ءوز حابارىمىز. جۋىقتا اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى «جاڭا داۋىردەگى دارىندىلار قىزمەتىن كۇشەيتۋ جانە جاقسارتۋ جونىندەگى اتقارۋ پىكىرىن» (تومەندە قىسقارتىلىپ «اتقارۋ پىكىرى» دەلىنەدى) باسىپ تاراتىپ، باس شۋجي شي جينپيڭنىڭ جاڭا داۋىردەگى دارىندىلار قىزمەتىن ويداعىداي ىستەۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاڭا داۋىردەگى دارىندىلار جاعىندا قۋاتتى رايون بولۋ ستراتەگياسىن ىشكەرىلەي اتقارىپ، دارىندىلاردى جان - جاقتى باۋلىپ، ەنگىزىپ، ويداعىداي ىستەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا سانى جەتكىلىكتى، قۇرىلىمى ۇيلەسىمدى، ساپاسى تاماشا دارىندىلار بايلىعىن ازىرلەدى.
«اتقارۋ پىكىرىندە» مىنالار اتاپ كورسەتىلدى: دارىندىلار − شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىراتىن تىرەك كۇش. ومىرشەڭدىك كۇشتى قاۋلاتۋدى وزەك ەتىپ، دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتىپ، ادام ىستەتۋشى تۇلعالارعا تولىق ۇقىق بەرىپ، دارىندىلارعا بەلسەندى تۇردە ەرىك بەرىپ، دارىندىلاردى باعالاۋ تۇزىمىنە رەفورما جاساپ، دارىندىلاردى ىنتالاندىرۋ مەحانيزمىن كەمەلدەندىرىپ، دارىندىلاردى جاڭالىق اشۋعا، جاسامپازدىق جاراتۋعا ىنتالاندىرۋ؛ 10 ميلليارد يۋاندىق دارىندىلاردى دامىتۋ قورىن ورنالاستىرىپ، كەلەلى كاسىپ سالاسى نىساندارىنىڭ، ماڭىزدى قۇرىلىس ينجەنەريالارىنىڭ، كەلەلى عىلمي زەرتتەۋ تۇعىرلارىنىڭ، شەشۋشى حالىق تۇرمىسى سالاسىنىڭ، ت.ب دارىندى باۋلۋىنا، ەنگىزۋىنە قولداۋ كورسەتىپ، ءتۇيىندى دارىندىلار قىزمەتىن قامتاماسىز ەتۋدى پارمەندى ىلگەرىلەتۋ؛ نازاردى قىزمەت وتەۋدىڭ جوعارى ساپالى دامۋىنا شوعىرلاندىرىپ، ”تيانشان دارىندىلارى“ باۋلۋ جوسپارى، ”بوعدا دارىندىلارى“ ەنگىزۋ جوسپارى، كاسىپ سالاسىنىڭ دارىندىلار باۋلۋ نىسانى سياقتى كەلەلى دارىندىلار نىسانىن اتقارىپ، دارىندىلار قوسىنى قۇرىلىسىن ىلگەرىلەتۋ؛ دارىندىلار باۋلۋ جۇيەسىن كەمەلدەندىرىپ، جوعارى مەكتەپتەردىڭ نەگىزگى شەپ رولىن ساۋلەلەندىرىپ، كاسىپورىنداردىڭ تۇلعالىق ورنىن كورنەكتىلەندىرىپ، عىلمي زەرتتەۋ، جاڭالىق اشۋ تۇعىرى قۇرىلىسىن كۇشەيتىپ، دەربەس جاڭالىق اشاتىن دارىندىلار ۇلگى كورسەتۋ رايونىن تۇلعالاپ، تاڭداۋلى دارىندىلاردى ۇزدىكسىز باۋلۋ، جەتىلدىرۋ؛ سۇرانىستى باعدار ەتۋگە تاباندى بولىپ، شينجياڭنىڭ ەرەكشەلىككە يە كاسىپ سالالارىنىڭ دارىندىلاردى توپتاۋ رولىن جانە شينجياڭعا باعىتتامالى كومەكتەسۋدىڭ باسىمدىعىن تولىق ساۋلەلەندىرىپ، ورەلى دارىندىلار مەن اقىل - پاراسات بايلىعىن بەلسەنە ەنگىزىپ، ولاردان ويداعىداي پايدالانۋ؛ دارىندىلاردى دامىتۋ ورتاسىن ساپالىلاندىرىپ، دارىندىلاردى بار كۇشپەن ۇگىتتەپ، ماداقتاپ - سيلاپ، دارىندىلارعا قىزمەت وتەۋدى قامتاماسىز ەتۋ جۇيەسىن اقاۋسىزداندىرىپ، دارىندىلاردى تاني بىلەتىن، دارىندىلاردى ايالايتىن، دارىندىلاردى قادىرلەيتىن، دارىندىلاردى ىستەتەتىن قويۋ رايدى قالىپتاستىرۋ كەرەك.
«اتقارۋ پىكىرىندە» مىنالار باسا دارىپتەلدى: پارتيا دارىندىلاردى باسقارۋعا تاباندى بولىپ، پارتيانىڭ دارىندىلار قىزمەتىنە جالپى بەتتىك باسشىلىعىن كۇشەيتىپ، جاڭا داۋىردەگى دارىندىلار قىزمەتىنىڭ ءتۇرلى مىندەتىن جاپپاي تياناقتاندىرۋ كەرەك. ءار دارەجەلى پارتكومدار مەن ۇكىمەتتەر دارىندىلار قىزمەتىنە قاتىستى كەلەلى ساياساتتاردى تياناقتاندىرۋدى، ءتۇيىندى قىزمەتتەردى ىلگەرىلەتۋدى، ءتۇيىندى دارىندىلارعا قىزمەت وتەۋدى مىقتى يگەرىپ، بەلگىلى مەرزىمدە دارىندىلار قىزمەتى ءماجىلىسىن اشىپ، ماسەلەلەردى دەر كەزىندە بايقاپ، شەشۋ كەرەك. دارىندىلارعا ساياسي جەتەكشىلىكتى كۇشەيتىپ، قالىڭ دارىندىلاردى عالىمدار رۋحىن اسقاقتاتۋعا، شەكارا وڭىرگە تامىر تارتۋعا، شەكارا وڭىرگە ۇلەس قوسۋعا جەتەكتەۋ كەرەك. اقپارات قۇرالدارىنىڭ قوعامدىق پىكىر ۇگىتتەۋ رولى مەن باقىلاۋ رولىن تولىق ساۋلەلەندىرىپ، دارىندىلاردى دامىتۋدى جەبەيتىن تاماشا قوعامدىق راي قالىپتاستىرۋ كەرەك.
