ما شيڭرۇي سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، نەگىز قالاپ، ۇزاق بولاشاققا پايدالى ءىس ىستەپ، رەفورما، دامۋ، ورنىقتىلىق قىزمەتتەرىن تىڭعىلىقتى جاقسى ىستەۋ كەرەك
6 - ايدىڭ 19 - كۇنى اۆتونوميالى رايوندىق پارتكومنىڭ شۋجيى ما شيڭرۇي سانجى حۇيزۋ اۆتونوميالى وبلىسىنىڭ قۇتىبي اۋدانىنا، ماناس اۋدانىنا بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي قۇتىبي اۋدانى شىمىن سۋ قويماسىندا سۋ ساقتاۋ، سۋمەن قامداۋ جانە جوعارعى، تومەنگى اعارلاردىڭ ەكولوگيالىق ورتاسىن قورعاۋ جاعدايلارىن ناقتى ۇعىسۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ياۋ تۇڭ 6 - ايدىڭ 19 - كۇنى قۇتىبيدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 6 - ايدىڭ 19 - كۇنى سانجى حۇيزۋ اۆتونوميالى وبلىسىنىڭ قۇتىبي اۋدانىنا، ماناس اۋدانىنا بارىپ، باس شۋجي شي جينپيڭنىڭ ”سۋ ۇنەمدەۋدى الدىڭعى ورىنعا قويۋ، كەڭىستىك جاعىندا تەڭگەرۋ، جۇيەلى باسقارۋ، ەكى جاقتان بىردەي كۇش سالۋ“ سىندى سۋ باسقارۋ وي جەلىسى مەن سۋ باسقارۋ، سۋ ىستەرىن گۇلدەندىرۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، سۋ بايلىعىن قورعاۋدى جانە ۇنەمدەپ شوعىرلى پايدالانۋدى عىلمي ىلگەرىلەتىپ، ەگىن، مال شارۋاشىلىعىنىڭ وسىزاماندانۋىن ىلگەرىلەتىپ، مادەنيەت پەن ساياحاتتىڭ توعىسا دامۋىن جەبەپ، حاۋىپسىز ءوندىرىستىڭ تومەنگى شەگىن قاتاڭ ساقتاۋ سياقتىلار جونىندە تەكسەرۋ - زەرتتەۋ جۇرگىزدى.
ما شيڭرۇي ىلگەرىندى - كەيىندى قۇتىبي اۋدانى شىمىن سۋ قويماسىنا، ماناس اۋدانى كەڭسۋات سۋ قويماسىنا بارىپ، سۋ ساقتاۋ، سۋمەن قامداۋ جانە جوعارعى، تومەنگى اعارلاردىڭ ەكولوگيالىق ورتاسىن قورعاۋ، ەگىن، مال شارۋاشىلىعى ءوندىرىسى جاعدايلارىن ناقتى ۇعىستى. ما شيڭرۇي بىلاي دەدى: سۋ بايلىعىنان پايدالانۋدىڭ ونىمدىلىگى قانشا جوعارى بولسا، شينجياڭنىڭ دامۋ كەڭىستىگى سونشا زور بولادى. سۋ بايلىعىن اشۋ، ورنالاستىرۋ مەن ەكونوميكالىق دامۋدىڭ، ەكولوگيالىق ورتانى قورعاۋدىڭ قاتىناسىن ءبىر تۇتاس جوسپارلاپ، سالىنىپ بولعان سۋ ساقتاۋ ينجەنەريالارى قاتارلى سۋ يگىلىگى نەگىزدىك قۇرىلعىلارىن تولىق ويداعىداي پايدالانىپ، سۋ بەرىلەتىن اۋماقتىڭ سايكەستى ينجەنەريا قۇرىلىسىن جەدەلدەتىپ، ”سۋ ۇنەمدەۋدى الدىڭعى ورىنعا قويۋ“ باعىتىنا تاباندى بولىپ، سۋ بايلىعىن شوعىرلى، ۇنەمدەپ پايدالانۋدى جۇيەلى كۇشەيتىپ، ماۋسىمدىق، ينجەنەريالىق، قۇرىلىمدىق سۋ جەتىسپەۋ ماسەلەلەرىن ويداعىداي شەشۋ كەرەك. ەكولوگيالىق ورتانى قورعاۋ قۇرىلىسىن جۇيەلى تۇردە ويداعىداي يگەرىپ، تاۋ، سۋ، ورمان، اتىز، كول، جايلىم، قۇمدى ءشولدى ءبىر تۇلعالاندىرىپ قورعاۋدى جانە جۇيەلى باسقارۋدى ءبىر تۇتاس جوسپارلاپ، ورتالىقتىڭ قورشاعان ورتانى قورعاۋدى قۋزاۋ - تەكسەرۋىندە اڭىس ەتىلگەن ماسەلەلەردى رەتتەۋ - تۇزەتۋدى تياناقتاندىرۋدى باتىل تۇردە ويداعىداي يگەرىپ، سۋ ەكولوگياسىن قالپىنا كەلتىرۋدى جانە سۋ مەن توپىراقتى ساقتاۋدى كەشەندى باسقارۋدى ۇزدىكسىز ورىستەتىپ، اسپانى ءتىپتى دە اشىق، تاۋى ءتىپتى دە جاسىل، سۋى ءتىپتى دە تۇنىق كورىكتى شينجياڭدى قۇلشىنا قۇرۋ كەرەك.
شييۇيچۇن ءسۇت شارۋاشىلىعى سەرىكتەستىگىندە ما شيڭرۇي كاسىپورىننىڭ بۇكىل ەلدەگى ءسۇت شارۋاشىلىعى بازارىنداعى ۇلەس سالىستىرماسى، ماركا قۇرىلىسى، ءونىم ساتۋ ارناسىن كەڭەيتۋ، سونداي - اق قاراستى قۇتىبي اۋدانىنداعى اسىل سيىر فەرماسىنىڭ ساۋىن سيىر باعۋ، كوبەيتۋ، جوعارى مەكتەپتەن وقۋ تاۋىسقان وقۋشىلاردى جۇمىستاندىرۋ سياقتى جاعدايلاردى ەگجەي - تەگجەيلى ۇعىستى. ما شيڭرۇي بىلاي دەدى: شينجياڭنىڭ ءسۇت ونىمدەرىنىڭ ساپاسى جوعارى، اتاعى جاقسى، شينجياڭنىڭ ءسۇت شارۋاشىلىعىن كۇشەيتۋگە، جاقسارتۋعا بەكىنىپ، مەملەكەت مەنشىگىندەگى كاسىپورىندار رەفورماسىن تەرەڭدەتىپ، دامۋ ومىرشەڭدىك كۇشىن نىعايتىپ، ماركا جاراتۋ بارىسىندا جوعارى ولشەمگە تالپىنۋمەن، قاتاڭ تالاپ قويۋمەن بىرگە، ءار قادامدى مىعىم، تىڭعىلىقتى باسىپ، جەم، باعىمشىلىق، مانەرلەۋ، ساتۋ بۋىندارىن اسا ۇقىپتىلىقپەن يگەرىپ، حالىق بۇقاراسى رازى، الاڭسىز بولاتىن جوعارى ساپالى ءسۇت شارۋاشىلىعى ونىمدەرىن ءوندىرىپ، كەڭ كولەمدە تانىمالدىققا يە ءسۇت شارۋاشىلىعى ايگىلى ماركاسىن جەتىلدىرۋ كەرەك.
تەكسەرۋ - زەرتتەۋدە ما شيڭرۇي تاعى سانجى بايليدانشيا كورىنىس جولى ساياحات جەلىسىن تۇلعالاۋ، ساياحاتشىلارعا قىزمەت وتەۋ، شارۋالار شاتتىعى ساياجايىن، مالشىلار شاتتىعى ساياجايىن دامىتۋ، ەگىنشى - مالشىلاردىڭ كىرىس ارتتىرۋىن جەبەۋ سياقتى جاعدايلاردى كوزدەن كەشىرىپ: ساياحات نەگىزدىك قۇرىلعىلارىن ىشكەرىلەي كەمەلدەندىرىپ، سارا جول جەلىسىن تۇلعالاپ، كورىنىس اۋماقتارىنىڭ قىزمەت وتەۋ ساپاسىن، ونىمدىلىگىن جوعارىلاتىپ، ساياحات كاسىبىن حالىقتى بايىتىپ، شينجياڭدى گۇلدەندىرۋدەگى ماڭىزدى كاسىپ سالاسى ەتىپ جەتىلدىرۋ كەرەك، - دەپ باسا دارىپتەدى؛ جۇڭمەي ەنەرگيا تيانشان سەرىكتەستىگىنىڭ حاۋىپسىز ءوندىرىس قىزمەتىن كەزدەيسوق تەكسەرىپ، حاۋىپسىز ءوندىرىس جاۋاپكەرشىلىك ءتۇزىمىن قاتاڭ تياناقتاندىرىپ، كاسىپورىن جاۋاپتىلارى حاۋىپسىزدىكتى باقىلاۋ - باسقارۋدى وزدەرى يگەرىپ، شارالاردى ەگجەي - تەگجەيلىلەندىرىپ، كومەسكى قاتەرلەردى اداقتاپ تەكسەرىپ، اۋىر، ەرەكشە اۋىر حاۋىپسىز ءوندىرىس شىرعالاڭدارىنىڭ تۋىلۋىن باتىل تيۋ كەرەك، - دەپ باسا دارىپتەدى.
ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، شىندىققا جۇگىنىپ، ناقتى ءىس ىستەۋ، شىنايى يگەرىپ، ناقتى ءىس تىندىرۋ ستيلىن اسقاقتاتىپ، شەگە قاعۋ رۋحىمەن جاۋاپكەرشىلىك ارقالاپ، جاۋاپكەرشىلىكتى ادا ەتىپ، ”ەڭبەك ماعان جازىلماسا دا بولادى“ دەيتىن دەڭگەي ورناتىپ، نەگىز قالاۋعا، ۇزاق بولاشاققا پايدالى ءىس ىستەۋگە ءمان بەرىپ، ءبىر ءىستى ءبىر ىسكە جالعاپ تىندىرىپ، ءبىر جىلدى ءبىر جىلعا جالعاپ ىستەپ، رەفورما، دامۋ، ورنىقتىلىق قىزمەتتەرىن تىڭعىلىقتى جاقسى ىستەپ، بەلگىلەنگەن ستراتەگيالىق نىسانالاردى، قىزمەت جوسپارىن تاباندىلىقپەن رەالدىققا اينالدىرىپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
قادەن كابەن قاتارلىلار تەكسەرۋ - زەرتتەۋگە قاتىناستى.
