شينحۋا اگەنتتىگىنىڭ 6 - ايدىڭ 20 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ ساياسي كەڭەسۋ قىزمەتى ەرەجەسىن» (تومەندە قىسقارتىلىپ «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا دەن قويا اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: «ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ ساياسي كەڭەسۋ قىزمەتىنە بولعان باسشىلىعىنا تاباندى بولىپ جانە ونى كۇشەيتىپ، ساياسي كەڭەسۋ قىزمەتىنىڭ عىلميلانۋ، تۇزىمدەنۋ، ارناعا ءتۇسۋ دەڭگەيىن جوعارىلاتتى، ول ساياسي كەڭەسۋ قىزمەتىن ويداعىداي ىستەۋدىڭ نەگىزگى بويسۇنۋ ولشەمى. «ەرەجەنى» جاساۋ جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەسۋ تۇزىمىنە تاباندى بولۋ جانە ونى كەمەلدەندىرۋ، وتانشىلدىق بىرلىكساپتى بەكەمدەۋ جانە ونى دامىتۋ جونىنەن ماڭىزدى ءمان الادى.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) «ەرەجەنى» اتقارۋدا ۇيىمدىق باسشىلىقتى كۇشەيتىپ، ساياسي كەڭەسۋدىڭ ورنىن تۇراقتاندىرۋدى ءداپ باسىپ يگەرىپ، پارتيانىڭ باسشىلىعىنداعى ساياسي كەڭەسۋ قىزمەتىنىڭ ءتۇزىم جۇيەسى مەن قىزمەت مەحانيزمى ارقىلى ساياسي كەڭەسۋدىڭ دۇرىس ساياسي بەتالىسىنا شىنايى كەپىلدىك ەتىپ، ساياسي كەڭەسۋدىڭ ونىمدىلىگىن جوعارىلاتىپ، پارتيا ورتالىق كوميتەتىنىڭ ساياسي كەڭەسۋ قىزمەتى جونىندەگى باعىت - ساياساتتارى مەن شەشىمدەرىن، ورنالاستىرۋلارىن ناقتاپ تياناقتاندىرۋ كەرەك. وزەكتى ارقاۋ ەتۋگە تاباندى بولىپ، كەلەلى جاعدايعا قىزمەت وتەپ، ساياسي كەڭەسۋ ارقىلى ورتاقتىققا ۇمتىلىپ، پارىقتاردى ساقتاپ، ورتاقتىقتاردى شوعىرلاندىرىپ، ايىرماشىلىقتاردى جويىپ، ءتۇبىرلى ماسەلەلەردە، كەلەلى ماسەلەلەردە تانىمدى بىرلىككە كەلتىرىپ، ءار جاقتاعى كۇشتەردى پارتيانىڭ توڭىرەگىنە تىعىز ىنتىماقتاستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۋاتتى بىرىككەن كۇشىن قالىپتاستىرۋدى ىلگەرىلەتۋ كەرەك. وڭىرلەر، تاراۋلار «ەرەجەدەگى» ماڭىزدى جاعدايلاردى جانە ۇسىنىستاردى اتقارعاندا پارتيا ورتالىق كوميتەتىنە دەر كەزىندە مالىمدەۋ كەرەك.
«ەرەجە» 8 تاراۋعا بولىنگەن، جيىنى 31 تارماق، جاريالانعان كۇننەن باستاپ اتقارىلادى.
