حۋاڭ شياۋۋي، ما شيڭرۇي ءسوز سويلەدى، ەركىن تۇنياز، شاۋكەت يمىن، نۇرلان ءابىلماجىن، لي يفي، حى جۇڭيوۋ قاتىناستى
6 - ايدىڭ 13 - كۇنى اۆتونوميالى رايوندىق 12 - رەتكى ايەلدەر قۇرىلتايى شينجياڭ حالىق سارايىندا اشىلدى. مەملەكەتتىك ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى، شۋجيچۋدىڭ ءبىرىنشى شۋجيى حۋاڭ شياۋۋي، اۆتونوميالى رايوندىق پارتكومنىڭ شۋجيى ما شيڭرۇي اشىلۋ ماجىلىسىنە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق 12 - رەتكى ايەلدەر قۇرىلتايى 6 - ايدىڭ 13 - كۇنى تۇستەن بۇرىن شينجياڭ حالىق سارايىندا اشىلدى. مەملەكەتتىك ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى، شۋجيچۋىنىڭ ءبىرىنشى شۋجيى حۋاڭ شياۋۋي، اۆتونوميالى رايوندىق پارتكومنىڭ شۋجيى ما شيڭرۇي اشىلۋ ماجىلىسىنە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار اشىلۋ ماجىلىسىنە قاتىناستى.
حۋاڭ شياۋۋي مەملەكەتتىك ايەلدەر بىرلەستىگى اتىنان اۆتونوميالى رايوندىق 12 - رەتكى ايەلدەر قۇرىلتايىنىڭ اشىلعاندىعىن قىزۋ قۇتتىقتاپ، اۆتونوميالى رايوندىق پارتكومنىڭ باسشىلىعىندا شينجياڭدا ايەلدەر ىستەرىنىڭ جان - جاقتى العا باسۋدى جۇزەگە اسىرىپ، تاريحي تابىسقا قول جەتكىزگەندىگىن تولىق تۇراقتاندىردى. ول بىلاي دەپ باسا دارىپتەدى: كەزەكتە شينجياڭ قىزمەتى جاڭا تاريحي باستامادا تۇر. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ءار ۇلت ايەلدەرىن پارتيانىڭ مەيىرىنە العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ۇلى ءىستىڭ قۇرىلىسشىلارى، وركەنيەتتى سالتتىڭ دارىپتەۋشىلەرى، باتىلدىقپەن ارمانعا قۇلاش سەرمەگەن كۇرەسكەرلەر بولۋعا باستاۋ؛ حالىقتى وزەك ەتكەن دامۋ يدەياسىنا تاباندى بولىپ، ءار ۇلت ايەلدەرىن جوعارى ساپالى دامۋ كەلەلى جاعدايىمەن توعىسۋعا ىنتىماقتاستىرىپ، جۇمىلدىرىپ، جاڭا داۋىردەگى جۇڭگوشا سوتسياليستىك شينجياڭدى جەدەل قۇرىپ شىعۋعا ”جارتى الەمنىڭ“ كۇش - قۋاتىن قوسۋ؛ باس شۋجي شي جينپيڭنىڭ وتباسى، وتباسى تاربيەسى، وتباسى سالتى قۇرىلىسىنا باسا ءمان بەرۋ جونىندەگى ماڭىزدى پايىمداۋلارىن ىشكەرىلەي دايەكتىلەندىرىپ، تياناقتاندىرىپ، سوتسياليستىك وزەكتى قۇن كوزقاراسىن قالىپتاستىرۋدى جانە ونى امالياتتا ايگىلەۋدى نەگىزگى ارقاۋ ەتىپ، جۇڭحۋا ۇلتى ورتاق تۇلعا تانىمىنىڭ وتباسى نەگىزىن ۇزدىكسىز بەكەمدەۋ؛ ۇقىقتى قورعاۋ مەن قامقورلىق جاساۋدى، قىزمەت وتەۋدى جايشىلىقتا دا جاقسى ىستەپ، ۇنەمى مىقتى يگەرىپ، نەگىزگى ساتىلاردا تياناقتاندىرىپ، ايەلدەر مەن بالالارعا ءتيىمدى حالىق تۇرمىسىنداعى ناقتى ىستەردى ويداعىداي ىستەپ، شينجياڭنىڭ قوعام ورنىقتىلىعى مەن باياندى تىنىشتىعىنا ءار ۇلت ايەلدەرىنىڭ تىلەگىن ۇيىستىرۋ؛ پارتيانىڭ باسشىلىعىنا تاباندى بولىپ، ايەلدەر بىرلەستىگى رەفورماسىن سوڭىنا دەيىن جۇرگىزىپ، ساياسي سيپاتتى، العاباسارلىق سيپاتتى، بۇقارالىق سيپاتتى ساقتاپ جانە نىعايتىپ، شينجياڭنىڭ ايەلدەر ءىسى مەن ايەلدەر قىزمەتىنىڭ اناعۇرلىم شۇعىلالى تاراۋىن قۇلشىنا جازۋ كەرەك.
ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس اتىنان قۇرىلتايدىڭ اشىلعاندىعىن قىزۋ قۇتتىقتادى، مەملەكەتتىك ايەلدەر بىرلەستىگىنىڭ ۇزاق ۋاقىتتان بەرى شينجياڭ قىزمەتىنە كوڭىل ءبولىپ، قولداۋ كورسەتىپ كەلگەندىگىنە شىن جۇرەكتەن العىس ايتتى، قۇرىلتايعا قاتىناسقان جالپى ۋاكىلدەرگە، تۇتاس رايونىمىزداعى ءار سالا ايەلدەرىنە جانە قالىڭ ايەل قىزمەتكەرلەرگە ىقىلاستى سالەم جولدادى. ما شيڭرۇي بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ ايەلدەر قىزمەتىنە باسشىلىعىن شىن مانىندە نىعايتىپ، ايەلدەر ىستەرىن دامىتۋدىڭ جۇڭگوشا سوتسياليزم جولىمەن جۇرۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، تۇتاس رايونىمىزداعى ءار ۇلت ايەلدەرىن ءداۋىردىڭ الدىڭعى لەگىندە ءجۇرىپ، بەلسەندى رول ساۋلەلەندىرۋگە ۇيىمداستىرىپ، جۇمىلدىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تاعى دا تىڭ ۇلەس قوسۋ كەرەك. ءار دارەجەلى ايەلدەر ۇيىمى مەن ءار ۇلت ايەلدەرىنىڭ ساياسي دەڭگەيدى جوعارىلاتىپ، ”ەكىنى تۇراقتاندىرۋدىڭ“ مىزعىماس قورعاۋشىسى بولىپ، بورىشتى ارقالاۋدى كۇشەيتىپ، شينجياڭنىڭ رەفورما، دامۋ، ورنىقتىلىق ىستەرىن ىلگەرىلەتۋدىڭ ەڭ كورىكتى كۇرەسكەرلەرى بولىپ، ىنتىماق تۋىن بيىك ۇستاپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ بەلسەندى جەبەۋشىلەرى بولىپ، ءداۋىر جاڭا سالتىن اسقاقتاتىپ، وتباسى وركەنيەتى سالتىن پارمەندى دارىپتەۋشىلەر بولىپ، ءىس جۇزىندىك ارەكەتتەرىمەن پارتيا 20 - قۇرىلتايىنىڭ جەڭىسپەن اشىلۋىن قارسى الۋدى ءۇمىت ەتەمىن. ءار دارەجەلى ايەلدەر بىرلەستىگى پارتيانىڭ باسشىلىعىنا تاباندى بولىپ، ءار ۇلت ايەلدەرىمەن كەڭ كولەمدە بايلانىس جاساپ جانە ولارعا قىزمەت وتەپ، ولاردى پارتيانىڭ مەيىرىنە العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە ىنتىماقتاستىرۋ، باستاۋ كەرەك. ءار دارەجەلى پارتكوم قولداۋ، قامتاماسىز ەتۋ تەبىنىن ۇزدىكسىز ارتتىرىپ، ايەل كادرلار قوسىنى قۇرىلىسىن كۇشەيتىپ، ايەلدەر مەن بالالاردىڭ زاڭدى ۇقىق - مۇددەسىن زاڭ بويىنشا قورعاپ، شينجياڭنىڭ ايەلدەر مەن بالالار ءىسى دامۋىنىڭ جاڭا جاعدايىن قۇلشىنا اشۋ كەرەك.
ماجىلىستە اۆتونوميالى رايوندىق عىلىم - تەحنيكا قوعامىنىڭ قاتىستى جاۋاپتىسى حالىقتىق توپ اتىنان ارناۋ ءسوز سويلەدى.
ءماجىلىس اۆتونوميالى رايوندىق ايەلدەر بىرلەستىگى 11 - كەزەكتى اتقارۋ كوميتەتىنىڭ قىزمەت بايانداماسىن تىڭدادى.
مەملەكەتتىك ايەلدەر بىرلەستىگى شۋجيچۋىنىڭ شۋجيى جاۋ ۋىن، اۆتونوميالى رايون مەن بيڭتۋان باسشىلارىنان جاڭ جۋ، قادەن كابەن، سۇن حۇڭمەي، كۇڭ شيڭلۇڭ اشىلۋ ماجىلىسىنە قاتىناستى. اۆتونوميالى رايوندىق 12 - رەتكى ايەلدەر قۇرىلتايىنىڭ ۋاكىلدەرى، اۆتونوميالى رايون مەن بيڭتۋانداعى وزات ايەلدەر تيبى جانە ءار ۇلت، ءار سالاداعى تاڭداۋلى ايەلدەر ۋاكىلدەرى قاتارلىلار ماجىلىسكە قاتىناستى.
