تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ سالىقتى ىركىپ دولايلاستىرۋعا قالدىرۋ ساياساتى كولەمىندە 7 كاسىپ تىڭنان قوسىلدى

  انار بۇلت \ شينجياڭ گازەتىنىڭ ءتىلشىسى ران حۋ 6 - ايدىڭ 11 - كۇنى ۇرىمجىدەن حابارلايدى. كاسىپورىنداردىڭ قيىنشىلىقتان قۇتىلۋىنا كومەكتەسۋ تەبىنىن ارتتىرۋ ءۇشىن، اۆتونوميالى رايون ارتقان قۇن سالىعىن ىركىپ دولايلاستىرىپ سالىق قايتارۋ ساياساتى كولەمىن اناعۇرلىم كەڭەيتىپ، تولايىم جانە بولشەك ساتۋ كاسىبى، قونالقى جانە اس - سۋ كاسىبى سياقتى 7 كاسىپتى تىڭنان قوستى.

  اۆتونوميالى رايوندىق حالىق ۇكىمەتى تاياۋدا باسىپ تاراتقان «اۆتونوميالى رايوننىڭ مەملەكەتتىك كەڭەس تاراتقان[2022 ] 12 - ءنومىرلى حۇجاتتىڭ رۋحىن دايەكتىلەندىرىپ، تياناقتاندىرىپ، ەكونوميكانىڭ ورنىقتى ارتۋىن ىلگەرىلەتۋدىڭ ءبىر قىدىرۋ ساياسات - شارالارىندا» مىنالار ورتاعا قويىلدى: تولايىم جانە بولشەك ساتۋ كاسىبى، ەگىن، ورمان، مال، بالىق شارۋاشىلىعى، قونالقى جانە اس - سۋ كاسىبى، تۇرعىندارعا قىزمەت وتەۋ، جوندەۋ جانە باسقا دا قىزمەت وتەۋ كاسىبى، وقۋ - اعارتۋ، دەنساۋلىق ساقتاۋ جانە قوعامدىق قىزمەت، مادەنيەت، دەنە تاربيە جانە كوڭىل اشۋ كاسىبى سياقتى 7 كاسىپ كاسىپورىندارى سالىقتى ىركىپ دولايلاستىرۋعا قالدىرۋ ساياساتى كولەمىنە ەنگىزىلىپ، دولايلاستىرۋعا قالدىرىلعان سالىق سوماسىنىڭ ارتقان بولىگىن اي سايىن تولىق سومامەن قايتارۋ، دولايلاستىرۋعا قالدىرىلعان سالىق سوماسىنىڭ ىركىندى بولىگىن ءبىر جولاتا تولىق سومامەن قايتارۋ ساياساتىنان يگىلىكتەنەدى.

  بيىل 4 - ايدا، اۆتونوميالى رايون ارتقان قۇن سالىعىن ىركىپ دولايلاستىرىپ سالىق قايتارۋ ساياساتى كولەمىن بارلىق جاساۋ كاسىبى، سونداي - اق عىلمي زەرتتەۋ جانە تەحنيكالىق قىزمەت وتەۋ كاسىبى، ەلەكتر قۋاتى، جىلۋ قۋاتى، جانارگاز جانە سۋ ءوندىرىسى جانە قامداۋ كاسىبى، جۇمساق بولشەك جانە ينفورماتسيا تەحنيكاسى قىزمەت وتەۋ كاسىبى، ەكولوگيانى قورعاۋ جانە قورشاعان ورتانى جونگە سالۋ كاسىبى، قاتىناس - تاسىمال، قامبادا ساقتاۋ جانە پوچتا ىستەرى سياقتى كاسىپتەرگە دەيىن كەڭەيتتى. 5 - ايدىڭ سوڭىنا دەيىن، سالىقتى ىركىپ دولايلاستىرۋعا قالدىرۋ ساياساتى بويىنشا 29 ميلليارد 270 ميلليون يۋاندىق ”قىزىل قالتا“ 39 مىڭ كاسىپورىننىڭ قارجى قىسىمىن جەڭىلدەتىپ، بازار سەنىمىن سەرپىلتىپ، جۇمىستاندىرۋدى ورنىقتىرۋدا، حالىق تۇرمىسىن قامتاماسىز ەتۋدە بەلسەندى رول اتقاردى.

  ءبىر قىدىرۋ ساياسات - شارادا تاعى مىنالار العا قويىلدى: شاعىن كولەمدى سالىق تاپسىرۋشىلارعا قاراتا ارتقان قۇن سالىعىن كەزەڭدىك كەشىرىم ەتۋ، شاعىن، پايداسى ماردىمسىز كاسىپورىندارعا قاراتا كاسىپورىنداردىڭ تابىس سالىعىن ازايتۋ جانە شاعىن كولەمدى سالىق تاپسىرۋشىلارعا، شاعىن، پايداسى ماردىمسىز كاسىپورىندارعا جانە جەكە ساۋدا - ونەركاسىپشىلەرگە قاراتا جارتىسىن ازايتۋ سىندى ”التى سالىق، ەكى اقى“ سياقتى تيىمدىلىك ساياساتتى دالمە - ءدال تياناقتاندىرۋ كەرەك.

  سالىقتى ىركىپ دولايلاستىرۋعا قالدىرۋ ساياساتىنىڭ ناقتى، ەگجەي - تەگجەيلى تياناقتانۋىنا شىنايى كەپىلدىك ەتۋ ءۇشىن اۆتونوميالى رايوندىق قازىنا ورتالىقتىڭ 21 ميلليارد 68 ميلليون يۋاندىق وتكەرمەلەپ تولەگەن قارجىسىن دەر كەزىندە ءبولىپ، قازىنا قاراجاتىنان 19 ميلليارد 765 ميلليون يۋان اجىراتتى ءارى ءارقايسى ايماقتاردى (وبلىس، قالا)، اۋدانداردى (قالا، رايون) شاعىن، ۇساق كاسىپورىنداردىڭ، جەكەشە ساۋدا - ونەركاسىپشىلەردىڭ ىركىپ دولايلاستىرۋعا قالدىرىلعان سالىعىن جىلدام بىتىرۋگە ءارى كومەكتەسۋ - سۇيەمەلدەۋ تەبىنىن ارتتىرىپ، 6 - ايدىڭ 30 - كۇنىنەن بۇرىن، ىركىپ دولايلاستىرۋعا قالدىرىلعان ىركىندى سالىق سوماسىن شوعىرلى قايتارىپ بولۋعا قۋزادى.

  مۇنان سىرت، اۆتونوميالى رايوندىق قازىنا تاعى قازىنا اينالىمىن باقىلاۋ تەبىنىن كۇشەيتىپ، ىركىپ دولايلاستىرۋعا قالدىرىلعان سالىقتىڭ قايتارۋعا تيىستىلەرىن تۇگەلدەي قايتارۋعا شىنايى كەپىلدىك ەتۋ نەگىزىندە، نەگىزگى ساتى قازىناسىنىڭ ورنىقتى اينالىمىن قامتاماسىز ەتىپ، ”ءۇشتى قامتاماسىز ەتۋدىڭ“ (نەگىزگى حالىق تۇرمىسىن قامتاماسىز ەتۋ، ەڭبەكاقىنى قامتاماسىز ەتۋ، اينالىمدى قامتاماسىز ەتۋ) تومەنگى شەگىن بەكەمدەيدى، ناقتىلايدى. اۆتونوميالى رايون تاعى سالىقتى ىركىپ دولايلاستىرۋعا قالدىرۋ ساياساتىن تياناقتاندىرۋ بويىنشا سيلاۋ، كومەك قاراجات بەرۋ مەحانيزمىن ورناتىپ، ارناۋلى قارجى ورنالاستىرىپ، سالىق قايتارۋ، سالىقتى ازايتۋ، اقىنى تومەندەتۋ ساياساتىن تياناقتاندىرۋى جاقسى، سالىق قايتارۋ سوماسى جەرگىلىكتى ورىننىڭ قازىنا كىرىسىنە ىقپالى ءبىرشاما زور اۋداندارعا (قالا، رايون) سيلىق، تولىقتاما قاراجات بەرەدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.