ما شيڭرۇي اۆتونوميالى رايوننىڭ مەملەكەت مەنشىگىندەگى كاسىپورىندار رەفورماسىنىڭ دامۋىن ىلگەرىلەتۋ ماجىلىسىندە بىلاي دەپ باسا دارىپتەدى
رەفورمانى ۇزدىكسىز تەرەڭدەتىپ، وسى زامانعى كاسىپورىن ءتۇزىمىن كەمەلدەندىرىپ، مەملەكەت مەنشىگىندەگى مال - مۇلىكتى، مەملەكەت مەنشىگىندەگى كاسىپورىنداردىڭ الۋەتتەنۋىن، ساپالىلانۋىن، ۇلعايۋىن، جوعارى ساپالى دامۋىن ىلگەرىلەتۋ كەرەك
ەركىن تۇنياز باسقاردى، شاۋكەت يمىن، نۇرلان ءابىلماجىن، حى جۇڭيوۋ قاتىناستى
اۆتونوميالى رايوننىڭ مەملەكەت مەنشىگىندەگى كاسىپورىندار رەفورماسىنىڭ دامۋىن ىلگەرىلەتۋ ءماجىلىسى 6 - ايدىڭ 8 - كۇنى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى جوۋ پىڭ تۇسىرگەن
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 8 - كۇنى ۇرىمجىدەن حابارلايدى. اۆتونوميالى رايوننىڭ مەملەكەت مەنشىگىندەگى كاسىپورىندار رەفورماسىنىڭ دامۋىن ىلگەرىلەتۋ ءماجىلىسى 6 - ايدىڭ 8 - كۇنى تۇستەن بۇرىن ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ مەملەكەت مەنشىگىندەگى كاسىپورىندار رەفورماسى، دامۋى جانە پارتيا قۇرىلىسى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، رەفورمانى ۇزدىكسىز تەرەڭدەتىپ، جۇيەنى كەمەلدەندىرىپ، شينجياڭداعى مەملەكەت مەنشىگىندەگى كاسىپورىنداردىڭ جوعارى ساپالى دامۋىن ىلگەرىلەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، حى جۇڭيوۋ قاتارلىلار ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق باس جۇمىسشى ۇيىمىنىڭ ءتوراعاسى ەلزات احمەتجان «اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ رەفورمانى تەرەڭدەتىپ، جۇيەنى كەمەلدەندىرىپ، مەملەكەت مەنشىگىندەگى كاسىپورىنداردىڭ جوعارى ساپالى دامۋىن جەدەلدەتۋ جونىندەگى پىكىرى» جانە اتقارۋ جوباسى جونىندە تۇسىنىك جاسادى.
ما شيڭرۇي رايونىمىزداعى مەملەكەت مەنشىگىندەگى كاسىپورىندار رەفورماسىنىڭ، دامۋىنىڭ ناتيجەلەرىن قورىتىندىلاپ، رايونىمىزداعى مەملەكەت مەنشىگىندەگى كاسىپورىنداردىڭ جالپىلىق قۋاتى، ورنالاسىم قۇرىلىمى، جوعارى ساپالى دامۋعا قىزمەت وتەۋ سياقتى جاقتارداعى ولقىلىقتارىنا تالداۋ جاسادى. ول بىلاي دەپ باسا دارىپتەدى: مەملەكەت مەنشىگىندەگى كاسىپورىندار رەفورماسىن، دامۋىن تەرەڭدەتۋ − شينجياڭنىڭ ەكونوميكالىق، قوعامدىق دامۋ جالپى جاعدايىنا ساياتىن كەلەلى ستراتەگيالىق ماسەلە. پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، دامۋدىڭ قازىرگى احۋالىن جىعا تانىپ، ماسەلەلەر مەن پارىقتارعا تۋرا قاراپ، سەنىمدى، بەكىمدى نىعايتىپ، رەفورما جاساۋ، جاڭالىق اشۋ ارقىلى مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ جوعارى ساپالى دامۋىنا جەتەكشىلىك ەتىپ، وسى زامانعى كاسىپ سالاسى، عىلىم - تەحنيكادا جاڭالىق اشۋ، كاسىپورىنداردى باسقارۋ، مەملەكەت مەنشىگىندەگى مال - مۇلىكتى باسقارۋ، دارىندىلاردى دامىتۋ، پارتيا قۇرىلىسى قىزمەتى سياقتى جۇيەلەردى كەمەلدەندىرىپ، ءبىر توپ وزگەرىس سيپاتتى، جەتەكتەۋ سيپاتتى رەفورما شارالارىن اتقارۋدى ىلگەرىلەتىپ، مەملەكەت مەنشىگىندەگى كاپيتال مەن مەملەكەت مەنشىگىندەگى كاسىپورىنداردى مىزعىماس تاباندىلىقپەن الۋەتتەندىرىپ، ساپالىلاندىرىپ، ۇلعايتىپ، دۇنيە جۇزىندە ماڭداي الدى كاسىپورىنداردان ءبىر توبىن قۇلشىنا قۇرىپ، مەملەكەت مەنشىگىندەگى شارۋاشىلىقتىڭ جەتەكشىلىك رولى مەن ستراتەگيالىق تىرەكتىك رولىن اناعۇرلىم ويداعىداي ساۋلەلەندىرىپ، شينجياڭنىڭ رەفورما، دامۋ، ورنىقتىلىق كەلەلى جاعدايىنا قىزمەت ەتۋ كەرەك.
ءبىرىنشى، رەفورمانى جەتەك ەتۋگە تاباندى بولۋ كەرەك. وسى زامانعى كاسىپورىن ءتۇزىمى مەن زاڭدىق تۇلعانىڭ باسقارۋى قۇرىلىمىن كەمەلدەندىرىپ، بازارلانعان شارۋاشىلىق جۇرگىزۋ مەحانيزمىن اقاۋسىزداندىرىپ، نازاردى مەملەكەتتىڭ ستراتەگيالىق قاجەتىنە شوعىرلاندىرىپ، شينجياڭنىڭ باسىمدىققا يە سالالارىمەن تىعىز بايلانىستىرىپ، ورنالاسۋدى ساپالىلاندىرۋ مەن قۇرىلىمدى رەتتەۋدى، ستراتەگيالىق قايتا قۇرۋدى جانە ارنايىلاندىرىپ بىرىكتىرۋدى ىلگەرىلەتىپ، بايلىقتى جايعاستىرۋ ونىمدىلىگىن جوعارىلاتىپ، ەنەرگيانى، حيميا ونەركاسىبىن، مەتال كەن بايلىقتارىن اشۋ سياقتى تىرەكتى كاسىپتەردى الۋەتتەندىرىپ، وسى زامانعى ەگىن، مال شارۋاشىلىعى، مادەنيەت جانە ساياحات، توقىما جانە كيىم - كەشەك سياقتى ەرەكشەلىككە، باسىمدىققا يە كاسىپ سالالارىن ساپالىلاندىرىپ، جاڭا ەنەرگيا، جاڭا ماتەريال، سيفرلى ەكونوميكا سياقتى ستراتەگيالىق جاڭادان گۇلدەنگەن كاسىپ سالالارىن ۇلعايتىپ، پايدا تابۋ قابىلەتى مەن بازار باسەكەلىك قۋاتىن ۇزدىكسىز جوعارىلاتۋ كەرەك.
ەكىنشى، جاڭالىق اشۋ ارقىلى دەم بەرۋدى كۇشەيتۋ كەرەك. اۆتونوميالى رايوننىڭ عىلىم - تەحنيكا ءتۇزىلىسى رەفورماسىنان 3 جىل قامال الۋ جانە نەگىزدىك زەرتتەۋدىڭ 10 جىلدىق ارەكەتىن اتقارىپ، جاڭالىق اشۋ سالاسىنا باتىلدىقپەن قارجى سالىپ، كاسىپورىنداردىڭ عىلىم - تەحنيكادا جاڭالىق اشۋ قابىلەتىن جوعارىلاتىپ، عىلىم - تەحنيكادا جاڭالىق اشۋعا ىنتالاندىرۋدى كۇشەيتىپ، ءتۇرلى دارىندىلاردى جەتىلدىرىپ، ەنگىزىپ، كاسىپورىندار مەن عىلىم - تەحنيكا دارىندىلارىنىڭ جاڭالىق اشۋ، جاسامپازدىق ومىرشەڭدىگىن تاسقىنداتىپ، ءتۇيىندى كاسىپ سالالارىنىڭ دامۋىنا تۇساۋ بولىپ وتىرعان تەحنيكالىق بوگەتتەردى كۇش سالا شەشۋ كەرەك.
ءۇشىنشى، مەملەكەت مەنشىگىندەگى مال - مۇلىكتى باسقارۋدى ساپالىلاندىرۋ كەرەك. مەملەكەت مەنشىگىندەگى مال - مۇلىكتى باقىلاۋ - باسقارۋ قۇرىلىمدارىنىڭ ارنايىلانۋ، جۇيەلىلەنۋ، زاڭمەن باسقارىلۋ باعدارىن كورنەكتىلەندىرىپ، ۋاقتىلى، يكەمدى باقىلاۋ - باسقارۋ جۇيەسىن ورناتىپ، باقىلاۋ كۇشتەرىن ءبىر تۇتاس جوسپارلاپ پايدالانىپ، شوعىرلى، ءبىر تۇتاس باقىلاۋ - باسقارۋدى ىلگەرىلەتىپ، حاۋىپ - قاتەردەن ساقتانىپ جانە ونى جويىپ، ورىن وگەيسىتپەۋدى، ورىننان اۋىتقىماۋدى، ورىن اۋىستىرماۋدى ورىنداپ، ”ەرىك بەرىپ، ويداعىداي باسقارۋدى“ جۇزەگە اسىرۋ كەرەك.
ءتورتىنشى، پارتيانىڭ باسشىلىعىن كۇشەيتۋ كەرەك. مەملەكەت مەنشىگىندەگى كاسىپورىنداردىڭ پارتيالىلىق ءتۇبىرلى سيپاتىن مىقتاپ يگەرىپ، مەملەكەت مەنشىگىندەگى كاسىپورىندارداعى پارتيا باسشىلىعىن، پارتيا قۇرىلىسىن كۇشەيتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، پارتيا قۇرىلىسى قىزمەتىنىڭ ونىمدىلىگىن جوعارىلاتىپ، پارتيانى جاپپاي قاتاڭ جونگە سالۋدى ىلگەرىلەتىپ، مەملەكەت مەنشىگىندەگى كاسىپورىندار رەفورماسىنا، دامۋىنا پارمەندى ساياسي كەپىلدىك ازىرلەۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر ساياسي جاۋاپكەرشىلىك ارقالاپ، ۇيىمدىق باسشىلىقتى كۇشەيتىپ، مەملەكەت مەنشىگىندەگى كاسىپورىندار رەفورماسىنىڭ، دامۋىنىڭ ءتۇرلى مىندەتتەرىنىڭ تياناقتانىپ، ناتيجە بەرۋىن ىلگەرىلەتۋ كەرەك. ءار دارەجەلى مەملەكەت مەنشىگىندەگى مال - مۇلىكتى باقىلاۋ - باسقارۋ قۇرىلىمدارى جوسپارلاۋدى، قىزمەت وتەۋدى، تياناقتاندىرۋدى يگەرىپ، مەملەكەت مەنشىگىندەگى كاپيتالدىڭ قۇنىن ساقتاۋدى، ارتتىرۋدى، ۇلعايۋىن، الۋەتتەنۋىن ىلگەرىلەتۋ كەرەك. مەملەكەت مەنشىگىندەگى كاسىپورىندار تۇلعالىق جاۋاپكەرشىلىكتى ارقالاپ، دۇنيە جۇزىندە ماڭداي الدى ءىرى كاسىپورىن، ءىرى توپ جەتىلدىرۋدى ارقاۋ ەتىپ، جوعارى ساپالى دامۋدى بار كۇشپەن ىلگەرىلەتۋ كەرەك. ءار دارەجەلى ورىندار، تاراۋلار ساياساتتىق قولداۋدى كۇشەيتىپ، جۇيەلى جوسپارلاپ، ىلگەرىلەتىپ، مەملەكەت مەنشىگىندەگى كاسىپورىنداردىڭ رەفورما بارىسىندا كومەسكى كۇشىن ارتتىرۋىنا، ءورىسىن كەڭەيتۋىنە، بازار باسەكەسىندە ومىرشەڭدىككە تولى بولۋىنا، دامىپ، زورايۋىنا مۇمكىندىك جاساۋ كەرەك.
ماجىلىستە ءتۇستى مەتال توبى، اۋەجاي توبى، ەنەرگيا توبى، جۇڭتاي توبى، جاڭا ەنەرگيا توبى، قارجى قوسۋ - دامىتۋ توبى، گەولوگيا جانە كەن بايلىقتارى قارجى قوسۋ توبى، اۋىل - قىستاق امانات - قارىز كووپەراتيۆى بىرلەسكەن كووپەراتيۆى، شينجياڭ بانكەسى، ەرتىس وزەنى قارجى قوسۋ - اشۋ توبى، قاتىناس قارجى قوسۋ توبى، قاتىناس قۇرىلىسى توبى، مادەنيەت - ساياحات قارجى قوسۋ توبى جانە ءۇرىمجى قالاسى، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى سياقتى ورىندارداعى جاۋاپتى جولداستار پىكىر اۋىستىرىپ، ءسوز سويلەدى.
جاڭ جۋ، تيان شياڭلي، چىن ۋيجۇن، ياڭ فاسىن، قادەن كابەن، كۇڭ شيڭلۇڭ قاتارلىلار ماجىلىسكە قاتىناستى. اۆتونوميالى رايونعا (ورتالىققا) توتە قاراستى ورىندارداعى جانە اۆتونوميالى رايونداعى مەملەكەت مەنشىگىندەگى كاسىپورىندارداعى جاۋاپتى جولداستار، اۆتونوميالى رايوننىڭ جانە بيڭتۋاننىڭ مەملەكەت مەنشىگىندەگى مال - مۇلىكتى باقىلاۋ - باسقارۋ قۇرىلىمدارىنداعى، ءارقايسى ايماق، وبلىس، قالالارداعى قاتىستى جاۋاپتى جولداستار، ت. ب ماجىلىسكە قاتىناستى.
