تۇڭعىش رەت ”ينتەرنەت جەلىسى + ينتەرنەت جەلىسىنەن تىسقارى“ ۇلگىسى قولدانىلادى
انار بۇلت \ شينجياڭ گازەتىنىڭ ءتىلشىسى حي حۇڭۋي 6 - ايدىڭ 8 - كۇنى ۇرىمجىدەن حابارلايدى. جۇڭگو − ازيا - ەۆروپا كورمەسى حاتشىلار باسقارماسىنان ۇعىسۋعا قاراعاندا، ساۋدا مينيسترلىگى، سىرتقى ىستەر مينيسترلىگى، ت.ب باس بولىپ ۇيىمداستىرعان 7 - كەزەكتى جۇڭگو − ازيا - ەۆروپا كورمەسى 8 - ايدىڭ 25 - كۇنىنەن 30 - كۇنىنە دەيىن شينجياڭ حالىقارالىق ءماجىلىس - كورمە ورتالىعىندا وتكىزىلەدى ءارى تۇڭعىش رەت ”ينتەرنەت جەلىسى + ينتەرنەت جەلىسىنەن تىسقارى“ ۇلگىسىندە وتكىزىلەدى ەكەن.
7 - كەزەكتى جۇڭگو − ازيا - ەۆروپا كورمەسى ”بىرگە اقىلداسۋ، بىرگە قۇرۋ، بىرگە يگىلىكتەنۋ، سەلبەسىپ بولاشاققا اتتانۋدى“ نەگىزگى تاقىرىپ ەتكەن. كورمە ينتەرنەت جەلىسىنەن تىسقارى ناقتى كورمەنى كورمەلەۋدى نەگىز ەتىپ، ينتەرنەت جەلىسىندەگى كورمەنى قاتار وتكىزەدى، كورمەنىڭ جالپى اۋدانى 90 مىڭ شارشى مەتر، قارجى قوسىپ سەلبەستىك جاساۋ كورمە رايونى، حالىقارالىق جانە شياڭگاڭ، اۋمىن، تايۋان كورمە رايونى، تاۋار - ساۋدا كورمە رايونى سىندى 3 ۇلكەن كورمە رايونى قۇرىلدى. مۇنىڭ ىشىندە تاۋار - ساۋدا كورمە رايونى سيفرلانعان جانە جوعارى، جاڭا تەحنيكالىق جابدىقتار، ەنەرگيا كاسىپ سالاسى، الەۋمەتتىك ىندەتتەن ساقتانۋ جانە دەنساۋلىق ساقتاۋ، ەمدەۋ سياقتى 8 كورمە تاقىرىبىن قامتيدى.
وسى كەزەكتى جۇڭگو − ازيا - ەۆروپا كورمەسى ينفورماتسيالاندىرۋ تەحنيكاسى ارقىلى ينتەرنەت جەلىسىنەن تىسقارى نەگىزگى ءماجىلىس ورنىن قۇرىپ، ينتەرنەت جەلىسىندەگى ءماجىلىس تۇعىرىمەن ۇشتاستىرۋ جانە ينتەرنەتتە تىكە تاراتۋ سياقتى تاسىلدەردەن پايدالانىپ، ”بۇلت ءماجىلىسى، بۇلت كورمەسى، بۇلتتا كەڭەسۋ، بۇلتتا تىكە تاراتۋدى“ ورىستەتىپ، كوپ جاقتىڭ ينتەرنەت جەلىسىندە اۋىس - كۇيىس جاساسۋ، تانىستىرۋ، اڭگىمەلەسۋ، جاريالاۋ جانە ءتۇيىلىسۋ سياقتى ماقساتتاردى جۇزەگە اسىرادى. تالقى مىنبەرى قيمىلى ”ينتەرنەت جەلىسى + ينەرنەت جەلىسىنەن تىسقارى“ ءتاسىلىن قولدانىپ وتكىزىلەدى. اشىلۋ سالتى جانە تيانشان تالقى مىنبەرى (نەگىزگى تالقى مىنبەرى) سياقتى ماڭىزدى قيمىلداردى وتكىزۋدەن سىرت، پاراللەل تالقى مىنبەرى − جىبەك جولى ەكونوميكالىق بەلدەۋى وزەكتى رايونى دامۋى جوعارى دارەجەلىلەر تالقى مىنبەرى، سيفرلى جىبەك جولى جانە سيفرلى شينجياڭ جوعارى دارەجەلىلەر تالقى مىنبەرى سياقتى 10 ارناۋلى تاقىرىپتىق تالقى مىنبەرىن، جۇڭگو - شەتەل مادەنيەتىن كورسەتۋ اپتالىعى، ازيا - ەۆروپا حالىقارالىق كيىم - كەشەك اپتالىعى جانە شينجياڭ توقىما، كيىم - كەشەك جوبالاۋ جارىسى سياقتى 4 ارناۋلى تاقىرىپتىق قيمىلدى، ساۋداگەر شاقىرىپ قارجى ەنگىزۋ ءتۇيىندى نىساندارىنا قول قويۋ جانە شەكارا ءىشى - سىرتىندا قارجى قوسۋدى جەبەۋ قيمىلدارىن دا وتكىزەدى.
كەزەكتە 7 - كەزەكتى جۇڭگو − ازيا - ەۆروپا كورمەسىنىڭ رەسمي سايتىن جاڭالاۋ قىزمەتى اياقتادى، 6 - ايدىڭ سوڭىندا كورمەگە قاتىناساتىن كاسىپورىندار تىزىمگە تىركەلىپ ينتەرنەت جەلىسىنە شىعۋدى باستايدى؛ شەكارا ءىشى - سىرتىندا ساۋداگەر شاقىرىپ، كورمەگە ۇيىمداستىرۋ قىزمەتى جاپپاي ورىستەتىلدى، ولكە، رايون، قالالاردىڭ، شينجياڭعا كومەكتەسەتىن ولكە، قالالاردىڭ الدىڭعى جاق قولباسشىلىق شتاپتارىنىڭ، حالىقارالىق سەلبەسۋ ورىندارىنىڭ بار كۇشپەن قولداۋ كورسەتۋىندە كورمەگە شاقىرۋ مىندەتىنىڭ ％70ى ورىندالدى. سونىمەن بىرگە قابىلداۋ، قالانىڭ جالپىلىق قامتاماسىز ەتۋى، ىندەتتەن ساقتانۋ - تىزگىندەۋ سياقتى ءتۇرلى قىزمەتتەر دە جاپپاي باستالدى.
