شينحۋا اگەنتتىگى كولەمدى شولۋ جاريالادى
«مويىماس قايسارلىقپەن تىڭعىلىقتى ىستەپ، نۇرلى بولاشاق اشتى − باس شۋجي شي جينپيڭنىڭ جۇڭگو ەكونوميكاسىنىڭ، قوعامىنىڭ دامىپ، ورنىقتىلىق بارىسىندا ىلگەرىلەۋىنە جەتەكشىلىك ەتكەندىگى جونىندە شولۋ»
شينحۋا اگەنتتىگىنىڭ 6 - ايدىڭ 16 - كۇنى بەيجيڭنەن بەرگەن حابارى. شينحۋا اگەنتتىگى 6 - ايدىڭ 16 - كۇنى «مويىماس قايسارلىقپەن تىڭعىلىقتى ىستەپ، نۇرلى بولاشاق اشتى − باس شۋجي شي جينپيڭنىڭ جۇڭگو ەكونوميكاسىنىڭ، قوعامىنىڭ دامىپ، ورنىقتىلىق بارىسىندا ىلگەرىلەۋىنە جەتەكشىلىك ەتكەندىگى جونىندە شولۋ» اتتى كولەمدى شولۋ جاريالادى.
ماقالادا بىلاي دەلىندى: بيىل جىل باسىنان بەرى جاڭا تيپتى ايدارشا ۆيرۋس وكپە قابىنۋ ىندەتى مەن ۋكراينا داعدارىسى حاۋىپ - قاتەردى، سىن - سايىستى كوبەيتىپ، ەلىمىز ەكونوميكاسىنىڭ دامۋ ورتاسىنىڭ كۇردەلىلىگى، قاتاڭدىعى، تۇراقسىزدىعى ارتتى.
ماقالادا مىنالار اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتى حالىقارانىڭ، ەل ءىشىنىڭ كەلەلى جاعدايىن، ۇلكەن اۋقىمىن تەرەڭ باعامداپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، جۇڭگو ەكونوميكاسى سىندى وسى الىپ كەمەنىڭ جوعارى ساپالى دامۋدىڭ جولىمەن تولقىن جارا العا تارتىپ، ورنىقتى قاداممەن الىستارعا جەتۋىنە جەتەكشىلىك ەتتى.
باس شۋجي شي جينپيڭ اتاپ كورسەتكەندەي: ەلىمىزدىڭ دامۋىندا ءبىر مەزگىلدەگى بىرەر ىسكە بولا تولقۋ بولادى، ءبىراق ۇزاق بولاشاقتان قاراعاندا ءالى دە شىعىس جەلى ايبىندى بولادى. ”جۇڭگو ەكونوميكاسى ۇزاق ۋاقىت جاقسارۋداي نۇرلى بولاشاققا يە“!
ماقالا 3 بولىككە بولىنگەن: ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ، بۇل پارتيا ورتالىق كوميتەتىنىڭ ايقىن تالابى“؛ ”تاباندىلىقتى ساقتاپ، سەنىمدى نىعايتىپ، زەيىن - زەردەنى شوعىرلاندىرا وتىرىپ ءوز ءىسىمىزدى جاقسى ىستەۋ ءتۇرلى حاۋىپ - قاتەرلەر مەن سىن - سايىستارعا توتەپ بەرۋىمىزدىڭ تەتىگى“؛ ”مەيلى قانداي قيىنشىلىققا جولىقساق تا، حالىقتى وزەك ەتكەن دامۋ يدەياسىنا تاباندى بولۋىمىز كەرەك“.
ماقالادا بىلاي دەلىندى: بيىل مەملەكەتتىك ەكى ءماجىلىس كەزىندە باس شۋجي شي جينپيڭ ”بەس ءسوزسىز باسىپ وتەتىن جول“ كەلەلى تۇجىرىمىن جاساۋمەن قاتار، ەلىمىزدىڭ دامۋىندا ءالى دە بار ”بەس ستراتەگيالىق ءتيىمدى شارت - جاعدايدى“ العا قويدى ءارى ايقىن ءتۇسىندىردى −
”جۇڭگو كوممۋنيستىك پارتياسىنىڭ پارمەندى باسشىلىعى بار“، ”جۇڭگوشا سوتسياليستىك ءتۇزىمنىڭ كورنەكتى ابزالدىلىعى بار“، ”باياندى، تەز دامۋ قوردالىلاندىرعان مىعىم نەگىز بار“، ”ۇزاق ۋاقىت ورنىقتى بولعان قوعامدىق ورتا بار“، ”وزىنە سەنۋ، ءوزىن الۋەتتەندىرۋ سىندى رۋحاني كۇش - قۋات بار“.
ماقالادا مىنالار اتاپ كورسەتىلدى: جاڭا ساپاردا سان ميلليونداعان جۇڭحۋا پەرزەنتتەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ”ءتيىمدى شارت - جاعدايدان“ ويداعىداي پايدالانىپ، ”ءسوزسىز باسىپ وتەتىن جولدى“ جاقسى باسىپ، تولقىن جارا باتىلدىقپەن العا تارتسا، جۇڭحۋا ۇلتىنىڭ ۇلى گۇلدەنۋىن كەرى قايتارۋعا بولمايتىن تاريحي بارىستا، ءسوز جوق، جاڭا دامۋ كەرەمەتتەرىن جاراتا الادى!
