تيانشان تورى
تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

التاي قالاسى شينجياڭعا كومەكتەسۋ قارجىسىن بەلسەنە سايكەستىرىپ، شينجياڭدى مادەنيەتپەن نارلەندىرۋ قىزمەتىنىڭ تىڭعىلىقتى ورىستەتىلۋىن ىلگەرىلەتتى

  6 – ايدىڭ 16 - كۇنى، التاي قالالىق دامۋ جانە رەفورما كوميتەتىنەن ۇعىسۋىمىزشا، جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، التاي قالالىق دامۋ جانە رەفورما كوميتەتى جيلين ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى التاي قالاسى بولىمشە قولباسشىلىق شتابىمەن بەلسەنە ۇشتاسىپ، شينجياڭعا باعىتتامالى كومەكتەسەتىن ولكە، قالالاردىڭ ساپالى بايلىعىن سايكەستىرىپ، جۇمىلدىرىپ، شينجياڭعا كومەكتەسۋ نىسان قارجىسىن عىلمي جوسپارلاپ، شينجياڭدى مادەنيەتپەن نارلەندىرۋگە قاتىستى قىزمەتتەردىڭ تىڭعىلىقتى ورىستەتىلۋىن بەلسەنە ىلگەرىلەتتى.

  ەرەكشەلىككە يە مادەنيەت كاسىپ سالاسىنىڭ قارىشتاپ دامۋىن قامتاماسىزداندىرىپ، «التاي ايماعىنىڭ وسى زامانعى جىلقى شارۋاشىلىعىن دامىتۋ جوباسىن» تياناقتاندىرۋ ٴۇشىن، التاي قالالىق دامۋ جانە رەفورما كوميتەتى شينجياڭعا كومەكتەسۋ قارجىسىنان ىلگەرىندى - كەيىندى  ٴبىر ميلليون، 2 ميلليون 600 مىڭ يۋان جۇمساپ، التاي قالالىق 1 ـ فەرمانىڭ جينشۋە جىلقى فەرماسىنا سۇيەنىپ، جىلقى شارۋاشىلىعىن جەتىلدىرۋ نىسانىن ۇيىمداستىرىپ، ورىستەتىپ، ىلگەرىندى ـ كەيىندى 700 مەترلىك بايگە جولى، بولمە ٴىشى ات ونەرىنە جاتتىعۋ سارايى سياقتىلاردى، سونداي ـ اق باقىلاۋ كامەراسى، قورشاۋ سياقتى قوسالقى سايكەستى قۇرىلعىلاردى سالىپ، جينشۋە جىلقى فەرماسىنىڭ قاتتى بولشەك قۇرىلعىلارىنىڭ ورەسىن جاپپاي جوعارىلاتۋىنا كومەكتەستى. 

  جيلين ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى التاي قالالىق بولىمشە قولباسشىلىق شتابىنىڭ سايكەستىرىپ جەتەكتەۋىندە، التاي قالالىق 1 ـ فەرمانىڭ جينشۋە جىلقى فەرماسى التاي قالالىق وقۋ ـ اعارتۋ مەكەمەسىمەن سەلبەسىپ، ورتا، باستاۋىش مەكتەپ وقۋشىلارىنىڭ ٴتورت ماۋسىمدىق اتقا ٴمىنۋ بويىنشا ەرەكشەلىككە يە امالياتتىق سەزىنۋ ساباعىن اقىسىز ۇيىمداستىرىپ، بۇكىل قالادان ىلگەرىندى - كەيىندى 16 مىڭنان استام وقۋشى يگىلىگىن كورىپ، التاي قالاسىنىڭ ەرەكشە جىلقى مادەنيەتى كاسىبىنىڭ جاڭا تانىسقىسىنىڭ داڭقىن شىعاردى.

  سونىمەن بىرگە، نەگىزگى ساتى دەنە تاربيە مادەنيەتىنىڭ دامۋىن جاپپاي جوعارىلاتۋ جونىندەگى ”قىستا قار شاڭعى تەبۋ، جازدا اتقا ٴمىنۋ، ٴتورت ماۋسىمدا فۋتبول تەبۋ“ تالابىن تياناقتاندىرىپ، شينجياڭعا كومەكتەسۋ قارجىسىنان 12 ميلليون 90 مىڭ يۋان جۇمساپ، التاي قالالىق جاستار مەن ورەندەردى دەنە تاربيەگە باۋلۋ بازاسى قۇرىلىس نىسانىن ۇيىمداستىرىپ، اتقارىپ، 7000 شارشى مەترلىك جاستار مەن ورەندەردىڭ بولمە ٴىشى دەنە تاربيەگە باۋلۋ بازاسىن سالدى، التاي ايماعىنداعى تۇڭعىش بولمە ٴىشى فۋتبول جاتتىعۋ الاڭىن سالىپ، التاي ايماعىنداعى جاستار مەن ورەندەردىڭ فۋتبولعا جاتتىعۋ جۇيەسىن كەمەلدەندىرۋدى ورىنمەن قامتاماسىز ەتتى.

  نەگىزگى ساتى مادەنيەت شەبىنىڭ ساپاسىن جوعارىلاتىپ، دارەجەسىن ٴوسىرۋدى قامتاماسىزداندىرۋ ٴۇشىن، التاي قالالىق دامۋ جانە رەفورما كوميتەتى ىلگەرىندى ـ كەيىندى ٴبىر ميلليون 200 مىڭ يۋان، 6 ميلليون يۋان قارجى قوسىپ، نەگىزگى ساتى الەۋمەتتىك اۋماق شەپ قۇرىلىسى نىسانىن ۇيىمداستىرىپ اتقارىپ، التاي قالاسى شاشۋ جولى ٴمالىسى شاشۋ الەۋمەتتىك اۋماعىنىڭ ۇيىمدىق مادەنيەت شەبى، جينشان جولى ٴمالىسى زەردەلى كىتاپحاناسى سياقتى ٴبىر توپ نەگىزگى ساتى الەۋمەتتىك اۋماق مادەنيەت شەبىن قۇرىپ، كىتاپ وقۋ، مادەنيەت كينو – فيلمىن كورۋ، ەرەكشەلىككە يە كورمە، سەيىلدەۋ، دەنە شىنىقتىرۋ سياقتى كوپ ٴتۇرلى فۋنكتسيانى جۇزەگە اسىرىپ، الەۋمەتتىك اۋماق تۇرعىندارىنىڭ كاسىپتەن سىرتقى مادەنيەت قيمىلدارىن ورىستەتۋىنە ساپالى ورىن ازىرلەپ بەردى. بۇدان سىرت، شينجياڭعا كومەكتەسۋ قارجىسىنان 2 ميلليون يۋان جۇمساپ، تابيعي قىستاقتاردىڭ ۇيىمدىق بيلىك قۇرىلىسى نىسانىن ۇيىمداستىرىپ اتقارىپ، قىزىلتاس قالاشىعى كوكبۇقا قىستاعى، الاعاق قالاشىعى ويماقى قىستاعى قاتارلى 8 قىستاقتا تۇگەلدەي كىتاپ وقۋ، مادەنيەت، دەنە تاربيە قيمىلى، سەيىلدەۋ، دەنە شىنىقتىرۋ سياقتى فۋنكتسيالار ٴبىر تۇلعالانعان نەگىزگى ساتى مادەنيەت شەبىن جاڭادان قۇرىپ، جەرگىلىكتى قىستاق تۇرعىندارىنىڭ كاسىپتەن سىرتقى مادەنيەت تۇرمىسىن زور دارەجەدە بايىتتى.

  نەگىزگى اعىمدىق مادەنيەت ۇگىتى قاتتى بولشەك قۇرىلعىلارىن قامتاماسىزداندىرۋ ٴۇشىن، التاي قالالىق دامۋ جانە رەفورما كوميتەتى شينجياڭعا كومەكتەسۋ قارجىسىنان 3 ميلليون 800 مىڭ يۋان شىعارىپ، التاي قالالىق توعىسپالى مەديا ورتالىعى قولباسشىلىق ورتالىعىنىڭ دارەجەسىن ٴوسىرىپ، جاڭالادى ٴارى سىزىقسىز رەداكسيالاۋ ماشيناسى، 4K ۆيدەو كامەرا، شاعىن جالاڭ كوزدى فوتو اپپارات، كەسكىنگە ٴتۇسىرۋ قول تەلەفونى، اۋەدەن كەسكىنگە ٴتۇسىرۋ اپپاراتى سياقتى قۇرىلعى ـ جابدىقتاردى ساتىپ الىپ، توعىسپالى مەديا ورتالىعىنىڭ قىزمەت قابىلەتى مەن قۇرىلعى ـ جابدىقتارىنىڭ تۇتاس تۇلعالىق دارەجەسىن ٴوسىرۋدى جۇزەگە اسىرىپ، التاي قالاسىنىڭ نەگىزگى اعىمدىق مادەنيەت ۇگىت قىزمەتىن اناعۇرلىم جاقسى اتقارۋىنا بەرىك نەگىز قالادى. (ەرىكتى ٴتىلشى سۇڭ جيڭ)

اۋدارعان: قادىر ماقان

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.