تيانشان تورى   ›   جاڭالىقتار   ›   ماڭىزدى حابارلار

شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتۋ قابىلەتى مەن ورەسىن جوعارىلاتىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىنىڭ، ۇزاققا سوزىلاتىن شايقاسىنىڭ جالپى بەتتىك جەڭىسىنە قول جەتكىزۋ كەرەك

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 40 - رەتكى توپتىق ۇيرەنۋىندە بىلاي دەپ باسا دارىپتەدى

شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتۋ قابىلەتى مەن ورەسىن جوعارىلاتىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىنىڭ، ۇزاققا سوزىلاتىن شايقاسىنىڭ جالپى بەتتىك جەڭىسىنە قول جەتكىزۋ كەرەك

  شينحۋا اگەنتتىگىنىڭ 6 - ايدىڭ 18 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 6 - ايدىڭ 17 - كۇنى تۇستەن كەيىن شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتۋ جونىندە 40 - رەتكى توپتىق ۇيرەنۋ جۇرگىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: شىرىكتەسۋگە قارسى تۇرۋ كۇرەسى حالىق تىلەگى سىندى ەڭ زور ساياسيعا سايادى، جەڭىلىستى كوتەرمەيتىن ءارى استە جەڭىلۋگە بولمايتىن كەلەلى ساياسي كۇرەس. جاڭا جاعدايداعى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى جونىندەگى تانىمدى تەرەڭدەتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتۋ قابىلەتى مەن ورەسىن جوعارىلاتىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىنىڭ، ۇزاققا سوزىلاتىن شايقاسىنىڭ جالپى بەتتىك جەڭىسىنە قول جەتكىزۋ كەرەك.

  ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى دەلو باقىلاۋ - باسقارۋ كەڭسەسىنىڭ مەڭگەرۋشىسى ليۋ مەيپين وسى ماسەلە جونىندە ءتۇسىندىرۋ جاساپ، قىزمەت ۇسىنىستارىن ورتاعا قويدى. ورتالىق كوميتەت ساياسي بيۋروسىنداعى جولداستار ءتۇسىندىرۋدى مۇقيات تىڭدادى ءارى تالقى جۇرگىزدى.

  شي جينپيڭ ۇيرەنۋدى باسقارعاندا ماڭىزدى ءسوز سويلەدى. ول بىلاي دەپ باسا دارىپتەدى: باتىلدىقپەن وزىنە - ءوزى توڭكەرىس جاساۋ پارتيانىڭ 100 جىلدىق كۇرەستە جەتىلدىرگەن ايقىن قاسيەتى. ءارقايسى تاريحي مەزگىلدە پارتيا پارتيانى قاتاڭ باسقارۋعا، پارتيانى قاتاڭ جونگە سالۋعا تاباندى بولدى. جاڭا داۋىرگە وتكەندە ءبىز شىرىكتەسۋگە قارسى تۇرۋ كۇرەسىن ىلگەرىلەتۋ جونىندە ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى ورتاعا قويىپ، پارتيانى جاپپاي قاتاڭ باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا كىرگىزىپ، وزىنە - ءوزى توڭكەرىس جاساۋعا سۇيەنىپ تاريح پەريوتىنان اتتاپ ءوتۋدىڭ ءونىمدى جولىن ىزدەپ تاپتىق. پارتيا بۇرىن بولىپ كورمەگەن شىرىكتەسۋگە قارسى تۇرۋ، پاكتىكتى دارىپتەۋ كۇرەسى ارقىلى حالىق بۇقاراسىمەن ەتەنە بايلانىستى ساقتاۋدىڭ، حالىقتىڭ شىن جۇرەكتەن قولداۋىنىڭ تاريحي ىرىقتىلىعىن قولعا كەلتىردى، بۇكىل پارتيانىڭ وسكەلەڭ ىنتىماقتى، بىرلىكتى بولۋىنىڭ، ءداۋىردىڭ الدىڭعى لەگىندە ءجۇرۋىنىڭ، حالىقتى باستاپ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنىڭ تاريحي ىرىقتىلىعىن قولعا كەلتىردى.

  شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى ءبىز شىرىكتەسۋگە قارسى تۇرۋ كۇرەسىندە كورنەكتى ونىمدىلىكتەرگە قول جەتكىزىپ، ماڭىزدى تاجىريبەلەر توپتادىق. ءبىرىنشى، پارتيا جاپپاي باسشىلىق ەتكەن شىرىكتەسۋگە قارسى تۇرۋ قىزمەتى ارناسىن ورناتىپ، پارتيا ورتالىق كوميتەتى ءبىر تۇتاس باسشىلىق ەتەتىن، ءار دارەجەلى پارتكومدار ءبىر تۇتاس جوسپارلاپ قولباسشىلىق ەتەتىن، ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ۇيىمداستىراتىن، سايكەستىرەتىن، فۋنكتسيالىق تاراۋلار جوعارى ونىمدىلىكپەن سايكەسەتىن، حالىق بۇقاراسى ات سالىساتىن، قولدايتىن شىرىكتەسۋگە قارسى تۇرۋ قىزمەتى ءتۇزىلىس - مەحانيزمىن اقاۋسىزداندىردىق. ەكىنشى، ۇستىنەن وڭاۋدان باستاپ كىرىسىپ، تۇبىرىنەن وڭاۋدى ۇستىنەن وڭاۋعا قامتىپ، پارتيالى كادرلاردىڭ يمەنۋ سەبەبىنەن ”باتىلدىق ەتپەۋىنە“، ءتۇزىم سەبەبىنەن ”مۇمكىندىك بەرمەۋىنە“، ويانۋ سەبەبىنەن ”ويىنا الماۋىنا“ مۇمكىندىك جاسادىق. ءۇشىنشى، قاتاڭ بولۋ نەگىزگى اۋەنىنەن بۇلجىماۋعا باستان - اياق تاباندى بولىپ، شىرىكتەسۋدى استە راقىم ەتپەۋ پوزيتسياسىمەن جازالاپ، مولشەرىنىڭ ارتۋىن باتىل تەجەپ، ساقتالىمدى ازايتىپ، پارتيانىڭ نازارياسى مەن لۋشيان، باعىت، ساياساتىنىڭ دايەكتىلەندىرىلۋىنە، اتقارىلۋىنا كەدەرگى بولىپ، پارتيانىڭ بيلىك جۇرگىزۋ نەگىزىن اۋىر زيانداعان شىرىكتەسۋ ماسەلەلەرىن قاتاڭ تەكسەرىپ ءبىر جاقتى ەتىپ، پارتياعا كورنەۋدە بويسۇنعانسىپ، كومەسكىدە قارسى تۇرعان ەكىبەتكەيلەردى، ءوزىن تەجەمەگەن، قولىن تارتپاعان شىرىكتەسكەن ەلەمەنتتەردى باتىل الاستاپ، ءتۇيىندى سالالارداعى شىرىكتەسۋگە قارسى تۇرۋ قىزمەتىن تەرەڭدەتىپ، پوزيتسيانى وزگەرتپەدىك، بەكىمدى كەمىتپەدىك، ولشەمدى بوساتپادىق. ءتورتىنشى، شىرىكتەسۋدەن ساقتانۋدىڭ جانە ونى جونگە سالۋدىڭ ءتۇزىم تورىن بەكەمدەپ، پارتيا ىشىندەگى ءبىرشاما كەمەلدى زاڭ ەرەجە جۇيەسى مەن شىرىكتەسۋگە قارسى تۇرۋ زاڭ جۇيەسىن قالىپتاستىرىپ، ءتۇزىمنىڭ قاتاڭدىعىن كۇشەيتىپ، ”سىنعان تەرەزەلەر اسەرىنەن“ ساقتانىپ، ءتارتىپ اتقارۋدى، زاڭ اتقارۋدى ساباقتاستىرىپ، جالپىلىق ونىمدىلىكتى كۇشەيتىپ، زاڭ ەرەجە، تۇزىمدەردىڭ تياناقتانىپ تامىر تارتۋىنا شىنايى كەپىلدىك ەتتىك. بەسىنشى، شىرىكتەسۋدەن اۋلاق بولىپ، ازعىنداۋدان ساقتانۋدىڭ يدەيالىق توسپاسىن بەرىك ورناتىپ، مۇرات - سەنىم ارقىلى نەگىزدى كۇشەيتىپ، تاعاندى بەكەمدەپ، پارتيانىڭ جاسامپاز نازارياسىمەن بۇكىل پارتيانى قارۋلاندىرىپ، تاڭداۋلى ءداستۇرلى مادەنيەتپەن كوڭىلدى دۇرىستاپ، ءمورالدى ايقىنداپ، رۋحاني ”كالتسيدى“ تولىقتاپ، يدەيا ”جانىن“ بەكەمدەپ، يدەيا - ءمورال ساقتىق شەبىن بەكەمدەدىك. التىنشى، ۇقىقتىڭ جۇرگىزىلۋىن تەجەۋدى جانە باقىلاۋدى كۇشەيتىپ، پارتيانىڭ ءتارتىپ تەكسەرۋ ءتۇزىلىسى رەفورماسىن، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، پارتيا ىشىندەگى باقىلاۋمەن جاپپاي قامتۋدى، ۇكىمەت قىزمەتكەرلەرىن باقىلاۋمەن جاپپاي قامتۋدى جۇزەگە اسىرىپ، پارتيانىڭ ءوزىن - ءوزى باقىلاۋىن جانە بۇقارالىق باقىلاۋدى كۇشەيتىپ، ماسەلەنى بايقاۋدى، رەتتەۋ - تۇزەتۋدى ىلگەرىلەتۋدى، رەفورمانى جەبەۋدى، ءتۇزىمدى كەمەلدەندىرۋدى ساباقتاستىرىپ، پارتيالى كادرلاردى ۇقىقتى ادىلدىكپەن ىستەتۋگە، ۇقىقتى زاڭ بويىنشا ىستەتۋگە، ۇقىقتى پاكتىكپەن ىستەتۋگە، ۇقىقتى حالىق ءۇشىن ىستەتۋگە تاربيەلەدىك، جەتەكتەدىك.

  شي جينپيڭ بىلاي دەپ باسا دارىپتەدى: شىرىكتەسۋ پارتيا ىشىندەگى ءتۇرلى ناشار فاكتورلاردىڭ ۇزاق ۋاقىت جيناقتالۋىنىڭ، ۇزدىكسىز اسقىنۋىنىڭ بەينەسى، شىرىكتەسۋگە قارسى تۇرۋ دەگەنىمىز پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىن زياندايتىن ءتۇرلى اۋرۋ قوزدىرعىشتارمەن كۇرەسۋ بولىپ تابىلادى. مۇنداي كۇرەس ەرەكشە كۇردەلى، ەرەكشە جاپالى، تيتتەي دە شەگىنۋگە، ىمىرالاسۋعا بولمايدى، ءسوز جوق، ماسەلەگە تۋرا قارايتىن ەرلىك پەن پىشاقتىڭ ءدۇزىن ىشكە قاراتاتىن تاباندىلىقتى باستان - اياق ساقتاپ، ۋلى وسپەنى جويۋعا، ۋىت قاينارىن الاستاۋعا، ۋىتىن ارىلتۋعا تاباندى بولىپ، پارتيانىڭ سيپاتىنىڭ ماڭگى وزگەرمەۋى ارقىلى قىزىل بيلىك ءتۇسىنىڭ ماڭگى وزگەرمەۋىنە شىنايى كەپىلدىك ەتۋ كەرەك.

  شي جينپيڭ بىلاي دەپ اتاپ كورسەتتى: شىرىكتەسۋگە قارسى تۇرۋ كۇرەسى ۇستەم جەڭىسكە قول جەتكىزدى ءارى جان - جاقتى بەكەمدەلدى، الايدا، جاعداي ءالى دە قاتاڭ، كۇردەلى. ءبىز شىرىكتەسۋدىڭ توڭمويىندىعى مەن قاتەرلىلىگىن استە تومەن مولشەرلەمەۋىمىز كەرەك، ءسوز جوق، شىرىكتەسۋگە قارسى تۇرۋ كۇرەسىن سوڭىنا دەيىن جۇرگىزۋىمىز كەرەك. شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتۋدە، ءسوز جوق، ۇشەۋىنە تەڭ كۇش سالىپ، ۇقساس باعىتتا كۇش سالىپ، جان - جاقتى كۇش سالىپ، شىرىكتەسۋگە باتىلدىق ەتكىزبەۋدىڭ قۋاتتى سەسكەندىرۋ رولىن، شىرىكتەسۋگە مۇمكىندىك بەرمەۋدىڭ قاتاڭ تۇزىمدىك شەكتەۋىن، شىرىكتەسۋدى ويىنا الدىرماۋدىڭ يدەيالىق تاربيە باسىمدىعىن ءبىر تۇلعاعا توعىستىرىپ، ”تۇتاس پەريوتتىق باسقارۋ“ ءتاسىلىن قولدانىپ، شارالاردىڭ ساياساتتىق بەتالىس جاعىنداعى ءوزارا سايكەسۋىن، اتقارۋ بارىسىندا ءوزارا جەبەۋىن، قىزمەت ونىمدىلىگى جاعىندا ءوزارا تولىقتاۋىن ىلگەرىلەتۋىمىز كەرەك.

  شي جينپيڭ بىلاي دەپ باسا دارىپتەدى: پارتيا ورتالىق كوميتەتىنىڭ شىرىكتەسۋگە قارسى تۇرۋ قىزمەتىنە شوعىرلى، ءبىر تۇتاس باسشىلىعىن كۇشەيتىپ، پارتيانىڭ ساياسي ابزالدىلىعىن، ۇيىمدىق ابىزالدىلىعىن، ءتۇزىم ابىزالدىلىعىن ساۋلەلەندىرىپ، ءار دارەجەلى پارتكومداردىڭ (پارتيا باسشىلىق گرۋپپاسى) پارتيانى جاپپاي قاتاڭ باسقارۋداعى تۇلعالىق جاۋاپكەرشىلىگىن، اسىرەسە، ”ءبىرىنشى باسشىلاردىڭ“ ءبىرىنشى جاۋاپتى ادام جاۋاپكەرشىلىگىن ناقتىلاندىرىپ، قاتىستى فۋنكتسيالىق تاراۋلاردىڭ باقىلاۋ - باسقارۋ قىزمەت جاۋاپكەرشىلىگىن ساباقتاستىرىپ، تياناقتاندىرىپ، اركىم ءوز جاۋاپكەرشىلىگىن ارقالايتىن، ءبىر تۇتاس سايكەسەتىن پارتيانى باسقارۋ، پارتيانى جونگە سالۋ جاۋاپكەرشىلىگى ارناسىن اقاۋسىزداندىرۋ كەرەك. شىرىكتەسۋگە قارسى تۇرۋ كۇرەسىن پارتيانىڭ ساياسي قۇرىلىسىمەن، يدەيالىق قۇرىلىسىمەن، ۇيىمدىق قۇرىلىسىمەن، ستيل قۇرىلىسىمەن، ءتارتىپ قۇرىلىسىمەن، ءتۇزىم قۇرىلىسىمەن ساباقتاستىرىپ، سايكەستىرىپ، ساياسي باقىلاۋدىڭ، يدەيالىق تاربيەنىڭ، ۇيىمدىق باسقارۋدىڭ، ستيلدى رەتتەۋ - جونگە سالۋدىڭ، ءتارتىپ اتقارۋدىڭ، ءتۇزىمدى كەمەلدەندىرۋدىڭ شىرىكتەسۋدەن ساقتانۋ جانە ونى جونگە سالۋ بارىسىنداعى ماڭىزدى رولىن ساۋلەلەندىرىپ، جالپى تۇلعالىق شايقاستى ويداعىداي جۇرگىزۋ كەرەك.

  شي جينپيڭ بىلاي دەپ اتاپ كورسەتتى: استە راقىم ەتپەۋ قىراعىلىعىن، استە راقىم ەتپەۋ تەبىنىن ساقتاپ، ءار سالاداعى شىرىكتەسۋگە قارسى تۇرۋ كۇرەسىن ءبىر تۇتاس جوسپارلاپ ىلگەرىلەتىپ، قايتا - قايتا تۋىندايتىن كونە ماسەلەلەردى بىرتىندەپ ازايتىپ تۋىلمايتىن ەتىپ، كەيبىر جاڭادان بەلەڭ بەرە باستاعان ماسەلەلەردى ءورشي المايتىن ەتىپ، مولشەرىنىڭ ارتۋىن باتىل شاۋجايلاپ، ساقتالىمدى الاستاۋ كەرەك. شىرىكتەسۋدىڭ كەزەڭدىك ەرەكشەلىگى مەن وزگەرۋ بەتالىسىن دۇرىس يگەرىپ، نازاردى ءتۇيىندى سالالار مەن شەشۋشى بۋىندارعا شوعىرلاندىرىپ، مىزعىماستان ”جولبارىس سوعىپ“، ”شىبىن قاعىپ“، ”تۇلكى اۋلاپ“، حاۋىپ - قاتەرى، كومەسكى اپاتى زور سالالىق، جۇيەلىك شىرىكتەسۋدى باتىل تازالاپ، شىرىكتەسۋ حاۋىپ - قاتەرىنەن، سونداي - اق قاتىستى ەكونوميكالىق، قوعامدىق حاۋىپ - قاتەردەن ءونىمدى ساقتانۋ جانە ولاردى جويۋ كەرەك. وڭىرلەر، تاراۋلار ءىس جۇزىندىكپەن تىعىز ۇشتاستىرىپ، وزدەرىنىڭ ساياسي ەكولوگياسىنىڭ جاعدايىنا ىشكەرىلەي تالداۋ جاساپ، شىرىكتەسۋدىڭ كورنەكتى بەينەلەرىن، ءتۇيىندى سالالارىن، وڭاي تۋىلاتىن بۋىندارىن ءداپ باسىپ تاۋىپ، باعىتتامالى تۇردە شوعىرلى رەتتەۋ - جونگە سالۋ جۇرگىزىپ، بار كۇشپەن قامال الۋ، ناقتى ونىمدىلىككە تالپىنۋ كەرەك.

  شي جينپيڭ بىلاي دەپ باسا دارىپتەدى: قاينارىنان باستاپ كىرىسىپ، ۇقىقتى باسقارۋدىڭ، ءمانساپتىلاردى جونگە سالۋدىڭ ءتۇزىلىس - مەحانيزمىن كەمەلدەندىرىپ، شىرىكتەسۋ ماسەلەسىنەن اناعۇرلىم ۇدايى، باياندى تۇردە ساقتانۋ جانە ونى جونگە سالۋ كەرەك. شىرىكتەسۋ ورايىن كۇش سالا ازايتىپ، ساياسات بەلگىلەۋ، شەشىم جاساۋ ءتارتىبى، تەكسەرىپ بەكىتۋ، باقىلاۋ - باسقارۋ، زاڭ اتقارۋ، ءادىليا سياقتى شەشۋشى ۇقىقتاردى يگەرىپ، قىزمەت جاۋاپكەرشىلىگى ۇقىق شەگىن قاتايتىپ، قىزمەت ءتارتىبىن ارناعا ءتۇسىرىپ، ۇقىقتى تەجەۋدى كۇشەيتىپ، ۇقىقتىڭ ميكرولىق ەكونوميكالىق قيمىلدارعا ورىنسىز كيلىگۋىن ازايتۋ كەرەك. شىرىكتەسۋدىڭ ءوسىپ - وربۋىنەن ءونىمدى ساقتانىپ، شىرىكتەسۋگە قارسى تۇرۋدىڭ ساقتىق شەبىن الدىعا جىلجىتىپ، كۇندەلىكتى باسقارۋدى، باقىلاۋدى كۇشەيتىپ، ”ءتورت ءتۇرلى كۇيدى“ ويداعىداي قولدانىپ، ەرتە باستان، كىشكەنەدەن يگەرىپ، قىلپى بايقالىسىمەن قىرقىپ، قات - قابات قورعانىس جاساۋ كەرەك. پارتيانىڭ داڭقتى ءداستۇرى مەن تاماشا ستيلىن اسقاقتاتىپ، باعىتتامالىلىق سيپاتقا يە پارتيا تاربيەسىن، ساقتىق تاربيەسىن ورىستەتىپ، پاكتىك مادەنيەتىمەن جان سارايدى نارلەندىرىپ، جاڭا ءداۋىردىڭ، جاڭا كەزەڭنىڭ تالابىنا ۇيلەسەتىن كادر باعالاۋ، سارالاۋ جۇيەسىن ورناتىپ، جاس كادرلاردى تاربيەلەۋگە، جەتەكتەۋگە ءمان بەرۋ كەرەك. شىرىكتەسۋدەن ساقتاندىرۋدىڭ، جازالاۋدىڭ بىرىككەن ارەكەت مەحانيزمىن ورناتىپ، شىرىكتەسۋ ءتاسىلىنىڭ كومەسكى ءتۇر وزگەرتۋى، قۇبىلىپ دارەجەسىن جوعارىلاتۋى سياقتى جاڭا ەرەكشەلىكتەرىنە تالداۋ جاساۋدى، زەرتتەۋ جۇرگىزۋدى كۇشەيتىپ، شىرىكتەسۋ ماسەلەسىن دەر كەزىندە بايقاۋ، ءونىمدى ءبىر جاقتى ەتۋ قابىلەتىن جوعارىلاتۋ كەرەك.

  شي جينپيڭ بىلاي دەپ اتاپ كورسەتتى: پارتيا مەن مەملەكەتتىڭ باقىلاۋ ءتۇزىلىسى رەفورماسىن تەرەڭدەتىپ، پارتيا ىشىندەگى باقىلاۋدى جەتەكشى ەتىپ، ءتۇرلى باقىلاۋ كۇشتەرىن بىرىكتىرۋدى، قىزمەتتەردى بىرىكتىرۋدى جەبەپ، ۇقىقتى باقىلاۋمەن جاپپاي قامتۋدى، ونىمدىلىگىن كۇشەيتىپ، ۇقىقتىڭ بەتالدى پايدالانىلماۋىنا شىنايى كەپىلدىك ەتۋ كەرەك. پارتيا ىشىندەگى زاڭ ەرەجە جۇيەسىن، مەملەكەت زاڭدارى جۇيەسىن كەمەلدەندىرىپ، شىرىكتەسۋگە قارسى تۇرۋدىڭ شەتەلگە ساياتىن زاڭداردى، زاڭ ەرەجەلەردى جەدەل كەمەلدەندىرۋ كەرەك. ءتۇزىمدى قاتاڭ اتقارىپ، ەرەجەگە، تارتىپكە بويسۇنۋدى پارتيا مۇشەلەرىنىڭ، كادرلاردىڭ يدەيالىق سانالىلىعى مەن ساياسي سانالىلىعىنا اينالدىرۋ كەرەك. وزىنە ءوزى توڭكەرىس جاساعاندا دا حالىققا سۇيەنۋگە ءمان بەرىپ، وزىندەگى ماسەلەنى حالىق بۇقاراسىنىڭ قولداۋى مەن كومەگىنە سۇيەنىپ شەشۋ كەرەك.

  شي جينپيڭ بىلاي دەپ باسا دارىپتەدى: پارتيانى جاپپاي قاتاڭ باسقارۋدا، شىرىكتەسۋگە قارسى تۇرۋ كۇرەسىن ىلگەرىلەتۋدە، ءسوز جوق، باسشى كادرلاردان، اسىرەسە، جوعارى دارەجەلى كادرلاردان باستاپ قاتاڭ ۇستاۋ كەرەك. قىزمەت دارەجەسى قانشا جوعارى، ۇقىعى قانشا زور بولعان سايىن، سونشالىق يمەنۋى، ءوزىن سونشا قاتاڭ تارتىپكە سالۋى كەرەك. باسشى كادرلار، اسىرەسە، جوعارى دارەجەلى كادرلار ءوزىن جاقسى باسقارۋ، سونداي - اق وتباسىنداعىلارىن، تۋىستارىن جاقسى باسقارۋ، قاسىنداعى ادامداردى، ماڭايىنداعى ىستەردى جاقسى باسقارۋ، ءوزى جاۋاپتى بولىپ باسقاراتىن، ءبولىپ باسقاراتىن سالانىڭ سالتىن جاقسى باسقارۋ، ستيلى پاك، سالتى دۇرىس ساياسي ەكولوگيا جاراتۋ، كىرشىكسىز جولداستىق قاتىناستى، ءتارتىپتى جوعارى - تومەن قاتىناسىن قالىپتاستىرۋ، ەتەنە، كىرشىكسىز ۇكىمەت - ساۋداگەر قاتىناسىنا تاباندى بولۋ، العاباسارلىققا، ىزگىلىككە تالپىناتىن قوعامدىق ورتا جاراتۋ سياقتى جاقتاردا جاقسى باستاماشىلدىق ەتۋ، جاۋاپكەرشىلىگىن ويداعىداي ادا ەتۋ كەرەك. ورتالىق كوميتەت ساياسي بيۋروسىنداعى جولداستار ءوزىن قاتاڭ تارتىپكە سالۋدا، ءسوز جوق، ەڭ جوعارى ولشەمگە تاباندى بولىپ، بۇكىل پارتيادان ورىنداۋدى تالاپ ەتكەندى الدىمەن ورىنداۋ، بۇكىل پارتيادان ىستەمەۋدى تالاپ ەتكەندى ءۇزىلدى - كەسىلدى ىستەمەۋ كەرەك.

  شي جينپيڭ بىلاي دەپ اتاپ كورسەتتى: ءتارتىپ تەكسەرۋ، باقىلاۋ - تەكسەرۋ ورگاندارى شىرىكتەسۋگە قارسى تۇرۋ كۇرەسىندەگى جاڭا جاعدايعا، جاڭا سىن - سايىسقا ىرىقتىلىقپەن توتەپ بەرىپ، پارتيانى باسقارۋدىڭ، پارتيانى جونگە سالۋدىڭ زاڭدىلىعى، شىرىكتەسۋگە قارسى تۇرۋ كۇرەسىنىڭ زاڭدىلىعى جونىندەگى تانىمدى تەرەڭدەتىپ، قىزمەت قابىلەتىن جانە ورەسىن ۇزبەي جوعارىلاتىپ، پارتيا ىشىندەگى جانە قوعامدىق ءار جاقتاعى باقىلاۋدى سانالى تۇردە قابىلداۋ، وزىنە - ءوزى توڭكەرىس جاساۋ رۋحىمەن ”شامنىڭ ءتۇبى قاراڭعى بولۋدان“ باتىل ساقتانۋ كەرەك. ءتارتىپ تەكسەرۋ، باقىلاۋ - تەكسەرۋ كادرلارى ادال، تاباندى، قالتقىسىز، ەرجۇرەك بولىپ، قاي - قاشان دا پارتيالىلىق ارقىلى ءوزىن تۇلعالاپ، ءتارتىپتى ادىلدىكپەن اتقارىپ، ۇقىقتى بايىپپەن ىستەتىپ، كۇرەس جاساۋعا باتىل، شەبەر بولىپ، شىن مانىندە پارتيا ورتالىق كوميتەتىن الاڭسىز ەتۋ، حالىق بۇقاراسىن رازى ەتۋ كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.