انار بۇلت \ شينجياڭ گازەتىنىڭ ءتىلشىسى ليۋ ي 6 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسىنەن ۇعىسۋعا قاراعاندا، 6 - ايدىڭ 10 - كۇنى مارالباسى اۋدانى ساربۇيا قالاشىعى استىق پۋنكتى جەرگىلىكتى ورىنداعى ەگىنشىلەر ساتۋعا اكەلگەن دۇمبە ءبيدايدى ساتىپ الا باستاعان، بۇل رايونىمىزدىڭ بيىلعى جازعى استىق ساتىپ الۋىنىڭ العاشقى قادامى بولىپ، رايونىمىزدىڭ جازعى استىق ساتىپ الۋىنىڭ رەسمي باستالعاندىعىن كورسەتەدى. 6 - ايدىڭ 12 - كۇنىنە دەيىن تۇتاس رايونىمىزدا جيىنى 528 توننا ءبيداي ساتىپ الىنعان، ورتا دارەجەلىنىڭ ءار كيلوگرامى ورتا ەسەپپەن 47. 2 يۋانعا ساتىپ الىنعان، بىلتىرعىمەن سالىستىرعاندا ءار كيلوگرامى 1. 0 يۋان ارتىپ، ساتىپ الۋ قارقىنى بىلتىرعى سول تۇستاعىدان تەز بولعان.
تانىستىرۋعا قاراعاندا، بيىل رايونىمىز ”ۇكىمەت جەتەكشىلىك ەتۋ، باعانى بازار بەلگىلەۋ، كوپ نەگىزدى تۇلعالىق ساتىپ الۋ، استىق وندىرۋشىگە قوسىمشا قاراجات بەرۋ، ساپالى استىقتى جوعارى باعادا ساتىپ الۋ، ساپالى استىققا قوسىمشا قاراجات بەرۋ، شۇعىل قاجەت استىقتى ساتىپ الۋ“ سىندى جازعى استىق ساتىپ الۋ ساياساتىن ۇزدىكسىز تەرەڭدەتىپ، ىلگەرىلەتىپ، بازارلانعان ساتىپ الۋ مەن ساياساتتىق تومەن شەكتەن تۇسىرمەي ساتىپ الۋدى كۇش سالا ويداعىداي يگەرىپ، استىق ەگەتىن ديقانداردىڭ مۇددەسىن شىنايى قورعايدى ەكەن.
قازىر رايونىمىزدىڭ جازعى استىق ساتىپ الۋ قىزمەتى دايىندىق تولىق بولۋ، ساتىپ الۋدى ەرتە باستاۋ سياقتى ەرەكشەلىكتەرى كورنەكتىلەنە ءتۇستى. اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى ساتىپ الۋعا 11 ميلليارد 600 ميلليون يۋان امانات - قازىر قارجىسىن تولىق دايىنداعان، ساتىپ الۋشى كاسىپورىنداردىڭ دارەجەسىن باعالاۋ، سەنىمدىلىك بەرۋ قىزمەتتەرى ورىندالىپ بولعان. جەر - جەر 3 ميلليون 520 مىڭ توننا سيىمدىلىقتاعى استىق قامباسىن دايىنداعان، بۇل جازعى استىق ساتىپ الۋ قامبا سيىمدىلىعىنىڭ جالپى سۇرانىسىن قاناعاتتاندىرا الادى.
تۇتاس رايونىمىزداعى ءبيداي ساتىپ الۋ قىزمەتى وڭتۇستىكتەن سولتۇستىككە قاراي ءبيدايدىڭ ورىلۋ ءتارتىبى بويىنشا رەتىمەن ورىستەتىلەدى. وڭتۇستىك شينجياڭ ءوڭىرىنىڭ قاۋىرت ساتىپ الۋ مەزگىلى 6 - ايدىڭ 20 - كۇنىنەن باستالىپ، 30 كۇن توڭىرەگىندە بولادى. سول كەزدە مەملەكەت مەنشىگىندەگى كاسىپورىندار بازارعا باستاماشىلدىقپەن كىرىپ، بارا سالىپ ساتىپ الادى، ۋادەلەسىپ ساتىپ الادى. جەر - جەردەگى نەگىزگى ساتى استىق پۋنكتتەرى دە ساتىپ الۋدىڭ ۇيىمدىق فورماسىن اناعۇرلىم ساپالىلاندىرىپ، ۋادەلەسۋ ارقىلى ساتىپ الۋ ۋاقىتىن ۇزارتىپ، استىق ساتاتىن شارۋالاردىڭ جولدى از جۇرۋىنە، شىرەتكە از تۇرۋىنا، استىعىن تەز ساتۋىنا مۇمكىندىك جاسايدى.
سونىمەن بىرگە رايونىمىز ءتۇرلى بازار تۇلعالارىن بازارعا كىرىپ ساتىپ الۋعا بەلسەنە جەتەكتەپ، ءبيداي ساتىپ الۋ بازارىنىڭ ءتارتىبىن جالعاستى ساقتايدى. بيىل بازارعا كىرۋگە رۇقسات ەتۋدى ەستەلىككە الۋ ءتۇزىمىن ۇزدىكسىز اتقارادى، استىق ساتىپ الۋشى كاسىپورىنداردىڭ ساتىپ الۋ اكىمشىلىك رۇقساتىن الماستان - اق، ناق مايدانعا بارۋ، ينتەرنەت، فاكسپەن جىبەرۋ سياقتى كوپ ءتۇرلى فورما ارقىلى ەستەلىككە الۋدى ءبىر كۇندە بىتىرۋىنە بولادى. قازىر تۇتاس رايونىمىزدا ەستەلىككە الدىرعان استىق ساتىپ الۋشى كاسىپورىن 450گە جەتتى.
كەلەسى قادامدا تۇتاس رايونىمىزداعى استىق جانە زاتتىق ماتەريالداردى زاپاس ساقتاۋ تاراۋلارى ”استىق ساتىپ الاتىن ادام بولۋ، استىق ساتىپ الاتىن اقشا بولۋ، استىق ساقتايتىن قامبا بولۋ، استىق تاسيتىن كولىك بولۋ“ تالابىن ارقاۋ ەتىپ، بازارلاندىرۋ ۇستانىمىن ورناتىپ، ءوندىرۋ، ساتىپ الۋ، ساقتاۋ، مانەرلەۋ، ساتۋ ءارقايسى بۋىنداردى سايكەستى قامتاماسىز ەتۋدى كوزدە ۇستاي وتىرىپ، ساتىپ الۋ بازارىنىڭ جاعدايىنا تالداۋ جاساۋدى جانە ونى تۇجىرىمداۋدى بەلسەنە ورىستەتەدى. سونىمەن بىرگە قىزمەت وتەۋ تانىمىن كۇشەيتىپ، قىزمەت وتەۋ تاسىلىنە جاڭالىق جاساپ، قىزمەت وتەۋ دەڭگەيىن جوعارىلاتىپ، شارۋالاردىڭ استىعىن تارتىپپەن ساتۋىنا، كاسىپورىنداردىڭ استىقتى تارتىپپەن ساتىپ الۋىنا كومەكتەسەدى.
