تيانشان تورى
تيانشان تورى   ›   جاڭالىقتار   ›   شينجياڭ حابارلارى

قامداۋدى قامتاماسىز ەتۋ ”كەشەندى شاراسىن“ ويداعىداي جۇرگىزىپ، ەنەرگيامەن حاۋىپسىز قامداۋعا شىنايى كەپىلدىك ەتۋ كەرەك

اۆتونوميالى رايوننىڭ ەنەرگيامەن قامداۋدى قامتاماسىز ەتۋدىڭ جازعى مەزگىلدەگى جوعارى شەگىن قارسى الۋ قىزمەتى جونىندەگى تەلەۆيزور - تەلەفون ءماجىلىسى اشىلدى

قامداۋدى قامتاماسىز ەتۋ ”كەشەندى شاراسىن“ ويداعىداي جۇرگىزىپ، ەنەرگيامەن حاۋىپسىز قامداۋعا شىنايى كەپىلدىك ەتۋ كەرەك

  انار بۇلت \ شينجياڭ گازەتىنىڭ ءتىلشىسى لي ياڭ 6 - ايدىڭ 15 - كۇنى ۇرىمجىدەن حابارلايدى. 6 - ايدىڭ 15 - كۇنى تۇستەن كەيىن اۆتونوميالى رايوننىڭ ەنەرگيامەن قامداۋدى قامتاماسىز ەتۋدىڭ جازعى مەزگىلدەگى جوعارى شەگىن قارسى الۋ قىزمەتى جونىندەگى تەلەۆيزور - تەلەفون ءماجىلىسى اشىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: جەر - جەر، تاراۋلار ساياسي دەڭگەيدى جوعارىلاتىپ، باس شۋجي شي جينپيڭنىڭ قاتىستى ماڭىزدى ءسوزىنىڭ جانە نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، ەنەرگيامەن قامداۋدى قامتاماسىز ەتۋدىڭ جازعى مەزگىلدەگى جوعارى شەگىن قارسى الۋ قىزمەتى جونىندەگى مەملەكەتتىك تەلەۆيزور - تەلەفون ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارىنا، تالاپتارىنا ساي، ەنەرگيامەن قامداۋدى قامتاماسىز ەتۋ قىزمەتىن شىنايى ويداعىداي ىستەۋدى حالىق تۇرمىسىن قامتاماسىز ەتەتىن ماڭىزدى مازمۇن، ەكونوميكانىڭ، قوعامنىڭ جوعارى ساپالى دامۋىنا تىرەك بولاتىن ماڭىزدى نەگىز، ەكونوميكانىڭ جالپى جاعدايىن ورنىقتىراتىن ماڭىزدى قامتاماسىزدىق ەتىپ، حالىق تۇرمىسىن الدىڭعى ورىنعا قويۋعا تاباندى بولىپ، شينجياڭ ءىشىن قامداۋدى قامتاماسىز ەتۋدى تياناق ەتىپ، مەملەكەتتىڭ كەلەلى جاعدايىنا قىزمەت ەتىپ، تۇتاس رايوننىڭ كومىر، ەلەكتر، مۇناي، گاز اينالىمىن ءبىر تۇتاس جوسپارلاپ، رايونىمىزدىڭ جانە بۇكىل ەلدىڭ ەكونوميكاسىنىڭ، قوعامىنىڭ جوعارى ساپالى دامۋىنا پارمەندى تىرەك ازىرلەۋ كەرەك.

  ءماجىلىس مىنالاردى باسا دارىپتەدى: مەملەكەتتىڭ ماڭىزدى ەنەرگيامەن قامداۋدى قامتاماسىز ەتۋ بازاسىنىڭ ءبىرى رەتىندە، شينجياڭ ءوندىرىستى ورنىقتىرىپ، قامداۋدى قامتاماسىز ەتۋ ”كەشەندى شاراسىن“ ويداعىداي جۇرگىزىپ، ەنەرگيا حاۋىپسىزدىگىن قامتاماسىز ەتۋ قابىلەتىن كۇش سالا جوعارىلاتىپ، ”شينجياڭنىڭ ەلەكترىن سىرتقا جەتكىزۋ“، ”شينجياڭنىڭ كومىرىن سىرتقا تاسۋ“ سياقتى كەلەلى ستراتەگيالاردىڭ اتقارىلۋىنا ءونىمدى تىرەك بولىپ، بۇكىل ەلدىڭ ەنەرگيامەن قامداۋدى قامتاماسىز ەتۋىنە جانە مەملەكەتتىڭ ەنەرگيا حاۋىپسىزدىگىنە ۇلەس قوسۋ كەرەك. كومىرمەن قامداۋ قۋاتىن جەدەل جوعارىلاتىپ، ءتۇيىندى كومىر وندىرەتىن وڭىرلەردىڭ قامداۋدى قامتاماسىز ەتۋدەگى نەگىزگى كۇش رولىن تولىق ساۋلەلەندىرىپ، ءىرى تيپتى كومىرمەن قامداۋ، قامتاماسىز ەتۋ بازاسى قۇرىلىسىن جەدەلدەتىپ، كومىر بايلىعىن اشۋدى، پايدالانۋدى ءونىمدى جەبەۋ كەرەك. تىڭنان ارتقان جاڭا ەنەرگيانى توراپپەن تۇتاستىرۋ مىندەتىن جالپى بەتتىك ويداعىداي تياناقتاندىرىپ، الدەقاشان تەكسەرىپ بەكىتىلگەن تىرەكتى كومىر ەلەكتر نىساندارىنىڭ سالىنىپ ءبىتىپ، وندىرىسكە قوسىلۋىن كۇش سالا ىلگەرىلەتۋ كەرەك. سۋ ەلەكتر اگراگاتتارىن رەتتەۋدى ەڭ جوعارى شەگىن رەتتەۋ قىزمەتىن كۇشەيتىپ، اگراگاتتاردىڭ اشۋعا تيىستىلەرىن تۇگەلدەي اشۋعا، كوپ جونەلتۋگە، تولىق جونەلتۋگە شىنايى كەپىلدىك ەتۋ كەرەك. مۇناي، گاز ءوندىرىس مولشەرى كولەمىن ۇزدىكسىز كەڭەيتىپ، ءىرى تيپتى مۇناي، گاز الابىن اشۋ تەبىنىن ارتتىرىپ، ءتۇيىندى مۇناي، گاز بارلاۋ، اشۋ نىساندارى قۇرىلىسىن جەدەل ىلگەرىلەتىپ، تابيعي گازبەن ورنىقتى قامداۋعا شىنايى كەپىلدىك ەتۋ كەرەك. شينجياڭ ىشىندەگى ەنەرگيانى سىرتقا جەتكىزۋدى بەلسەنە ىلگەرىلەتىپ، ”شينجياڭنىڭ ەلەكترىن سىرتقا جەتكىزۋ“ ارناسى رولىن تولىق ساۋلەلەندىرىپ، ”باتىستىڭ گازىن شىعىسقا جەتكىزۋ“ 4 - جەلى ينجەنەرياسى قۇرىلىسىن جەدەلدەتىپ، ”شينجياڭنىڭ كومىرىن سىرتقا تاسۋ“، ”شينجياڭنىڭ ەلەكترىن سىرتقا جەتكىزۋ“ كومەسكى كۇشىن ەڭ جوعارى شەكتە اشىپ، مەملەكەتتىڭ كەلەلى جاعدايىنا اناعۇرلىم ويداعىداي قىزمەت ەتۋ كەرەك. ءوندىرىس حاۋىپسىزدىگى قىزمەتىن كۇشەيتۋگە تاباندى بولىپ، اۋىر، ەرەكشە اۋىر حاۋىپسىزدىك شىرعالاڭدارىن باتىل تەجەپ، ەنەرگيامەن ورنىقتى قامداۋعا حاۋىپسىزدىك قامتاماسىزدىعىن ازىرلەۋ كەرەك.

  ءماجىلىس مىنالاردى تالاپ ەتتى: جەر - جەر، تاراۋلار ءبىر تۇتاس جوسپارلاپ، ورنالاستىرىپ، بىرگە كۇش سالىپ، قىزمەت وتەۋ قامتاماسىزدىعىن كۇشەيتىپ، قۋزاپ تياناقتاندىرۋدى قاتايتىپ، ۇگىتتەۋدى، جەتەكشىلىك ەتۋدى ويداعىداي ىستەپ، ەنەرگيامەن قامداۋدى قامتاماسىز ەتۋ قىزمەتىن ءتارتىپتى، پارمەندى ىلگەرىلەتۋگە شىنايى كەپىلدىك ەتۋ كەرەك.

  چىن ۋيجۇن، ءيۇسۇپجان مامەت، ەلزات احمەتجان، چىن ميڭگو، سۇن حۇڭمەي، ليۋ سۋشى ماجىلىسكە قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.