ما شيڭرۇي قاتىناستى ءارى ءسوز سويلەدى، لي يفي قۇرىلتايعا بايانداما جاسادى
ەركىن تۇنياز، شاۋكەت يمىن، نۇرلان ءابىلماجىن، حى جۇڭيوۋ قۇرىلتايعا كەلىپ قۇتتىقتادى
جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانىنىڭ 8 - قۇرىلتايى 6 - ايدىڭ 15 - كۇنى شينجياڭ حالىق سارايىندا اشىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 15 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - قۇرىلتايى 6 - ايدىڭ 15 - كۇنى شينجياڭ حالىق سارايىندا اشىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋيى ما شيڭرۇي ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ مەن بيڭتۋان جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتى يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، پارتيا قۇرۋ ۇلى رۋحىن اسقاقتاتىپ، بيڭتۋان رۋحى مەن توراڭعى رۋحىن، ساقا جاۋىنگەرلەر رۋحىن جالعاستىرىپ، اۆتونوميالى رايوندىق 10 - كەزەكتى پارتكوم ءۇشىنشى جالپى ءماجىلىسىنىڭ ورنالاستىرۋلارىن، تالاپتارىن تياناقتاندىرىپ، جاڭا داۋىردەگى ورنىقتىلىقتى قورعاپ، شەكارانى كۇزەتۋ قىزمەت جاۋاپكەرشىلىگىن، بورىشىن ادالدىقپەن اتقارىپ، شينجياڭنىڭ قوعام ورنىقتىلىعى مەن باياندى تىنىشتىعىن قايراتتانا ىلگەرىلەتۋدە، سوتسياليستىك وسىزاماندانعان مەملەكەت قۇرۋدىڭ جاڭا جورىعىندا تىڭ دا اناعۇرلىم زور ۇلەس قوسىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
اۆتونوميالى رايون باسشىلارىنان ەركىن تۇنياز، شاۋكەت يمىن، نۇرلان ءابىلماجىن، حى جۇڭيوۋ، جاڭ جۋ، تيان شياڭلي، چىن ۋيجۇن، قادەن كابەن قاتارلىلار قۇرىلتايعا كەلىپ قۇتتىقتادى ءارى ءتوراعالار مىنبەسىنەن ورىن الدى.
لي يفي جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 7 - كەزەكتى كوميتەتى اتىنان «جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا داۋىردەگى بيڭتۋاننىڭ قىزمەت جاۋاپكەرشىلىگىن، بورىشىن ادالدىقپەن اتقارىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن تىڭ دا اناعۇرلىم زور ۇلەس قوسايىق» دەگەن تاقىرىپتا بايانداما جاسادى.
قۇرىلتاي ءتوراعالار القاسى تۇراقتى القا مۇشەلەرىنەن ما شيڭرۇي، لي يفي، شۋە بين، ليۋ جيانميڭ، لي جىنگو، ءمۇتالىپ ءماتتوحتى، ليۋ شينجيان، جياۋ شياۋپيڭ، جاڭ ۋىنشىڭ، جياڭ شينجۇن، حا زىڭيوۋ، لي يۇڭحۇڭ، لي شۇي، جۋ شۋەبيڭ، ياڭ شيۋلي ءتوراعالار مىنبەسىنىڭ الدىڭعى قاتارىنان ورىن الدى.
شۋە بين قۇرىلتايدى باسقاردى. قۇرىلتايعا قاتىناسۋعا ءتيىستى ۋاكىل 524 ادام، ناقتى قاتىناسقان ۋاكىل 506 ادام، بۇل بەلگىلەمەدەگى ادام سانىنا ۇيلەسەدى.
ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس اتىنان قۇرىلتايدىڭ اشىلعاندىعىن قىزۋ قۇتتىقتادى، ۇسىنىس بويىنشا قۇرىلتايعا قاتىناسقان بيڭتۋاننىڭ ساقا باسشىلارىنا، قارت جولداستارعا وسكەلەڭ قۇرمەت ءبىلدىردى، قۇرىلتايعا قاتىناسقان ۋاكىلدەر مەن بيڭتۋانداعى قالىڭ پارتيا مۇشەلەرىنە، كادرلارعا، جۇمىسشى - قىزمەتكەرلەرگە شىنايى سالەم جولدادى.
ما شيڭرۇي بىلاي دەپ اتاپ كورسەتتى: بيڭتۋاننىڭ 7 - رەتكى پارتيا قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بيڭتۋان پارتكومى قالىڭ پارتيا مۇشەلەرىن، كادرلاردى، جۇمىسشى - قىزمەتكەرلەردى ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، نازاردى بيڭتۋاننىڭ قىزمەت جاۋاپكەرشىلىگىنە، بورىشىنا شوعىرلاندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانۋىن، ناقتىلانۋىن تىڭعىلىقتى ىلگەرىلەتىپ، ءتۇرلى قىزمەتتەردە بەلسەندى ناتيجەلەرگە قول جەتكىزدى. وسى ناتيجەلەرگە قول جەتۋ تۇبىرىنەن باس شۋجي شي جينپيڭنىڭ رول ۇستاپ، جول باستاۋىنىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، ورتالىقتىڭ، مەملەكەتتىڭ ءارقايسى مينيسترلىك - كوميتەتتەرى مەن شينجياڭعا كومەكتەسەتىن 19 ولكە، قالانىڭ زور كۇشپەن قولداۋىنىڭ، قالتقىسىز كومەكتەسۋىنىڭ، سونداي - اق بيڭتۋانداعى قالىڭ پارتيا مۇشەلەرىنىڭ، كادرلاردىڭ، جۇمىسشى - قىزمەتكەرلەردىڭ ءبىر نيەتپەن كۇش سالۋىنىڭ، ىنتىماقتاسا كۇرەس جاساۋىنىڭ ناتيجەسى.
ما شيڭرۇي بىلاي دەپ باسا دارىپتەدى: كەزەكتە، بيڭتۋان قىزمەتى تىڭ تاريحي باستاماعا شىعىپ، جاڭا جورىققا قادام تاستادى. ساياسي جاۋاپكەرشىلىك ارقالاۋدى كۇشەيتىپ، ساياسي جاۋاپكەرشىلىكتى تياناقتاندىرىپ، نازاردى جاڭا داۋىردەگى بيڭتۋاننىڭ بورىش - مىندەتتەرىنە شوعىرلاندىرىپ، بيڭتۋاننىڭ رەفورماسىنىڭ، دامۋىنىڭ، ورنىقتىلىعىنىڭ جاڭا جاعدايىن قۇلشىنا اشۋ كەرەك. ءبىرىنشى، تۋى ايقىن تۇردە ساياسيدى دارىپتەۋ كەرەك. ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ەكىنى قورعاۋدى“ باتىل ورىنداپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرۋدى، تياناقتاندىرۋدى ەڭ ماڭىزدى ساياسي ءتارتىپ جانە ساياسي قاعيدا ەتىپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ەكىنشى، بيڭتۋاننىڭ وڭتۇستىككە قاراي دامۋىن بار كۇشپەن ىلگەرىلەتۋ كەرەك. ادىستە، تاسىلدە كۇش سالا جاڭالىق اشىپ، سەرپىلىستىك ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك. ءۇشىنشى، بيڭتۋان رەفورماسىن ۇزدىكسىز تەرەڭدەتۋ كەرەك. دۇرىس رەفورما بەتالىسىن يگەرىپ، تۋان - الاڭداردىڭ جالپىلىق سايكەستى رەفورماسىن تەرەڭدەتىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار، قازىنا - سالىق ءتۇزىلىسى سياقتى ءتۇيىندى سالالار مەن شەشۋشى بۋىندار رەفورماسىن ۇزدىكسىز ويداعىداي يگەرۋ كەرەك. ءتورتىنشى، مىندەت اتقارۋ قابىلەتىن ۇزدىكسىز كۇشەيتۋ كەرەك. لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى، مامانداندىرۋدى تىڭعىلىقتى ىلگەرىلەتىپ، ورنىقتىلىقتى قورعاپ، شەكارانى كۇزەتۋدى جۇزەگە اسىرۋ فورماسىندا ىزدەنىس جاساپ، جاڭالىق اشۋ كەرەك. بەسىنشى، جالپىلىق قۋاتتى جەدەل ۇلعايتۋ كەرەك. دامۋدى جالپىلىق قۋاتتى ارتتىرۋداعى، كوڭىلىن ورنىقتىرىپ، ادامدى الىپ قالۋدى جۇزەگە اسىرۋداعى، ەرەكشە بورىشتى اتقارۋداعى ءتۇيىن ەتۋگە تاباندى بولىپ، وسى زامانعى كاسىپ سالاسى جۇيەسىن جەدەل قۇرىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاپ، حالىق تۇرمىسىن زور كۇشپەن قامتاماسىزداندىرىپ جانە جاقسارتىپ، ەكونوميكانىڭ جوعارى ساپالى دامۋىن حالىقتى وزەك ەتە ىلگەرىلەتۋ كەرەك. التىنشى، بيڭتۋان مەن جەرگىلىكتى ورىننىڭ توعىسا دامۋىن بۇلجىماستان ىلگەرىلەتۋ كەرەك. بيڭتۋان مەن جەرگىلىكتى ورىن ءبىر تۇتاس جۇيە يدەياسىن بەرىك ورناتىپ، بىرلەسىپ ارەكەتتەنۋدى، سەلبەسۋدى جانە كەڭەسىپ سايكەسۋدى كۇشەيتىپ، بيڭتۋان مەن جەرگىلىكتى ورىننىڭ ەكونوميكا، مادەنيەت، قوعام، ورنىقتىلىقتى قورعاۋ، دارىندىلار سياقتى ءارقايسى جاقتاعى توعىسۋىن ىشكەرىلەي ىلگەرىلەتۋ كەرەك. جەتىنشى، بيڭتۋاننىڭ پارتيا قۇرىلىسىن جاپپاي كۇشەيتۋ كەرەك. جاسامپازدىق نازارياسىمەن قارۋلانۋدى كۇشەيتىپ، ءار دارەجەلى باسشىلىق القاسى مەن كادر - دارىندىلار قوسىنى قۇرىلىسىن كۇشەيتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تەرەڭدەتىپ، پارتيانى جاپپاي قاتاڭ باسقارۋدىڭ ۇزدىكسىز ىشكەرىلەي دامۋىن ىلگەرىلەتۋ كەرەك.
لي يفي بايانداماسىندا بيڭتۋاننىڭ 7 - رەتكى پارتيا قۇرىلتايىنان بەرگى نەگىزگى قىزمەتتەرگە قايىرىلا قاراپ، جاڭا داۋىردەگى بيڭتۋاننىڭ داڭقتى بورىشىن ىشكەرىلەي پايىمداپ، بۇدان كەيىنگى 5 جىلداعى قىزمەتتىڭ جەتەكشى يدەياسىن، كۇرەس نىساناسىن جانە باستى مىندەتتەرىن ايقىنداپ، جاڭا داۋىردەگى بيڭتۋاننىڭ پارتيا قۇرىلىسىن كۇشەيتۋ جونىندە تالاپ قويدى. ول بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، شينجياڭ قىزمەتى باس نىساناسىن مىقتى يگەرىپ، نازاردى بيڭتۋاننىڭ ورنىقتىلىقتى قورعاپ، شەكارانى كۇزەتۋدەگى قىزمەت جاۋاپكەرشىلىگىنە، بورىشىنا شوعىرلاندىرىپ، پارتيا قۇرۋ ۇلى رۋحىن اسقاقتاتىپ، بيڭتۋان رۋحى مەن توراڭعى رۋحىن، ساقا جاۋىنگەرلەر رۋحىن جالعاستىرىپ، جوعارى ساپالى دامۋدى نەگىزگى تاقىرىپ، رەفورمانى تەرەڭدەتۋدى قوزعاۋشى كۇش، بيڭتۋان مەن جەرگىلىكتى ورىننىڭ توعىسا دامۋىن جول، باسقارۋ جۇيەسى مەن باسقارۋ قابىلەتىن وسىزامانداندىرۋدى قامتاماسىزدىق ەتىپ، ەكونوميكانىڭ جوعارى ساپالى دامۋىن كۇشتى شوعىرلاندىرا ىلگەرىلەتىپ، وزىق وندىرگىش كۇشتەردەن ۇلگى كورسەتۋ رايونىن جەدەل قۇرىپ، ۇلتتاردىڭ ورتاق رۋحاني مەكەنىن كۇشتى شوعىرلاندىرا قالىپتاستىرىپ، وزىق مادەنيەتتەن ۇلگى كورسەتۋ رايونى مەن ءار ۇلت بۇقاراسىن ۇيىستىراتىن دومنا پەش تۇلعالاپ، حالىق تۇرمىسىن كۇشتى شوعىرلاندىرا قامتاماسىزداندىرىپ جانە جاقسارتىپ، بىرگە بايۋدى تىڭعىلىقتى ىلگەرىلەتىپ، كورىكتى بيڭتۋاندى كۇشتى شوعىرلاندىرا قۇرىپ، سانالىلىقپەن ويداعىداي ەكولوگيا قورعاۋشىسى بولىپ، زاڭمەن باسقارىلاتىن بيڭتۋان قۇرۋعا كۇش سالىپ، بيڭتۋاندى زاڭمەن باسقارۋ قابىلەتى ورەسىن جاپپاي جوعارىلاتىپ، رەفورمانىڭ تەرەڭدەۋىن كۇشتى شوعىرلاندىرا ىلگەرىلەتىپ، بيڭتۋاننىڭ ءتۇزىلىسىنىڭ، مەحانيزمىنىڭ جاڭا باسىمدىقتارىن سومداپ، بيڭتۋاندى وسىزامانداندىرۋ قۇرىلىسىن جەدەل ىلگەرىلەتىپ، جاڭا داۋىردەگى بيڭتۋاننىڭ پارتيا قۇرىلىسىن ۇزدىكسىز كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋ كەرەك.
