تيانشان تورى – شينجياڭ گازەتىنىڭ حابارى (ەرىكتى تىلشىلەر ما يۋە، چىن شيۇڭبياۋ حابارلايدى). 6 ـ ايدىڭ 15 - كۇنى، فۋجيان ولكەسىنىڭ شينجياڭعا باعىتتامالى كومەكتەسۋ چۋانجوۋ بولىمشە قولباسشىلىق شتابى چۋانجوۋدىڭ ايگىلى حاتكەرلەرىن، سۋرەتشىلەرىن شينجياڭ سانجى قالاسى اشىلى سەنترلى مەكتەبىنە كەلۋگە ۇيىمداستىرىپ، وقىتۋشى ـ وقۋشىلارمەن بىرگە حاتكەرلىك، سۋرەت جاسامپازدىعى اۋىس ـ كۇيىس قيمىلىن ورىستەتتى.
قيمىل بارىسىندا فۋجيان ولكەلىك اسەمونەرشىلەر قوعامى، چۋانجوۋ قالالىق جاس اسەمونەرشىلەر قوعامى، فۋجيان شىفان داشۋەسى اسەمونەر شۋەيۋانى، چۋانجوۋ قالالىق جاس فوتوگرافتار قوعامى قاتارلى ورىنداردان كەلگەن لين جيانپيڭ، جاڭ چيڭگو، شى جۇنشيۇڭ، ۋ زۇڭباۋ قاتارلى 4 حاتكەرلىك، سۋرەتشىلىك، فوتوگراف وقىتۋشىسى اشىلى سەنترلى مەكتەبىنىڭ ”چۋانجوۋ − سانجى سۇيىسپەنشىلىگى . اۋىل ـ قىستاق جاس وسپىرىمدەر سارايىنىڭ“ اينالىم احۋالىن ەكسكۋرسيالاپ ۇعىستى ٴارى حاتكەرلىك - سۋرەت كۇرجەگىندەگى وقىتۋشى ـ وقۋشىلارمەن بىرگە جاسامپازدىق ورىستەتتى.
تاس سۋرەت ۇيىمىنىڭ وقۋشىسى ەسىل بيىل 4 - جىلدىقتا وقيدى، ول 5 جاسىنان باستاپ سۋرەت سىزۋدى ۇيرەنگەن، ٴبىراق شارت - جاعداي جار بەرمەگەن سوڭ ونىڭ كوپتەگەن سۋرەت سالۋ ويى ىسكە اسپادى. شى جۇنشيۇڭ مۇعالىمنىڭ جەتەكشىلىگىندە، ول ماي بوياۋلى قالاممەن تاستىڭ بەتىنە سۋرەت سىزىپ، تەز ارادا ٴبىر كەيىپكەردىڭ ابستراكت سۋرەتىن سىزىپ شىقتى، ول بىلاي دەدى: ”بۇل تۋىندىنى قاتتى ۇناتتىم، شى مۇعالىمنىڭ جەتەكشىلىگىندە رەڭنەن پايدالانۋ شەبەرلىگىم تولىق ايگىلەنىپ، سۋرەت سىزۋدا ٴتىپتى دە باتىل بولا ٴتۇستىم، مۇعالىمنىڭ جەتەكشىلىك ىستەگەنىنە ايىرىقشا العىس ايتامىن“.
سانجى قالاسى اشىلى سەنترلى مەكتەبىنىڭ ”چۋانجوۋ − سانجى سۇيىسپەنشىلىگى . اۋىل ـ قىستاق جاس وسپىرىمدەر سارايى“ 2002 ـ جىلى 11 - ايدا سالىنعان. جاس وسپىرىمدەر سارايى ىسكە قوسىلعاننان بەرى، فۋجياننىڭ شينجياڭعا باعىتتامالى كومەكتەسۋ چۋانجوۋ بولىمشە قولباسشىلىق شتابى تاراپتاردى سايكەستىرىپ، بۇرىنعى حاتكەرلىك، سۋرەتشىلىك، كەستە، ٴبي كۇرجەگى نەگىزىندە، چۋانجوۋ − سانجى سۇيىسپەنشىلىگى . جاس جەتكىنشەكتەر فۋتبول كومانداسى، چۋانجوۋ − سانجى سۇيىسپەنشىلىگى . دومبىرا كوركەمونەر كۇرجەگى، چۋانجوۋ − سانجى سۇيىسپەنشىلىگى . قاۋىرسىن دوپ كۇرجەگى سياقتىلاردى بەلسەنە قۇردى، قازىر كەستەشىلىك، تاس سۋرەت، قاعاز ويما سياقتى 10 نەشە ەرەكشەلىككە يە كۇرجەك قيمىلى دابىرالى ورىستەتىلۋدە.
سانجى قالاسى اشىلى سەنترلى مەكتەبىنىڭ باستىعى پان جياندۇڭ بىلاي دەدى: ”وسى رەت چۋانجوۋ كوركەمونەرشىلەرىنىڭ مال شارۋاشىلىق رايونىنداعى مەكتەپكە كەلۋى تابىلماس وراي، مەكتەبىمىز شينجياڭدى مادەنيەتپەن نارلەندىرۋدى ىشكەرىلەي اتقارۋ سىندى نەگىزگى تاقىرىپتى مىقتاپ ارقاۋ ەتىپ، چۋانجوۋ كوركەمونەرشىلەرىنىڭ كۇشىنەن پايدالانىپ، از ۇلت رايونىنداعى جاستار مەن ورەندەرگە جۇڭحۋانىڭ ٴداستۇرلى مادەنيەت تاربيەسىن كۇشەيتىپ، چۋانجوۋ، سانجى ەكى جەردەگى جاستار مەن ورەندەردىڭ ارالاسۋىن، ىشتەسۋىن، توعىسۋىن نىعايتىپ، جۇڭحۋا مادەنيەتىن جاستار مەن ورەندەردىڭ كوكەيىنە ۇيالاتۋىمىز كەرەك“.
قيمىلعا قاتىناسقان چۋانجوۋدىڭ ايگىلى حاتكەرلەرىنىڭ، سۋرەتشىلەرىنىڭ سۋرەت سالۋ، حاتكەرلىك، فوتو سۋرەت سياقتى سالالارداعى ٴبىلىمى وتە تەرەڭ. وسى رەت چۋانجوۋ بولىمشە قولباسشىلىق شتابى ”كورىكتى شينجياڭ. سانجىدا قاۋىشۋ“ چۋانجوۋ − سانجى ەكى جەردىڭ مادەنيەت ـ كوركەمونەر اۋىس ـ كۇيىس قيمىلى ورايىنان پايدالانىپ، كوركەمونەرشىلەردى جاس وسپىرىمدەر سارايىنا كەلىپ، ەرەكشەلىككە يە كۇرجەكتەگى بالالارعا ناق مايداندا جەتەكشىلىك ەتۋگە ۇيىمداستىردى، مۇنداعى ماقسات جاس وسپىرىمدەر سارايىنىڭ تاربيەلەۋ ولشەمىن ونان ارى جوعارىلاتىپ، ۇيرەنۋ جولىن كەڭەيتۋ بولىپ تابىلادى.
قيمىل بارىسىندا اشىلى سەنترلى مەكتەبى 4 مۇعالىمدى ”چۋانجوۋ − سانجى سۇيىسپەنشىلىگى . اۋىل ـ قىستاق جاس وسپىرىمدەر سارايىنىڭ“ مەكتەپ سىرتىنداعى جەتەكشى وقىتۋشىلىعىنا ۇسىنىس ەتتى، وسى ارقىلى مەكتەپتىڭ حاتكەرلىك، سۋرەتشىلىك، فوتو سۋرەت تۋىندىلارىن جاراتۋدى ۇزاق ۋاقىت ورىستەتۋىنە جەتەكشىلىك ەتۋگە جانە ەكى جەردەگى جاستار مەن وسپىرىمدەردىڭ مادەنيەت اۋىس ـ كۇيىس قيمىلىن جەبەۋگە كومەكتەسۋگە بولادى.
فۋجيان ولكەلىك اسەمونەرشىلەر قوعامى ماي بوياۋلى سۋرەت كوركەمونەر كوميتەتىنىڭ ورىنباسار باس حاتشىسى، چۋانجوۋ قالالىق جاس اسەمونەرشىلەر قوعامىنىڭ ٴتوراعاسى، چۋانجوۋ سۋرەت مەكەمەسىنىڭ ارناۋلى سۋرەتشىسى، تەتە اعا زەرتتەۋشى لين جيانپيڭ شينجياڭنىڭ سانجى قالاسىنا تۇڭعىش رەت كەلگەنىن، ٴبىراق فۋجيان ولكەسى چۋانجوۋ قالاسى مەن كومەك قابىلداۋشى جەردەگى بۇقارانىڭ تەرەڭ سۇيىسپەنشىلىك ورناتقانىن سەزىنگەنىن، بالالار مەن وقىتۋشىلار فۋجيان ولكەسى چۋانجوۋ قالاسىنىڭ قوناقتارى ەكەنىن ەستىپ، اسا ىستىق ىقىلاس كورسەتكەنىن ءبىلدىردى، ول بىلاي دەدى: ”’چۋانجوۋ − سانجى سۇيىسپەنشىلىگى . اۋىل ـ قىستاق جاس وسپىرىمدەر سارايىنىڭ‘ مەكتەپ سىرتىنان ۇسىنىس ەتىلگەن جەتەكشى وقىتۋشىىلارىنىڭ جاۋاپكەرشىلىگى اۋىر، الداعى جەردە سۋرەت سالۋ جاسامپازدىعى، وقىتۋعا جەتەكشىلىك ەتۋ جاقتارىنداعى قىزمەتتەردى ىستەپ قانا قويماي، ەكى جەردەگى جاستار مەن ورەندەردىڭ حاتكەرلىك - سۋرەتشىلىك جاعىنداعى اۋىس - كۇيىسى، كورمە سياقتى جاقتاردا ىشكەرىلەي قارىم - قاتىناس جاساۋىن جەبەۋگە دە قۇلشىنىس كورسەتىپ، ەكى جەردەگى جاستار مەن ورەندەردىڭ مادەنيەت جاقتا اۋىس ـ كۇيىس جاساۋىنا بەلسەندى ۇلەس قوسامىز“.
اۋدارعان: قادىر ماقان
