اۆتونوميالى رايوندىق پارتكومنىڭ تۇراقتى كوميتەتى ءماجىلىستى باسقاردى
اۆتونوميالى رايونىمىزدان پارتيا 20 - قۇرىلتايىنا قاتىناساتىن ۋاكىل كانديداتتىققا دايىندالعان كانديداتتاردى داۋىسقا سالىپ تۇراقتاندىردى
6 - ايدىڭ 18 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىنىڭ ءتورتىنشى جالپى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايونىمىزدان پارتيا 20 - قۇرىلتايىنا قاتىناساتىن ۋاكىلدەردى سايلاۋ قىزمەتىنە جانە پارتيا ۋاكىلدەر ماجىلىسىنە قاتىستى ماسەلەلەر جونىندە تۇسىنىك جاسادى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 18 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىنىڭ ءتورتىنشى جالپى ءماجىلىسى 6 - ايدىڭ 18 - كۇنى ۇرىمجىدە اشىلدى.
جالپى ءماجىلىستى اۆتونوميالى رايوندىق پارتكومنىڭ تۇراقتى كوميتەتى باسقاردى. اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايونىمىزدان پارتيا 20 - قۇرىلتايىنا قاتىناساتىن ۋاكىلدەردى سايلاۋ قىزمەتىنە جانە پارتيا ۋاكىلدەر ماجىلىسىنە قاتىستى ماسەلەلەر جونىندە تۇسىنىك جاسادى. جالپى ءماجىلىس تولىق تالقىلاپ، اقىلداسىپ، جاسىرىن داۋىس بەرۋ ءتاسىلى ارقىلى اۆتونوميالى رايونىمىزدان پارتيا 20 - قۇرىلتايىنا قاتىناساتىن ۋاكىل كانديداتتىققا دايىندالعان كانديداتتاردى تۇراقتاندىردى. جالپى ءماجىلىس «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ءماجىلىسىن اشۋ جونىندەگى قاراردى» قاراپ ماقۇلدادى.
جالپى ءماجىلىس 2022 - جىلى 6 - ايدىڭ سوڭىندا ۇرىمجىدە جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ءماجىلىسىن اشىپ، اۆتونوميالى رايونىمىزدان پارتيا 20 - قۇرىلتايىنا قاتىناساتىن ۋاكىلدەردى سايلاپ شىعۋدى ۇيعاردى.
جالپى ءماجىلىس مىنانى ۇندەدى: بۇكىل رايونىمىزداعى ءار دارەجەلى پارتيا ۇيىمدارى مەن قالىڭ كوممۋنيستىك پارتيا مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىندە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ماڭىزىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن باسقارىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ ورنالاستىرۋ تالاپتارى بويىنشا، شينجياڭنىڭ رەفورما، دامۋ، ورنىقتىلىق ءتۇرلى قىزمەتتەرىن بار كۇشپەن ويداعىداي ىستەپ، باسقارۋ جۇيەسى مەن باسقارۋ قابىلەتىن وسىزامانداندىرۋدى تىڭعىلىقتى ىلگەرىلەتىپ، ورنىقتى دا اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى قۇلشىنا ساقتاپ، ىنتىماقتى دا جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن قۇلشىنا كۇرەس جۇرگىزىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
وسى رەتكى جالپى ماجىلىسكە قاتىناسقانداردان اۆتونوميالى رايوندىق پارتكومنىڭ مۇشەلەرىنەن 75 ادام، كانديدات مۇشەلەردەن 15 ادام بار.
