تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

بۋرىلتوعاي اۋدانى تۇرعىنداردىڭ قونىس ورتاسىن ۇزدىكسىز جاقسارتىپ، بۇقارانىڭ باقىت كورسەتكىشىن جوعارىلاتتى

  بيىل، بۋرىلتوعاي اۋدانى 17 ءتۇرلى اۋىل - قىستاقتى گۇلدەندىرۋ نىسان قۇرىلىسىن جالپى بەتتىك ىلگەرىلەتىپ، اۋىل - قىستاق تۇرعىندارىنىڭ قونىس ورتاسىن جالپى بەتتىك جاقسارتادى.

  6 - ايدىڭ 13 - كۇنى، بۋرىلتوعاي اۋدانى كوكاعاش اۋىلى ەسىكقۇم قىستاعىنىڭ لاس سۋ قۇبىرى تورابىن توسەۋ قۇرىلىسى باسىندا، قۇرىلىسشىلار اۋا رايىنىڭ تاماشا كەزدەرىن قولدان جىبەرمەي، ۇستەمەلەپ جۇمىس جۇرگىزىپ، قىستاقتاعى لاس سۋ ىعىستىرۋ قۇبىر تورابىن اۋدان قالاشىعىنىڭ باس تورابىنا تىكەلەي تۇتاستىردى. اتالعان قىستاقتىڭ تۇرعىنى گو ۋيمين: ”قىستاققا وسىنداي لاس سۋ ىعىستىرۋ قۇبىرىنىڭ ورناۋىن بۇرىن ويلاپ تا كورمەگەن ەدىك، بيىل جۇزەگە استى“،- دەدى.

  ۇعىسۋعا قاراعاندا، بۋرىلتوعاي اۋدانى كوكاعاش اۋىلى ەسىكقۇم قىستاعى بۋرىلتوعاي اۋدانىنىڭ اۋىل - قىستاقتى گۇلدەندىرۋدەن ۇلگى كورسەتۋ قىستاعى ساناتىندا، ”كاسىپ سالاسى گۇلدەنگەن، ەكولوگياسى قونىسقا جايلى، اۋىل سالتى وركەنيەتتى، جونگە سالۋى ءونىمدى، تۇرمىسى باي - باقۋاتتى“ بولۋ جالپى تالابى بويىنشا، سيىر شارۋاشىلىعىن دامىتۋدى نەگىزگى جەلى، ەكولوگيالىق تاماشالاۋدى، اۋىل - قىستاق ساياحاتىن قوسىمشا ەتىپ، 1-، 2-، 3- كاسىپ سالالارىنىڭ توعىسا دامۋىنا تاباندى بولدى. كەزەكتە، باعىمشىلىق شاعىن رايونى، جول، سۋ سىڭبەيتىن توعان، قورشاعان ورتانى جاسىلداندىرۋ سىندى نىساندار تارتىپپەن ىلگەرىلەتىلۋدە. بۋرىلتوعاي اۋدانى كوكاعاش اۋىلدىق پارتكومنىڭ ورىنباسار شۋجيى جاينارا جاراسقان: ”قازىر 12 نىسان ءبىر ۋاقىتتا جۇرگىزىلۋدە، ءبىز بار كۇشىمىزبەن ەسىكقۇم قىستاعىنىڭ ءارقايسى نەگىزدىك قۇرىلعىلارىن ويداعىداي قۇرۋىمىز كەرەك“،- دەدى.

  2022 - جىلى، بۋرىلتوعاي اۋدانى اۋىل - قىستاقتى گۇلدەندىرۋ نىسانىن اتقارۋعا ىلگەرىندى - كەيىندى 79 ميلليون 500 مىڭ يۋان قارجى قوسىپ، 8 جاقتى تىعىز ارقاۋ ەتىپ، اتقارۋ جوسپارى مەن اۋىل - قىستاق جوباسىن جەتەكشى ەتىپ، اۋىل - قىستاق باعىمشىلىعىن شوعىرلاندىرۋدى، كولەمدەندىرۋدى، وسى زامانداندىرۋدى جۇزەگە اسىرىپ، اۋىل - قىستاقتى گۇلدەندىرۋدەن ۇلگى كورسەتۋ ءتۇيىنىن قۇرۋعا بەرىك نەگىز قالادى. (ەرىكتى تىلشىلەر ۋاڭ چىڭ، جۇلدىز)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.