ي ليانحۇڭ، ما شيڭرۇي قاتىستى قيمىلدارعا قاتىناستى
6 - ايدىڭ 16 - كۇنىنەن 17 - كۇنىنە دەيىن، جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەردى، ۇشتاستىردى. سۋرەتتە: 6 - ايدىڭ 16 - كۇنى جياڭشي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ي ليانحۇڭ، اۆتونوميالى رايوندىق پارتكومنىڭ شۋجيى ما شيڭرۇي اقتاۋ اۋدانى شارلۇڭ قالاشىعى كۇنلۇن جيايۋان شاعىن اۋماعىنا بارىپ، اشىر تايىردىڭ ۇيىندە وتباسىنداعىلارمەن قورالانا وتىرىپ اڭگىمە دۇكەنىن قۇرىپ، ولاردىڭ ۇيرەنۋ، تۇرمىس، قىزمەت جاعدايلارىن ۇعىستى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 6 - ايدىڭ 17 - كۇنى اقتاۋدان حابارلايدى. 6 - ايدىڭ 16 - كۇنىنەن 17 - كۇنىنە دەيىن، جياڭشي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ي ليانحۇڭ جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى ما شيڭرۇي قاتىستى قيمىلدارعا قاتىناستى.
شينجياڭداعى كەزىندە جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسى قىزىلسۋ قىرعىز اۆتونوميالى وبلىسىنىڭ اقتاۋ اۋدانىندا بولىپ، مەكتەپ، كەدەيلەردى قونىس جاڭالاپ سۇيەمەلدەۋ بويىنشا ورنالاستىرۋ شاعىن اۋماعى، قۇرىلعىلى اۋىل شارۋاشىلىعى بازاسى، شينجياڭعا كومەكتەسۋ الدىڭعى شەپ قولباسشىلىق شتابى سياقتى جەرلەرگە بارىپ، شينجياڭعا كومەكتەسۋ نىساندارىن تەكسەرىپ، نەگىزگى ساتىداعى بۇقارادان جاعداي ۇعىسىپ، شينجياڭعا كومەككە كەلگەن كادر، دارىندىلارعا امانداستى.
6 - ايدىڭ 17 - كۇنى تۇستەن بۇرىن جياڭشي ولكەسى. شينجياڭ ۇيعۇر اۆتونوميالى رايونىنىڭ باعىتتامالى كومەكتەسۋ قىزمەتى اڭگىمە ءماجىلىسى اقتاۋ اۋدانىندا اشىلدى. ما شيڭرۇي اۆتونوميالى رايوندىق پارتكوم مەن ۇكىمەت، سونداي - اق بۇكىل شينجياڭداعى ءار ۇلت حالقى اتىنان جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلىپ قىزمەت تەكسەرگەندىگىن قىزۋ قارسى الاتىندىعىن ءبىلدىرىپ، جياڭشي ولكەسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتكەندىگىنە جانە قالتقىسىز كومەكتەسكەندىگىنە شىن جۇرەكتەن العىس ايتتى. ما شيڭرۇي بىلاي دەدى: جياڭشي ولكەلىك پارتكوم مەن ولكەلىك ۇكىمەت شينجياڭعا باعىتتامالى كومەكتەسۋ قىزمەتىن كەلەلى ساياسي جاۋاپكەرشىلىك ەتۋگە تاباندى بولىپ، نازاردى حالىق تۇرمىسىن جاقسارتۋ، اقىل - پاراسات جاعىنان شينجياڭعا كومەكتەسۋ، كاسىپ سالاسىن دامىتۋ، شينجياڭدى مادەنيەتپەن نارلەندىرۋ، ىنتىماقتى نىعايتۋ سياقتى ءتۇيىندى مىندەتتەرگە اۋدارىپ بار كۇشىمەن كومەكتەستى. جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، ىلگەرىندى - كەيىندى 4 توپتا 458 كادر، دارىندى جىبەرىپ، شينجياڭعا كومەكتەسۋگە جيىنى 2 ميلليارد 897 ميلليون يۋان قارجى جۇمساپ، شينجياڭعا كومەكتەسۋ نىسانىنان 218ىن اتقارىپ، شينجياڭنىڭ رەفورماسىن، دامۋىن، ورنىقتىلىعىن جەبەۋگە بەلسەندى ۇلەس قوستى. جياڭشي، شينجياڭ ەكى جەردىڭ باسىمدىعىن اناعۇرلىم ساۋلەلەندىرىپ، ەكونوميكالىق ىستەستىك پەن كاسىپ سالالارىن ءتۇيىلىستىرۋدى تەرەڭدەتىپ، اۋىل شارۋاشىلىعىن، اۋىل - قىستاقتى وسىزامانداندىرۋ، مادەنيەت - ساياحات شارۋاشىلىعى، جۇڭي شيپاگەرلىك، ءدارى - دارمەك سياقتى كاسىپ سالالارى مەن اۋىل - قىستاقتىڭ جالپى بەتتىك گۇلدەنۋى، كادرلار مەن بۇقارانىڭ اۋىس - كۇيىسى سياقتى جاقتاردا سەلبەستىكتى كۇشەيتىپ، شينجياڭعا باعىتتامالى كومەكتەسۋ قىزمەتىنىڭ اناعۇرلىم سۇبەلى جەتىستىكتەرگە قول جەتكىزۋىن ىلگەرىلەتۋىن ءۇمىت ەتەمىن.
ما شيڭرۇي بىلاي دەپ اتاپ كورسەتتى: شينجياڭ ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ەكىنى قورعاۋدى“ باتىلدىقپەن ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ جانە 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ ورنالاستىرۋلارى بويىنشا، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، تۇلعالىق رولدى شىنايى ساۋلەلەندىرىپ، ناقتى ىستەر سەلبەستىگىن تەرەڭدەتىپ، شينجياڭعا كومەكتەسۋ قىزمەتىنىڭ ورىستەتىلۋىنە قۇلشىنا تاماشا شارت - جاعداي ازىرلەپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتىپ، ءىس جۇزىندىك ارەكەتىمەن پارتيا ورتالىق كوميتەتىنىڭ قامقورلىعىنا، مەيىرىنە جانە شينجياڭعا باعىتتامالى كومەكتەسكەن ولكە، قالالاردىڭ تەرەڭ دوستىق سۇيىسپەنشىلىگىنە العىس ايتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الادى.
ي ليانحۇڭ اۆتونوميالى رايوننىڭ ۇزاق ۋاقىتتان بەرى جياڭشيدىڭ ەكونوميكالىق، قوعامدىق دامۋىنا قولداۋ، كومەك كورسەتكەندىگىنە العىس ايتتى. ول بىلاي دەپ اتاپ كورسەتتى: بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم، ۇكىمەت جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بۇلجىماستان دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، شينجياڭنىڭ كەلەلى جاعدايىنىڭ ۇزدىكسىز ورنىقتىلىعىن، دامۋىنىڭ ۇزدىكسىز جاقسى بولۋىن ىلگەرىلەتتى، بۇل ءبىزدىڭ ۇيرەنۋىمىزگە، ۇلگى الۋىمىزعا تاتيدى. جياڭشي بۇكىل مەملەكەت بويىنشا شينجياڭعا ەڭ ەرتە كومەكتەسكەن ولكەلەردىڭ ءبىرى رەتىندە، 25 جىلدان بەرى باستان - اياق بار كۇش - قايراتىن سارقا جۇمساعان قولداۋ سەرپىنىمەن، ”حالىق تۇرمىسىندا كىشكەنە ءىس بولمايدى، بارلىق ىسكە بىردەي كوڭىل ءبولۋ كەرەك“ دەيتىن ىقىلاستى مەيىرىممەن جانە ”جياڭشي مەن شينجياڭ ءبىر وتباسىنداي ەتەنە، سەنترلەس شەڭبەردى بىرگە سىزادى“ دەيتىن تەرەڭ سۇيىسپەنشىلىكپەن اقتاۋدىڭ ەكونوميكالىق، قوعامدىق دامۋىنىڭ ۇزدىكسىز جاقسارۋىن، ءار ۇلت بۇقاراسى تۇرمىسىنىڭ ۇزدىكسىز جاقسارۋىن، حالىق تىلەگىنىڭ ۇيىسۋىنىڭ ۇزدىكسىز تەرەڭدەۋىن دەمەپ، ورتالىقتىڭ تالاپتارىن تياناقتاندىراتىن، جەرگىلىكتى ورىننىڭ ءىس جۇزىندىك جاعدايىنا تىعىز جاناساتىن، جياڭشي ەرەكشەلىگىنە يە شينجياڭعا كومەكتەسۋدىڭ جاڭا جولىمەن ءجۇردى.
ي ليانحۇڭ مىنالاردى ءبىلدىردى: باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭعا باعىتتامالى كومەكتەسۋدىڭ ساياسي دەڭگەيىن شىنايى جوعارىلاتۋ، ”ەكىنى تۇراقتاندىرۋدى“ تاباندىلىقپەن دايەكتىلەندىرىپ، ”ەكىنى قورعاۋدى“ ورىنداپ، جۇرت تىلەگىن، كۇش - قۋاتىن اناعۇرلىم ويداعىداي ۇيىستىرىپ، ۇلتتار ىنتىماعىن نىعايتىپ، جياڭشي ەرەكشەلىگىن اناعۇرلىم كورنەكتىلەندىرىپ، جياڭشي ماركاسىن قالىپتاستىرۋ كەرەك. حالىق تۇرمىسى جاعىندا شينجياڭعا كومەكتەسۋ باعدارىن كۇشەيتىپ، وقۋ - اعارتۋ، ەمدەۋ، نەگىزدىك قۇرىلعى سياقتى بۇقارا ۋايىمدايتىن ىستەردى ءبىر تۇتاس جوسپارلاپ ويداعىداي ىستەۋ؛ شينجياڭعا كاسىپ سالاسى ارقىلى كومەكتەسۋدىڭ نەگىزىن بەكەمدەپ، ەرەكشە كاسىپ سالالارىن دامىتۋعا بەلسەنە دەم بەرۋ. اقىل - پاراسات جاعىنان شينجياڭعا كومەكتەسۋ ءتاسىلىن جاڭالاپ، ”ۇيىرمە قۇراۋ فورماسىنداعى“ شينجياڭعا كومەكتەسۋ سالاسىن جانە ونىمدىلىگىن ۇزدىكسىز كەڭەيتۋ؛ شينجياڭدى ىنتىماقتاسا ورنىقتىرۋ نەگىزىن بەكەمدەپ، جياڭشي مەن شينجياڭنىڭ ەكى باعىتتاعى اۋىس - كۇيىسىن نىعايتۋ؛ شينجياڭدى مادەنيەتپەن نارلەندىرۋدى تەرەڭدەتە ءتۇسىپ، جياڭشي مەن شينجياڭنىڭ تاڭداۋلى وڭىرلىك مادەنيەتىنىڭ ءوز كوركەمدىكتەرىن ايگىلەۋىن، كوركەمدىكتەرىنەن تەڭ يگىلىكتەنۋىن ىلگەرىلەتىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىنىڭ جاڭا تاراۋىن كۇش سالا جازۋ كەرەك.
اڭگىمە ماجىلىستە كومەكتەسكەن، كومەككە يە بولعان ەكى جاقتىڭ قاتىستى جاۋاپتى جولداستارى رەفورما، دامۋ، ورنىقتىلىق جانە باعىتتامالى كومەكتەسۋ قىزمەتى جاعدايى جونىندە جەكە - جەكە مالىمەت جاسادى، شينجياڭعا كومەكتەسكەن كادر، دارىندىلاردىڭ ۋاكىلدەرى ءسوز سويلەدى، تارتۋ ۇسىنۋ سالتى وتكىزىلدى.
جياڭشي ولكەسىنىڭ باسشىلارىنان لياڭ گۇي، ما سىنشۋ، شى ۋىنبين، اۆتونوميالى رايون باسشىلارىنان تيان شياڭلي، چىن ۋيجۇن، قادەن كابەن قاتارلىلار جوعارىداعى قيمىلدارعا قاتىناستى.
