سياقتى ءبىر توپ كەلەلى نىساندار ارقىلى جاڭا، كونە قوزعاۋشى قۋاتتاردى كادەگە جاراتۋدى، كاسىپ سالاسىنىڭ تيپ جاڭالاپ، دارەجەسىن ءوسىرۋدى جۇزەگە اسىرۋدى ىلگەرىلەتىپ، بايلىق باسىمدىعىن دامۋ باسىمدىعىنا شىن مانىندە اينالدىردى.

  3 - كاسىپ سالاسى جاعىندا، كۇشار قالاسى جابدىق جاساۋ، قۇرىلىس ماتەريالدارى، ازىق - تۇلىك وڭدەۋ، ءىرى تۇرپاتتى ماشينالاردى جالعا بەرۋ سياقتى ”10 ءىرى بازاردىڭ“ تۇرگە ايىرىپ تيجارات جۇرگىزۋىن بار كۇشپەن ىلگەرىلەتىپ، كەشكى ەكونوميكانى بار كۇشپەن دامىتىپ، ىشكى تۇتىنۋ ومىرشەڭدىك كۇشىن تاسقىنداتىپ، ەلەكتروندى ساۋدانىڭ اۋىل - قىستاققا ەنۋىن ىلگەرىلەتىپ، اۋىل شارۋاشىلىعى قوسىمشا ونىمدەرىن ساتۋدىڭ ”ەڭ سوڭعى ءبىر كيلومەترىن“ اشتى، سونداي - اق مايتاۋ − كۇشار تاس جولى سىندى ينتەرنەتتە تانىمال، ءسوزسىز، باراتىن تاس جولعا سۇيەنىپ، ”بايىرعى ىرعاقتاعى كۇسان · جىبەك جولىنداعى كۇشار“ مادەنيەت - ساياحات ماركاسىن ايگىلەدى.

  ساياسات يكەمدى بولعان سوڭ، كومەسكى كۇشتىڭ شەكسىز بولاتىندىعى ءسوزسىز، وڭىرلىك ورنى تاماشا بولعان سوڭ ورايدى الدىمەن ۇتاتىندىعى ءسوزسىز، بايلىق مول بولعان سوڭ كاسىپ كۇيى الۋان بولاتىندىعى ءسوزسىز، ورتاسى كوركەم بولعان سوڭ ابىرويى اساتىندىعى ءسوزسىز. قازىرگى كۇشار ءوز باسىمدىعىنان پايدالانىپ، جوعارى ساپالى دامۋدىڭ جاڭا جورىعىندا اناعۇرلىم ايشىقتى تاراۋ جازۋدا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.