شي جينپيڭ سىچۋاندا قىزمەت تەكسەرگەندە بىلاي دەپ باسا دارىپتەدى
جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىنا ىرىقتىلىقپەن توعىسىپ، جاڭا جورىقتا سىچۋان دامۋىنىڭ تىڭ تاراۋىن قۇلشىنا جازۋ كەرەك
6 - ايدىڭ 8 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سىچۋاندا قىزمەت تەكسەردى. سۋرەتتە: 6 - ايدىڭ 8 - كۇنى تۇستەن بۇرىن شي جينپيڭ مەيشان قالاسى دۇڭپو رايونى تايحى قالاشىعى يۇڭفىڭ قىستاعىندا قىزمەت تەكسەرگەندە، قىستاق تۇرعىندارىمەن ىقىلاسپەن اڭگىمەلەستى.
□ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
6 - ايدىڭ 8 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سىچۋاندا قىزمەت تەكسەردى. سۋرەتتە: 6 - ايدىڭ 8 - كۇنى تۇستەن كەيىن شي جينپيڭ يبين شۋەيۋانىندا قىزمەت تەكسەرگەندە، كاسىپورىنداردىڭ قىزمەتكەر قابىلداۋ ۇگىت لەكسيا جينالىسىنا قاتىناسىپ جاتقان وقىتۋشىلاردان، وقۋشىلاردان، كاسىپورىن جاۋاپتىلارىنان كاسىپورىننىڭ جۇمىسشى قابىلداۋ قاجەتى جانە وقۋ تاۋىسقان وقۋشىلاردىڭ كەلىسىم - شارت جاساسۋ مولشەرى سياقتى جاعدايلاردى ۇعىستى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 6 - ايدىڭ 9 - كۇنى چىڭدۋدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا سىچۋاندا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا ىرىقتىلىقپەن قىزمەت وتەپ جانە توعىسىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ەكونوميكانىڭ ورنىقتى دامۋىن ساقتاپ، قوعامدىق كەلەلى جاعدايدىڭ ورنىقتىلىعىن ساقتاپ، سىچۋاندى باسقارۋدىڭ، سىچۋاندى گۇلدەندىرۋدىڭ تاعى دا تىڭ ساتىعا كوتەرىلۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا سىچۋان دامۋىنىڭ تىڭ تاراۋىن قۇلشىنا جازىپ، ءىس جۇزىندىك ارەكەتپەن پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
6 - ايدىڭ 8 - كۇنى شي جينپيڭ سىچۋان ولكەلىك پارتكومنىڭ شۋجيى ۋاڭ شياۋحۇيدىڭ، ولكە باستىعى حۋاڭ چياڭنىڭ سەرىك بولۋىندا، ىلگەرىندى - كەيىندى مەيشان، يبين سياقتى جەرلەرگە كەلىپ، اۋىل - قىستاق، مادەني ەسكەرتكىشتەردى قورعاۋ ورىندارى، مەكتەپ، كاسىپورىن سياقتىلاردى ىشكەرىلەي ارالاپ تەكسەرۋ - زەرتتەۋ جۇرگىزدى.
6 - ايدىڭ 1 - كۇنى سىچۋان يا - اندا 6.1 بال جەر سىلكىندى، شي جينپيڭ تاباندا ماڭىزدى نۇسقاۋ بەرىپ، سىچۋان ولكەلىك پارتكوم مەن ولكەلىك ۇكىمەتتەن قاتەردەن اراشالاۋدى، اپاتتان قۇتقارۋدى بار كۇشپەن جاقسى ىستەپ، قازا بولعانداردىڭ وتباسىنداعىلاردى جۇباتىپ، جارالانعان بۇقارانى دەر كەزىندە قۇتقارىپ، ەمدەپ، اپاتقا ۇشىراعان بۇقارانىڭ تۇرمىسىن ويداعىداي ورنالاستىرىپ، قوسالقى اپاتتاردان ساقتانۋعا كوڭىل ءبولىپ، اپاتتان كەيىنگى قايتا قۇرۋدى مىقتى يگەرىپ، قالىپتى ءوندىرىس، تۇرمىس ءتارتىبىن تەز ارادا قالپىنا كەلتىرۋدى تالاپ ەتتى. ورتالىقتاعى قاتىستى تاراۋلار جەر سىلكىنىسىنە شۇعىل توتەپ بەرۋدىڭ مەملەكەتتىك 3 - دارەجەلى دابىلىن دەرەۋ ىسكە قوستى، سىچۋان ولكەلىك پارتكوم مەن ولكەلىك ۇكىمەت جەر سىلكىنىسىنە قارسى اتتانۋ، اپاتتان قۇتقارۋ قىزمەتىن جەدەل ۇيىمداستىرىپ، ورىستەتىپ، تىرشىلىك ارناسىن شاپشاڭ اشىپ، جارالىلاردى قۇتقارۋ، ەمدەۋ قىزمەتىن بار كۇشپەن جاقسى ىستەپ، اپاتقا ۇشىراعان بۇقارانى دەر كەزىندە حاۋىپسىز جەرگە كوشىردى جانە ورنالاستىردى. قازىر اپات بولعان رايونداعى بۇقارانىڭ باسىم كوپشىلىگى قونىستارىنا قايتا ورالدى، سىچۋان ولكەسى جەر سىلكىنىسىنە شۇعىل توتەپ بەرۋدىڭ ولكەلىك 3 - دارەجەلى دابىلىن توقتاتىپ، قالپىنا كەلتىرۋ، قايتا قۇرۋ كەزەڭىنە ءوتتى.
قىزمەت تەكسەرۋ كەزىندە شي جينپيڭ جارالانعانداردى قۇتقارۋعا، ەمدەۋگە جانە اپات بولعان رايونداعى حالىقتىڭ ءوندىرىس، تۇرمىسىنا ايرىقشا كوڭىل ءبولىپ، جەر سىلكىنىسىنە قارسى اتتانۋدىڭ، اپاتتان قۇتقارۋدىڭ ىلگەرىلەۋ جاعدايىن ەگجەي - تەگجەيلى ۇعىسىپ، سىچۋان ولكەلىك پارتكوم مەن ولكەلىك ۇكىمەتكە جارالىلاردى قۇتقارۋ - ەمدەۋدى ۇزدىكسىز جاقسى ىستەپ، اپاتقا ۇشىراعان بۇقارانى پسيحيكالىق جاقتان جەتەكتەۋدى كۇشەيتىپ، قازا بولعانداردىڭ سوڭعى جۇمىستارىن ءبىر جاقتى ەتۋ جانە ولاردىڭ وتباسىنداعىلاردى جۇباتۋ قىزمەتىن ويداعىداي ىستەپ، اپاتقا ۇشىراعان بۇقارانى لايىقتى ورنالاستىرىپ، نەگىزگى تۇرمىستىق بۇيىمدارمەن قامداۋدى قامتاماسىز ەتۋدى تاپسىردى. قالپىنا كەلتىرۋ، قايتا قۇرۋ جوباسىن ويداعىداي جاساپ، جەدەل اتقارىپ، اپاتقا ۇشىراعان بۇقارانىڭ قالىپتى ءوندىرىس پەن تۇرمىستى ەرتەرەك قالپىنا كەلتىرۋىنە كومەكتەسۋ كەرەك.
6 - ايدىڭ 8 - كۇنى تۇستەن بۇرىن شي جينپيڭ مەيشان قالاسى دۇڭپو رايونى تايحى قالاشىعى يۇڭفىڭ قىستاعىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. يۇڭفىڭ قىستاعى كۇرىش شارۋاشىلىعىنا جانە تەحنيكالىق باسىمدىعىنا سۇيەنىپ، كۇرىشتىڭ جاڭا سورتتارىن، جاڭا تەحنيكالاردى وندىرىسكە دەيىن سىناق ەتۋدىڭ ولكە بويىنشا كولەمى ەڭ ۇلكەن بازاسىن قۇردى. جوعارى ولشەمدى كۇرىش ەگىمشىلىگى بازاسىندا شي جينپيڭ قىستاقتىڭ جالپى جاعدايى جونىندەگى تانىستىرۋدى تىڭداپ، ولاردىڭ استىق ەگىمشىلىگىنە تاباندى بولىپ، مەملەكەتتىڭ استىق حاۋىپسىزدىگىن قامتاماسىز ەتۋگە دەم بەرگەن ادىستەرىن تۇراقتاندىردى. شي جينپيڭ بىلاي دەپ باسا دارىپتەدى: چىڭدۋ جازىعىنىڭ ەجەلدەن ”ىرىستى ولكە“ دەگەن تاماشا اتى بار، ەگىستىك جەردىڭ قىزىل سىزىعىن قاتاڭ ساقتاپ، استىق وندىرەتىن ىرىستى القاپتى ويداعىداي قورعاپ، استىق ءوندىرىسىن دەن قويا، مىقتاپ يگەرىپ، جاڭا داۋىردە اناعۇرلىم جوعارى دەڭگەيدەگى ”ىرىستى استىق قامباسىن“ قالىپتاستىرۋ كەرەك.
شي جينپيڭ سىناق اتىزىنا كىرىپ، كۇرىشتىڭ ءوسۋ جاعدايىن تەكسەرىپ كوردى. اگروتەحنيكتەر باس شۋجيگە كۇرىش تۇقىمىن تاجىريبە جۇزىندە جەتىلدىرۋ جانە ەگۋدى جالپىلاستىرۋ جاعدايىن تانىستىردى. شي جينپيڭ بىلاي دەپ اتاپ كورسەتتى: كۇرىشتىڭ ساپالى تۇقىمىن جەتىلدىرۋدىڭ مەرزىمى ۇزاق بولادى، قايتا - قايتا تاجىريبە جاساپ، سۇرىپتاۋعا تۋرا كەلەدى، ەلىمىزدەگى قالىڭ اۋىل شارۋاشىلىعى عىلىم - تەحنيكا قىزمەتكەرلەرى جاپالى قۇلشىنىستار جاساپ، مەملەكەتتىڭ استىق حاۋىپسىزدىگىن قامتاماسىز ەتۋ، بۇقارانىڭ كويلەگى كوك، قارنى توق بولۋىنا شىنايى كەپىلدىك ەتۋ ءۇشىن ماڭىزدى ۇلەس قوسىپ، وشپەس ەڭبەك ءسىڭىردى. اۋىل شارۋاشىلىعىن وسىزامانداندىرۋدى ىلگەرىلەتۋدە اۋىل شارۋاشىلىق ماماندارىنا دا، قالىڭ ديقاندارعا دا سۇيەنۋ كەرەك. وسى زامانعى اۋىل شارۋاشىلىعى عىلىم - تەحنيكاسىن جالپىلاستىرۋدى، قولدانۋدى جانە تەحنيكالىق باۋلۋدى كۇشەيتىپ، استىق ەگەتىن ءىرى شارۋا قوجالىقتارىن ۇيىمداستىرىپ، جاسىل اۋىل شارۋاشىلىعىن، ەكولوگيالىق اۋىل شارۋاشىلىعىن، جوعارى ءونىمدى اۋىل شارۋاشىلىعىن بەلسەنە دامىتۋ كەرەك. جۇڭگو حالقىنىڭ ازىق - تۇلىك ماسەلەسىن بۇكىلدەي ءوزىمىز مەڭگەرە الاتىندىعىمىزعا ءبىزدىڭ سەنىمىمىز كامىل، قايراتىمىز قاپتال جەتەدى.
شي جينپيڭ اۋىل - قىستاقتى گۇلدەندىرۋدى ىلگەرىلەتۋ جاعدايىنا ايرىقشا كوڭىل ءبولدى. ول يۇڭفىڭ قىستاعىنىڭ لاس سۋدى ءبىر جاقتى ەتۋ كولشىگىن جانە قىستاقتىڭ بەت - بەينەسىن جاياۋ ارالاپ كورىپ، قىستاقتىڭ دەنساۋلىق ساقتاۋ پۋنكتىندە قىزمەت تەكسەرىپ، وسى قىستاقتىڭ قونىس ورتاسىن جاقسارتۋ، اۋىل - قىستاقتاعى ىندەتتەن ساقتانۋ - تىزگىندەۋدى ويداعىداي ىستەۋ سياقتى جاعدايلاردى ەگجەي - تەگجەيلى ۇعىستى. شي جينپيڭ بىلاي دەپ باسا دارىپتەدى: ىشەر اس، كيەر كيىمنەن تارىقپاۋ ماسەلەسى شەشىلگەن سوڭ، اۋىلداستار ەڭ الدىمەن ەمدەلۋ، ءدارى - دارمەك ماسەلەسىنە كوڭىل بولەدى. اۋىل - قىستاقتاعى دەنساۋلىق ساقتاۋ جۇيەسى قۇرىلىسىن كۇشەيتىپ، قالىڭ شارۋا بۇقاراسىنىڭ نەگىزگى ەمدەلۋىن ويداعىداي قامتاماسىز ەتۋ كەرەك. پارتيانىڭ نەگىزگى ساتى ۇيىمىن ويداعىداي قۇرىپ، اۋىلداستاردى كەدەيلىكتەن ارىلعاننان كەيىن اۋىل - قىستاقتى گۇلدەندىرۋدى جالعاستىرا ىلگەرىلەتۋگە ىنتىماقتاستىرۋ، باستاۋ كەرەك.
قىستاقتان اتتاناردا باس شۋجي قىستاق تۇرعىندارىمەن ىستىق ىقىلاسپەن قوشتاستى. شي جينپيڭ اۋىلداستارعا بىلاي دەدى: جۇڭگو كوممۋنيستىك پارتياسى بيلىك جۇرگىزۋدە جۇڭگوشا سوتسياليزم ىستەرىن بىرتىندەپ العا ىلگەرىلەتىپ، بۇكىل ىنتا - پەيىلىمەن بۇقارانىڭ ءىسىن ءبىر - بىرلەپ ويداعىداي ىستەپ، بۇقارانىڭ اناعۇرلىم تاماشا تۇرمىس كەشىرۋىنە مۇمكىندىك جاساۋدى ماقسات ەتەدى.
مەيشان قالاسىنىڭ ورتالىق قالا اۋماعىندا سولتۇستىك سۇڭ پاتشالىعىنىڭ ايگىلى ادەبيەتشىلەرى اكەلى - بالالى سۋ شۇن، سۋ شى، سۋ جى ۇشەۋىنىڭ ەجەلگى تۇراعى سانسۋ عيباداتحاناسى ورنالاسقان. شي جينپيڭ وسى اراعا كەلىپ، سۋ شۇن، سۋ شى، سۋ جى ۇشەۋىنىڭ ءومىرى، باستى ادەبي جەتىستىكتەرى جانە وتباسى تاعلىماتى، وتباسى سالتى، سونداي - اق سانسۋ عيباداتحاناسىنىڭ تاريحي وزگەرىسى، دۇڭپو مادەنيەتىن زەرتتەۋ، جالعاستىرۋ سياقتىلارمەن تانىستى. شي جينپيڭ مىنالاردى اتاپ كورسەتتى: جۇڭحۋا ۇلتىنىڭ 5000 جىلدان اساتىن وركەنيەت تاريحى بار، ءبىز جۇڭحۋانىڭ تاڭداۋلى ءداستۇرلى مادەنيەتىن ارداقتاپ، مادەنيەت سەنىمىن نىعايتۋىمىز كەرەك. جۇڭحۋانىڭ تاڭداۋلى ءداستۇرلى مادەنيەتىنەن ەل باسقارۋ ۇستانىمىن جانە وي - يدەياسىن قابىلداۋعا شەبەر بولىپ، دۇنيە جۇزىندەگى بارلىق تاڭداۋلى وركەنيەت جەتىستىكتەرىنەن كەڭىنەن ۇلگى الۋ كەرەك، قۇنداقتالىپ، قاتىپ - سەمۋگە بولمايدى، بارلىعىندا شەتەلدىڭ نارسەلەرىن ولشەم ەتۋگە ءتىپتى بولمايدى، جۇڭگوشا سوتسياليزم جولىمەن بۇلجىماي ءجۇرۋ كەرەك. وتباسى سالتى، وتباسى تاربيەسى ءبىر وتباسىنىڭ ەڭ باعالى بايلىعى، كەيىنگى ۇرپاقتارعا قالدىراتىن ەڭ جاقسى ميراسى. بۇكىل قوعامنىڭ وتباسىنا، وتباسى تاربيەسىنە، وتباسى سالتىنا ءمان بەرۋ قۇرىلىسىن ىلگەرىلەتىپ، ۇرپاقتاردى وتباسى - وتان ىنتا - ىقىلاسىن كۇشەيتۋگە، مەملەكەتكە، قوعامعا جارامدى دارىندى بولۋعا قۇلشىنۋعا ىنتالاندىرۋ كەرەك. پارتيا مۇشەلەرى، كادرلار، اسىرەسە، باسشى كادرلار كىرشىكسىز ادام بولىپ، وتباسىن ۇنەمشىلدىكپەن، ۇقىپتىلىقپەن باسقارىپ، ءىستى كىرشىكسىز ىستەپ، ۇكىمەت ىسىندە پاك بولىپ، ءوزىن جانە وتباسىنداعىلاردى ويداعىداي باسقارۋ، جاڭا داۋىردەگى كوممۋنيستەردىڭ تاماشا وتباسى سالتىن نارلەندىرۋ كەرەك.
6 - ايدىڭ 8 - كۇنى تۇستەن كەيىن شي جينپيڭ يبين قالاسىنا كەلىپ قىزمەت تەكسەردى. چاڭجياڭ، جينشاجياڭ، مينجياڭ وزەندەرى يبين قالاسىنىڭ نەگىزگى قالا اۋماعىندا توعىسىپ، ءۇش وزەن توعىسقان ايبىندى كورىنىس قالىپتاستىرعان. يبين سۋ ساعالاپ سالىنعان قالا، ”ون مىڭ شاقىرىمدىق چاڭجياڭداعى ءبىرىنشى قالا“ دەگەن تاماشا اتقا يە، تالاي جىل ۇزدىكسىز رەتتەۋ - جونگە سالۋ ارقىلى ءۇش وزەن، التى جاعالاۋدىڭ بويى اناعۇرلىم كورىكتەنىپ، حالىق بۇقاراسى ۇناتاتىن سۋلى جاعالاۋ باقشاسىنا اينالدى. شي جينپيڭ ءۇش وزەن قۇيعانىنا كەلىپ، ءۇش وزەننىڭ توعىسقان جەرىنە كوز جىبەرىپ، جەرگىلىكتى ورىننىڭ چاڭجياڭ وزەنى الابىنىڭ ەكولوگياسىن قالپىنا كەلتىرۋدى، قورعاۋدى ىلگەرىلەتۋ، چاڭجياڭ سۋ الابىندا اۋلاۋعا تيىم سالۋ، اۋلاۋدى توقتاتۋ سياقتى جاعدايلار جونىندەگى تانىستىرۋىن تىڭدادى. شي جينپيڭ بىلاي دەپ اتاپ كورسەتتى: چاڭجياڭ وزەنى الابىنىڭ ەكولوگيالىق ورتاسىن ويداعىداي قورعاۋ چاڭجياڭ ەكونوميكالىق بەلدەۋىنىڭ جوعارى ساپالى دامۋىن ىلگەرىلەتۋدىڭ العى شارتى ءارى جۇڭحۋا وركەنيەتىنىڭ بەسىگىن ويداعىداي قورعاۋدىڭ قاجەتتى تالابى. سىچۋان چاڭجياڭ وزەنىنىڭ جوعارعى اعارىنا ورنالاسقان، كەلەلى جاعداي تانىمىن كۇشەيتىپ، جوعارعى اعار تانىمىن بەرىك ورناتىپ، زور قورعاۋدى بىرگە يگەرۋ، قاۋىرت اشپاۋ باعىتىن مىزعىماس تاباندىلىقپەن دايەكتىلەندىرىپ، چاڭجياڭ وزەنىنىڭ جوعارعى اعارىنداعى ەكولوگيالىق قالتقىنى بەكەمدەپ، چاڭجياڭنىڭ تۇنىق سۋىن ويداعىداي قورعاۋ كەرەك.
بيىل ەلىمىزدە جوعارى مەكتەپتەن وقۋ تاۋىساتىن وقۋشىلار مەجەمەن 10 ميلليون 760 مىڭ ادامعا جەتىپ، سايكەس مەزگىلدەگىدەن ءبىر ميلليون 670 مىڭ ادام كوبەيىپ، تاريحتاعى جاڭا رەكوردتىق دەڭگەيگە جەتەدى. شي جينپيڭ جوعارى مەكتەپتەن وقۋ تاۋىسقان وقۋشىلاردىڭ جۇمىستانۋ جاعدايىنا ايرىقشا كوڭىل ءبولدى، ول يبين شۋەيۋانىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزىپ، وقۋ تاۋىسقان وقۋشىلاردىڭ جاڭالىق اشۋعا، شارۋاشىلىق قۇرۋعا قاتىستى ۋاكىلدىك تۋىندىلارى كورمەسىن كورىپ شىعىپ، مەكتەپتىڭ جۇمىستانۋعا، شارۋاشىلىق قۇرۋعا جەتەكشىلىك ەتۋ، قىزمەت وتەۋ قىزمەتىن ۇعىستى. مەكتەپتەگى قىزمەتكەر قابىلداۋ زالىندا كاسىپورىنداردىڭ قىزمەتكەر قابىلداۋ ۇگىت لەكسيا جينالىسى وتكىزىلىپ جاتتى، شي جينپيڭ وقىتۋشىلاردان، وقۋشىلاردان، كاسىپورىن جاۋاپتىلارىنان كاسىپورىننىڭ جۇمىسشى قابىلداۋ قاجەتى جانە وقۋ تاۋىسقان وقۋشىلاردىڭ كەلىسىم - شارت جاساسۋ مولشەرى سياقتى جاعدايلاردى ۇعىستى. شي جينپيڭ بىلاي دەپ باسا دارىپتەدى: پارتيا ورتالىق كوميتەتى جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىنا ايرىقشا ءمان بەرىپ، ءبىر قىدىرۋ ساياسات - شارالار قولداندى. قازىر جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىنداعى شەشۋشى كەزەڭ، جۇمىس ورنى بايلىعىن ونان ارى اشىپ، جۇمىستانۋعا جەتەكشىلىك ەتۋدى، قىزمەت وتەۋدى ناقتى، ەگجەي - تەگجەيلى ىستەۋ، مەكتەپ، كاسىپورىن جانە قاتىستى تاراۋلار وقۋشىلاردىڭ جۇمىستانۋ كەلىسىم - شارتىن جاساسۋىن تياناقتاندىرۋ قىزمەتىن ويداعىداي يگەرۋ، اسىرەسە، جوعارى مەكتەپتەن وقۋ تاۋىسقان وقۋشىلاردىڭ اراسىنداعى كەدەيلىكتەن ارىلعان وتباسىلاردان، ەڭ تومەنگى تۇرمىسى قامتاماسىزداندىرىلاتىن وتباسىلاردان، بىردە - ءبىر ادامى جۇمىستانباعان وتباسىلاردان شىققانداردى، مۇگەدەكتەردى، ءبىرشاما ۇزاق ۋاقىت كاسىپتەنبەگەندەردى ءتۇيىندى كومەكتەسۋ - سۇيەمەلدەۋ وبيەكتىسى ەتۋ كەرەك. شي جينپيڭ وقۋشىلارعا بىلاي دەدى: باقىتتى تۇرمىس ەڭبەكپەن كەلەدى، كوپشىلىك ورنىقتى، تياناقتى كوڭىل كۇيدى ساقتاپ، ءوز شارت - جاعدايى مەن قوعام سۇرانىسىنا وبيەكتيۆتى قاراپ، ءىس جۇزىندىكتى نەگىزگە الا وتىرىپ، كاسىپ جانە قىزمەت ورنىن تاڭداپ، ەڭبەكتى قىزۋ ءسۇيىپ، قۇنتتى بولىپ، اماليات بارىسىندا بىرتىندەپ جەتىلۋ - تولىسۋ كەرەك. ول وقۋشىلاردى سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى دامۋعا ىنتالاندىردى.
وسىدان كەيىن شي جينپيڭ جيمي فوتو - ەلەكتر شەكتى سەرىكتەستىگىندە قىزمەت تەكسەردى. ول سەرىكتەستىكتىڭ كورمە زالىنا جانە ءوندىرىس سەحىنا كىرىپ، كاسىپورىننىڭ ءوز كۇشىنە سۇيەنىپ جاڭالىق اشۋدى، ونىمدەردى زەرتتەۋ - جاساۋدى، ساتۋدى كۇشەيتۋى، جۇمىستانۋعا جەتەكتەۋى جانە جەرگىلىكتى ورىننىڭ حالىقتىق شارۋاشىلىقتىڭ دامۋىنا قولداۋ كورسەتۋى، قيىنشىلىقتى شەشۋ، كومەكتەسۋ - سۇيەمەلدەۋ ساياساتتارىن شىعارۋى سياقتى جاعدايلاردى ۇعىستى. شي جينپيڭ بىلاي دەپ باسا دارىپتەدى: عىلىم - تەحنيكادا جاڭالىق اشۋدى ىلگەرىلەتۋدە ءار سالادا جوعارى دەڭگەيلى، وزىق، ماڭداي الدى، ەرەكشە كاسىپورىنداردى بەلسەنە جەتىلدىرىپ، اناعۇرلىم كوپ ”كوزگە كورىنبەس اعا جۇلدەگەر“ تۇلعالاپ، عىلىم - تەحنيكادا جاڭالىق اشۋ شوعىرىن قالىپتاستىرۋ كەرەك.
سەح سىرتىنداعى الاڭدا شي جينپيڭ كاسىپورىن قىزمەتكەرلەرىمەن ىقىلاستى تۇردە پىكىرلەستى. شي جينپيڭ بىلاي دەپ باسا دارىپتەدى: ەلىمىز جاساۋ كاسىبىندەگى ءىرى ەل، ءوز كۇشىنە سۇيەنىپ جاڭالىق اشۋ قابىلەتىن قۇلشىنا جوعارىلاتىپ، جاساۋ كاسىبىندە قۋاتتى ەل بولۋعا بۇرىلىس جاساۋدى جەدەلدەتۋ كەرەك. جۇڭگو قۇدىرەتتەنۋ ءۇشىن ءار سالادا، ءار جاقتا تۇگەل الۋەتتەنۋ كەرەك. جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ بولاشاعى نۇرلى، جولى بۇراڭ، ءالى دە كوپتەگەن اساۋ تولقىنعا، قاتەرلى قايراڭعا ءدوپ كەلەمىز، ءتۇرلى حاۋىپ - قاتەرلەر مەن سىن - سايىستاردى جۇرەكتىلىكپەن قارسى الۋ كەرەك. اسپاننان تەكتەن - تەككە ماي شەلپەك جاۋمايدى، ءارقانداي تابىسقا ءبىز بىرگە ايانباي قۇلشىنۋ ارقىلى قول جەتكىزەمىز. ءبارىڭ ”80 - جىلداردىڭ تۇلەگى“، ”90 - جىلداردىڭ تۇلەگىسىڭدەر“، ءدال قازىر تاماشا شاقتا تۇرسىڭدار، كاسىپكە ىنتالى، جاۋاپكەرشىلىك سەزىمدە بولىپ، قۇلشىنا كۇرەس جۇرگىزۋلەرىڭ كەرەك، وسى عاسىردىڭ ورتاسىندا جاپپاي سوتسياليستىك وسىزاماندانعان قۇدىرەتتى ەل قۇرىپ شىققان كەزدە ءبارىڭ، ءسوز جوق، ”مەملەكەتتى قۇدىرەتتەندىرۋ ارمانىن جۇزەگە اسىرۋعا مەن دە ەڭبەك ءسىڭىردىم“ دەپ ماقتانىش ەتەتىن بولاسىڭدار.
قىزمەت تەكسەرۋ بارىسىندا شي جينپيڭ بىلاي اتاپ كورسەتتى: كەزەكتە جەر - جەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، رەفورما، دامۋ، ورنىقتىلىق قىزمەتتەرىن جاپپاي ويداعىداي ىستەپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى قۇلشىنا ساقتاپ، پارتيا 20 - قۇرىلتايىنىڭ اشىلۋى ءۇشىن تاماشا اۋقىم قالىپتاستىرۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ قىزمەتىن جوعارى ونىمدىلىكپەن ويداعىداي ىستەپ، كەزەكتەگى ەكونوميكالىق دامۋدا ءدوپ كەلگەن كەيبىر قيىنشىلىقتاردى باتىل جەڭىپ، جۇمىستاندىرۋ، قوعامدىق قامتاماسىزداندىرۋ، كەدەي بۇقاراعا كومەكتەسۋ جانە ولاردى سۇيەمەلدەۋ سياقتى جاقتارداعى قىزمەتتەردى ويداعىداي ىستەپ، قوعام ورنىقتىلىعىن قورعاۋ قىزمەتتەرىن ويداعىداي ىستەپ، جۇرت تىلەگىنىڭ ورنىقتىلىعىن ساقتاۋ، قوعامدىق كەلەلى جاعدايدىڭ ورنىقتىلىعىن ساقتاۋ كەرەك. تاباندىلىق ءتۇبى − جەڭىس، ”يكەمدى نولگە ءتۇسىرۋ“ باس باعىتىنا تيتتەي دە مىزعىماي تاباندى بولىپ، سەنىمدى بەكەمدەپ، كەدەرگىلەردى الاستاپ، سالعىرتسۋ يدەياسىن جويىپ، ىندەتتەن ساقتانۋ - تىزگىندەۋدىڭ ءتۇيىندى قىزمەتتەرىن مىقتى، ناقتى يگەرىپ، ىندەتتەن ساقتانۋ - تىزگىندەۋدىڭ وڭاي - وسپاق قولعا كەلمەگەن جەتىستىكتەرىن باتىل بەكەمدەۋ كەرەك.
شي جينپيڭ بىلاي دەپ باسا دارىپتەدى: جۋىردا ەلىمىزدىڭ ءىشىنارا جەرلەرىندە سەل اپاتتارى، گەولوگيالىق اپاتتار تۋىلدى. قاتىستى وڭىرلەر مەن تاراۋلار ۇلكەن تاسقىننان ساقتانۋدى، ۇلكەن حاۋىپ - قاتەرگە قارسى اتتانۋدى، ۇلكەن اپاتتان قۇتقارۋدى تياناق ەتىپ، شۇعىل جاعدايعا توتەپ بەرۋدىڭ ءتۇرلى دايىندىعىن الدىن الا ويداعىداي ىستەپ، اپاتتان قورعانۋ قابىلەتىن جاپپاي جوعارىلاتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك. ءبىر تۇتاس جوسپارلاپ سايكەستىرۋدى كۇشەيتىپ، اپاتقا قاتىستى كومەسكى قاتەرلەردى شارلاپ تەكسەرۋدى، حاۋىپ - قاتەردى الاستاۋدى كۇشەيتىپ، ماڭىزدى نەگىزدىك قۇرىلعىلاردىڭ حاۋىپسىزدىك قورعانىسىن كۇشەيتىپ، جاۋىن - شاشىن، تايفىڭ داۋىلى، سەل، لاي كوشكىنى سياقتىلاردان الدىن الا ساقتاندىرۋ، الدىن الا مالىمەت بەرۋ ورەسىن جوعارىلاتىپ، جول قاتىناستارىن رەتكە كەلتىرۋ سەرپىنىن ارتتىرىپ، تاسقىننان ساقتانۋ، اپاتتان قۇتقارۋ شارالارىن ەگجەي - تەگجەيلى، ناقتى يگەرۋ كەرەك. اپات تۋىلعاننان كەيىن قاتەردەن اراشالاۋعا، اپاتتان قۇتقارۋعا جەدەل كۇش جۇمىلدىرىپ، قوسالقى اپاتتاردىڭ تۋىلۋىنان قاتاڭ ساقتانىپ، ادام ءولىم - ءجىتىمىن جانە مال - مۇلىك شىعىنىن مۇمكىندىكتىڭ بارىنشا ازايتۋ كەرەك. قاتەردەن اراشالاۋ، اپاتتان قۇتقارۋ قىزمەتىن ويداعىداي ىستەۋمەن بىرگە، ءوندىرىس، تۇرمىس ءتارتىبىن تەز ارادا قالپىنا كەلتىرىپ، اپاتقا ۇشىراعان بۇقاراعا كومەكتەسۋ، ولاردى سۇيەمەلدەۋ، ولاردى قۇتقارۋ جانە دەنساۋلىق ساقتاۋ، ىندەتتەن ساقتانۋ قىزمەتىن تىڭعىلىقتى ويداعىداي ىستەپ، اپات سەبەبىنەن قايتا كەدەيلەسۋدەن جانە ”اۋىر اپاتتان كەيىن اۋقىمدى ىندەت تۋىلۋدان“ ساقتانۋ كەرەك.
ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
6 - ايدىڭ 9 - كۇنى تۇستەن بۇرىن شي جينپيڭ چىڭدۋدا تۇراتىن اسكەري ءبولىمنىڭ داشياۋدان جوعارى باسشى كادرلارىن جانە قۇرىلىمدىق تۋانداردىڭ نەگىزگى باسشىلارىن چىڭدۋدا ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان چىڭدۋدا تۇراتىن اسكەري بولىمدەگى بارشا وفيتسەر - اسكەرلەرگە شىنايى سالەم جولدادى ءارى كوپشىلىكپەن بىرگە ەستەلىك سۋرەتكە ءتۇستى. شۇي چيلياڭ قابىلداۋدا بىرگە بولدى.
