تيانشان تورى
تيانشان تورى   ›   جاڭالىقتار   ›   بيڭتۋان

بيڭتۋان ناقتى شارا قولدانىپ، كاسىپورىنداردىڭ قيىنشىلىعىن شەشتى

  انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 6 - ايدىڭ 14 - كۇنى ۇرىمجىدەن حابارلايدى. ”كاسىپورىنداردىڭ وڭدەۋ ءوندىرىسىن جەتىلدىرۋدى، جالپىلاستىرۋدى ءبىر تۇلعالاندىرىپ دامىتۋدى ورنىقتى قاداممەن جۇزەگە اسىرۋىن بيڭتۋان پارتكومى قالىپتاستىرعان تاماشا شارۋاشىلىق ساۋدا ورتاسىنان بولە قاراۋعا بولمايدى“. سيلىق قوسىمشا قاراجاتقا يە بولعان شينجياڭ جيۋتيانحى تۇقىم شارۋاشىلىعى شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى ما شياۋبو 30 ميلليون يۋان قارجى ۇستەمەلەپ، قامبادا ساقتاۋ سيىمدىلىعىن كەڭەيتۋ قۇرىلىسى سياقتىلاردى جۇرگىزىپ، دامۋ اياق الىسىن جەدەلدەتەتىندىگىن ءبىلدىردى.

  تاياۋدا شينجياڭ ءوندىرىس - قۇرىلىس بيڭتۋانى قارجىلاي قولداۋ، جۇمىس ورنىن ورنىقتىرۋ، جۇمىس ورنىن كەڭەيتۋ، قامداۋعا كەپىلدىك ەتىپ، وزىندىك قۇندى تومەندەتۋ، بازاردىڭ ءونىمدى قاجەتىن كەڭەيتۋ سياقتى 28 ءتۇرلى ناقتى شارا شىعارىپ، كاسىپورىنداردىڭ قيىنشىلىعىن شەشۋ، كومەكتەسۋ - سۇيەمەلدەۋ تەبىنىن ۇزدىكسىز ارتتىرىپ، بازار تۇلعالارىنىڭ قيىنشىلىققا توتەپ بەرۋ سەنىمى مەن قابىلەتىن كۇشەيتتى.

  بيڭتۋان 9 - شىسىندا 12 كاسىپورىن ساۋداگەر شاقىرىپ قارجى ەنگىزۋ تيىمدىلىك ساياساتى بويىنشا 15 ميلليون 837 مىڭ يۋان سيلىق قوسىمشا قاراجاتىن تاپسىرىپ الدى، شەكتى سومادان جوعارى 7 ساۋدا - اينالىم كاسىپورنى ءبىر ميلليون 363 مىڭ يۋان جەتىلدىرۋ - سۇيەمەلدەۋ سيلىق قوسىمشا قاراجاتىنا، ءبىر ميلليون 250 مىڭ يۋان ”قوس باعىتتا“ تاسىمال اقىسى قوسىمشا قاراجاتىنا يە بولدى...

  ”داياشىنىڭ“ جاقسى - جامان بولۋىن بازار تۇلعاسى بەلگىلەيدى. بيڭتۋاننىڭ ءارقايسى تاراۋى، ءارقايسى شىسى، قالالارى شارۋاشىلىق - ساۋدا ورتاسىن بار كۇشپەن ساپالىلاندىرىپ، ساۋدا ىستەرى ءتۇزىمى رەفورماسىن تەرەڭدەتىپ، تەكسەرىپ بەكىتۋ، قىزمەت وتەۋ ءتارتىبىن ساپالىلاندىرىپ، كاسىپورىنداردىڭ دامۋى ءۇشىن اۋىرتپالىعىن جەڭىلدەتىپ، ونىمدىلىگىن ارتتىردى.

  ”ءوتىنىش بەرگەن كۇنى تەكسەرۋدەن ءوتتى، ەرتەسىندە - اق تيجارات كۋالىگى قولىما ءتيدى، نەگىزىنەن تۇتاستاي ينتەرنەتتە تولتىردىم، ونىمدىلىگى وتە جوعارى بولدى“، - دەدى 6 - ايدىڭ 10 - كۇنى ارال قالاسى دىيۇي ساۋدا شەكتى سەرىكتەستىگىنىڭ قىزمەتكەرى جاڭ يۇي قۋانا.

  شاعىن، ۇساق بازار تۇلعالارىنىڭ سانى كوپ، اۋماعى كەڭ، جۇمىستانۋعا جەتەكشىلىك ەتەتىن نەگىزگى كۇش. 2021 - جىلى حالىقتىق كاسىپورىندار بيڭتۋانعا %51تىك سالىق تاپسىرىپ، %70تىك جۇمىس ورنىمەن قامدادى.

  حالىقتىق كاسىپورىنداردىڭ دامۋىن جەدەلدەتۋ ءۇشىن، بيڭتۋان قارجى قوسۋدى بەكىتۋدى ”ءبىر جەلىدە ءبىر تۇتاس ءبىتىرۋدى“ بەلسەنە ىلگەرىلەتىپ، حالىقتىق كاسىپورىندار جارناسىنىڭ بازارعا شىعارىلۋىنا جەتەكشىلىك ەتىپ، قولداۋ كورسەتتى؛ ءارقايسى شى، قالا، تۋان الاڭ ءىس جۇزىندىك جاعدايمەن ۇشتاستىرىپ، حالىقتىق كاسىپورىنداردىڭ دامۋىن قولدايتىن ساياساتتىق شارالاردى ىركەس - تىركەس شىعارىپ، كاسىپورىندارعا قىزمەت وتەۋ جانە ونىمدىلىگىن سوڭىنا ءتۇسىپ قۋزاستىرۋ قىزمەت مەحانيزمىن ورناتتى؛ قاتىستى تاراۋلار كاسىپورىنداردىڭ قارجى قۇراۋ قيىن بولۋ ماسەلەسىن شەشۋ، زات اينالىمىنىڭ وزىندىك قۇنىن ونان ارى تومەندەتۋ، حالىقتىق كاسىپورىنداردىڭ نەسيەگە قالدىرعان اقشاسىن اداقتاۋ، ”ارناۋلى، سارا، ەرەكشە، جاڭا“ ورتا، شاعىن كاسىپورىنداردىڭ جوعارى ساپالى دامۋىنا قولداۋ كورسەتۋ سياقتى جاقتاردا ساياسات شىعارىپ، كاسىپورىنداردىڭ قيىنشىلىعىن شەشتى.

  تاياۋدا بيڭتۋان 8 - شىسى شىحىزى قالاسىندا ءبىر كاسىپورىننىڭ 400 مىڭ توننالىق ورگانيكالىق كرەمني ءوندىرۋ بازاسى ءوندىرىسىن جەدەلدەتتى. ”شارۋاشىلىق - ساۋدا ورتاسى جاقسارعان سايىن، حالىقتىق كاسىپورىنداردىڭ ومىرشەڭدىك كۇشى سولعۇرلىم نىعايا تۇسەدى. بيىل بازامىز ءوندىرىس جوسپارىن رەتتەپ، ءوندىرىس قۋاتىن جوعارىلاتتى، ەكسپورت تاپسىرىسى بىلتىرعىمەن سالىستىرعاندا، ءبىراز جوعارىلادى“، - دەدى وسى كاسىپورىننىڭ سىرتقى ساۋدا جاۋاپتىسى.

  تاماشا شارۋاشىلىق - ساۋدا ورتاسى اناعۇرلىم كوپ كاسىپورىننىڭ بيڭتۋاندا قارجى قوسىپ، شارۋاشىلىقتى گۇلدەندىرۋ سەنىمىن بەكەمدەي ءتۇستى. 1 - ايدان 4 - ايعا دەيىن، بيڭتۋان ساۋداگەر شاقىرىپ قارجى ەنگىزۋ نىسانىنان 1280ىن اتقارىپ، جالپى 327 ميلليارد 54 ميلليون يۋان قارجى قوسىپ، قالىپتاستىرعان ناقتى زات مولشەرى 18 ميلليارد 429 ميلليون يۋانعا جەتىپ، سايكەس مەزگىلدەگىدەن %24.9 ارتتى. بيىل 5 - ايدىڭ باس شەنىنە دەيىن، بيڭتۋانعا قاراستى وڭىردەگى ناقتى بازار تۇلعاسى 220 مىڭنان اسىپ، سايكەس مەزگىلدەگىدەن %16 اينالاسىندا ارتىپ، ەكونوميكانىڭ ارتۋىن ورنىقتىرۋدىڭ تىرەكتى كۇشىنە اينالدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.