ەركىن تۇنياز تارباعاتاي ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ورايدى مىقتى يگەرىپ، سىرتقا ەسىك اشۋدى اناعۇرلىم جوعارى دەڭگەيدە ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 6 - ايدىڭ 12 - كۇنى شاۋەشەكتەن حابارلايدى. 6 - ايدىڭ 11 - كۇنىنەن 12 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز تارباعاتاي ايماعىنا بارىپ، شينجياڭ تارباعاتاي ءتۇيىندى دامىتۋ - ەسىك اشۋ سىناق رايونى قۇرىلىسى، ەگىن، مال شارۋاشىلىعىن وسىزامانداندىرۋ، شەكارا وتكەلىندە كەدەننەن ءوتۋ، ىندەتتەن ساقتانۋ - تىزگىندەۋ، ەكولوگيالىق ورتانى قورعاۋ، مادەنيەت، ساياحات كاسىبىن دامىتۋ سياقتىلار جونىندە تەكسەرۋ - زەرتتەۋ جۇرگىزدى. ەركىن تۇنياز بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق پارتكوم 10 - كەزەكتى كوميتەتى ءۇشىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورايدى مىقتى يگەرىپ، ابزالدىلىقتى ساۋلەلەندىرىپ، سىرتقا ەسىك اشۋ دارەجەسىن، دەڭگەيىن شىن مانىندە جوعارىلاتىپ، جوعارى ساپالى دامۋدىڭ قوزعاۋشى كۇشىن، كومەسكى كۇشىن قاۋلاتۋ كەرەك.
ەركىن تۇنياز ىلگەرىندى - كەيىندى شاۋەشەك قالاسى شاشا قالاشىعى گۋانديان قىستاعىنا، تولى اۋدانى ەلەكتروندى ساۋدا الەۋمەتتىك قىزمەت وتەۋ ورتالىعىنا، تولى اۋدانى وسى زامانعى مال شارۋاشىلىق باعىمشىلىعىنان ۇلگى كورسەتۋ باقشاسىنا، شيحۋ قالاسى شينجياڭ بوشىران زەردەلى اۋىل شارۋاشىلىق ماشينالارى شەكتى جارنا سەرىكتەستىگىنە بارىپ شارۋالارمەن، كاسىپورىن تيجاراتشىلارىمەن بەتپە - بەت كەڭەسىپ، جوعارى ولشەمدى ەگىنجاي قۇرىلىسى، اۋىل - قىستاق ەلەكتروندى ساۋداسى، ەگىن، مال شارۋاشىلىعىن وسىزامانداندىرۋ سياقتى جاعدايلار جونىندە جۇمىس ۇستىندە تەكسەرۋ - زەرتتەۋ جۇرگىزدى، ەركىن تۇنياز مىنالاردى باسا دارىپتەدى: جوعارى ولشەمدى ەگىنجاي قۇرىلىسىن اناعۇرلىم نىعايتىپ، استىق ەگىلەتىن جەر اۋدانىن ورنىقتىرىپ، جازعى جيىن - تەرىن، جازعى تۇقىم سەبۋ، جازعى باپتاۋ ءوندىرىسى قىزمەتىن كۇش سالا ويداعىداي يگەرىپ، جازعى استىقتىڭ ءار ءتۇيىر ءدانىنىڭ قامباعا كىرۋىنە شىنايى كەپىلدىك ەتىپ، شارۋالاردىڭ ءتۇبىرلى مۇددەسىن شىن مانىندە قورعاۋ كەرەك. جاڭاشا اۋىل شارۋاشىلىق تيجارات تۇلعاسى مەن قىزمەت وتەۋ تۇلعاسىن جەدەل جەتىلدىرىپ، عىلىم - تەحنيكا ارقىلى جەتەكشىلىك ەتۋگە تاباندى بولىپ، زەردەلى اۋىل شارۋاشىلىعىن، سيفرلى اۋىل شارۋاشىلىعىن دامىتىپ، ەگىن، مال شارۋاشىلىعى كاسىپ سالاسى تىزبەگىن ۇزدىكسىز كەڭەيتىپ، اۋىل شارۋاشىلىعىنىڭ ونىمدىلىگى مەن شارۋالاردىڭ كىرىسىن ارتتىرۋدى اناعۇرلىم جەبەۋ كەرەك.
ءىرى تۇرپاتتى ماشينالار ارلى - بەرلى قايشالىسىپ، قۇرىلىسشىلار تەر توكتى... شينجياڭ تارباعاتاي ءتۇيىندى دامىتۋ - ەسىك اشۋ سىناق رايونىنداعى ءتۇرلى نىسان قۇرىلىستارىنىڭ جۇمىس باسى قاربالاس جۇمىس جۇرگىزۋدە. ەركىن تۇنياز ىلگەرىندى - كەيىندى سىناق رايونىنىڭ جوبا كورمە سارايى، وسى زامانعى قىزمەت وتەۋ كاسىبى بازاسى، جاڭا ەنەرگيادا جاڭالىق اشۋ كاسىبى باقشاسى، حالىقارالىق زات اينالىم باقشاسى سياقتى نىسان قۇرىلىستارىنىڭ جۇمىس باسىنا بارىپ، نىسان جوباسى، ىلگەرىلەۋ جاعدايى سياقتىلاردى ەگجەي - تەگجەيلى ۇعىستى. ەركىن تۇنياز مىنانى باسا دارىپتەدى: مەملەكەتتىك كەڭەس شينجياڭ تارباعاتاي ءتۇيىندى دامىتۋ - ەسىك اشۋ سىناق رايونىن قۇرۋدى بەكىتىپ، تارباعاتاي ايماعىن، ءتىپتى، شينجياڭنىڭ ەسىك اشۋىن، دامۋىن تاپتىرماس ورايعا يە ەتتى. ساياسي دەڭگەيدى شىن مانىندە جوعارىلاتىپ، تۇلعالىق رولدى تولىق ساۋلەلەندىرىپ، الەمدىك كوز ايامەن جانە حالىقارالىق كوز ايامەن جوبانى بيىك تۇرعىدا، جوعارى ولشەممەن ويداعىداي جاساپ، مەملەكەتتىڭ ءتۇرلى قولداۋ ساياساتتارىنان تولىق، يكەمدى، ويداعىداي پايدالانىپ، نىسان قۇرىلىستارىن كۇش سالا ىلگەرىلەتىپ، دالمە - ءدال ساۋداگەر شاقىرۋدى، ساۋدا ارقىلى ساۋداگەر شاقىرۋدى كورنەكتىلەندىرۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ەكونوميكانىڭ باياندى دامۋىن ىلگەرىلەتۋ كەرەك. شەكارا وتكەلىنىڭ ەكونوميكالىق كومەسكى كۇشىن اشىپ، جاڭا دامۋ ارناسىنا بەلسەنە قىزمەت ەتىپ جانە ونىمەن توعىسىپ، شەكارا بويىنداعى رايونداردىڭ تىڭ ەكونوميكالىق ارتۋ ۇيەگىن قالىپتاستىرۋ كەرەك.
تەكسەرۋ - زەرتتەۋ بارىسىندا ەركىن تۇنياز مىنانى باسا دارىپتەدى: مەملەكەت پەن اۆتونوميالى رايوننىڭ ورنىقتى ارتتىرۋ جونىندەگى ساياساتتارى مەن شارالارىن شىن مانىندە ويداعىداي تياناقتاندىرىپ، ەكىنشى ماۋسىمداعى ەكونوميكانىڭ ورنىقتى اينالىمىنا شىنايى كەپىلدىك ەتۋ كەرەك. بازارلانعان، زاڭمەن باسقارىلاتىن، حالىقارالانعان ساۋدا ورتاسىن ۇزدىكسىز قالىپتاستىرىپ، بازاردىڭ تۇلعالىق ومىرشەڭدىك كۇشىن قاۋلاتۋ كەرەك. ەكولوگيالىق وركەنيەت قۇرىلىسىنىڭ ساياسي جاۋاپكەرشىلىگىن ارقالاپ، حالىقتىڭ كۇننەن - كۇنگە ارتىپ كەلە جاتقان تاماشا ەكولوگيالىق ورتا جونىندەگى سۇرانىسىن ۇزدىكسىز قاناعاتتاندىرۋ كەرەك.
جاروللا يسامدين قاتارلىلار تەكسەرۋ - زەرتتەۋگە قاتىناستى.
