اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ جالپى بارىستىق حالىق دەموكراتياسى جونىندەگى ماڭىزدى بايىمداۋلارىن ارناۋلى تاقىرىپتا ۇيرەندى
زاڭمەن باسقارۋ ارناسىندا جالپى بارىستىق حالىق دەموكراتياسىن دامىتىپ، شينجياڭنىڭ قوعام ورنىقتىلىعى مەن باياندى تىنىشتىعىن تىڭعىلىقتى ىلگەرىلەتۋ كەرەك
ما شيڭرۇي باسقاردى، ەركىن تۇنياز، شاۋكەت يمىن، نۇرلان ءابىلماجىن، لي يفي، حى جۇڭيوۋ ۇيرەنۋگە قاتىناستى
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى 6 - ايدىڭ 9 - كۇنى تۇستەن كەيىن ارناۋلى تاقىرىپتا ۇيرەنۋ ءماجىلىسىن وتكىزىپ، باس شۋجي شي جينپيڭنىڭ جالپى بارىستىق حالىق دەموكراتياسى جونىندەگى ماڭىزدى بايىمداۋلارىن ىشكەرىلەي ۇيرەنىپ، ۇعىنىپ، نازاريالىق تانىم مەن امالياتتىق قورىتىندىنى ونان ارى تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتىپ، جالپى بارىستىق حالىق دەموكراتياسىن ۇزدىكسىز امالياتتا ايگىلەدى جانە دامىتتى. اۆتونوميالى رايوندىق پارتكومنىڭ شۋجيى ما شيڭرۇي توپتىق ۇيرەنۋدى باسقاردى.
ەركىن تۇنياز، نۇرلان ءابىلماجىن، لي يفي، حى جۇڭيوۋ قاتارلىلار ۇيرەنۋگە قاتىناستى. شاۋكەت يمىن، چىن ۋيجۇن پىكىر اۋىستىرىپ، ءسوز سويلەدى. اۆتونوميالى رايوندىق حالىق قۇرىلتايى تۇراقتى كوميتەتىنەن قاتىستى جولداس ارناۋلى تاقىرىپتىق پىسىقتاۋ بايانداماسىن جاسادى.
ما شيڭرۇي بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى دەموكراتيالىق ساياسيدىڭ دامۋ زاڭدىلىعى جونىندەگى تانىمدى تەرەڭدەتىپ، جالپى بارىستىق حالىق دەموكراتياسى سىندى ماڭىزدى ۇستانىمدى العا قويدى. باس شۋجي شي جينپيڭنىڭ جالپى بارىستىق حالىق دەموكراتياسى جونىندەگى ماڭىزدى بايىمداۋلارى پارتيامىزدىڭ دەموكراتيا جونىندەگى تۇرعىسىن، كوزقاراسىن، ءادىسىن جان - جاقتى، جۇيەلى بايىمداپ، ەلىمىزدىڭ جالپى بارىستىق حالىق دەموكراتياسىنىڭ ماندىك ەرەكشەلىگى مەن امالياتتىق تالابىن تەرەڭ اتاپ كورسەتىپ، سوتسياليستىك دەموكراتيالىق ساياسيدىڭ كەمەلدى نازاريالىق جۇيەسىن قالىپتاستىرىپ، تەرەڭ ساياسي ويدى، نازاريالىق ويدى، امالياتتىق ويدى ايگىلەدى، بۇل پارتيامىزدىڭ دەموكراتيالىق ساياسيدىڭ دامۋ زاڭدىلىعى جونىندەگى تانىمىنىڭ تىڭ بيىككە جەتكەندىگىن كورسەتەدى، جۇڭگوشا سوتسياليستىك دەموكراتيالىق ساياسيدى دامىتۋعا، سوتسياليستىك ساياسي وركەنيەت قۇرۋعا ءتۇبىرلى بويسۇنۋ ولشەمىن ازىرلەدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى بايىمداۋلارىن ىشكەرىلەي ۇيرەنىپ، ۇعىنىپ، رۋحاني ءمانىن جەتە ءتۇسىنىپ، وزەكتى ءمانىن ۇعىنىپ، امالياتتىق تالابىن ايقىنداپ، جالپى بارىستىق حالىق دەموكراتياسى جونىندەگى تانىم مەن تۇسىنىكتى ۇزدىكسىز تەرەڭدەتىپ، جۇڭگوشا سوتسياليستىك ساياسي دامۋ جولىمەن بۇلجىماي ءجۇرۋ كەرەك.
ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ ماڭىزدى بايىمداۋلارىن دەن قويا ۇيرەنىپ، دايەكتىلەندىرىپ، باس شۋجي شي جينپيڭنىڭ ورتالىقتىڭ حالىق قۇرىلتايى قىزمەتى ماجىلىسىندە، ورتالىقتىڭ ساياسي كەڭەس قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق 10 - كەزەكتى پارتكوم ءۇشىنشى جالپى ماجىلىسىندەگى ورنالاستىرۋلاردى، تالاپتاردى تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، شينجياڭنىڭ ءىس جۇزىندىك جاعدايىن تياناق ەتىپ، شىندىققا جۇگىنىپ، ناقتى ىستەپ ىلگەرىلەتىپ، جالپى بارىستىق حالىق دەموكراتياسىنىڭ ناقتى تياناقتانۋىنا شىنايى كەپىلدىك ەتۋ كەرەك. پارتيانىڭ باسشىلىعىن ءتۇبىرلى كەپىل ەتۋگە تاباندى بولىپ، جالپى بارىستىق حالىق دەموكراتياسىنىڭ ءار جاعىنا، ءار بۋىنىنا ءسىڭىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، دەموكراتيالىق سايلاۋ، دەموكراتيالىق كەڭەسۋ، دەموكراتيالىق شەشىم جاساۋ، دەموكراتيالىق باسقارۋ، دەموكراتيالىق باقىلاۋ بۋىندارىن ساباقتاستىرىپ، ”شەشۋشى ازشىلىقتىڭ“ ۇلگى كورسەتىپ، جەتەكتەۋ رولىن ساۋلەلەندىرىپ، شينجياڭ قىزمەتىنىڭ باستان - اياق دۇرىس بەتالىسپەن ىلگەرىلەۋىنە شىنايى كەپىلدىك ەتۋ كەرەك. جالپى بارىستىق حالىق دەموكراتياسىن شينجياڭدى زاڭمەن باسقارۋمەن ورگانيكالى ۇشتاستىرۋعا تاباندى بولىپ، شينجياڭدى زاڭمەن باسقارۋدى اناعۇرلىم كورنەكتى ماڭىزدى ورىنعا قويىپ، زاڭدى عىلمي جولمەن شىعارۋدى، زاڭدى دەموكراتيالى جولمەن شىعارۋدى، زاڭ بويىنشا زاڭ شىعارۋدى ىشكەرىلەي ىلگەرىلەتىپ، ۇقىقتى باقىلاۋدى جانە تەجەۋدى كۇشەيتىپ، رەفورما، دامۋ شەشىمدەرىن زاڭ شىعارۋ شەشىمدەرىمەن اناعۇرلىم ويداعىداي ۇشتاستىرىپ، زاڭ بويىنشا اكىمشىلىك جۇرگىزۋ قابىلەتى مەن دەڭگەيىن ۇزدىكسىز جوعارىلاتىپ، الەۋمەتتىك زاڭدىق قىزمەت وتەۋدى كۇشەيتىپ، كەمەلدى زاڭمەن دامۋدى جەبەپ، شەبەرلىكپەن جونگە سالۋدى قامتاماسىز ەتىپ، حالىقتىڭ قوجايىن بولۋىنا اناعۇرلىم ويداعىداي كەپىلدىك ەتۋ كەرەك. جوعارى دەڭگەيدە جوبالاۋ مەن ۇكىمەت ىسىنە اقىل - كەڭەس بەرۋدىڭ بىرلىگىنە تاباندى بولىپ، حالىق تۇرعىسىنان تاپجىلماي، بۇقارالىق تانىمدى كۇشەيتىپ، حالىقتىڭ مۇددەسىن ايگىلەۋدى، حالىقتىڭ تىلەگىن اڭىس ەتۋدى، حالىقتىڭ ۇقىق - مۇددەسىن قورعاۋدى، حالىقتىڭ قۇت - ىرىسىن ارتتىرۋدى دەموكراتيانىڭ جالپى بارىسىندا تياناقتاندىرىپ، ءار جىكتەن، ءار سالادان ازاماتتاردىڭ تارتىپپەن ساياسيعا ات سالىسۋىن كەڭەيتىپ، ەل تىلەگىن كەڭىنەن قابىلداپ، حالىقتىڭ اقىل - پاراساتىن توپتاپ، ءار ۇلت بۇقاراسىن رەفورما، دامۋ، ورنىقتىلىق ىستەرىنە بەلسەنە ات سالىسۋعا باستاۋ كەرەك. جالپى بارىستىق حالىق دەموكراتياسى ءتۇزىمى دانەكەرىنەن ويداعىداي پايدالانۋعا تاباندى بولىپ، جاڭا داۋىردەگى حالىق قۇرىلتايى قىزمەتى مەن حالىق ساياسي كەڭەس قىزمەتىن كۇشەيتىپ جانە جاقسارتىپ، اۆتونوميالى رايوندىق پارتكومنىڭ، ۇكىمەتتىڭ نەگىزگى باسشىلارىنىڭ ءتۇيىندى حالىق قۇرىلتايى كەڭەستىك جوبالارى مەن ساياسي كەڭەس ۇسىنىس جوبالارىنىڭ ورىندالۋىن باقىلاۋعا جەتەكشىلىك ەتۋىنە تاباندى بولىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، نەگىزگى ساتى بۇقاراسىنىڭ ءوزىن - ءوزى باسقارۋ ءتۇزىمىن تياناقتاندىرىپ، ءتۇرلى ءتۇزىمنىڭ شينجياڭداعى جاندى امالياتىن ۇزدىكسىز بايىتىپ، كەڭەيتۋ كەرەك.
جاڭ جۋ، تيان شياڭلي، ۋاڭ ميڭشان، ءزۇمىرات وبۇل، ياڭ فاسىن، ەلزات احمەتجان، قادەن كابەن قاتارلىلار توپتىق ۇيرەنۋگە قاتىناستى.
