تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىز 6 - ايدىڭ 26 - كۇنىنەن باستاپ كاسىپورىندارعا جارناسىن بازارعا سالۋ بويىنشا بەرىلەتىن كومەك قاراجات ولشەمىن جوعارىلاتادى

  انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 6 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنەن ۇعىسۋعا قاراعاندا، جارناسىن بازارعا سالماقشى بولعان كاسىپورىنداردى باۋلۋ جانە جەتەكتەۋ تەبىنىن اناعۇرلىم كۇشەيتۋ ءۇشىن رايونىمىز 6 - ايدىڭ 26 - كۇنىنەن باستاپ جاڭادان وزگەرىس ەنگىزىلگەن «شينجياڭ ۇيعۇر اۆتونوميالى رايونىنىڭ كاسىپورىنداردىڭ جارناسىن بازارعا سالۋىن ساياساتتىق جەتەكتەۋ ارناۋلى قارجىسىن باسقارۋ ءادىسىن» (تومەندە قىسقارتىلىپ «باسقارۋ ءادىسى» دەلىنەدى) اتقارىپ، كاسىپورىنداردىڭ جارناسىن بازارعا سالۋ بارىسىندا ءارقايسى بۋىندار بويىنشا بەرىلەتىن سيلىق جانە كومەك قاراجات ولشەمىن جوعارىلاتادى ەكەن، بۇل الداعى جەردە كاسىپورىنداردىڭ جارناسىن بازارعا سالۋ بەلسەندىلىگىن اناعۇرلىم جۇمىلدىراتىن بولادى.

  وسى رەت جاريالانعان «باسقارۋ ءادىسى» 2017 - جىلى 5 - ايدىڭ 30 - كۇنى باسىپ تاراتىلعان «شينجياڭ ۇيعۇر اۆتونوميالى رايونىنىڭ كاسىپورىنداردىڭ جارناسىن بازارعا سالۋىن ساياساتتىق جەتەكتەۋ ارناۋلى قارجىسىن باسقارۋ ءادىسى» نەگىزىندە وزگەرىس ەنگىزىلگەن. ارناۋلى قارجى كاسىپورىنداردىڭ كومەك قاراجاتى، قىزمەت وتەۋ قۇرىلىمىن سيلاۋ جانە قىزمەت قاراجاتى سياقتى 3 جاققا پايدالانىلادى.

  كاسىپورىنداردىڭ كومەك قاراجاتى جاعىندا، «باسقارۋ ادىسىندە» شينجياڭنىڭ اكتسيا باقىلاۋ - باسقارۋ مەكەمەسىنە العاشقى جارنانى بازارعا سالۋ بويىنشا جەتەكشىلىك ەتىپ، ەستەلىككە الۋعا ءوتىنىش ەتكەن كاسىپورىندارعا شينجياڭ اكتسيا باقىلاۋ - باسقارۋ مەكەمەسىنىڭ جەتەكشىلىك ەتىپ، ەستەلىككە الۋ بويىنشا قابىلداعان حابارلاندىرۋ قاعازى نەگىزىندە 800 مىڭ يۋاندىق ءبىر رەتتىك كومەك قاراجات بەرىلەدى، بۇل بۇرىنعىمەن سالىستىرعاندا 300 مىڭ يۋان كوبەيدى.

  بەيجيڭ باعالى قاعاز بازارىن قۇرۋ جاڭا جاعدايىنا مەڭزەس، «باسقارۋ ادىسىندە» بەيجيڭ باعالى قاعاز بازارىنىڭ جارنانى بازارعا سالۋعا جانە جەتەكشىلىك ەتۋگە قاتىستى كومەك قاراجات بەلگىلەمەسى قوسىلدى. «باسقارۋ ادىسىندە» مىنالار اتاپ كورسەتىلدى: بۇكىل ەلدەگى ورتا، شاعىن كاسىپورىنداردىڭ جارناسىن وتكەرمەلەۋ جۇيەسىندەگى (تومەندە قىسقارتىلىپ ”جارنا وتكەرمەلەۋ جۇيەسى“ دەلىندى) جاڭالىق اشۋ دەڭگەيىندە ماڭدايشالىق اسقان سەرىكتەستىكتەر شينجياڭ اكتسيا باقىلاۋ - باسقارۋ مەكەمەسىنە بەيجيڭ باعالى قاعاز بازارىندا العاشقى جارنانى بازارعا سالۋ بويىنشا جەتەكشىلىك ەتىپ، ەستەلىككە الۋدى ءوتىنىش ەتسە، شينجياڭ اكتسيا باقىلاۋ - باسقارۋ مەكەمەسىنىڭ جەتەكشىلىك ەتىپ، ەستەلىككە الۋ بويىنشا قابىلداۋ حابارلاندىرۋ قاعازىنا نەگىزدەلىپ، ولارعا 500 مىڭ يۋاندىق ءبىر رەتتىك كومەك قاراجات بەرىلەدى.

  شينجياڭ اكتسيا باقىلاۋ - باسقارۋ مەكەمەسىنىڭ جەتەكشىلىك ەتىپ، تەكسەرىپ وتكىزىپ الۋىن ورىنداعان كاسىپورىندار جۇڭگو اكتسيا باقىلاۋ - باسقارۋ كوميسسياسىنا، شاڭحاي باعالى قاعاز بازارىنا، شىنجىن باعالى قاعاز بازارىنا، بەيجيڭ باعالى قاعاز بازارىنا العاشقى جارنانى بازارعا سالۋ ءوتىنىشىن تاپسىرسا، ماقۇلداپ قابىلداۋ حۇجاتىنا نەگىزدەلىپ، ولارعا ءبىر ميلليون يۋاندىق ءبىر رەتتىك كومەك قاراجات بەرىلەدى، بۇل بۇرىنعىمەن سالىستىرعاندا 500 مىڭ يۋان كوبەيدى.

  كاسىپورىندار شەتەلدەگى ايىرباس ورىندارىنا العاشقى جارنانى بازارعا سالۋ ءوتىنىشىن تاپسىرسا، جۇڭگو اكتسيا باقىلاۋ - باسقارۋ كوميسسياسى مەن شەتەلدەگى ايىرباس ورنىنىڭ العاشقى جارنانى بازارعا سالۋدى تەكسەرىپ بەكىتۋ حۇجاتىنا نەگىزدەلىپ، ولارعا ءبىر ميلليون 500 مىڭ يۋاندىق ءبىر رەتتىك كومەك قاراجات بەرىلەدى، بۇل بۇرىنعىمەن سالىستىرعاندا ءبىر ميلليون يۋان كوبەيدى.

  ەل ىشىندە العاشقى جارنانى بازارعا سالۋدى ورىنداعان كاسىپورىندار شەتەلگە بارىپ العاشقى جارنانى بازارعا سالسا، سونداي - اق سايكەستى كومەك قاراجاتتان العان بولسا، شەتەلدە العاشقى جارنانى بازارعا سالۋ كومەك قاراجاتىنان ەندىگارى يگلىكتەنبەيدى. شەتەلدە العاشقى جارنانى بازارعا سالۋدى ورىنداعان كاسىپورىندار ەل ىشىنە كەلىپ العاشقى جارناسىن بازارعا سالسا، سونداي - اق سايكەستى كومەك قاراجاتتى العان بولسا، ەل ءىشىنىڭ العاشقى جارنانى بازارعا سالۋ كومەك قاراجاتىنان ەندىگارى يگىلىكتەنبەيدى.

  كاسىپورىندار ءساتتى تۇردە جارنا وتكەرمەلەۋ جۇيەسىنىڭ نەگىزدىك دەڭگەيىندە ماڭدايشالىق اسسا نەمەسە ماڭدايشالىق اسۋمەن بىرگە، باعىتتامالى ارتتىرىپ تاراتۋ ءتاسىلى ارقىلى جاڭالىق اشۋ دەڭگەيىندە ماڭدايشالىق اسۋدى جۇزەگە اسىرعان بولسا، ماڭدايشالىق اسۋدى ماقۇلداۋ حۇجاتىنا نەگىزدەلىپ، ولارعا 400 مىڭ يۋاندىق ءبىر رەتتىك كومەك قاراجات بەرىلەدى. جارنا وتكەرمەلەۋ جۇيەسىندە ماڭدايشالىعى الىنىپ تاستالعاننان كەيىن، ماڭدايشالىق اسۋعا قايتادان ءوتىنىش ەتكەن، سونداي - اق سايكەستى كومەك قاراجات العان كاسىپورىندار ماڭدايشالىق اسۋ كومەك قاراجاتىنان ەندىگارى يگىلىكتەنبەيدى.

  وزگەرىس ەنگىزىلۋدەن بۇرىنعىمەن سالىستىرعاندا، «باسقارۋ ادىسىندە» كاسىپورىنداردىڭ شينجياڭ جارنا ۇقىعى ايىرباس ورتالىعىندا ماڭدايشالىق اسۋعا جانە وتكەرمەلەۋ بولىگىنەن جارنا وتكەرمەلەۋ جۇيەسىنە دەيىنگى قاتىستى كومەك قاراجات بەلگىلەمەلەرى كۇشىنەن قالدىرىلدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.