تيانشان تورى   ›   جاڭالىقتار   ›   شينجياڭ حابارلارى

رايونىمىز ەكونوميكانىڭ ارتۋىن ورنىقتىرۋدىڭ ءبىر قىدىرۋ شارالارىن شىعاردى

  انار بۇلت \ شينجياڭ گازەتىنىڭ ءتىلشىسى شى شين 6 - ايدىڭ 8 - كۇنى ۇرىمجىدەن حابارلايدى. 6 - ايدىڭ 7 - كۇنى اۆتونوميالى رايوندىق حالىق ۇكىمەتى سايتى «اۆتونوميالى رايوننىڭ مەملەكەتتىك كەڭەس تاراتقان [ 2022] 12 - ءنومىرلى حۇجاتتىڭ رۋحىن دايەكتىلەندىرىپ، تياناقتاندىرىپ، ەكونوميكانىڭ ورنىقتى ارتۋىن ىلگەرىلەتۋدىڭ ءبىر قىدىرۋ ساياسات - شارالارىن» جاريالاپ، 9 جاقتان 46 ءتۇرلى ساياسات - شارانى العا قويىپ، رايونىمىز ەكونوميكاسىنىڭ ورنىقتى ارتۋىن ىلگەرىلەتۋگە، تۇتاس جىلدا تابىسقا جەتۋگە كۇش سالدى.

  ءبىرىنشى، قازىنا - سالىق. ارتقان قۇن سالىعىن ىركىپ دولايلاستىرىپ سالىق قايتارۋ ساياساتىنىڭ تەبىنىن ونان ارى ارتتىرىپ، قازىنالىق شىعىس قارقىنىن تەزدەتىپ، ارناۋلى زايوم تاراتۋ، پايدالانۋ قارقىنىن تەزدەتىپ ءارى قولداۋ كولەمىن كەڭەيتىپ، شاعىن، ۇساق كاسىپورىنداردىڭ قارجى قۇراۋ كەپىلدىك قاراجات سيلىق اقشا، قوسىمشا قاراجات ساياساتىن تياناقتاندىرىپ، ۇكىمەتتىك ساتىپ الۋ ارقىلى ورتا، شاعىن كاسىپورىنداردى قولداۋ تەبىنىن ارتتىرىپ، قوعامدىق قامسىزداندىرۋ قاراجاتىن كەشىكتىرىپ تاپسىرۋ ساياساتىن اتقارۋدى كەڭەيتۋ.

  ەكىنشى، فينانس ارقىلى ناقتى ەكونوميكا مەن كەلەلى نىسانداردى قولداۋ. ورتا، شاعىن، ۇساق كاسىپورىنداردىڭ جانە جەكە ساۋدا - ونەركاسىپشىلەردىڭ، جۇك اۆتوكولىك شوفەرلەرىنىڭ قارىز اقشاسى جانە ىندەتتىڭ ىقپالىنا ۇشىراعان جەكەلەردىڭ تۇرعىن ءۇي جانە تۇتىنۋ قارىز اقشاسى سياقتىلارعا قاراتا نەگىزگى سوماسى مەن ءوسىمىن كەشىكتىرىپ قايتارۋدى اتقارۋعا شابىتتاندىرىپ، جالپىعا ءتيىمدى شاعىن، ۇساق قارىز اقشامەن قولداۋ تەبىنىن ارتتىرىپ، ءىس جۇزىندىك قارىز اقشا ءوسىم مولشەرىنىڭ ورنىقتىلىق بارىسىندا تومەندەۋىن ۇزدىكسىز ىلگەرىلەتىپ، كاپيتال بازارىنىڭ قارجى قۇراۋ ونىمدىلىگىن جوعارىلاتىپ، فينانس قۇرىلىمدارىنىڭ نەگىزدىك قۇرىلعىلار قۇرىلىسى مەن كەلەلى نىسانداردى قولداۋ تەبىنىن ارتتىرىپ، فينانس، شەتەل اقشاسى جانە شەكارا اتتاعان حالىق اقشاسى قىزمەت وتەۋىنىڭ ساپاسىن جوعارىلاتىپ، ونىمدىلىگىن ارتتىرۋدى جاپپاي ىلگەرىلەتۋ.

  ۇشىنشى، قارجى قوسۋ كولەمىن كەڭەيتۋ. ءبىر توپ سۋ يگىلىگى ينجەنەريا نىساندارى قۇرىلىسىن جەدەل ىلگەرىلەتىپ، قاتىناس نەگىزدىك قۇرىلعىلارىنا قارجى قوسۋدى جەدەل ىلگەرىلەتىپ، قالانىڭ جەر استى جالپىلىق قۇبىر ءدالىزى قۇرىلىسىن جەرگىلىكتى جاعدايعا قاراي ۇزدىكسىز ىلگەرىلەتىپ، حالىقتىق قارجى قوسۋدى كەڭەيتۋگە شابىتتاندىرىپ، قارجى قوسۋ نىساندارىنىڭ فاكتورىن قامتاماسىز ەتۋدى كۇشەيتۋ.

     ءتورتىنشى، تۇتىنۋدى جەبەۋ. ساياحات كاسىبىنىڭ جاندانۋىن جەدەل ىلگەرىلەتىپ، قورا - جاي كاسىبىنىڭ اقاۋسىز دامۋىن جەبەپ، اۆتوكولىك، ءۇي ەلەكتر جابدىقتارى سياقتى جالپىلىق تۇتىنۋدى ورنىقتى ارتتىرىپ، قالا مەن اۋىلدىڭ زات تاسىمالداۋ - جەتكىزۋ جۇيەسىن جەدەل قۇرۋ.

  بەسىنشى، سىرتقى ساۋدانى ورنىقتىرۋ، شەتەل قارجىسىن ورنىقتىرۋ. سىرتقى ساۋدا كاسىپورىندارىنىڭ قيىنشىلىقتان ارىلۋىنا كومەكتەسىپ، يمپورت - ەكسپورتتىڭ كەدەننەن ءوتۋ ونىمدىلىگىن ۇزدىكسىز جوعارىلاتىپ، شەكارا اتتاعان ەلەكتروندى ساۋدانىڭ جەدەل دامۋىن قولداپ، سىرتقا باعىتتالعان ەكونوميكانىڭ دامۋىنا قولداۋ كورسەتۋ.

  التىنشى، استىق، ەنەرگيا حاۋىپسىزدىگىن قامتاماسىز ەتۋ. استىق جانە ماڭىزدى اۋىل شارۋاشىلىق ونىمدەرىمەن قامداۋدى قامتاماسىزداندىرىپ، كومىرمەن قامداۋ قۋاتىن جوعارىلاتىپ، ەلەكترمەن قامداۋ قۋاتىن جوعارىلاتىپ، مۇناي - تابيعي گاز بارلاۋدى، اشۋدى جانە نەگىزدىك قۇرىلعىلار قۇرىلىسىن كۇشەيتۋ.

  جەتىنشى، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قامتاماسىز ەتۋ. بازار نەگىزگى تۇلعالارىنىڭ سۋدان، ەلەكتردەن، توراپتان پايدالانۋ جانە ءۇي جالداۋ اقىسى سياقتىلاردىڭ وزىندىك قۇنىن تومەندەتىپ، ورتا، شاعىن، ۇساق كاسىپورىنداردىڭ، جەكە ساۋدا - ونەركاسىپشىلەردىڭ ەلەكتر ىستەتۋ باعاسىن ورنىقتىرىپ، ورتا، شاعىن كاسىپورىنداردىڭ قارىز اقشاسىن اداقتاۋ تەبىنىن ارتتىرىپ، حالىقتىق اۆياتسيا سياقتى ىندەتتىڭ ىقپالىنا ءبىرشاما اۋىر ۇشىراعان كاسىپتەردىڭ، كاسىپورىنداردىڭ قيىنشىلىعىن جەڭىلدەتۋ، قولداۋ تەبىنىن ارتتىرىپ، قاتىناس، زات اينالىمىنىڭ ىركىلىسسىزدىگىنە كەپىلدىك ەتۋ ساياساتىن كەمەلدەندىرىپ، ورتالىق پەن اۆتونوميالى رايوننىڭ توقىماشىلىق، كيىم - كەشەك كاسىبىنىڭ دامۋىن قولداۋ قارجىسىنان ويداعىداي پايدالانىپ، فوتوۆولتتىق كرەمني نەگىزى، قىزاناق وڭدەۋ سياقتى باسىمدىققا يە كاسىپ سالالارىنىڭ اقاۋسىز دامۋىنا قولداۋ كورسەتىپ، كاسىپورىنداردىڭ اينالىمىن باقىلاۋ - تەكسەرۋدى جانە سايكەستى قىزمەت وتەۋدى كۇشەيتۋ.

  سەگىزىنشى، نەگىزگى حالىق تۇرمىسىن قامتاماسىزداندىرۋ. جۇمىس ورنىن ورنىقتىرۋعا قولداۋ كورسەتۋ تەبىنىن ارتتىرىپ، جوعارى مەكتەپتەردەن (تەحنيكالىق مەكتەپ) وقۋ تاۋىسقان وقۋشىلاردىڭ جۇمىستانۋىن جەبەپ، جۇمىستانۋعا، شارۋاشىلىق قۇرۋعا قىزمەت وتەۋ قۇرىلىمدارىنىڭ رولىن ساۋلەلەندىرۋگە شابىتتاندىرىپ جانە وعان قولداۋ كورسەتىپ، كەدەيلىكتەن ارىلعان حالىق سياقتى جۇمىستانۋى قيىن قاۋىمنىڭ جۇمىستانۋىنا قولداۋ كورسەتىپ، جۇمىسسىزدىقتى قامتاماسىز ەتۋ، ەڭ تومەنگى تۇرمىستى قامتاماسىز ەتۋ جانە قيىنشىلىعى بار بۇقارانى قۇتقارۋ جانە وعان كومەكتەسۋ سياقتى قىزمەتتى ويداعىداي ىستەپ تۇرعىن ءۇي الەۋمەتتىك قورىن كەزەڭدىك قولداۋ ساياساتىن اتقارىپ، وڭتۇستىك شينجياڭنىڭ حالىق تۇرمىسىنا پايدالانىلاتىن كومىرمەن قامداۋعا كەپىلدىك ەتۋ.

  توعىزىنشى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ساياسات - شارالارىن جوعارى ونىمدىلىكپەن ءبىر تۇتاس جوسپارلاۋ. ىندەتتەن ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، ىندەتتەن ساقتانۋ - تىزگىندەۋ قىزمەتىن زاڭ بويىنشا عىلمي، دالمە - ءدال ويداعىداي ىستەۋ.

  اۆتونوميالى رايوندىق حالىق ۇكىمەتى سايكەس حابارلاندىرۋ شىعارىپ، وڭىرلەردەن، تاراۋلاردان مىنانى تالاپ ەتتى: ساياسي دەڭگەيدى ونان ارى جوعارىلاتىپ، ەكونوميكانىڭ ورنىقتى ارتۋىنا شىنايى كەپىلدىك ەتۋ جاۋاپكەرشىلىگىن شىنايى ارقالاپ، ۋاقىت كۇتىپ تۇرمايدى دەيتىن رۋحپەن، ءبىر سەكۋندتى دا زايا جىبەرمەيتىن ارەكەتپەن ساياسات - شارالاردىڭ تياناقتانىپ، ونىمدىلىك كورسەتۋىن ويداعىداي يگەرىپ، بازار تۇلعالارى مەن حالىق بۇقاراسىنىڭ تۇگەل بىلۋىنە، تۇتاس يگىلىكتەنۋىنە مۇمكىندىك جاساۋ.

  حابارلاندىرۋدا مىنالار تالاپ ەتىلدى: جەر - جەر (وبلىس، قالا) ۇيىمدىق باسشىلىقتى كۇشەيتىپ، ءوز ءوڭىرىنىڭ ءىس جۇزىندىگىمەن ۇشتاستىرىپ، الدىڭعى شەپتەن كۇش شىعارىپ، ۇيلەسىمدى كۇش قوسىپ، ەكونوميكانىڭ ورنىقتى ارتۋىن ىلگەرىلەتەتىن ءبىر قىدىرۋ ساياسات - شارالاردىڭ تەزىرەك ناقتاپ تياناقتاندىرىلۋىن ىلگەرىلەتىپ، ساياساتتىڭ اسەرىن ەرتەرەك جارىققا شىعارۋ كەرەك. ءارقايسى تاراۋلار تىعىز سايكەسىپ، قىزمەت بىرىككەن كۇشىن قالىپتاستىرىپ، ەكونوميكانى ورنىقتى ارتتىرۋدىڭ ءبىر قىدىرۋ ساياسات - شارالارىندا ورتاعا قويىلعان 9 جاقتاعى 46 ءتۇرلى ساياسات - شارا جانە جۇمىس ءبولىسى ورنالاستىرۋىنا ساي، قىزمەت شارالارىن اناعۇرلىم اشالاپ، سايكەستى ساياساتتاردى دەر كەزىندە شىعارىپ، ءتۇرلى ساياسات - شارالاردىڭ اتقارىلۋىنا، تياناقتانۋىنا شىنايى كەپىلدىك ەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.