«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جۇڭگونىڭ ادامدىق ۇقىقتى دامىتۋ جولىمەن بۇلجىماي ءجۇرىپ، ەلىمىزدىڭ ادامدىق ۇقىق ىستەرىنىڭ دامۋىن اناعۇرلىم ويداعىداي ىلگەرىلەتەيىك
شينحۋا اگەنتتىگىنىڭ 6 - ايدىڭ 15 - كۇنى بەيجيڭنەن بەرگەن حابارى. 6 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 12 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭگونىڭ ادامدىق ۇقىقتى دامىتۋ جولىمەن بۇلجىماي ءجۇرىپ، ەلىمىزدىڭ ادامدىق ۇقىق ىستەرىنىڭ دامۋىن اناعۇرلىم ويداعىداي ىلگەرىلەتەيىك» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: ادامنىڭ ءومىرىن، قۇنىن، ار - نامىسىن ايالاپ، بارلىق ادامنىڭ ادامدىق ۇقىقتان يگىلىكتەنۋىن جۇزەگە اسىرۋ − ادامزات قوعامىنىڭ ورتاق تالپىنىسى. ادامدىق ۇقىققا قۇرمەت ەتۋ جانە ونى قامتاماسىز ەتۋ − جۇڭگو كوممۋنيستەرىنىڭ تالىقپاس تالپىنىسى. پارتيانىڭ 100 جىلدىق كۇرەس تاريحى پارتيانىڭ حالىقتى ىنتىماقتاستىرىپ، باستاپ، ادامدىق ۇقىققا قول جەتكىزۋ، ادامدىق ۇقىققا قۇرمەت ەتۋ، ادامدىق ۇقىقتى قامتاماسىز ەتۋ، ادامدىق ۇقىقتى دامىتۋ جولىندا تىنباي جۇرگىزگەن قۇلشىنىسىمەن ساباقتاسىپ كەلەدى. پارتيا 18 - قۇرىلتايىنان بەرى، ءبىز ادامدىق ۇقىققا قۇرمەت ەتۋدى جانە ونى قامتاماسىز ەتۋدى ەل باسقارۋداعى ماڭىزدى قىزمەت ەتۋگە تاباندى بولىپ، ەلىمىزدىڭ ادامدىق ۇقىق ىستەرىندە تاريحي تابىستارعا قول جەتكىزۋدى ىلگەرىلەتتىك.
ماقالادا مىنالار اتاپ كورسەتىلدى: ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋ امالياتى بارىسىندا ءبىز ماركسيزمدىك ادامدىق ۇقىق كوزقاراسىن جۇڭگونىڭ ناقتى ءىس جۇزىندىگىمەن ۇشتاستىرىپ، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرىپ، پارتيامىزدىڭ حالىقتى ىنتىماقتاستىرىپ، باستاپ، ادامدىق ۇقىققا قۇرمەت ەتۋدەگى جانە ونى قامتاماسىز ەتۋدەگى تابىستى تاجىريبەلەرىن قورىتىندىلاپ، ادامزاتتىڭ تاڭداۋلى وركەنيەت جەتىستىكتەرىنەن ۇلگى الىپ، ءداۋىر اعىمىنا ۇيلەسەتىن، ءوز ەلىمىزدىڭ مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىمەن جۇردىك. بىرىنشى، جۇڭگو كوممۋنيستىك پارتياسىنىڭ باسشىلىعىنا تاباندى بولدىق. جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمى ەلىمىزدىڭ ادامدىق ۇقىق ىستەرىنىڭ سوتسياليستىك سيپاتىن بەلگىلەگەن. ەكىنشى، حالىقتىڭ نەگىزگى تۇلعالىق ورنىنا قۇرمەت ەتۋگە تاباندى بولدىق. حالىقشىلدىق − جۇڭگونىڭ ادامدىق ۇقىقتى دامىتۋ جولىنداعى ەڭ كورنەكتى ەرەكشەلىگى. ءۇشىنشى، ەلىمىزدىڭ ءىس جۇزىندىگىن شىعار ءتۇيىن ەتۋگە تاباندى بولدىق. ءار ەلدىڭ ادامدىق ۇقىقتى دامىتۋ جولى، ءسوز جوق، ءوزىنىڭ مەملەكەت جاعدايىنا جانە ءوز ەلى حالقىنىڭ تىلەگىنە ساي بەلگىلەنۋى كەرەك. ءتورتىنشى، ءومىر ءسۇرۋ ۇقىعىن، دامۋ ۇقىعىن ماڭداي الدى نەگىزگى ادامدىق ۇقىق ەتۋگە تاباندى بولدىق. ءومىر ءسۇرۋ بارلىق ادامدىق ۇقىقتان يگىلىكتەنۋدىڭ نەگىزى، حالىقتىڭ باقىتتى تۇرمىسى ەڭ ۇلكەن ادامدىق ۇقىق. بەسىنشى، ادامدىق ۇقىقتى زاڭ بويىنشا قامتاماسىز ەتۋگە تاباندى بولدىق. زاڭمەن باسقارۋ − ادامدىق ۇقىقتىڭ ەڭ ءونىمدى قامتاماسىزدىعى. التىنشى، الەمدىك ادامدىق ۇقىقتى جونگە سالۋعا بەلسەنە ات سالىسۋعا تاباندى بولدىق. ادامدىق ۇقىقتى دامىتۋ − بۇكىل ادامزاتتىڭ ورتاق ءىسى. ءار ەلدىڭ ادامدىق ۇقىقتى دامىتۋ جولىن دەربەس ءوزى تاڭداۋ ۇقىعى بار، تۇرلىشە وركەنيەتتەر، تۇرلىشە ەلدەر ءوزارا قۇرمەت ەتۋى، ءوزارا سيىسىمدى بولۋى، ءوزارا اۋىس - كۇيىس جاساۋى، ءوزارا ۇلگى الۋى كەرەك.
ماقالادا مىنالار باسا دارىپتەلدى: ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ادامدىق ۇقىق قىزمەتىن ويداعىداي ىستەۋدىڭ ماڭىزدىلىعى مەن كوكەي تەستىلىگىن جەتە تانىپ، ادامدىق ۇقىققا قۇرمەت ەتۋگە جانە ونى قامتاماسىز ەتۋگە اناعۇرلىم ءمان بەرىپ، ەلىمىز ادامدىق ۇقىق ىستەرىنىڭ اقاۋسىز دامۋىن ىلگەرىلەتىپ، مىنا بىرنەشە جاقتاعى قىزمەتتى ءتۇيىندى تۇردە ويداعىداي يگەرۋ كەرەك. ءبىرىنشى، ادامدىق ۇقىق ىستەرىنىڭ جان - جاقتى دامۋىن جەبەۋ. ەكىنشى، ادامدىق ۇقىقتى زاڭمەن باسقارۋدى قامتاماسىز ەتۋدى كۇشەيتۋ. ءۇشىنشى، دۇرىس ادامدىق ۇقىق كوزقاراسىن اسقاقتاتۋ. ءتورتىنشى، الەمدىك ادامدىق ۇقىقتى جونگە سالۋدى بەلسەنە ىلگەرىلەتۋ. بەسىنشى، حالىقارالىق ادامدىق ۇقىق كۇرەسىن بەلسەنە ورىستەتۋ. ادامدىق ۇقىق − تاريحي، ناقتىلى، رەال بولادى، ۇقساماعان ەلدەردىڭ قوعامدىق، ساياسي شارت - جاعدايى مەن تاريحي مادەنيەت داستۇرىنەن قول ءۇزىپ، ادامدىق ۇقىقتى قۇر سوزگە اينالدىرۋعا بولمايدى. ءبىر ەلدە ادامدىق ۇقىقتىڭ بار - جوقتىعىن باعالاۋدا باسقا ەلدىڭ ولشەمى ارقىلى ولشەۋگە بولمايدى، قوس ولشەم قولدانۋعا، اۋەلى، ادامدىق ۇقىقتى باسقا ەلدىڭ ىشكى ىسىنە كيلىگەتىن ساياسي قۇرال ەتۋگە ءتىپتى بولمايدى.
ماقالادا مىنالار اتاپ كورسەتىلدى: ءار دارەجەلى پارتكومدار (پارتيا باسشىلىق گرۋپپالارى) ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋدىڭ تاريحي جاۋاپكەرشىلىگىن ارقالاۋى، ءار دارەجەلى كادرلار، اسىرەسە، باسشى كادرلار ماركسيزمدىك ادامدىق ۇقىق كوزقاراسىن، زامانىمىزداعى جۇڭگونىڭ ادامدىق ۇقىق كوزقاراسىن سانالىلىقپەن ۇيرەنۋى، جەر - جەر، تاراۋلار، ءارقايسى سالالار ادامدىق ۇقىققا قۇرمەت ەتۋ جانە ونى قامتاماسىز ەتۋ تانىمىن كۇشەيتىپ، ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋدىڭ بىرىككەن كۇشىن قالىپتاستىرۋى كەرەك.
