تيانشان تورى   ›   جاڭالىقتار   ›   ەل ءىشى حابارى

ءتۇرلى ۇقىقتى سايكەستى كۇشەيتىپ، ادامنىڭ جان - جاقتى دامۋىن جەبەدى

□ حالىق گازەتىنىڭ تىلشىلەرى

  باس شۋجي شي جينپيڭ بىلاي دەپ اتاپ كورسەتتى: حالىقتىق سيپات جۇڭگونىڭ ادامدىق ۇقىقتى دامىتۋ جولىنداعى ەڭ كورنەكتى ەرەكشەلىگى. ءبىز حالىقتىڭ دەموكراتيالىق ۇقىعىن قامتاماسىز ەتىپ، قالىڭ حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، حالىقتى ادامدىق ۇقىق ىستەرىن دامىتۋدىڭ نەگىزگى ات سالىسۋشىسىنا، جەبەۋشىسىنە، يگىلىككە كەنەلۋشىسىنە اينالدىرىپ، ادامنىڭ جان - جاقتى دامۋىن، جالپى حالىقتىڭ بىرگە بايۋىن شىنايى ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە قول جەتكىزدىك.

  جۇڭگونىڭ دامۋ تابىسىن ميلليارد جۇڭگو حالقىنىڭ تۇرمىسىنىڭ كۇن سايىن جاقسارۋى سىندى ءبىر تۇيىنگە جيناقتاۋعا بولادى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىمەن جۇرۋگە تاباندى بولىپ، حالىقتى وزەك ەتكەن ادامدىق ۇقىق ۇستانىمىن اتقارىپ، ءومىر سۇرۋ ۇقىعىن، دامۋ ۇقىعىن ماڭداي الدى نەگىزگى ادامدىق ۇقىق ەتىپ، جالپى حالىقتىڭ ەكونوميكا، ساياسي، قوعامدىق، مادەنيەت، قورشاعان ورتا ۇقىعىن سايكەستى كۇشەيتىپ، ەلىمىزدىڭ ادامدىق ۇقىق ىستەرىن ىلگەرىلەتۋدە ءبىر قىدىرۋ تاريحي سيپاتتى تابىسقا قول جەتكىزىپ، ادامنىڭ جان - جاقتى دامۋىن جانە قوعامنىڭ جان - جاقتى العا باسۋىن ۇزدىكسىز ىلگەرىلەتۋدىڭ شۇعىلالى تاراۋىن جازدى.

وقۋ - اعارتۋدىڭ ادىلدىگى مەن جۇمىستانۋدىڭ تەڭدىگىن ىلگەرىلەتۋ ءاربىر ادامنىڭ ءومىرىنىڭ تارتىمدى دا تابىستى بولۋىنا وراي جاراتتى

  تازا دا رەتتى كلاستا چۇڭچيڭ قالاسى فىڭدۋ اۋدانى شياننۇيحۋ قالاشىعى شياڭبا ۋانچۋان باستاۋىش مەكتەبىنىڭ 6 - جىلدىعىنداعى وقۋشىلار قورالانا وتىرىپ، وقۋ ءبىتىرۋ ساۋىق كەشىن وتكىزدى. بۇل شالعايداعى اۋىل - قىستاق باستاۋىش مەكتەبى، 189 وقۋشى، 18 وقىتۋشى بار. وقىتۋ عيماراتى كەڭ دە جارىق، كوپ مەديالى وقىتۋ جابدىقتارى تولىق. دەنە تاربيە الاڭىنا جاسىل شىم توسەلگەن، دەنە تاربيە قيمىلى قۇرىلعى جابدىقتارى مول بولىپ، بالالاردىڭ ءتۇرلى سپورتتىق سۇرانىسىن قاناعاتتاندىرا الادى. ”ءبىز تاۋ قويناۋىندا تۇرعانىمىزبەن، قازىرگى مەكتەپتىڭ ورتاسى، قاتتى بولشەك قۇرىلعىلارى قالا وڭىرىندەگى مەكتەپتەرمەن سالىستىرعاندا مۇلدە كەم تۇسپەيدى“، - دەدى شياڭبا ۋانچۋان باستاۋىش مەكتەبىنىڭ وقىتۋشىسى حۋاڭ يىفۋ.

  ال بىرنەشە جىلدىڭ الدىندا بۇل ارانىڭ كورىنىسى باسقاشا ەدى. فىڭدۋ اۋدانى 300 ميلليون يۋاننان استام قارجىنى بىرىكتىرىپ جۇمساپ، ءالسىز مەكتەپتەردى جاڭالاۋ جانە ولشەمدەندىرۋ قۇرىلىسىن اتقارىپ، قىستاقتارداعى ادام سانى 100گە جەتپەيتىن ۋانچۋان باستاۋىش مەكتەپتەردىڭ كولەمىنە قاراي ءار جىلى 40 مىڭ يۋان الەۋمەتتىك قاراجات كومەك قارجىسىن ءبىر تۇتاس جوسپارلاپ ورنالاستىردى. 2014 - جىلدان بەرى تۇتاس اۋداندا 121 مەكتەپ جاڭالانىپ، كەڭەيتىلىپ سالىندى، 285 مىڭ شارشى مەترلىك مەكتەپ جاتاعى تىڭنان ارتىپ، الاڭ، قۇرىلعى، وقىتۋشى جانە ”20 تارماقتى تومەنگى شەك“ جاپپاي ولشەمگە جەتتى.

  پارتيا 18 - قۇرىلتايىنان بەرى جۇڭگونىڭ وقۋ - اعارتۋى اناعۇرلىم جوعارى ولشەمدى ادىلدىككە قاراي نىق قادام باستى. مەملەكەتتىڭ قازىنالىق وقۋ - اعارتۋ قاراجاتىنىڭ ىشكى ءوندىرىس جالپى ءونىم قۇنىندا ۇستايتىن سالىستىرماسى %4تەن جوعارى دەڭگەيدى ءۇرتىس ساقتاپ، اۋىل - قىستاق وڭىرلەرىنىڭ، شەكارا وڭىردەگى ۇلتتىق وڭىرلەردىڭ، توڭكەرىستىك بايىرعى رايونداردىڭ، شالعايداعى كەدەي وڭىرلەردىڭ وقۋ - اعارتۋىن دامىتۋعا الدىمەن بەيىمدەلدى، قالا، اۋىلداردىڭ مىندەتتى وقۋ - اعارتۋىن ءبىر تۇلعالاندىرۋ ورنىقتى ىلگەرىلەتىلىپ، وڭىرلەردىڭ، قالالاردىڭ، اۋىلداردىڭ، مەكتەپتەردىڭ پارقى بىرتىندەپ كىشىرەيىپ، اناعۇرلىم كوپ بالا ءومىرىن تارتىمدى دا تابىستى وتكىزۋ ورايىنا يە بولدى.

  جۇمىستاندىرۋ حالىق تۇرمىسىنىڭ نەگىزى. پارتيا مەن ۇكىمەت ەجەلدەن بەرى جۇمىستاندىرۋدى جەبەۋدى ەكونوميكانى، قوعامدى دامىتۋدىڭ الدىڭعى ورنىنا قويىپ كەلەدى. 2021 - جىلى تۇتاس جىلدا قالا - قالاشىقتاردا 12 ميلليون 690 مىڭ ادام تىڭنان جۇمىستاندى، قالا - قالاشىقتارداعى جۇمىسسىز قالعان 5 ميلليون 450 مىڭ ادام قايتالاي جۇمىستاندى، قيىنشىلىعى بار ءبىر ميلليون 830 مىڭ ادام جۇمىستاندى.

  جۇمىستاندىرۋدى ورنىقتىرۋ، جۇمىستاندىرۋدى قامتاماسىز ەتۋ ءۇشىن، تاياۋ جىلداردان بەرى گۋاڭدۇڭ ولكەسىنىڭ دۇڭگۋان قالاسى الۋان فورمادا ءتۇرلى كاسىپتىك شەبەرلىك كۋرسىن ورىستەتىپ، كاسىپورىنداردىڭ مەكتەپتەرمەن سەلبەسىپ جاڭاشا شاكىرت ءتۇزىمى كۋرسىن ورىستەتۋىن قولداپ، تاپسىرىسپەن باۋلۋ سياقتى ”قوس دالمە - ءدال“ دارىندىلاردى باۋلۋ ۇلگىسىن قولدانىپ، كوپتەگەن جاستاردىڭ جۇمىستانۋ ماسەلەسىن شەشۋىنە كومەكتەستى. 90 - جىلداردىڭ تۇلەگى بولعان ءۇي جابدىقتارىن جوبالاۋشى يۇي حىجيان ولاردىڭ اراسىنداعى بىرەۋ ەدى. يۇي حىجيان دۇڭگۋان قالالىق جەڭىل ونەركاسىپ مەكتەبىنەن وقۋ تاۋىسۋ قارساڭىندا ءبىر ۇلكەن سەرىكتەستىككە بارىپ پراكتيكا ىستەۋ ورايىنا يە بولدى، ءوندىرىس سەحىنىڭ ءبىرىنشى شەبىنەن باستاپ ىستەپ، ۇزدىكسىز تاجىريبە توپتادى. قازىرگى تاڭدا، ول ۇيرەنۋ جانە قىزمەت تاجىريبەسىنە سۇيەنە وتىرىپ ءۇي جابدىقتارىن جوبالاۋ جۇمىسىن ىستەپ، تۇراقتى جۇمىستانۋدى جۇزەگە اسىردى.

  گۋاڭدۇڭ ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىندەگى قاتىستى جاۋاپتى بىلاي دەپ تانىستىردى: ءوندىرىس پەن وقىتۋدىڭ توعىسۋىن تەرەڭدەتۋ ارقىلى كەزەكتە گۋاڭدۇڭ مەملەكەت دارەجەلى ۇلگى كورسەتۋ سيپاتىنداعى كاسىپتىك وقۋ - اعارتۋ توبىنان 19ىن، ولكە دارەجەلى ۇلگى كورسەتۋ سيپاتىنداعى كاسىپتىك وقۋ - اعارتۋ توبىنان 29ىن جانە جوعارى دارەجەلى كاسىپتىك مەكتەپتەردىڭ ءوندىرىس پەن وقىتۋدى توعىستىرۋدان جاڭالىق اشۋ تۇعىرىنان 37سىن قۇرىپ شىعىپ، كاسىپ سالاسى شۋەيۋانىنان 146سىن قۇرىپ، كاسىپ سالاسىنىڭ دارىندىلاردى باۋلۋىنا كۇش ۇستەدى.

ەكونوميكالىق دامۋ مەن ەكولوگيانى قورعاۋدى ءبىر تۇتاس جوسپارلاپ، ادام مەن تابيعاتتىڭ جاراسىمدى قاتار ءومىر سۇرۋىن جەبەدى

  2021 - جىلى 9 - ايدا «مەملەكەتتىڭ ادامدىق ۇقىق ارەكەت جوسپارى (2021 − 2025 - جىل)» جاريالانىپ اتقارىلدى. مۇنىڭ ىشىندە ”قورشاعان ورتا ۇقىعى“ جەكە ءبىر تاراۋ بولدى، بۇل جۇڭگونىڭ ءۇرتىس 12 جىل ”قورشاعان ورتا ۇقىعىن“ مەملەكەتتىڭ ادامدىق ۇقىق ارەكەت جوسپارىنا ەنگىزۋى. لاستانۋدى ازايتىپ، كومىر قىشقىل گازىنىڭ شىعارىلۋىن تومەندەتۋدەن جاسىل دامۋدى ىلگەرىلەتۋگە، قورشاعان ورتانى قورعاۋ زاڭدارىن، زاڭ ەرەجەلەرىن، تۇزىمدەرىن كەمەلدەندىرۋدەن ەكولوگيالىق وركەنيەت جۇيەسىن جان - جاقتى قۇرۋعا دەيىن... تاماشا ەكولوگيالىق ورتا ەڭ ءادىل الەۋمەتتىك ءونىم، ەڭ جالپىعا بىردەي حالىق تۇرمىسى ىرىس - قۇتى بولدى. ”قورشاعان ورتا ۇقىعىن“ قورعاۋ جۇڭگونىڭ ادامدىق ۇقىعىنىڭ دامۋىنىڭ، العا باسۋىنىڭ ءبىر ايقىن ەرەكشەلىگىنە اينالدى.

  الىستان اسقار تاۋ، سازدىقتار، دوعال كوپىر، اققۇتاندار كوزگە شالدىعىپ، جاز باسىنىڭ شۇلەن شۋاعى تۇپ - تۇنىق پيڭشيۇي وزەنىنە توگىلىپ، سۋ ايدىنىندا ساعىم وينادى. جياڭشي ولكەسى پيڭشياڭ قالاسى شياڭدۇڭ رايونى جياڭكوۋ قىستاعىنا بارساڭىز، سۋلى الاپتىڭ كورىنىسى كوز تارتادى. پيڭشيۇي وزەنى پيڭشياڭ قالاسىنىڭ ورتالىق قالا ءوڭىرىن ەندەي وتەدى، جياڭكوۋ قىستاعىنداعى وزەن ارناسى 3 كيلومەترگە جەتەدى، بۇرىن قىستاقتىڭ تۇرمىستىق لاس سۋلارىنىڭ باسىم كوبى وزەنگە قۇيىلىپ، ۇزاق ۋاقىت V تۇرىندەگى ناشار سۋ ساپاسى بولىپ كەلگەن. ”سول كەزدە سۋى لاستانعان وزەنگە قاراساڭىز نەداۋىر قىسىم تۇسەتىن“، - دەدى جياڭكوۋ قىستاعى پارتيا ياچەيكاسىنىڭ شۋجيى ياڭ ۋىنچۇن كۇرسىنە، - ”قىستاق تۇرعىندارىن قونىسقا جايلى ورتاعا يە ەتۋ ءۇشىن لاستانۋدى وڭاۋدىڭ قيىندىعى قانشا زور بولسادا ىستەۋ كەرەك“!

  2018 - جىلدان باستاپ جياڭكوۋ قىستاعى وزەن اعارىنىڭ ”سۋ قۇزعىنعا“ ۇقسايتىن ەرەكشەلىگىنەن پايدالانىپ، ”سۋ قۇزعىن سىركىرەگەن جاڭبىرى“ ەكولوگيالىق كورىنىس ءوڭىرىن قۇرىپ، ءتۇرلى جاقتان ءبىر ميلليارد يۋانعا تاياۋ قارجىنى بىرىكتىرىپ پيڭشۇي وزەنى الابىنا جالپىلىق وڭاۋ جۇرگىزدى. تۇرمىستىق لاس سۋلاردى ءبىر جاقتى ەتۋ پۋنكتىن جاڭادان سالىپ، جەرگىلىكتى ورىننىڭ ”بىلپىلداق وسىمدىكتەرىن“ جالپىلاستىرىپ، ەگىپ، ەكولوگيالىق ورتانى باقىلاۋ - تەكسەرۋ، تاسقىننان ساقتانۋ بويىنشا سۋ دەڭگەيىن باقىلاۋ - ولشەۋ، جاعالىق بوگەت حاۋىپسىزدىگىن شارلاپ تەكسەرۋ جانە قورشاعان ورتا تازالىعىن باسقارۋ سياقتى قىزمەتتەردىڭ ۇدايىلانۋىن، قالىپقا اينالۋىن ىلگەرىلەتتى. وزەن ارناسى تازارىپ، قىستاق كورىكتەنىپ، كەلەتىن ساياحاتشىلار بىرتىندەپ كوبەيدى، قىستاق تۇرعىندارىنىڭ كىرىسى دە ارتتى.

  قىستاققا كەلىپ العاشقى ماتەريال جيناپ، ءومىردى سۋرەتتەگەن كوركەمونەرشىلەردى كورگەن قىستاق تۇرعىنى چىن يۇنفا دا قولىنا سۋرەت قالامىن الىپ، ماي بوياۋلى سۋرەت سىزۋدى ۇيرەندى: ”مەن قىستاعىمىزدىڭ كەسكىنىن سالۋدى ۇناتامىن، ءبىز سۋرەتتەگىدەي تۇرمىس كەشىرىپ جاتىرمىز“. تاقتا قىرلارىندا، وزەن جاعالاۋىندا، ورمان اراسىندا ونىڭ تۋىندى جاراتقان نەمەسە العاشقى ماتەريال جيناعان قاراسىن ۇنەمى كورۋگە بولادى.

  تۇنىق سۋ، جاسىل تاۋ − باعالى بايلىق. پارتيا 18 - قۇرىلتايىنان بەرى جۇڭگو جاسىل دامۋعا تاباندى بولىپ، ەكولوگيالىق وركەنيەت قۇرىلىسىن جۇڭگوشا سوتسياليزمنىڭ ”بەستى ءبىر تۇلعالاندىرۋ“ جالپى تۇلعالىق ورنالاستىرۋىنا ەنگىزىپ، ەكولوگيانى الدىمەن ويلاسۋ، جاسىل، تومەن كومىر قىشقىل گازدى دامۋ جولىمەن بۇلجىماي ءجۇردى.

  ساندى مالىمەتتە كورسەتىلۋىنشە، 2021 - جىلى بۇكىل ەلدىڭ ايماق دارەجەلى جانە ودان جوعارى قالالارىندا 5.PM2نىڭ ورتاشا قويۋلىعى تەكشەمەترىنە 30 ميكروگرام بولىپ، 2015 - جىلداعىدان %34.8 تومەندەگەن؛ بۇكىل ەلدىڭ جەر بەتى سۋى ساپاسى جاقسى بولۋ قيما بەتتىك سالىستىرماسى ارتىپ %84.9كە جەتكەن.

جالپى بارىستىق حالىقتىق دەموكراتيانى بەلسەنە دامىتىپ، حالىقتىڭ تارتىپپەن ساياسيعا ات سالىسۋىن ۇزدىكسىز كەڭەيتتى

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ تارتىپپەن ساياسيعا ات سالىسۋىن ۇزدىكسىز كەڭەيتىپ، حالىقتىڭ دەموكراتيالىق سايلاۋدى، دەموكراتيالىق كەڭەسۋدى، دەموكراتيالىق شەشىم جاساۋدى، دەموكراتيالىق باسقارۋدى، دەموكراتيالىق باقىلاۋدى زاڭ بويىنشا جۇرگىزۋىنە كەپىلدىك ەتىپ، جالپى بارىستىق حالىقتىق دەموكراتيانى بەلسەنە دامىتىپ، جۇڭگوشا ەرەكشەلىككە يە ادامدىق ۇقىقتى دامىتۋ جولىن پارمەندى تۇردە كەڭەيتتى.

  تاياۋدا انحۇي ولكەسى بوجوۋ قالاسى چياۋچىڭ رايونى ۋيگاڭ قالاشىعىنىڭ 72 جاستاعى تۇرعىنى جوۋ ۋىنيىڭ قاريانىڭ ۋايىمداعان ءىسى اقىرى شەشىلدى: 2008 - جىلى سىشيان − شۇيچاڭ جوعارى قارقىندى تاس جولى قۇرىلىس جۇرگىزگەن كەزدە، قاريانىڭ ەككەن ورىك، الحور اعاشى جەمىس باعى الۋ كولەمىندە بولادى، الايدا تولەم جونىندە پىكىر تالاسى بولعاندىقتان، نەشە ون جىل بويى قاريا ماسەلەنى توقتاماي اڭىس ەتىپ كەلدى. تاياۋدا جوۋ ۋىنيىڭ قاريانىڭ قيىن ماسەلەسى ءۇيىنىڭ ماڭىندا شەشىم تاپتى. بۇل چياۋچىڭ رايونىنىڭ اۋىل - قالاشىقتا بۇقارالىق قىزمەتكە قىزمەت وتەۋ ورتالىعىن قۇرۋ شاراسىنىڭ ارقاسىندا شەشىم تاپتى.

  تاياۋ جىلداردان بەرى چياۋچىڭ رايونى تۇتاس رايونداعى اۋىل - قالاشىقتاردا (ءمالى) بۇقارالىق قىزمەتكە قىزمەت وتەۋ ورتالىعىن قۇرىپ، قىستاقتا (الەۋمەتتىك اۋماق) بۇقارالىق قىزمەتكە قىزمەت وتەۋ پۋنكتىن قۇرىپ، بۇقارانىڭ قوعامدىق جاعداي، حالىق رايى ينفورماتسياشىسى، زاڭ بەلگىلەۋشىسى، ساياساتتاردى ۇگىتتەۋشىسى - ءناسيحاتتاۋشىسى، ۇكىمەت ىستەرىن ءبىتىرۋشىسى، بۇقارانىڭ ارىز - ارمانىن جاراستىرۋشىسى بولىپ، ”ۇساق ىستەردى قىستاق كولەمىندە، ۇلكەن ىستەردى اۋىل - قالاشىق كولەمىندە شەشىپ“، حالىق بۇقاراسىنىڭ سۇرانىسىنا ءونىمدى جاۋاپ قاتتى. كەزەكتە، چياۋچىڭ رايونىندا تۇتاس رايون بويىنشا 24 اۋىل - قالاشىقتا (ءمالى)، قىستاقتا (الەۋمەتتىك اۋماق) 299 بۇقارالىق قىزمەتكە قىزمەت وتەۋ ورتالىعى (پۋنكتى) تولىق قامتىممەن قۇرىلدى، نەگىزگى ساتىداعى وسى قۇرىلىمدار ءار جاقتىڭ كۇشىن تولىق جۇمىلدىرىپ، ارىز ايتا كەلگەن بۇقارانى سول جەردىڭ وزىندە ءبىر بەكەتتىك قابىلداپ، كوپتەگەن ماسەلەلەردىڭ نەگىزگى ساتىدا شەشىلۋىنە مۇمكىندىك جاسادى.

  نەگىزگى ساتى زاڭ شىعارۋ بايلانىس ءتۇيىنىن قۇرىپ، زاڭ شىعارۋ ورگاندارى مەن حالىق بۇقاراسىنىڭ اراسىندا ”تىكە بايلانىس“ اشۋدان جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، نەگىزگى ساتىنىڭ قوعامدىق باسقارۋىندا جاڭالىق اشۋعا دەيىن؛ حالىق قۇرىلتايى ۋاكىلدەرىنىڭ حالىقتىڭ قاجەتىن ۇعىسۋعا، حالىقتىڭ جاعدايىن ۇعىسۋعا تاباندى بولۋىنان ساياسي كەڭەس مۇشەلەرىنىڭ نەگىزگى ساتىنىڭ شۇعىل، قيىن، ۋايىمداعان، ءزارۋ ماسەلەلەرىن كەڭەسىپ شەشۋىنە ات سالىسۋعا دەيىن؛ 12345 قىزمەت وتەۋ ىستىق لەنياسىنىڭ تاۋلىك بويى بۇقارانىڭ ءۇنىن دەن قويا تىڭداۋىنان ارىز - شاعىمدى قابىلداعان زامان دەرەۋ ءبىتىرىپ، بۇقارانىڭ جىتى قاداعالاپ وتىرعان ىستەرىنە دەر كەزىندە جاۋاپ بەرۋگە دەيىن... ءاربىر دەڭگەيدەگى دەموكراتيا ارناسى، ۇزدىكسىز جاڭالىق اشقان دەموكراتيالىق ات سالىسۋ فورماسى حالىق بۇقاراسىنىڭ مۇددە تىلەك - تالابىن اناعۇرلىم ىركىلىسسىز بىلدىرۋىنە، دەموكراتيا ۇقىعىن اناعۇرلىم جىلدام جۇرگىزۋىنە مۇمكىندىك جاسادى. حالىقتىڭ وزىنە قوجايىن بولۋىن پارتيانىڭ ەل باسقارۋ ساياسات - شارالارىندا ناقتى، رەال تۇردە ايگىلەدى، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ قىزمەتىندە ايگىلەدى.

(حالىق گازەتىنىڭ تىلشىلەرى لي چاڭيۇي، ۋاڭ شينيۋە، حۇڭ چيۋتيڭ، ياڭ يانفي، شۇي جيڭ)

(«حالىق گازەتىنىڭ» 6 - ايدىڭ 10 - كۇنگى سانىنان الىندى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.